لقاء كارثي

لقاء كارثي
أميره أسامه
صاحبة البطل الواحد
البارت الثامن و الاربعون.

…………………….

طارت ليله من هنا بالعربيه و اتحرك عشري عشان يلحقها.

ايمي….عشرررري رايح فين؟

عشري….مش هسيبها يا ايمي و هي في الحاله دي

ايمي…..سيبها يا عشري ليله محتاجه تبقي لوحدها

عشري….مش هقدر يا ايمي مش هقدر لو سبتها لوحدها الوقت بالذات انا هخسر ليله

ايمي….وانا حافظه ليله اكتر منك اسمع كلامي و سيبها لوحدها هنروحلها و هنتكلم معاها بس خليها تاخد وقت بسيط

عشري….وقت قد ايه يا ايمي انا مش هقدر

ايمي….اسمع كلامي يا عشري ليله الوقت بالذات محتاجه تبقي لوحدها خليها تخرج اللي جواها وتهدأ

رشيد….عشري اسمع الكلام ايمي معاها حق

عشري….مش هقدر و الله ما هقدر مش هفضل قاعد و حاطت ايدي علي خدي و مستنيها تهدأ لوحدها

ايمي….تعالي خلينا نتكلم انا محتاجه يا عشري افهم حجات كتير اوي عشان انا اقدر اتصرف انا ليا تأثير علي ليله بس كمان لازم افهم

عشري…..انا قولت كل حاجه يا ايمي
لو حابه تعرفي اكتر الشباي تقولك سبيني امشي

ايمي….عشان خاطر ليله يا عشري متروحش لليله الوقت سيبها تهدأ

عشري….هسيبها يا ايمي مش هروحلها انا هروح اجيبلها حقها من اللي وصلها للحاله دي

فضل….عشري مش وقت مريم خالص

عشري…..لا وقتها يا فضل وقتها لازم ادفعها التمن

قرب منه رشيد و سحبه غصب عنه

رشيد….ادخل كده خلينا نتكلم شويه و نهدأ و بعدين هنقوم كلنا نروح لليله و انت عايز تروح لمريم روح بس لازم نتكلم و نهدأ

نعيمه……ايه هاتي الچاكت بتاعي و مفاتيح العربيه

ايمي….نعيمه احنا قولنا هنتكلم

نعيمه….مش عايزه اسمع يا ايمي انا عايزه اشوف ليله انتي مش شايفه طلعت زي المجنونه ازاي

ايمي….ادخلي قولت خلينا نتكلم ادخلوا انتوا كمان هنروحلها الوقت بس لو لمحتنا وراها هتزود السرعه و هيحصلها حاجه سيبيها في اللي هي فيه

دخلتهم ايمي كلهم و الشباب دخلوا وراء عشري و رشيد.

حط سلامه أيده علي ضهر ايه وهو داخل عشان يدخلها عادي بعدت ايه ايده عنها بغضب و دخلت علي جوه

بص سلامه لعسال بصه كأنه بيقولوا ده اللي كنت خايف منه

عشري فضل رايح جاي ايده علي راسه مش قادر يستوعب اللي حصل هيموت علي ليله و وجعها

بعد ما دخلوا كل واحد فيهم وقف في مكان البنات بعيد عن الشباب و عشري رايح جاي.

عشري….لا لا انا مش هقدر انا هروح لليله مستحيل اسيبها في الحاله دي لوحدها.

نعيمه…..بغضب ايه خايف عليها؟ لما انت خايف عليها اوي كده عملت فيها كده ليه؟

ايمي….بغضب يا نعيمه بقييييييي

فضل……نعيمه من فضلك خدي بالك من كلامك

عشري….سيبها يا فضل

نعيمه…..انت بتتكلم ليه أصلاً بتدافع ليه عن الغلط انتوا شوفتوا ليله وصلت لايه

فضل….وطي صوتك يا نعيمه و بلاش تولعيها اكتر ماهي والعه انا لا بدافع و لا بتنيل انا مش عايز الموضوع يكبر

نعيمه…اه انا هولعها اكتر يا فضل حلو كده حقيييييييييي اللي انت داريت عليه ددددده يخصك و اللي اتوجعت و اتجرحت قدامكم دي تخصني يبقي حقي و اوعي تقولي مره تانيه اسكتي انت فاهم

قرب منها فضل بنظره غضب كان عايز ياخدها و يتكلم معاها بعيد

فضل….يا نعيمه يا نعيمه اسكتيييييي

سلمي…..بغضب وقفت وسطهم ايه يا فضل ايييييييه هتعمل ايه سيبها و لا مش من حق اي حد فينا يعترض مش من حق اي حد فينا يعبر عن وجعه هتتخانق و لا هتمد ايدك

فضل….بصدمه امد ايدي ؟ انتي بتقولي ايه يا سلمي انا بحاول اسكتها و اخدها بعيد انتوا جرالكم ايه بجد

حسان….سلميييييي

سلمي….بغضب ايه يا حسان مالها سلمي كمان هتتعصب و هتزعق انت كمان

قعدت ايمي علي كرسي جنب عشري ما كان واقف حطت رجل علي رجل و ولعت سيجاره و قعدت تتفرج عليهم وسابتهم

سلامه…حسان اسكت الله يخليك وانتي يا سلمي اهدي فضل بيتكلم مع نعيمه عادي

نعيمه….لا ملوش كلام معايا اصلاً

سلامه…..يا نعيمه اسكتي بالله عليكي

فضل……نعيمه انتي واقف معاكي ست رجاله قدرينا يا نعيمه و اقعدي و اسمعي

نعيمه…..والله و مين فيكم قدرنا

رشيد….محدش فينا يا نعيمه عمل لاي حد فيكم حاجه تضايقه محدش فينا زعل حد فيكم

نعيمه….واللي حصل مع ليله ده ايه

رشيد…..لو هتتكلمي عن ليله يبقي متجمعيش نفسكم ده اولاً ثانياً محدش فينا كلنا بما فينا عشري يفكر انه ميقدرش ليله ليله ليها كل الاحترام و التقدير و غاليه عندنا كلنا اللي حصل غلطه سوء تفاهم اي حاجه لكن كل ده كان بدافع الحب

نادين……بس ده مش حب يا رشيد اللي بيحب حد مش بيجرحه

رشيد….محدش فينا يا نادين قصد الجرح لليله عشري كان عنده فكر مختلف غلط اكيد مش هننكر بس هو فكر كده و احنا احترمنا طلبه و دي كل الحكايه.

سلمي…..انت بتبرر ايه يا رشيد ؟

نعيمه…..لا ما هو انتي الوقت هتسمعي كمية تبريرات ملهاش عدد
بس لو الموقف ده اتعكس و واحد فيهم هو اللي اتحط في نفس الموقف ده مش هيبقي رد فعلهم

حسان…..سلمي من فضلك انتي و نعيمه كفايه ارجوكم كفايه .

سلمي….هو ايه اللي كفايه بالظبط

حسان….. انتي ايه اللي جرالك يا سلميييييييي

سلمي….جرالي ايه انتوا اللي ايه جرالكم ده انا بدأت اشك فيكم كلكم مش بس عشري كام قناع لابسينه بجد مش فهماكم

نعيمه…..لا كتير كتير اوي متعديش و مش بعيد زي ما هما داروا عليه هو كمان مداري عليهم في بلاوي

فضل….يا بنتي اسكتي احنا دخلنا عشان نتكلم مش عشان نتخانق و نولعها اكتر

نعيمه…مفيش بينا و بينكم كلام يا فضل اللي اتعمل في ليله مش هيعدي اوعي تفكر ان اللي كسر ليله بالشكل ده هو عشري بس ليله اتصدمت فيكم كلكم.

سلمي…..دي اعتبرتكم اخواتها دي مكانتش بتفوت فرصه غير لما توصينا عليكم و تشكر فيكم هانت عليكم طب هو وغلطططط انتوا ليه مضغطتوش عليه اكتر ليه منصحتهوش دي اعتبرتكم عوض ليها عن كل راجل دخل حياتها و مكانش معاها رااااااجل من اول ابوها اللي سبب في كل ده لاخوها اللي خذلها كتير لخطيبها لاهلها لكل حد وجعها ازاي بجد عملتوا فيها كده ازاي محدش فيكم فكر يصارح اي واحده فينا علي الاقل كنا فكرنا مع بعض

نادين….كان لازم حد فينا يعرف كان لازم نلاقي حل

عسال….الحل الوحيد يا نادين ان عشري كان اتكلم وهو مقدرش كلنا كنا ضده بس لو فكرنا بالعقل همس دقايق علي بعض هنلاقي انه كان معاه حق ليله طبعها صعب و رفضها للكدب مش طبيعي

نادين….انت كمان بتبرر ايه حتي لو رد فعلها للكدب مش طبيعي ماهو حقها انتوا بجد ازاي عايزين تمنعوها تاخد رد فعل

عسال…..مين اللي منعها ليله رد فعلها كان قوي و محدش فينا نطق سيبناها تقول كل اللي جواها عشان ترتاح لانه حقها انتوا محدش فيكم لسه يعرف عشري ولا حتي ليله نفسها عرفته الراجل ده يموت ولا انه يقبل علي نفسه الاهانه و التجريح وليله سمعته كتير و هو سكت و منطقش و ده يوضح لاكل واولهم ليله ان عشري بيحبها اكتر من نفسه

نادين….وليه منقولش انه سكت عشان عارف انه غلطان

عسال…..هو الاعتراف بالغلط عيب اااااه غلطان و كلما غلطنا و معترفين بص لعشري بغضب و خد بااااالك انا اول واحد غلطت انت شكيت اني اقول لليله و انا مكنتش هقول بس انا كان لازم مسمعش كلامك واقولها لان مهما حصل وقتها مكناش هنوصل للمرحله دي طريقتي كانت هتبقي مختلفه تماماً عن طريقه مريم يا عشري

عشري….بنبره حزن ياريتك قولتلها

نعيمه…..ايه هنقعد نغني و نرد علي بعض انت ياريتك و هو يارتني ايه كده خلصت يعني خلاص جايين تندموا الوقت لما القيامه قامت جاي تندم الوقت يا عشري لما خطيبتك داست علي ليله

عشري…….ما عاش ولا كان اللي يدوس علي ليله و من فضلك يا نعيمه كفايه كلام سخيف ليله حقها هيرجع تالت و متلت

نعيمه….و تفتكر هتقدر تشيل وجعها من اللي سمعته زي ما هتقدر تجيب حقها

فضل……انتي بجد مش معقوله انتي فيكي ايه يا نعيمه انتي ليه عايزه الدنيا تولع اكتر ليله نفسها لو الموقف ده معاكي مستحيل تعمل كده

نعيمه…..ليله لو مكاني هتووووولع في الكل عشاني و عشان اي واحده فينا دي اوعي تفكر انت و هو ان القوه اللي فيها ليله دي نزلت عليها هديه من السماء القوه دي ليله دفعت تمنها قلبها كله.

سلمي…..لا تلوم نعيمه يا فضل ولا اي حد فيكم يلومنا علي رد فعلنا ليله مش مجرد صاحبه ولا حتي ليله عملت في حياة كل واحده فينا اللي احنا مقدرناش نعمله لنفسنا فا اوعوا تلومنا علي رد فعلنا دي ليله يا فضل

هنا حسان انفجر حس ان علاقتهم كلها بتدمر ولازم الكل يسكت و يهدأ و يسمع الهدوء اللي ديماً ملازمه اتحول لانفجار حقيقي

حسان…..بااااااااااااااااس

الكل اتخض و بص علي حسان

حسان…..انا مش عايز اسمع صوت بص لنعيمه انتي هتقعدي هنا و هتسمعي و انتي كمان هتقعدي و تسمعي

بصتلوا سلمي بصدمه كانت اول مره تشوفوا كده سكتت و منطقتش

نعيمه…..انت بتعلي صوتك ليه؟

حسان….اقعدي يا نعيمه

نعيمه….مش قاعده و همشي

حسان…..تمام وريني هتمشي ازاي

راح علي الباب قفل بالمفتاح و حطه في جيبه و بصلهم

اسمعوني انتوا الخمسه كويس انا مقدر وجعكم علي ليله كويس اوي لان احنا السته واولنا الراجل ددددده
شاور علي عشري

موجوعين عليها زيكم بالظبط يعني محدش في البيت ده يزايد علي التاني في وجعه كلكم هتقعدوا وهتسمعوا وهتقتنعوا عشان اللي هيتقال مش كدب

نعيمه…..افتح يا حسان الباب

رشيد….نعيمه اقعدي من فضلك

نعيمه….مش قاعده بقولك افتتتتتح

حسان…..لا و هتقعدي و هتسمعي الكلام و هتحترمينا شويه

نعيمه….بصت لفضل بغضب تستنجد بيه بعد ما روقته فضللللل خليه يفتح الباب

فضل….لا و هتقعدي زي ما قال و هتسمعي مننا و مفيش واحده فيكم هتخرج من هنا غير لما تسمع

حسان….بغضب اقعدوووو اييييه بدل ما نهدي الدنيا بنبوظها اكتر مبسوطين كده واحنا كلنا ماسكين في بعض اقعدددددي بقولك

بصتلوا نعيمه بخوف بسيط و هي كمان اتصدمت من رد فعله و راحت وقفت بعيد و ربعت ايدها بغضب

حسان…..يكون في علمكم اللي بتعملوا ده مش صح انتوا لو بتحبوا ليله بجد مش هتعملوا كده مش هتولعوها اكتر عاتبوا و ازعلوا بس اختاروا الوقت الصحححححح انما كل واحده فيكم يمسك في التاني مش صحححح خاااالص مش واخدين بالكم ان ثواني كمان وهنطلع كلنا من هنا مفركشين علي كده عشري كان معاه حق لما طلبنا منه يتكلم قال لا لما علاقتكم تبقي اقوي بالبنات هتكلم.

كان عارف ان ده هيحصل عشري لو كان من البدايه قال و سمع كلامنا مكانش زماننا الوقت هنا بنبارك لايمي ورشيد مكانش عسال اتجوز نادين لان باختصار مكانش حد.فبكم هيطلع جدع مع ليله و يحاول يصلح لااااااااا الكل كان هيزعل علي زعلها

بس اللي عشري معملش حسابه ان احنا الوقت بعد ما علاقتنا بقت اقوي بردوا انتوا مستعدين تتخلوا عننا و مستعدين تمسكوا فينا و نمسك فيكم و نولع الدنيا اكتر و بدل ما يبقي في علاقه واحده بس بنحاول نصلحها لانها تستاهل لا انتوا عندكم استعداد الوقت حالاً تبوظوا ست علاقات فاكرين ان العتاب و الزعل و الصوت العالي هيريحكم فاكرين ان انتوا كده بتجيبوا حق ليله غلطانين اقولكم علي حاجه ليله و ايمي اللي مفتحتش بوئها دي اجدع اتنين فيكم عارفين ليه لان عمر المشاكل ما اتحلت بالطريقه دي

بدل ما نقف جنب بعض كلما و نحط ايدينا في ايد بعض عشان نحاول نصلح الموقف ده بين ليله وعشري و نبقي ليهم سند وضهر واققين قصاد بعض نزود هم عشري و نولع قلب ليله و نمسك في بعض اكتر

أنتوا لو بتحبوا ليله بجد هتأجلوا كل ده لحد ما نلاقي حل و نقف مع الغلبانه اللي قلبها اتوجع دي انما هي لو والعه قيراط عمايلكم دي بتولعها اربعه و عشرين

سلمي…..هو احنا لما نتوجع علي وجعها و ندافع عنها نبقي بنتخلي عنكم

حسان…..اتوجعي و دافعي بس اوعي تتهمي حد فينا بالتقصير انتي لسه حالاً قايله مش عارفه مين صادق و مين كداب و نعيمه بتعلي معاكي اكتر يعني مفيش ثقه يا سلمي يعني عشري كان معاه حق كان لازم نقوي ثقتنا بيكم قبل ما نقوي حبنا

نعيمه…..حط نفسك مكان اي واحده فينا يا حسان و بعدين ارجع اتكلم ليله لما اتعمل فيها المقلب في دهب راحت قالت لايمي و مهمهاش انها تتوجع بس الاهم متكملش مع واحد خاين ليله كانت اجدع مننا احنا شخصياً

حسان…..اديكي قولتيها بنفسك ليله كانت اجدع منكم تقدري تقوليلي مقولتيش ليه لايمي هاااااا عشان خوفتي عليها و علي زعلها خبيتي علي صاحبتك و سكتي و ده مش معناه انك بتكرهيها صحححح ربنا خلقنا كل واحد ليه عقل و كل واحد فينا ليه قلب عقلك اللي بتفكري بيه غير عقل اي واحد فينا و قلبك اللي كله مشاعر غير قلب اي واحد فينا مشاعرنا مختلفه تعبيرنا في المشاعر مش واحد يا نعيمه اللي انا اقدر اعمله غير اللي اي حد فينا يعمله.

انا مش هتكلم عن عشري الوقت انا هتكلم عننا احنا الخمسه لو انتوا شايفين ان في حد فينا غلطان حطوا نفسكم مكاننا لو ليله نفسها اتحطت في نفس الموقف و قالت لاي حد فيكم ميتكلمش هتقولواااا لينا سرها اللي امنتكم عليه؟

اتحداكي تقولي اه

نعيمه…..لو ليله في نفس الموقف هقولك اه

فضل…..انتي مالك و مال ليله الوقت ليله احنا عرفنا طبعها خلاص بس انتي لو حد في البنات قالك علي حاجه هتطلعيها اكيد لا و خليكي صريحه مع نفسك يا نعيمه حتي لو هتكابري قدامنا محدش فينا قدر يتكلم لان بالمنطق كده لو واحد فينا راح قال لليله كل ده وقتها عشري هيخسرنا

نادين….بتوتر و حزن اااانا عايزه امشي

حسان…..انا قولت مفيش حد هيمشي من هنا

عسال…..حسان اهدأ شويه نادين وأيه متوترين و الموضوع مش ناقص

حسان….نادين من فضلك لو بتحبي ليله اقعدي لو حد فينا خرج من هنا قبل ما نصفي اللي بينا ده الموضوع هيكبر و اطرافه مش هتبقي عشري و ليله بس.

عشري….انا عارف ان محدش فيكم طايقني الوقت و حقكم انا مش هبرر لاي حد ولا هطلب من اي حد يسامحني بس لو في حد فيكم في ذره حب للشباب طلعوهم بره الموضوع زي ما حسان قال انا اللي طلبت منهم محدش فيهم ينطق و هما سمعوا كلامي بس في مقابل ده اتكلمنا كتير و فتحنا الموضوع اكتر نصحوني و حاولت انفذ كلامهم اكتر من مره بس كل مره الحظ كان بيعاندني

نعيمه…..و خبيت ليه من الاول ليه مصارحتهاش لو بتحبها بجد؟

عشري…بنبرة غضب بسيطه مليانه وجع نعيمه انا مقدر زعلك علي ليله بس اوعي تفكري انك تقللي من حبي لليله انا واقف هنا قدامك الوقت زي العيل الصغيرررر وحاطت في بوئي جزمه عشان غلطت غلطي الوحيد اني خوفت ليله تبعد عني اكتر من كده انا مغلطتش انا عشانها خدت قرار في اسبوع واحد اني هنزل القاهره اخلص كل حاجه مع مريم و لما حصل حالة الوفاه عندها بلغت اهلي كلهم ان في حد تاني في حياتي و اني هستني احتراماً لحرمة الميت و بعدها هقول لمريم انا كنت راجل مع ليله دخلت بيتها و طلبت ايدها علي سنه الله ورسوله ده بعد ما كنت خلصت من موضوع مريم

و كنت مستعد اعمل معاها اي حاجه تفرحها في مقابل اني احافظ عليها

نعيمه…..كنت مستعد تعمل معاها كده عشان تريح ضميرك يا عشري لان لو كدبتك مكنتش اتفضحت انت كنت كملت و ضميرك كان تاعبك عشان كده كنت بتحاول تعوضها

عشري…..اه يا نعيمه انتي صح لما قررت اني مش هقول لليله يوم الحادثه بتاعت ابن البواب و شوفت حالتها رجعت في كلامي و الكل هنا كان شاهد اني هقولها في نفس اليوم و انا مقدرتش لان مكنتش هقدر اخسرها كنت اناني و بعترف فضلت اني افضل كداب بس مخسرهاش بس كمان انا مكنتش متجوز عليها انا كنت خاطب و سيبتها يعني مفضلتش معيشها الوهم لما كنت مع ليله انا مكنتش مع مريم كدبتي وقتها اني كنت خاطب لكن بعد ليله انا معملتش اي حاجه كنت بحاول افرحها علي قد ما اقدر كنت بحاول أكون جنبها في كل لحظه عشان مضايق اني مخبي عليها حاجه لا كنت بكلم مريم ولا كان في بينا حب و لا خروج وقتي و حياتي كلها كانت لليله وبس و كلكم عارفين كويس اوي اني حتي لو كنت قولت لليله و صارحتها ده كان هيبقي نفس رد فعلها..

ايه….بدموع انا ممكن أسالك سؤال

عشري…..اسالي يا ايه و بطلي عياط

ايه….انت ليه لما كنا بنتكلم في دهب و بنتعرف علي بعض مقولتش لليله

عشري….لان اللي حصل مع عسال حصل معايا عسال حب نادين من اول نظره انا حبيت ليله بس مكنتش فاهم شعوري لان اصلا كنت رايح هناك اهرب من وجع بيطاردني بقاله شهرين كنت حابب اخد قرار نهائي بس ومقدرتش احكم علي شعوري كويس مكنتش فاهم ده ايه بالظبط لما شوفت ليله جذبتني اتشديت ليها قلبي قالي هي دي مكنتش عارف اني هقع في حبها عجبتني كلامها طريقتها قوتها جرأتها كل حاجه و صدقيني كنت هقولها او تقريباً قولتلها كنت واقف مضايق و سرحان ولما سألتني و هي بتضحك قولتلها معلش اصلي عريس وداخل علي جواز

ايمي….بحزن و للاسف يا عشري ليله فكرتك تقصدها الكلمه دي انا افتكرتها لما كنا بنتكلم انا و البنات عليكم في الاوضه و بدأت تقول هي حاسه بايه من ناحيتك قالت كمان انها حاسه منك بتلميح و قالت نفس الجمله دي اصلي عريس وداخل علي جواز فكرت انك بتلمح ليها

عشري….يمكن ده اللي انا فهمته بعدين بس انا وقتها كنت مستنيها تسأل و نتكلم مع بعض و أحكيلها بس محصلش و بعدها بدأنا نقرب حسان لما قال ان كل دقيقه بنقضيها مع بعض بتساوي يوم بره مكدبش انا كل ثانيه كنت بقضيها مع ليله كنا بنتكلم اكتر و بناخد علي بعض اكتر و بنقرب اكتر عرفت طبعها عرفت حجات كتير عنها و بعدها محستش اني عايز اقول الوقت لاني عايش معاها شعور حلو اول مره اعيشه كنت خايف لو عرفت قبل ما اعترفلها او تعترفلي تاخد جنب و تبعد و تفكر انها بتقرب من راجل مرتبط لاني قولتلك عرفتها و عرفت طبعها قررت مقولهاش و لما انزل واخلص من موضوعي مع مريم هقولها قولت حتي لو اضايقت اني خبيت هترجع تفهم اني عملت ده عشانها بس بعدها عرفت ان ليله لا بتحب الكدب و لا الخيانه مش هكدب عليكي يا ايمي لو سألتي اي حد فينا بتكره ايه اول حاجتين هيقولهم الكدب و الخيانه بس احنا ممكن نسامح انما اللي اكتشفته ان ليله بتكرههم بجد مش جمله بترددها وخلاص و كان ليها معاهم مواقف و بردوا حاولت و اول حاجه وقفتني المقلب اللي عملناه فيهم خوفت من رد فعلها اللي خلاها تقرر توجع صاحبتها بالحقيقه بدل ما تكدب عليها فهمت ان هي هنا بجد معندهاش استعداد تتحمل الكدب لما حكيت حكايه صحبتها عرفت ان الموضوع عقده و شعور بالذنب لسه ملازمها

انا مقدرتش يا جماعه مقدرتش و مكانش عندي اي استعداد أخسرها

و مع ذلك حاولت كتير لما رجعنا و معرفتش انا كان ممكن اشك في صحابي انهم يغلطوا قدامها في اهلي بس مريم الوحيده لا و قولتها للشباب قالولي افرض مريم حبت تعرفها افرض اتوجعت انك سيبتها وحبت توجعك قولتلهم مش هيحصل و لا هتتوجع لان انا اللي كنت عارف ان الموضوع مش كده معاها انا اللي عارف ان اللي بينا انتهي من اول اسبوع

سلمي….و هي ليه تعمل كده يا عشري لما انتوا متفقين يعني مجاش في بالها ان لو ليله واجهتك و حصل بينكم اللي حصل ده ان انت تروحلها وتقولها ليه عملتي كده تفكرها بالسر اللي بينكم مثلاً

عشري…..ده اللي هيجنني انا مش عارف هي ليه عملت كده والله العظيم ما عارف و لازم اعرف منها ازاي قابلت اللي عملتوا معاها بالشر ده كله كان ممكن استوعب لو كان في بينا حب هقول بتنتقم ماهي ست و كرامتها وجعتها كان ممكن اقول كده لو انا وعدتها بحاجه بس حتي و انا عمال اخد وادي مع نفسي اتجوزها و لا متجوزهاش هقدر اكمل بعد ما عرفت السر ده و لا مش هقدر قدام شويه الموضوع هيأثر عليا كاراجل ولا لأ.

هي مكانتش تعرف عن الصراع النفسي اللي كنت عايش فيه ده حاجه كنت محتار ما بين اني اكمل ستر ربنا عليها و لا أبعد زي ما اتفقنا مكانتش تعرف حاجه خالص عشان كده مش لاقي مبرر للي هي عملته يا سلمي .

نادين….بس انت عارف يا عشري انت زي ما ليله قالت حسبتها غلط كنت فاكر ان لما الوقت يعدي و ليله تتمسك بيك اكتر هترضي كنت فاكر ان لما الوقت يعدي و علاقتنا بيكم كلنا تبقي اقوي محدش فينا هيسيب التاني و أديك شايف احنا وصلنا لايه المشكله يا عشري ان مهما كان حبنا ليكم كمان احنا مطلعناش بالدنيا دي غير ببعض

يمكن انا مع كلام حسان اللي بيحصل مش وقته و لا وقت ان حد فينا يزعل منكم و انا مصدقاك يا عشري و واثقه في حبك لليله و كمان سكتت شويه و دموعها ملأت عنيها كمان عارفه انك خوفت تخسرها غلطت مش هنقول لا بس اوقات لما بنحب اوي بنعمل زي الدبه اللي قتلت صاحبها انت عشان تحافظ علي ليله غلطت و وجعتها و المشكله انك كنت عارف انها لما تعرف هتتوجع بس زي ما قولتلك انا مصدقاك و بما اني عارفه ليله كويس فا هي كمان اطمن مصدقاك و اللي واجعها الوقت اكتر كرامتها و اللي واجعها ان انت وهما و اهلك و كل اللي كان عارف انك خاطب خبي عليها فا هي هنا مش مصدومه فيك انت بس .

و الحقيقه ده مش بس احساسها انا يمكن عذراك و عذراهم لان انتوا صحاب و طبيعي يبقي في بينكم اسرار بس انا عن نفسي زعلانه منكم اوي سكتت ثواني و خرجت نفس طويل زعلانه عشان انا مشوفتش منكم غير كل حاجه حلوه و قفاتكم كلها معايا تبين قد ايه انتوا رجاله و جدعان و اخوات بجد و مش معايا بس معانا كلنا بس اللي واجعني هو وجعكم لليله مش عارفه اعاتبك ولا اتعاطف معاك مش عارفه ازعل من ميدو ولا اعذره كلكم بصراحه انا حالياً حاسه اني تايهه لا بفكر ازعل منك ولا بفكر ازعل من اي حد حتي انت يا ميدو مش عارفه اعمل ايه معاك

بصلها عسال بحزن و منطقش

نادين…..انا حالياً مش عايزه غير حاجه واحده بس كلنا نفكر في ليله

حسان….براڤو عليكي يا نادين ودي اهم حاجه الوقت اللي فيكم عايز يعاتب يزعل يعمل اي حاجه بعد كده
محدش فينا هينطق معاكم و هيبقي ليكم كل الحق بس الوقت لازم نفكر في ليله و نحاول نهديها

نعيمه…..بتركيز يبقي هي اللي انا شوفتها و انا نازله امبارح لفضل هي طلعت و انا نازله و قالت كلام غريب انها عايزه نادين وعندها شقه عايزه تبيعها و بتحاول توصل لنادين عشان مردتش عليها تاني انتي في حد كلمك و اعتذرتي ليه يا نادين؟

نادين….لا محصلش انا عمري ما اعتذرت لاي حد عن شغل يجيني

بصت نعيمه لفضل.

نعيمه…..طب وانت انت ازاي مشوفتهاش دي وهي بتكلم ليله علي الانتر كوم كنت انت بتقولي انك تحت و وصلت.

بصلوا عشري بتركيز و سكت

فضل…..ااااااا انا وقفت علي جنب و منزلتش من العربيه و مشوفتهاش اصلاً بص لعشري اييييييييه خير ايه البصه دي انت كمان متفق معاها مثلاً عليك

رشيد….انت جرالك ايه انت كمان هيشك فييييييك ايه هنبدأ نشك في بعض ما تفوق منك ليه

فضل….انت مش شايف بصته

عشري….فضل انا علي اخري و مجتش جنبك ولا نطقت

فضل…..منطقتش يا عشري بس بصتك ليا واضحه اوعي يا اخويا وجعك يخليك تشك فينا

حسان…..انت هتسكت انت كمان ولا لا هو منطقش و ملكش دعوه بيه الوقت يبص ميبصش سيبه

نعيمه….بضحكة سخريه لا واضح فعلاً الثقه اللي بينكم عايزنا احنا بقي نثق فيكم ازاي

فضل….نعيمه نعيييييييمه انا جبت اخري

نعيمه…..قولتلك اوعي صوتك يترفع عليا

عسال……بغضب ما كفااااااايه بقي انتوا فيكم ايه مصدقتوا مشكله تحصل

حسان…..بجد عيب و الله عيب

رشيد…..فضل اسكت شويه

فضل…..انا منطقتش يارشيد بس نعيمه بتتلكك

نعيمه…..انا بتلكك

ايه……يا جماعه سيبونا نعبر عن غضبنا بطريقتنا ليه مش قادرين تتحملونا احنا موجوعين عشان ليله

سلامه….ايه اسكي و متدخليش من فضلك

ايه…..يعني ايه متدخلش هي مش اللي حصل معاها كده صاحبتي كلهم عمالين تزعقوا و تتعصبوا زي ما خدتوا فرصتكم في توضيح غلطكم اتحملوا رد فعلنا

سلمي….صح انتوا كنتوا فعل انما احنا رد فعل

حسان…..و فهمناكم الحكايه من اولها لاخرها اعترفنا بغلطنا باين علي كل واحد فينا انه مش راضي و زعلان
نعمل ايه تاني

رشيد…..انتوا مش حابين تاخدوا حتي ثانيه من وقتكم تفكروا شويه ان الغلط مكانش مقصود وان محدش فينا كان حابب نوصل لكل ده

نادين……صح يا رشيد بس احنا فهمنا و عذرناكم و حتي نعيمه كمان فهمت بس غصب عننا

عسال….ناديييييين خلاص

نادين….خلاص ايه

عسال…..خلاص اسكتي انتي وهما ارجوكم كفايه بجد احنا لحد الوقت مقولناش جمله مفيده.

سكتت نادين و هي باين عليها الغضب و حصل ثواني من الصمت

وبعد صمت دام كتير خدت ايمي نفس طويل وخرجته بهدوء مع دخلن سيجارتها قربت من الطفايه طفتها و نطقت اخيراً بكل جديه و قوه .

ايمي…..ايه خلصتوا خناق خلصتوا صوت عالي وقلة قيمه وشك في بعض خلصتوا قلة ثقه و اتهامات ولا لسه شويه يلا نقطع في بعض يلا نمسك في بعض قامت بهدوء و راحت علي البنات وقفت قدامهم كانوا واقفين كلهم جنب بعض.

ايمي……اقلعي الخاتم بتاعك يا نعيمه و انتي كمان يا سلمي ووانتي يا ايه يلاااااااااااااا اقلعوا خواتكم.

بصولها البنات بصدمه و بدأوا يبصوا لبعض و بصوا الشباب لبعض بترقب.

ايمي….ايه مالكم واقفين متنحين كده ليه مش انتوا مصدومين فيهم مش انتوا ثقتكم فيهم اتهزت هتكملوا معاهم ليه يلا اقلعوا خلينا نخلص الوقت و انت يارشيد انت و عسال ارموا يمين الطلاق عليا انا ونادين خلينا ننهي كل حاجه الوقت

نظرات الاستغراب اتحولت لصدمه للكل معادا رشيد اللي كان واقف هادي و جواه ابتسامه بسيطه عشان فاهم هي بتعمل ايه.

سلمي….بتوتر ايمي انتي بتقولي ايه

ايمي….اللي سمعتيه يلاااااا اقلعي الخاتم انتي و هي انا اعرف ان اللي تشك في الراجل اللي معاها متفضلش معاه لحظه و اعرف كمان ان قلة الثقه بين اي اتنين مرتبطين معناها ان العلاقه بينهم هتبقي فاشله و بعدين انتوا ماشاء الله عندكم الاتنين شك و قلة ثقه و بما اننا عايزين نطلع جدعان مع ليله اوي كده يبقي نخلص الوقت و زي ما كلنا ارتبطنا سوا نفشكل سوا عشري كدب و هما شاركوا في كدبته هنستني ايه تاني نخلص بقي و ننهيها بكل هدوء و لو علي ليله هنقدر ننسيها اللي حصل ما احنا زي ما قالت نادين مطلعناش من الدنيا غير ببعض يعني بيهم من غيرهم هنكمل صح يلا اقلعوا

سلمي…..ايمي جرالك ايه

ايمي….يلا يا نعيمه و انتي يا ايه

ايه….بتوتر و خوف بصت لسلامه و بعدين بصتلها ايمي انا منطقتش علي فكره انا كنت بتكلم عادي لا زعقت ولا عليت صوتي

ايمي….يعني ايه مش هتقلعي

بصتلها بصمت وهي بتهز راسها و قابضه ايدها علي الخاتم

ابتسم سلامه ابتسامه تكاد تكون معدومه وهو كمان فهم زي رشيد.

ايمي….وانتي يا نعيمه و انتي يا سلمي ساكتين ليه ؟ شايفه يعني كل واحده فيكم ماسكه الخاتم و قافله ايدها عليه ايه لسه متمسكين بيهم

فين الصوت العالي و قلة الاحترام فين عدم الثقه ده انا قولت ثواني كمان و كل واحده فيكم هترمي الخاتم و تقول مش هكمل ثواني كمان و كنت هلاقي الشيطان ماسك ايد كل واحده فؤكم وخارج بيها.

لما انتوا متمسكين بيهم اوي كده لزومه ايه كل ده

اسمعيني انتي وهي كويس بصت للشباب و كلامي ليكم انتوا كمان

اولاً كلامي ليكي انتي وهي انا علي اخري و شياطين الدنيا بتتنطت قدام عيني و انتوا اظن عشرة عمري و حافظني كويس زي ما انا حافظه و فاهمه كل واحده فيكم انا غضبي ملهوش حدود غضب ليله كوم و غضبي كوم تاني يا نعيمه سمعاني

من اللحظه اللي احنا فيها دي لو سمعت صوت واحده فيكم انتوا الاربعه تاني مش هيبقي ليكم عندي غير اوسخخخخخ جزمه

انا سيبتكم تطلعوا اللي في قلبكم لكن هيتحول الكلام لحجات الكل يندم عليها مش هسمح ابداً

مش هسيب ليله في وجعها ده واقعد احايل فيكم عيييييييب اكبروا انتوا مش عيال.

انتوا كده يعني جامدين و جدعان واقفين جنب صاحبة عمركم و واقفين تحاسبوا الكل انتوا مين انتوا عشان تحاسبوا اي حد في غلط الحساب فيه واجب وفي غلط مينفعش ابداً نعلق عليه المشنقه

لما تقفوا تعاتبوا وتلواموا و تزعقوا و تهدوا كل حاجه عشري هيرجع بيه الزمن و يتكلم ليله وجعها هيخفففف ما خلاص اللي حصل حصل

في غلططططط اه في بس كلما عارفين ان الغلط مكانش مقصود

كلنااااااا بنغلط و سبق و انتي يا نادين وليله خبيتوا اللي حصل معاكي من هادي علي الكل ليله خلتك تردي علي عشررررري عشان مقدرتش تكدب بس احنا مش برياله و الاتنين دول عدوها بمزاجهم هي اشتكرت معاكي في كدبتك عادي عرفت وسكتت يعني شريكتك بس هي كمان غلطت غلط غير مقصود ووالكل عداها و صدقها

محدش فينا مش بيكدب محدش فينا مش بيغلط محدش فينا معصوم من الغلط و زي ما قولت في غلط الحساب فيه واجب و في غلط مفيش فيه سماح و في غلط مينفعش نعلق عليه المشنقه

صحاب جدعان انتوا اوي كل واحده فيكم شابفه باقي الشباب صحابها و اخواتها طب اخوكم اهووووو واقع في مشكله تهد الحيل فين وقفتكم معاه فين وقفتكم مع ليله

هو انتي يا خايبه منك ليها فاكرين انكم لما تدافعوا و تتخانقوا وتتعصبوا و تولعوا الدنيا نار و تروحوا لليله تقولولها انتي صح و معاكي حق ليله كده هترتاح هتقول عليكم بنات بميت راجل وقفتوا جنبي و كنتوا سند ليا

بالعكس ليله عابزه اللي يطفي نارها عايزه اللي يضحك عليها بكلمتين و يحسسها انها مكبره الموضوع عايزه اللي يقعد معاها بهدوء و يطبطب علي قلبها و ياخدها في حضنه و يقولها خدي وقتك بس اوعي تعملي تصرف غلط ليله بتحب عشري وكلكم عارفين كويس عشري عندها ايه.

الصاحب الجدع اللي يصلح مش يبوظ الصاحب الجدع اللي يلم مش يبعزق الصاحب الجدع اللي يطفي مش يوووووولع الصاحب الجدع اللي يقرب مش يبعد الصاحب الجدع اللي يحل مش اللي يصعب و يعقد

الشخص الذكي اللي يبقي عارف دماغ اللي قدامه و يحاول يعمل عكس اللي القدامه بيقولوا هي ثاااارت وقلعت خاتمها و خلصت الحكايه و قالت بعلو صوتها قدام الكل ان كل حاجه خلصت بس انتوا عارفين ان ده اللي في قلب ليله المصيبه ان كلكم عارفين كويس ان اللي هي قالته عكس اللي جواها لان المجروح ديماً بيقول عكس اللي مخبيه و انتوا ولا واحده فيكم ذكيه و لا واحده فيكم تفهم اي حاجه اصلاً شويه عيال و اطفال

فالحين بس تتنططوا و العاقله اللي فكرتها هتطلع اعقل واحده فيكم ولعت معاكم

بصت سلمي لبعيد و سكتت

ايمي…هقولها تاني من هنا لحد ما الموضوع ده يخلص علي خير مسمعش صوت حد فيكم لان انتوا طلعتوا عيال و العيال ملهمش في مشاكل الكبار و بما انكم اتمسكتوا بيهم و محدش فيكم قلع الخاتم يبقي اياك اسمع كلمه معاهم اياك واحده فيكم تيجي عليهم عشان هما مغلطوش هما وقفوا مع صاحبهم زي ما المفروض تقفوا مع صاحبتكم
مفهووووووم

بصولها كلهم و سكتوا

ايمي….انا عابزه اسمع صوتكم اللي كان مفرج علينا الدنيا الوقت مفهوم يا سلمي

هزت سلمي راسها و بصت بعيد

ايمي….ايه

ايه….حاضر مفهوم

ايمي….نادين

نادين…..حاضر يا ايمي انا اسفه

ايمي….لا الاسف ده هنسمعوا الوقت من نعيمه

بصتلها نعبمه بصدمه

ايمي…..نسيتي ان حسان اكبر منك يا نعيمه و وقفتي قصاده و طولتي لسانك و نسيتي انك مخطوبه لراجل و نسيتي ان رشيد كمان اكبر منك و نسيتي ان عشري و عسال و سلامه اخواتك اتأسفي يا نعيمه علي صوتك العالي وعدم سماعك الكلام اتأسفي علي تهورك و لغبطتك في الكلام عشان الحجات دي مش شبهك ولا شبهننا اتأسفي للرجاله اللي وقفتي قصادهم و المفروض انهم يهموكي

فضل….اااا خلاص يا ايمي

حسان…..محصلش حاجه يا ايمي نعيمه اختنا و كلنا مقدرين زعلها علي ليله.

ايمي….بصتلهم بغضب هو انت وهو ممكن تسكتوا من فضلكم

بصلها فضل و حسان

فضل…..يا ايمي الموضوع بسيط

ايمي….لااااااااا الغلط اللي من ناحيتنا هيتصلح زي ما اعترفتوا بغلطكم هنا كنان هيعترفوا بغلطهم الاعتذار مش عيب ولا يقلل من اي حد فينا

سلمي…..ااااااا انا اسفه لو اندفعت و ضايقت اي حد فيكم

ايمي….اعتذري لحسان

سلمي…..بتنهيده غضب انا اسفه يا حسان

سابتهم وراحت وقفت لبعيد

ايه….انا كمان اسفه انا مزعلتش حد بس لو حد زعل انا اسفه

ايمي….نادين

نادين….بحزن و وجع انا اسفه ليكم كلكم اسفه يا ميدو

ابتسم ميدو بهدوء لنادين و سكت

ايمي….ايه محتاجه عزومه اتأسفي

بصت نعيمه لبعيد وهي بتنفخ

ايمي….نعييييمه

نعيمه….اسفه

ايمي….نعييييييمه

نعيمه….اسفه يا حسان ليك انت و رشيد ااااا انتوا عارفين اني بحترمكم و مقصدتش اني اضايقكم و اسفه ليك يا سلامه انت و عسال و اسفه يا عشري اه مضايقه بس تمام مش وقته اسفه يا فضل بصت لايمي تمام كده يا ايمي

ايمي….تمام لو اتكررت تاني و وقفتوا تقطعوا في بعض بالشكل ده تاني مش هبقي موجوده في حياة اي واحده فيكم لان انا صاحبي جدعان مش مع اي مشكله بيتفرقوا بصت للشباب

بيتهيألي انتوا كمان سمعتوا كلامي كويس الموضوع من اللحظه دي خلص معاكم وجه وقت بقي ان كل اتنين فيكم يحاولوا يفكروا مع بعض ازاي نحلها و عيييييب عيب اوي لما انتوا الاتنين تزعلوا من بعض لا عشري شاكك فيك ولا انت يا فضل ينفع تفكر بالطريقه دي و زي ما انتوا السته اشتركتوا في الغلط هتصلحوا و احنا معاكم و اتمني لو في حاجه تاني حد فيكم مخبيها يقولها لان زي ما شوفتوا مفيش سر بيفضل سر
مفيش غلطه مبتكبرش مفيش غلطه الوقت بيخليها بسيطه ومفيش غلطه بتخلي حد فينا يتضمن يا عشري و اظن انت فهمت الدرس كويس هز عشري راسه بضعف و حزن.

عشري….انا اسف ليكم كلكم علي الموقف اللي حطيتكم فيه صدقوني مكنتش اتمني يحصل كده

ايمي….اللي حصل حصل يا عشري مش وقت ندم انت الوقت عليك اكبر جزء في حل المشكله دي احنا كلنا معاك انت وليله بس لازم تعرف ان مشوارك طويل ليله مجروحه يا عشري و جرحها كبير ليله عندها عزة نفس و كرامه مستعده تخسر عشانهم الدنيا طول عمرها بتقول انا معنديش حاجه املكها غير كرامتي من صغرها بتحارب عشان تحافظ عليها من صغرها بتعادي في القريب والغريب عشان محدش يكسرها او يدوس عليها هي و امها من صغرها و عايشه دور الراجل عشان تقدر تواجه اي كلام سخيف بس هي من جواها ضعيفه يا عشري و كانت بتستقوي بيك دورك كبير اوي يا عشري ترجعلها كرامتها و تتحمل منها اي حاجه و خد بالك ليله مكدبتش لما قالتلك علي قد ما بحب علي قد ما بأذي يعني توقع منها اي حاجه اللي هتعملوا فيك مش كرهه قد ما هو محاولة لاثبات قوتها قدامك شيطانها كافر و دي حقيقه

طول بالك عليها خليها تاخد حقها بالطريقه اللي ترضيها اللي اعرفه انها مستعده تعمل اي حاجه توجع بيها اللي وجعها بس ليله حبتك و اذاها ووجعها ليك بردوا مش هيبقي زي ما قالت لان اللي في قلبها ليك كبير و مستحيل تتمنالك الاذي بس اي رد فعل اي غلط اتحملوا لو بتحبها

عشري…..انتي عارفه كويس يا ايمي اني مستعد لرد فعلها ده المهم ترتاح

سلامه….بس انا مفتكرش ان ليله ممكن تكون رجعت البيت لانها اكيد عارفه اننا هنلحقها

ايمي….مستحيل طبعاً ترجع و يكون في علمك يا عشري ليله لما بتوصل للحاله دي بتروح لاي مكان بعيد او بتروح لمكان محدش هيزعجها فيه

نادين….ااااا ممكن تروح عندي علي فكره هي كده كده معاها المفتاح و عارفه اني مش هضايقها و هسيبها ببراحتها تهدأ

ايمي…..صح ممكن

نعيمه…احممممم لا لياه لا هترجع البيت ولا هتروح عند نادين انا تقريباً عارفه راحت فين

بصولها كلهم

ايمي…..فين قالتك حاجه ؟

نعيمه….انهارده لما صحيت لقتها صاحيه اتكلمنا و قولتلها هنزل معاكي قالتلي بسرعه لا سألتها ليه قالتلي عشان احتمال كبير اروح لاميمه بعد ما نمشي من عند ايمي قولتلها ليه قالتلي عشان حمزه ونوح اتحايلوا عليا ابات معاهم و هي شكلها كده كانت ناويه من الاول انها مترجعش و تروح علي اميمه يمكن عشان عارفه ان هناك عشري ممكن يتحرج يروح او ممكن ميعرفش يشوفها

رشيد…..طيب نكلم اميمه اختها علي الاقل نطمن و من رأيي نسيبها انهارده براحتها لحد ما تهدأ

عشري….لا ليله مراحتش عند اميمه

ايمي….صح ليله مستحيل تروح لاميمه او لاي حد من اخواتها لانها مش هتخلص من زنهم و هي لما بتبقي في الحاله دي بتفضل تبقي لوحدها المكان الوحيد اللي كانت ممكن تروح فيه هو عند نادين

نادين….خلاص انا هروح الوقت و هشوفها و بردوا نعيمه ممكن تروح البيت و تشوفها

ايه….طيب ما يمكن حبت تروح فعلاً زي ما قالت نعيمه عشان عشري ممكن يتحرج من اختها و ميعرفش يطلب يشوفها و يتكلم معاها خلونا نسألها

عسال….وافرضي مراحتش نبقي قلقناها علي الفاضي و قتها

رن موبايل عشري كان محمود اخوه بيتصل و هو عمال يكنسل عليه

ايمي….اسمعوا مني ليله مش هتروح عند اخواتها و لا هترجع البيت

سلامه…..طيب بما انكم قريبين منها ايه المكان اللي ممكن ليله تفكر فيه لو في حالتها دي يعني مثلاً اضايقت في مره و حبت تقعد لوحدها ايه اول مكان ممكن يجي علي بالها

بصوا البنات بسرعه لبعض

عشري…..بشرود دهببب

ايمي….صح دهب ليله لو قررت تختفي يبقي هتر ح دهب

رن تاني موبايل عشري كنسل

نادين….هي ليله بتحب دهب و بتفصل فيها تماماً بس لو مش هتختفي و ناويه مثلاً انها تبعد يوم بس او اتنين يبقي جايز تروح لاميمه بردوا و تقولها انها جايه تقضي معاهم يومين

سلمي….لا لا مش هتروح فعلاً لاخواتها

عشري….طيب خلينا الاول نروح عندك يا نادين و انتي يا نعيمه اطلعي شوفيها يمكن تكون خلفت توقعاتنا كلها

رجع لتالت مره رن و كنسل

نعيمه….ولو مش موجوده هنا او هنا

عشري….يبقي الاول هتأكد من اخواتها ولو مش عندهم هروح دهب واشوفها بنفسي

نعيمه….وهتقول ايه لاخواتها

عشري….هقول الحقيقه يا نعيمه هقولهم اني السبب في اللي هي وصلت ليه لاني مش ناوب اخبي او اكدب تاني

رن موبايل عشري لرابع مره من محمود

فضل…..في ايه مين بيتصل كل ده

عشري…..بغضب مش وقتك يا محوووود

فضل….طب رد يمكن في مشكله

عشري…مش وقته يا فضل ليله اهم من اي مشكله

بصلهم و رجع تاني يفكر معاهم

عشري….مش عايزين نضيع وقت خلينا نروح نعمل اللي قولنا عليه و بعدين الباقي علي الله و انت يا رشيد انت وايمي هنطمنكم و متقلقيش يا ايمي علي ليله مش هسيبها غير لما اعرف هي فين

رشيد….احنا هنيجي معاكم يا عشري

عشري….تيجي فين عندكم الصبح سفر لازم ترتاحوا

بصت ايمي بهدوء لرشيد بصلها بهدوء و فهم من عنيها انها مش قادره.

رشيد….السفر هيتأجل يا عشري ايمي مش هينفع تسافر غير لما تطمن علي ليله و انا اكيد مش هسافر و اسيبكم في المشكله دي احنا معاكم لحد ما الموضوع ده يخلص

حسان….انت بتقول ايه روحوا واحنا هنطمنكم

عشري….رشيد الله يخليك مش وقته خالص بلتش تحملنب ذنب اكبر من اللي شايله

ايمي….اللي رشيد قاله هو اللي هيحصل يا عشري لا انا هقدر اسيب ليله و لا هو هيقدر يسيبك هنفضل بالنا مشغول و بيتهيالي مش هنتبسط اصلاً و انتوا في الحاله دي

فضل….محمود بيتصل عليا

حسان….رد يا فضل انت لا يكون في حاجه.

فضل…..ايوه يا محمود

سكت محمود و بعدين بص لعشري

عشري….في ايه ؟

فضل…..عشري معاك يا محمود

عشري…..خير

محمود….عشري مبتردش ليه يا اخوي ليله لسه ماشيه حالاً من عندينا

عشري…..ايييييييه ليله

بصوا كلهم لبعض

ايمي…في ايه ؟

فضل….بهمس بيقول ان ليله كانت عندهم الوقت

رفعت ايمي راسها لفوق و قعدت

عشري……حصل ايه قول ؟

بدأ محمود يحكيله اللي حصل وفي الوقت ده نادين مسكت موبايلها تتصل علي ليله كان موبايلها مقفول

محمود……فلاش بااااك

قبل ربع ساعه من مكالمة محمود

وصلت ليله قدام بيت اهل عشري و هي ضايعه و حالتها النفسيه متدمره باين علي عينها الحزن والكسره و حتي الدموع اللي حاولت تخبيها و تمسح وشها قبل ما تقرب كان لسه اثرهم باين.

ركنت العربيه و كان واقف قدام البيت علي و عمر و محمود و عدي واقفين بيضحكوا و بيتكلموا اول ما شافوها نزلت استغربوا بس ابتسموا

نزلت ليله و خدت من العربيه الدهب و قربت منهم.

سلموا عليها و هي اكتفت بابتسامه مكسوره

علي….كيفك يا ليله انتي بخير

ليله….عايزه اقابل طنط يا علي

علي…..بص لاخواته بقلق طيب تعالي كلهم جوه وابويا كمان

ليله….كويس اوي تعالوا انتوا كمان

محمود….انتب مكنتيش مع عشري هو وفضل قالوا انكم هتباركوا للعرسان

ليله….تعالي يا محمود هتعرف الوقت.

دخلوا كاهم علي جوه و سبقهم عدي يعرفهم كانوا كلهم مع بعض قاعدين في البيت تحت و معاهم البنات

دخلت ليله بهدوء

نجود….بابتسامه ده ايه المفجأه الحلوه دي

عشري الاب….كيفك يا غاليه

بصتلها امبنه بقلب مش مرتاح من منظرها و سكتت كانت حاسه ان في حاجه بس نظرتها لليله كانت ملها اسئله.

ملك….ليله عامله ايه انتي فيكي حاجه ولا ايه مالك

امينه…..احكي يا ليله مالك يا بتي.

ليله….بوجع ابتسمت بهدوء و قربت من التربيزه حطت عليها شنطه

ورجعت تاني وقفت مكانها و كلهم مستنينها تتكلم.

ليله….بوجع ليه عملتوا كده فيا ازاي رضيتوها عليا

هنا الكل فهم و مكانش محتاج توضيح اكتر بصوا لبعض بتوتر

ليله…..انا اعتبرتكم عيلتي الجديده اللي ربنا رزقني بيها بعد كل السنين دي حبيتكم اوي و حسيت اني وسطكم مش غريبه يمكن مقدرتش اقولك غير كلمه طنط بس كنت متأكده اني مع الوقت هتكوني عوض لامي اعتبرت حضرتك ابويا اللي طول عمري اتحرمت منه

مش عارفه الومكم علي انكم خبيتوا عني ولا اعذركم ما عشري ابنكم ولازم تخبوا عليه بس دي مكانتش حاجه تتخبي كان لازم اعرف ان عشري في حد تاني في حياته غيري كان لازم اعرف منكم علي الاقل

عشري الاب….ليله اسمعي يا بنتي محدش فينا كان راضي و يشهد ربنا ان لو كان حصل اي كلام انا اول واحد كنت هقولك

امينه….ليله اسمعيني زين يابتي صحيح محمد غلط انه خبي عليكي بس والله العظيم و رحمة الغالين من اول ما رچع وهو عارف هو عايز ايه مكانش جاصد انه يخبي

ليله….بوجع لما اتكلمتي معايا يوم الخطوبه كان لازم اعرف وافهم ان كلامك ده تميهد للوجع اوعوا تفكروا اني زعلي بس عشان هو خبي عليا لان هو حسبها غلط لو كنت عرفت من الاول كان وقتها الموضوع ممكن يختلف و كان هيبقي ابسط بس الطريقه اللي عرفت بيها هي اللي وجعتني كان نفسي اعرف منه او منكم و يمكن لو كنت عرفت منكم انتوا مكنتش زعلت عمري من عشري

بس انا مش فاهمه ازاي قدرتوا تخبوا عني و ليه ليه اصلاً كدبتي عليا و قولتيلي اني اول ست تدخل بيته ليه خلتوني اتحط في الموقف ده واقف الوقت قدامكم و انا بعاتبكم

امينه….عشان هو ده اللي حوصل يا ليله انا مكدبتش عليكي يا بتي انتي اول ست تدخل قلب محمد قبل بيته
مفيش ست دخلت غيرك صدجيني

عمر….ليله انتي مين اللي قالك لو مس محمد

بصتلوا ليله بابتسامه هاديه و حزينه

ليله…..مع انها مش هتفرق كتير بس خطيبته يا عمر هي اللي جاتلي لحد بيتي

علي….بانفعال بسيط مش خطيبته مريم مش خطيبة محمد يا ليله هو سابها من قبل ما حتي ما نيجي نطلبك لو هي اللي فهمتك كده تبقي بتضحك عليكي

ليله….يمكن ماهو مبقاش في حاجه اكيده بس هو قبل عليا اعرف كدبته من غيره قبل عليا حجات كتير واهمهم اهانتي في وسط بيتي و اتهامي اني خطافة رجاله

امينه…..جطع لسانها محمد جال انه معرفكيش اصلاً

ليله…..بوجع قبل عليا اتهان و اتعاير بحجات عمري ماكان ليا ذنب فيها

عشري الاب…..طيب هدي هدي يا بتي و احكيلنا ايش اللي صار بينكم وانا هتصرف

ليله…..مبقاش فيها تصرف خلاص اللي حصل حصل و لو حابين تعرفوا كل حاجه هو يبقي يحكيلكم انا بس جيت عشان اقولكم اني زعلانه منكم اووووي لان بجد انا كنت فرحانه بيكم جداً اللي بيني و بين عشري انتهي ااااااه وده دهبكم هو من حقي و لا عيزاه

نجود…ليله حبيبتي انتي الوقت مضايقه و اكيد بتتثرفي من غير وعي اهدي و افهمي و اكيد هتعرفي ان كل ده سوء تفاهم

ليله….انا اتعودت ان القرار اللي اخده مرجعش فيه حتي لو كان هيموتني

انا لا كنت عايزه دهب ولا بيت ولا فلوس ولا اي حاجه حتي لما عرفت اتفاقكم مع اخواتي علي قد ما فرحت انكم شايفني غاليه غلي قد ما اضايقت لاني مكنتش محتاجه كل ده يتعمل عشاني انا كنت عايزه بس عشري الراجل اللي قلبي اختاره كنت عايزه اهله يبقوا اهل ليا و يكونوا شبههي و لما اتعرفت عليكم حسيت انكم شبهي بس للاسف طلعنا بنختلف في اهم طبع انا مقدرش اتعامل معاه هو الكدب
و الخيانه انا امنتكم علي نفسي من اول ثانيه دخلت فيها حياتكم بس انتوا و عشري محدش فيكم كان قد الامانه دي عشان كده انا هطلع من حياتكم لاني مش عايزه اكون فيها.

امينه….بوجع ليله متعمليش كده في روحك و في محمد انتي خابره زين ان محمد هيتوجع

ليله…..يتحمل و يجرب الوجع شويه عشان الوجع اللي اتوجعته علي ايده مكنتش متوقعه يجي منه هو

ملك….اديه فرصه يا ليله عشان خاطرنا

ساره…..خدي وقتك واهدي و بعدين اتكلمي معاه واتعابتوا بس بلاش تبعدي

علي…..انتي هتخلي مريم تنتصر عليكي يا ليله ده انا من اول بوم شوفتك قولت عليكي قويه و قد حالك و لما عرفتك نظرتي فيكي كانت عند محلها هتخلي مريم تفرق بينكم يا ليله

ليله…..هي صحيح انتصرت يا علي بس اخوك اللي اداها فرصه تقتلني و انا بعترف اني حاربت كتير طول حياتي بس المرادي انا مش قد الحرب لانها مش بتاعتي

ادتهم ضهرها عشان تخرج وقف قدامها عمر .

عمر….مش هتمشي يا ليله قبل ما محمد يجي و تتكلموا محمووووود كلم اخوك

ليله….سيبني امشي من فضلك يا عمر كلامي مع اخوك خلص و انا جيت هنا عشان اخلص كلامي معاكم

عمر…..ليله انا معرفش ايه اللي حصل بينك و بينه او حتي بينك و ببن مريم بس خلينا نقول انه غلط و احنا غلطنا بس فكري بعقلك شويه ايه المشكله انك عرفتي انه خاطب بتحصل بس هو سابها عشانك محمد من اول ما رجع من سفريتكم قال انه لقي الست اللي بيدور عليها قال انه حبك و لازم يفركش خطوبته مع مريم و قال كمان انه هيستني بس كام يوم عشان كان عندهم حالة وفاة و حادثه كبيره و ميصحش يفتح معاهم موضوع زي ده بس بعدها قرر يقولها و قال لابويا و ابويا اتكلم مع ابوها والموضوع خلص هو عايزك يا ليله ومش عايز غيرك

ليله….انت صح الموضوع بسيط كان هيخلص لو قالوا من الاول ايه المشكله انه كان بيقرب مني و هو لسه دبلته في ايد غيري ايه المشكله انه كان خاطب اصلاً بس المشكله الحقيقه يا عمر انه كدبته لما طالت سمح ان واحده زي دي تيجي وسط بيتي و تهينني و تتهمني بحجات بسمعها لاول مره منها وجعتني في امي و غلطت فيها عايرتني بابويا و اهلي اللي عمري ما اختارتهم و اللي زمان عشان خاطر امي اللي غلطت فيها دي اتحطيت اكتر من مره في مواقف تخليني اختار بينها و بين ابويا و كل مره كنت بختارها هي كان بيبقي اختياري ليها صح.

انا امي تشرف عالم يا عمر و بفتخر انها كانت ست بمليون راجل من منطقه شعبيه من عيله بسيطه بس عندها كرامه و دي الحاجه الوحيده اللي بفتخر اني ورثتها منها

عشري الاب…..هي ايش جالت مريم دي ليكي عيلة ايه و ام ايه و اب ايه مالها هي

بصتله ليله و سكتت و بعدين بصت لعمر خليني امشي يا عمر

عمر….طيب خلينا نتكلم الاول اهدي و كل حاجه بتتحل و حقك بنجيبه

ليله….حقي انا لو كنت عايزه اخده كنت خدته و قتلتها في لحظتها بس انا مباخدش حقي من ولايا انا حقي هاخده من اخوك يا عمر اخوك اللي سمح يحصل فيا كده و اسمعوني كويس الكلام ده انا قولته لعشري و بقوله ليكم تاني لو خايفين عليه بجد

بلاش تخلوه يقرب مني لو يهمكم فعلاً انصحوه ميحاولش او يخليني اشوفه لان اللي واقفه قدامكم دي تربيه ست علمتها ازاي تحول الحب اللي في قلبها لنار تحرق بيها اي حد حتي لو روحها فيه

بعدت عمر من قدامها و خرجت بسرعه من قدامهم و هما وقفوا يبصوا لبعض جري وراها علي و محمود.

محمود….ليله الله يخليكي اخويا هيتعب من غيرك يا ليله

علي…..ليله دي اول مشكله تواجهكم لازم يكون في فرصه ولازم يكون في كلام محمد بيحبك بجد و انا واثق في حبه ليكي

ليله….بنظره وجع ابتسمت و انا معنديش ثقه فيه اخوكم كسر اهم حاجه جوايا و خلصت

دورت عربيتها وطلعت بسرعه من قدامهم.

علي…..اتصل علب اخوك

محمود….مبيردش

علي….اتصل تاااااااني

بااااااااااك.

عشري…..بوجع ليله

محمود….ارجع يا محمد خلينا نتكلم

عشري…..طلعت امته يا محمود

محمود….لما اتصلت عليك اول مره كانت لسه عندينا هب لسه طالعه من دقايق

عشري….محمود حاول تطلع وراء ليله خد نفس الطريق اللي طلعت منه لاقيها يا محمود و لو لقيتها متخليهاش تحس بيك اطلع وراها ولو هتىوح اخر الدنيا تفضل معاها انت فاهم

محمود…..حاضر حاضر بس دي طارت بالسياره معرفش وين بتكون راحت

عشري…..اقلب الدنيا كسر الطريج كسر بس لاجيها

محمود….وهو بيجري طيب طيب سلام

علي…..علي وين

محمود….بلحجها

قفل عشري و هو مصدوم.

نعيمه….ليله راحت عندكم

عشري…..سابت الدهب و كل حاجه و مشيت مشي بسرعه من قدامهم

رشيد….علي فين يا عشري

عشري…..بغضب هجيب حق ليله و انتوا اقلبوا الدنيا عليها لحد ما أرجعلكم

حسان…..وراه يا فضل احسن يعمل حاجه في مريم ده مجنون

جري بسرعه فضل وراه

و البنات بسرعه خدوا حاجتهم

نعيمه….يلا يا بنات خلونا نروح نشوفها بسرعه

ايمي….انا هطلع البس و احصلكم خليكم معايا علي التليفون

نعيمه….ماشي

حسان…..رشيد هنروح وراء البنات احنا

رشيد….ماشي جاي وراكم.

خرجوا كلهم علي بره و راحت نادين مع نعيمه عشان تركب زي ما جات معاها فجأه بصت علي ايدها لقت عسال ماسكها من كفها و بياخدها علي العربيه من غير ولا كلمه

نادين….انت بتعمل ايه انا هركب مع نعيمه زي ما جيت معاها

فتح الباب من غير ولا كلمه

نادين….بقولك مش عايزه اركب معاك

حط ايده علي راسها و ركبها بالعافيه جنبه

عسال……انا علي اخري اركبي و اسمعي الكلام

بصتلوا نادين بتوتر و لاول مره نظرته ليها تكون جد كده قعدت و سكتت قفل الباب و راح بسرعه ركب و دور و طلع

و كلهم طلعوا علي طول.

طلعت ايمي بسرعه علي اوضتها عشان تلبس دقيقه بالظبط و طلع رشيد كمان بعد ما الشباب كلهم مشيوا.

بصلها بهدوء و راح بسرعه يطلع لبس من سكات.

وقفت ايمي تلبس و هي مستعجله و باين عليها القلق و الخوف و الغضب كمان.

رشيد….ااااا ايمي علي مهلك هنلحقهم

بصتلوا ايمي و سكتت

كان بيحاول يقولها اي حاجه عشان بفتح معاها كلام بس عرف من نظرتها انها مضايقه بجد.

رشيد….ايمي

وقفت ايمي و هي بتظبط هدومها و بصتلوا بغضب.

ايمي……رشيد انا لا طايقه نفسي و لا طيقاك و لا طايقه اي حد و بيتهيألي انت ذكي و عارف كده كويس

رشيد….بهدوء اتنهد عارف بس انا عايز اقولك بس ان

ايمي….متقولش لاني مش عايزه اسمع منك اي كلمه و اوعي تفكر الطالعه اللي طلعتها في البنات تحت دي كانت من قلبي يا رشيد انا عملت كده بس عشان النار متزيدش اكتر

يعني وقفتي معاك انت و عشري و الشباب مكانتش عشان كنت شيفاكم مش غلطانين لا انتوا غلطتوا و غلطكم كبير و انت بالذات يا رشيد انا لا طيقاك ولا عايزه ابص في وشك عشان المفروض اللي بيني و بينك كان يجبرك علي انك تجيلي وقتها انا اللي كنت هلاقي الحل لاني اكتر حد حافظ ليله و عارف ازاي ادخلها بالف طريقه عشان الموضوع ميوصلش لكده البنات كان معاهم حق في غضبهم بس يصعب عليا اشوف علاقتهم بتدمر واقف ساكته

يعني وقفتي دي مكانتش جدعنه مع الشباب قد ما كانت جدعنه مع البنات لاني معنديش استعداد اني اقف اشوفهم بيبوظوا حياتهم في لحظه غضب و بدل ما يبقي همي بس ليله يبقي همي وجع كل البنات فاهم يا رشيد يعني حط ده في بالك كويس انا لو مكنتش عملت كده كان زمان الكل خارج من هنا مفركش و متدمر لا عيزاك تقرب مني ولا تتكلم معايا نص كلمه

رشيد……بنظره اسف حاضر يا ايمي

ايمي….متنساش تتصل تلغي الحجز و خلص بسرعه عشان نلحقهم

رشيد….حاضر ايمي

بصتلوا ايمي بهدوء.

رشيد….يعني ازعلي مني وليكي حق بس يعني متزعليش اوي

بصتلوا من غبر ولا كلمه و نظراتها ليه كانت كلها عتاب مشهد كأنه بين ام و ابنها الصغير اللي غلط لا قادره تقسي عليه ولا قادره تمنع نفسها من زعلها منه.

ايمي…هستناك تحت متتأخرش

نزلت وسابته واقف مضايق و مش عارف يعمل ايه

دقايق بسيطه نزل رشيد كانت واقفه قدام الباب مولعه سيجاره

رشيد….اااا يلا

خرجت ايمي قدامه وراح بسرعه فتحلها الباب ركبت و قفل هو البيت و طلعوا بالعربيه و طول الطريق ساكت وكل شويه يبصلها وهي مش بتتكلم معاه بتحاول تتصل علي ليله موبايلها مقفول و قلق ايمي بيزيد اكتر بكتير .

………………

عند عشري ركب عربيته بكل غضب و هو طاير و طول الطريق بيفكر ازاي ليله وصلت بالسرعه دي للبيت عندهم ده مافاتش غير ساعه الا ربع من بعد ما مشيت ازاي لحقت توصل وتتكلم مع اهله كان فيها ايه عشان تسوق بالسرعه دي و بقي كل همه الوقت يوصلها لانه كان خايف عليها تعمل حادثه وهي في الحاله دي.

مسك موبايله بكل غضب و اتصل علي مريم اول ما مريم لمحت اسمه اتصدمت توقعت يتصل بيها بدري عن كده و يعاتبها فكرت ان ليله هتقولوا علي طول بس لما متصلش فرحت وقالت ان ليله مش هتقولوا و هتبعد في صمت.

اتصل تاني عليها كانت خايفه ترد ثواني بالظبط وسمعت رسالته

عشري….بصوت باين انه ثواني و هيحرق الدنيا باللي فيها ردي عليا انا جاي علي بيتكم ردي قبل ما اعمل اي تصرف يخليكي تندمي عليه طول حياتك

بصت بصدمه و بدأت تخاف بجد لانها حتي لما توقعت مكالمه عشري كانت متوقعاها عتاب و هو هيفهم بس صوته مكانش يبشر بخير

اتصل عشري ووردت عليه بسرعه

مريم…اااا ايوه يا محمد

عشري…..انا قربت علي بيتكم خمس دقايق والاقيكي تحت

مريم…ااااا طيب انا مش هعرف ماما و بابا صاحين هقولهم راحه فين

عشري…..مليش فيه دي مشكلتك مش مشكلتي لو وصلت وملقتكيش تحت هطلع و اوعي تلوميني وقتها

مريم….عشري ارجوك طيب خليها بكره هقبالك في اي وقت انت تحدده

عشري…..بقوا اربع دقايق يا مريم يا اوصل و الاقيكي يا هدمر حياتك كلها مفهوم

قفل في وشها بقت واقفه مرعوبه مش عارفه تعمل ايه جريت بسرعه طلعت چاكت ولبسته وخرجت بره

مريم….بابا انا نازله تحت عشر دقايق و طالعه

والدها….راحه فين يا مريم الوقت الساعه داخله علي واحده

مريم…..ملك صاحبتي كلمتني و صوتها معيط و قالتلي عيزاني

والدتها….طيب تطلعلك

مريم….شكلها محروجه لان الوقت اتاخر انا هروح اشوفها وبعدين انا لابسه هدوم البيت مش هروح بعيد يعني هقعد معاها في العربيه او هجيبها واطلع

والدها….متتأخريش طيب

مريم….طيب حاضر هشوفها مالها وهطلع علي طول.

راحت بسرعه ركبت الاسانسير و نزلت علي تحت واتصلت علي عشري.

فتح الخط من غير ولا كلمه.

مريم….محمد انا نزلت بس هروح علي ضهر الببت من وراء من غير ما حد ياخد باله تعالي علي هناك عشان ممكن بابا يبص عليا من فوق

قفل وشها من غير ولا رد راحت مريم بهدوء علي وراء و دقيقه بالظبط كان عشري قدامها نظراته ليها مرعبه ركن فضل بعيد عنه و فضل في عربيته.

ركبت بسرعه جنبه دور العربيه ومشي

مريم…..محمد انت رايح فين

مردش عليها وساق بسرعه و بعد عن المكان راح علي الطريق عشان يعرف يتكلم معاها فرمل بصوت عالي و مريم اترعبت وبصتلوا

مريم….محمد براااااحه

بصلها عشري بغضب.

عشري…..عملتي كده ليه ؟ انتي بكل رخص سلمتي نفسك لواحد زباله زيك و قبلتي علي نفسك تتجوزي عرفي و تحملي في عيل لا ليه اصل ولا فصل زيه زي اي عيل ابن حرام

سلمتي نفسك لواحد مطلعش معاكي راجل خد مزاجه منك و قطع الورق ورماكي زي الكلبه بس انا طلعت راجل معاكي يوم ما خرجت معاكي يا مريم تاني خرجت بعد قرايه الفاتحه كنتي عماله تكتبي علي موبايلك رسايل و مكنتيش معايا شويه تبصيلي و شويه تبصي علي الموبايل كنتي مشغوله بحاجه ظهرت التوتر علي وشك و ايدك بقت تترعش و كنتي خلاص هتعيطي سألتك اكتر من مره في ايه حصل ايه عندك مشكله حد مضايقك بتتخانقي مع ابوكي او امك انهارتي من العياط و وقتها حكتيلي كل حاجه و انا عشان راجل سمعتك اتصدمت فيكي بس مرضتش اضغط عليكي لان اصلا مكنتش بحبك يمكن كنت هحاول و يمكن ربنا واحده اللي عالم قولت مش مهم الحب بيجي بعد الجواز و مريم بنت ناس و متربيه اكيد هحبها بس بعد ما سمعت كلامك كل ده اتغير بس بردوا سمعتك و متخلتش عنك و كنت راجل معاكي اوي حفظت سرك و بدأت اشوف معاكي حل و قولتلك وقتها هروح اتكلم معاه رديتي عليا و قولتيلي انك حامل في اول شهر و انه مش جاهز حالياً ولحد ما يجهز بطني هتبقي بانت و هتفضح

طلعت راجل معاكي تاني وقولت عشان العشره اللي بينا وبين اهلك عشان ابوكي صاحب عمر ابويا قولتلك هتكلم معاه و هقولوا اللي عليه انا هشيله وملزم بيه

في اللحظه دي اعتبرتك اختي و شيلت من دماغي ابي علاقه بتربطني بيكي كان كل همي اقف معاكي و استر عليكي و اجيب اللي هيبقي عليه هو .

رديتي تاني عليا و قولتي بابا عارفه و رفض من البدايه علاقتي بيه و كمان هو قطع الورق بعد ما عرف اني حامل و لو سيبتك و هو وافق واتقدملي بابا هيرفض طلبت منك تصارحي اهلك خوفتي و اترجتيني مقولش و طلبتي مني اساعدك تنزلي اللي في بطنك و بعدها افضل معاكي شويه و اسيبك نصحتك كتير ان حرام تقتلي روح بس لما انتي قفلتي كل الابواب لمساعدتك قولتلك تمام لو مفيش حل غير ده و هيسترك ويخلي ابوكي راسه متنزلش في الارض اعملي كده و انا معاكي و مش هسيبك بس هتعملي ايه بعد كده في حياتك

قولتيلي مش هتجوز خالص او هسافر و هبعد قولتلك لا اخلصي من الهم ده و بعدين انا هفضل معاكي شويه و بعدين هنقول متفقناش و لما الموضوع يهدأ لازم تتكلمي مع اهلك و لازم نلاقي المحامي اللي كتبلكم الورق عشان اكيد معاه نسخه تثبت انك اتجوزتي عرفي و بعدها تكملي حياتك او علي الاقل قدام اهلك متبقيش عملتي كده في الحرام و الموضوع يبقي اهون شويه اتفقنا علي كل حاجه و يوم العمليه قولتي هتروحي مع صاحبتك و انك مكسوفه اروح معاكي و عشان الجميل اللي انا عملتوا ده مش حابه اني اظهر قدام صاحبتك عشان شكلي قولتلك تمام بس لو عيزاني معاكي ملكيش دعوه بشكلي قدام صاحبتك خليني معاكي عشان لو حصل اي حاجه ابقي جنبك رفضتي و انا سيبتك علي راحتك.

الموضوع خلص و فضلت مكمل معاكي و احنا علي اتفقنا هفضل معاكي شويه و بعدين كل واحد يروح لحاله انتي كنت عارفه كويس ان مفيش بينا حب كانت جوازه صالونات مش اكتر و سر مفيش غيرنا يعرفوا و مع كل ده انا لما قررت انزل من دهب واقولك رجعت في كلامي و استنيت عليكي تاخدي وقتك في الزعل علي عادل لاني كنت عارف علاقتك بيه شكلها ايه

للمره المليون اطلع جدع وراجل معاكي و محبتش اضغط عليكي اكتر و اسيبك في حزنك و وسط مشاكلك دي كلها بس انتي عملتي ايه بقي ؟ قابلتي الخير اللي عملتوا معاكي بشر عضيتي الايد الوحيده اللي وقفت معاكي و اتمدت ليكي في عز الوحل اللي كنتي غرقانه فيه

انا قبلت علي رجولتي حجات كتير مفيش راجل يقبلها صحيح مكنتش بحبك بس اي راجل في الدنيا لو سمع البنت اللي مرتبط بيها بتقولوا كل ده بيتجنن بس بردوا فضلت معاكي.

حاولت اصلح حياتك بكل الطرق و كنت مستعد اشيل عن الزباله اللي حملتي منه كل حاجه عليه عشان استر عليكي و متتفضحيش بس انتي دمرتي حياتي من غير اي سبب و لحد الوقت انا مش لاقي تفسير واحد يخليكي تقابلي خيري بشرك ده عملتي كده معايا ليه هااااااااا حبتيني يا مريم

مريم….بدموع معرفش

عشري….عملتي كده ليه انطقييييي
روحتي ليه لليله دمرتيها و دمرتيني ليه ايه اصلا اللي يخليكي تراقبي فيها و تعرفي عنها كل حاجه ليه نويتي اصلا علي الشر ده انتي بالذات اللي متوقعتش تتكلم قولت مستحيل لان السر اللي انا وانتي نعرفوا يخليني ابقي واثق

مريم….بدموع انا معرفش يامحمد بس انا مكنتش عارفه انها متعرفش اننا كنا مخطوبين و اضايقت

عشري…..ليييييييه انتي مالك اصلاً انتي مراتي في بينا حب خونتك مثلاً ومقبلتهاش علي كرامتك و قولتي تنتقمي هي عارفه او مش عارفه انتي مالك ليه عملتي كده اصل اللي يعمل كده ملهوش غير تفسير واحد انك تكوني حبتيني بجد بس حتب لو ده حصل ازاي وامته انا علاقتي بيكي مش موجوده تمثيل بس في اي مناسبه تجمعنا قدام اهلك كنت برفض اي عزومه من اهلك و بتحجج بالشغل لما منتوا بتيجوا عندنا كنت اسلم عليكم و اعتذر وامشي واقول مشغول و لو اضطريت اقعد شويه بقعد مع ابوكي مش معاكي عشان اثبتلهم ان علاقتنا مش مستقره عشان لما نسيب بعض يفهموا تننا من البدايه مكناش قريبين فسريلي السبب

مريم…..بدموع انا مش عارفه بس يمكن اكون حبيتك يمكن اكون حسيت بالامان معاك انت اللي وقفت معايا في اصعب وقت و طبيعي اني احس بانجذاب ليك انا حسيت اني غيرانه منها لما شوفتك معاها حسيت اني بضيع في لحظه لما حسيت انك حبيت لما قولتلي هنسيب بعض سالتك في حد تاني اضايقت انها هتاخدك مني معرفش بقي ده حب ولا احساس ان الامان هيتاخد مني مكنتش عايزه ابقي لوحدي مكنتش هعرف اواجه اي حاجه من غيرك

عشري…..انا خلصتك من كل مشاكلك و مكانش فاضل غير انك تصارحي اهلك بالحقيقه عشان تعرفي تعيشي كنت مستعد بعد ما تقولي اقلب الدنيا علي الحيوان ده و المحامي عشان اثبت انك معملتيش علاقه في الحرام.كنت هقف مع ابوكي لاخر لحظه حب ايه و امان ايه انتي عارفه اني في كل الاحوال مكنتش هتخلي عن حد احتاجني و طلب مساعدتي خصوصا لو الموضوع متعلق بستر و فضيحه

مريم….بانهيار لان انت مكنتش هتلاقي حاجه لان خالد سافر بره البلد خالص يشتغل و لان المحامي اصلاً مش موجود.

عشري….يعني ايه مش موجود

مريم فضلت تعيط و مش عارفه تتكلم

عشري….انطقي

مريم…..محمد انا كل اللي كنت عيزاه اني افضل معاك و كنت بحس انك اوقات عندك استعداد تفضل معايا

عشري….يمكن اوقات كنت بحس اني اطلع جدع معاكي للاخر حتي لز هنتجوز كام شهر و ننفصل بس يبقي اسمك متجوزه و مطلقه ده كان اخر حل بفكر فيه بيني و بين نفسي اني اكمل معاكي التمثليه للاخر عشان متتفضحيش بس كنت برجع في كلامي تاني و اقول لا لسه في حلول و اكيد لو وصلت للمحامي هنعرف ناخد منه نسخه كنت مستعد اتجوزك لانب كنت عارف اني لما هسيبك انت مش حامل يعني مش هخسر حاجه و مفيش طفل هيجي الكل يفتكروا ابني

مريم….انا اسفه يا محمد انا كدبت عليك في حجات كتير بس غصب عني مقدرتش اتكلم وقتها انا كنت بموت وكنت خايفه لما اقولك تفضحني عشان كده مقولتش كل الحقيقه

عشري….بصلها بصدمه كدبتي في ايه؟

مريم….لما حكيتلك و كنت قبلها بتكلم علي الواتس كنت بتخانق معاه

كان داخل يتخانق معايا و بيهددني انه هيقولك اني مش بنت قولتله انك عارف و انك طلعت ارجل منه

قالي خلاص خليكي معاه بقي مبروك عليكي الراجل اللي طلع ارجل مني و عرفت انه مسافر وقتها اتجننت لان كان عندي امل طول الفتره دي احاول معاه و اقنعه حتي يتجوزني و ننفصل بعدها عشان يداري الفضيحه دي

عشري…..فضيحه ايه و كدبتي في ايه انا مش فاهم

مريم…..بدموع و احراج اااا محمد مكانش في ورق عرفي مكانش في جواز اصلاً

عشري….بصدمه يعني ايه سلمتي نفسك لواحد في الحرام طب ليه ليه عملتي كده

مريم….كنت بحبه كنت فكراه راجل كنت مصدقاه و متخيله انه مستعد يعمل عشاني اي حاجه كنت فاكره انه لما يعرف اني حامل مش هيقدر يسيبني مكانش في ورق اتقطع انا كدبت عليك لاني مكنتش قادره اقولك كده وقتها بس بعد فتره لما شوفت طريقتك المختلفه معايا وزحسيت قد ايه كنت راجل و متخلتش عني زي ما هو عمل حاولت اني اخليك تحبني حاولت اصعب عليك عشان كنت واثقه فيك وعارفه انك مش هترضي تسيبني في المصيبه دي محمد انا منزلتش البيبي انا لسه حامل

بصلها بصدمه و منطقش

مريم…..خوفت انزلوا خوفت والله العظيم كنت حاسه اني هموت لو عملت كده و مش هطلع سليمه منظر الاوضه خوفني مقدرتش حاولت اخر برشام و حقن و فكرت انه نزل بس لما كشفت لاقيت انه لسه موجود انا حامل في ثلاث شهور و مش عارفه اعمل ايه انت كنت الامل الوحيد بالنسبالي كنا خلاص هنتجوز بعد ثلاث اسابيع من رجوعك وقتها كان بقالي شهر ونص حامل قولت حتي لو انفصلنا هاخد ابني و انا اللي هربيه بنفسي و نبعد عادي بس متفضحش موت عادل دمرني اكتر وخلاني مرعوبه لان الفرح هيتأجل و بدل ما كنت هقول اني عملت و محدش هيركز حملت امته وفي كام شهر التأجيل هيخليني اضطر اني اقول اني ولدت في السابع

لما لاقيتك بتنهي كل حاجه عشان ليله مبقتش عارفه افكر ازاي بقيت عانله زي المدبوحه اللي بتحاول تنقذ نفسها باي طريقه مكنتش عيزاها تاخدك مني تاخد الشخص اللي وقف جنبي و حسسني بالامان مكنتش عيزاها تاخد الشخص اللي هيطلعني من كل اللي انا فيه ده و ارجع اتدمر

ارجوك افهمني انا يمكن اكون حبيتك حبيت وقفتك وجدعنتك و اكيد علطت في حقك بس انا ظليش غيرك يا محمد الوقت.

عشري…..انتي بتقولي ايه انتي ابه البجاحه اللي انتي فيها دي ده انتي الشيطان واقف جنبك يسقفلك ياريتك قولتي انك فعلاً حبتيني و غيرتي عليا كنت قولت عادي بتحصل ياريتك قولتي خايفه تواجهي كل ده لوحدك كنت هقول عادي ما انا الشخص اللي مدلها ايده

انما يوصل بيكي الفجر انك كمان عايزه تلبسيني عيل مش ابني عايزه تشيليني غلطه مش بتاعتي عايزه تخليني اكتب عيل ابن حرام مش بأسمي طب انتي تخيلتي اني اطلع معاكي جدع للدرجادي جالك العشم ده مله منين اني اوافق اكتب عيل مش ابني باسمي عيل شيل اسمي و يورثي و يتعلق في رقبتي لاخر يوم في عمري.

ايه طب انا كنت مستعد اتجوزك و استر عليكي و شويه و سيبك بس انها توصل انك تغفليني طب هو انتي كنتي فاكره اني لو عملت كده كنت هلمسك انا كنت هعمل كده قدام الناس بس بيني وبينك ربنا شاهد اني مش هقربلك كنتي هتعمليها ازاي فكرتي ازاي اصلاً

يعني مش بس طلعتي وسخه و متجوزه عرفي من وراء اهلك لا انتي سلمتي نفسك لعيل وسخ شبهك في الحرام و لما سابك استغليتي جدعنتي اكتر و مش بس كده كنتي مستعده تكملي في وساختك و تكتري ذنوبك و تحمليني فوق طاقتي .

فقد عشري عقله و عمل حاجه اول مره يعملها مسكها بغضب من شعرها بكل غضب.

مريم….ااااااه

عشري….زمش بس كده ده انتي دمرتي حياتي و روحتي لليله تتهميها انها خرابه بيوت و انتي اوسخ بني ادمه ربنا خلقها علي وجه الارض روحتي لستك اللي التراب اللي بتدوس عليه انضف من امثالك و جرحتيها عايريتها بحجات متخصكيش بس حقيقي طلعوا البنات اللي من مناطق شعبيه و تربيه الست انضف منك يا شمااااال

ضحكتي عليها و قولتلها اننا كنا بنحب بعض و انك دخلتي بيتي و ان اللي بينا كان كبير وجعتيها و انا اللي يوجع ليله في احظه انسف حياته لا هطلع جدع ولا راجل ولا هستر انا هكلع نسخه زباله مني و هبقي اوسخ من مره قاعده في الارض وفارشه الملايه زي ما بيقولوا

مريم….لا يا محمد متعملش فيا كده انا مستعده اتأسف لليله و احكيلها كل حاجه بس اوعي تعمل فيا كده

وانا مش هقبلها علي ليله انها تقف قصاد واحده وسخه زيك و تسمع اعتذار مش هيبرد نارها لان حتي لو انتي صعبتي عليها واستجدعت معاكي لان ده طبعها .

انا مش هسامح ومش هسكت و الراجل اللي كان جدع معاكي ده مات انتي الوقت هتشوفي منه اوسخ نسخه منزلتش في السوق قبل كده انززززززلي

مريم….هتعمل ايه محمد لا والنبي

نزل عشري بكل غضب و راح فتح الباب لمحه فضل فا نزل بسرعه وقف واول ما شافه بيسحب مريم من شعرها جري عليه بسرعه

فضل….عشري عشرررري بتعمل ايه

مريم….محمد وقفه والنبي

فضل….سيبها يا عشري و اهدأ

عشري….ابعد

فضل….عشرررري فوق شويه

عشري….ابعددددددد زق فضل بأيد واحده في صدره لزقه في الحيطه

جري فضل وراها وبقي يبص حواليه يشوف حد سامع او شايف ولا لا و بقي يحاول بتكلم معاه و يهديه بس مكانش في اي حاجه توقفه خلاص

فكرة انها كانت عايزه تكتب اسم اللي في بطنها باسمه و بتقولها بكل ثقه عادي خلت عشري عقله غاب و بقي يتخيل اسوا سيناريوا بينها هي و ليله لما هب واقفه قدامه بتعترف ليه بكل وساختها و اللي كانت هتعنله معاه قالت ايه لليله عمل فيها كده .

اتصل فضل بسرعه علي علي

فضل….علي هات ابوك علي بيت اهل مريم بسرعه انا مش عارف اوقف اخوك ماسك مريم من شعرها قدامي وطالع بيها علي فوق

علي….اقفل اقفل يا فضل

دخل علي بسرعه قال لابوه و خدوا هو و عمر وسليمان وجريوا بسرعه بالعربيات علي هناك

البيت مكانش بعيد عنهم اوي بالعربيه يادوب عشر دقايق ولو السرعه زايده كام دقيقه بسيطه ويبقوا عندهم.

طلع عشري علي فوق و هو بيخبط بعنف وهي بتترجاه يسكت بس هو مكانش شايف

فضل….طب قولي هتعمل ايه عشري بالله عليك اهدأ

فتح بسرعه مصطفي والد مريم و لمح عشري ماسكها من دراعها بغضب و هي بتعيط

مصطفي….بصدمه فيه انت ايه اللي عامله ده

مني….في ايه يا محمد و ماسك مريم كده ليه

دخل عشري علي جوه و دخل فضل بسرعه وراهم

فضل…..عم مصطفي خلينا نتكلم هو اكيد في سوء تفاهم

مصطفي….سوء تفاهم ايه احنا مش خلاص فضينا اللي كان بينهم حصل ايه تاني و بعدين انت ازاي تمسك بنتي كده و انتي ليه بتعيطي عملك ايه.

في اللحظه دي ابوه وصل هو واخواته و خبط علي الباب.

بصوا كلهم وراح فضل جري يفتح

فضل….ده خالي اكيد

فتح فضل و دخل عشري ابوه بكل هيبه و وراه اخواته.

عشر الاب….ويش بتسوي يا محمد في بيت الرچال چنيت

مصطفي….تعالي يا عشري شوف ابنك جاي ماسك بنتي من ايدها ومش عارف عامل فيها ايه عشان تعيط كده انا كنت مبسوط بالنسب اللي بينا و قولت علي ابنك راجل يا عشري و امنتكم علي بنتي و لما محصلش بينهم وفاق قولت عادي مش مهم كل شئ قسمه ونصيب و قولت العيش والملح والاخويه اللي بينا اهم من اي نسب و فضلنا زي ما احنا بس يجي ابنك في الوقت ده و ماسك بنتي مجرجرها قدامه و معيطها لا يا عشري انا ابوها و عمري ما مديت ايدي عليها.

عشري الاب…..بغضب محمدددددد أتيسر عالدار و بنحكي بعدين خدوا اخوكم من جدامي يلااااا احططط

علي….تعالي يا محمد

عمر….يلا يا محمد انزل

بص عشري بغضب لوالد مريم

عشري…..صح انت صح ما انت لو كنت فكرت في مره ترفع ايدك عليها مره مكناش وصلنا لكده قلم واحد منك كان كفيل يخليها تمشي عدل

مصطفي….انت اتجننت انت بتقول ايه

مريم….بدموع وهمس محمد بلاش

عشري الاب…..بغضب ويش صارلك چنيت ايش بتجول انت يا مخبول

قرب عشري بغضب عشان يضرب عشري وقف قدامه بسرعه عمر وعلي يمنعوا.

عشري…..بقول اللي محدش فيكم يعرفوا و اللي مفيش غيري انا وهي بس يعرفوا انا سيبت بنتك لما حبيت من قلبي البنت اللي طول عمري مستنيها

مصطفي….وقولناالك الله يسهل حالك و فرحنالك ووقولنا كل شئ قسمه ونصيب حصل ايه تاني

عشري…حصل ان بنتك راحت عرفتها اني كنت خاطب و بوظت الدنيا بينا

مصطفي….بص لمريم يعني ايه

مني…..حتي لو ده حصل هي مالها اكيد من وجعها و بعدين ما دي غلطتك معرفتهاش ليه انك خاطب

عشري….انتي صح غلطتي اني كدبت لاني مكنتش حابب اتملم في اي حاجه تخص بنتكم و غلطتكم انكم مقدرتوش تربوها

عشري الاب…..كلمه زياده وهجتلك يا محمد

مصطفي…..خد ابنك وامشي يا عشري ومويس اوي لحد كده ان بنتي مكملتش مع ابنك لانه مطلعش راجل

عشري…..هنمشي لان ميشرفناش نقعد هنا بس مش قبل ما نمشي هعرفك حقيقه بنتك و اني كنت راجل معاها للنهايه بنتك المصون يا حاج مصطفي من اول اسبوع لينا بعض عرفتني انها مش عايزه تكمل معايا و ان في فحياتها حد تاني

بص مصطفي بصدمه لمريم اللي كانت واقفه منهاره ومرعوبه.

عشري….ومش بس كده عرفت منها انها متجوزه عرفي وحامل وعريس الغفله قطع الورق اللي بينهم

قعد مصطفي علي الكرسي بصدمه

مني….اخرس قطع لسانك

عشري…..و مش بس كده قولت هطلع راجل معاها للاخر و هقعد معاها شويه و بعدين نسيب بعض و اننا متفقناش ووعدتها اني هفضل واقف معاها لحد ما اجبر الزباله ده يتجوزها بس قالتلي انك رفضته و انه مش جاهز اصلاً قولتلها هساعده و هعمل اللي يقدرني ربنا عليه طلبت مني تنزل الحمل و اساعدها حاولت امنعها و قولتلها اني هجيبه و يتجوزك ووهجيب نسخه من العقظ العرفي من المحامي توهت فب الكلام وكان كل همها وقتها انها الاول تخلص من اللي في بطنها وقفت معاها وقررت اغضب ربنا في قتل روح عشان بس استر عليها

و لما فات الوقت و سيبتها وانا لسه عند كلامي هفضا جنبها و بيني وبينها ربنا راحت خربت حياتي عارف ليه لان بنتك ظالمه وانانيه كانت ناويه تفضل معايا و مكدبش عليك لولا ظهور ليله في حياتي كنت اتجوزت لنتك وسترت عليها

بس بنتك طلعت منزلتش اللي في بطنها و مانت ناويه تلبسني فيه و تقولؤ ده ابنك

كلهم بصوا بصدمه فضل و ابوه و اخواته و حتي امها و ابوها

عشري….بغضب كانت ناويه تلبس الراجل ده عيل ابن حرام مش ابني تكتبه علي اسمي و ياخد كنية عيلتنا و تورثه فيا وفي اهلي و تعيش معايا بكدبه

مصطفي….اسكت اسكت و انتي انطقي قولي انه بيكدب

عشري الاب….بصدمه انت چرا لعجلك ايه يا ولدي چنيت عشان ليله واخده علي خاطرها شويه

عشري….لا يا ابااااه دي الحقيقه و انت عارف ولدك زين هي اللي بدت كنت مستعد استر عليها لاخر لحظه بس طلعت شيطان لا كان في جواز عرفي و لا محامي ولا حتي نزلت اللي في بطنها و مكفهاش و قفتي معاها و انتي كنت مستعد اشيل عنه كل حاجه مقابل انه يستر عليها قابلت خيري بشر و عايزه تخرب حياتي و تلبسني عيل مش من صلبي و هي اللي اعترفت بنفسها

مني….انت كداب بنتي مستحيل تعمل كده

مصطفي…..قولي حاجه يا مريم

مريم….بانهيار انا اسفه و الله اسفه مكنتش عايزه كل ده يحصل كنت بحاول الاقي حل خوفت انزل البيبي و كنت ناويه لما نتجوز بعدها بفتره اسيبه و اربي ابني لوحدي من غير ما حد يعرف الحقيقه

عشري الاب….بصدمه و تخلي ابني يكتب اسم ولدك باسمه وهو من حد تاني يا مريم

مصطفي….بغضب و انهيار قرب منها طحنها محدش فيهم اتحرك من الصدمه و الغضب اللي كان جوه عشري منعه يحوشها مكانش في غير امها اللي بتحاول تحميها منه

عشري…..اسمعني زين المنطجه مش منطجتي وانا مش كبيرها بس انا هغيب كام يوم أرچع ملمحش حد فيكم في الناحيه لان وجتها هبجي كبير المنطجه و همشيكم لان لو لمحت بنتك هقتلها عشان العيش والملح بس هسيبك يومين تدبر خالك بعدها انا و انتوا هنتفاجئ بشخص اوسخ من اللي انت شايفه قدامك الوقت واظن كفايه بنتك طلعت من جوايا واحد انا اول مره اشوفه

نزل عشري جري من قدامهم و وراه فضل و اخواته و وقف عشري ابوه مصدوم باصص ليهم و مش بينطق
خد بعضه و نزل بسرعه وراهم و سابهم في مصيبتهم.

كان واقف تحت عدي و سليم مستنيهم ينزلوا عشان يفهموا لمحوا خارج زي كتلة النار بعدوا عنه و منطقوش

علي…..استني يا محمد اقف خلينا نتكلم

عمر…..فهمنا يا عشري طيب متمشيش و تسيبنا كده

عشري…..اللي عندي قولته وانتوا سمعتوا فوق كويس اللي اتقال

عمر….يعني ايه اللي قولته ده حقيقه

عشري….بغضب اييييييييييه اخوك هيفتري علي مره

علي…..طب اهدأ اهدأ بس

عشري……وين محمود

علي….معرفش من وقت ما كلمتوا طلع وراء ليله

عشري الاب….محمددددد استني

وقف عشري و بص لابوه

عشري الاب…..الكلام ده صح

عشري….هفتري علي شرف مره يا ابااااه هي دي اختيارك لولدك عرفت ليه مكنتش مبسوط ليه مكنتش حابب اكمل

عشري الاب….ليه ياولدي محكيتش ليه معرفتنيش

عشري….كنت رايد استر عليها و اطلع رچال كيف ماربتني بس لحد ليله ياباه و اعتبر روحك مخلف مره مش رچال اللي يفكر يچرح ليله بنسفه اللي يجابل خيري بشر ما بنظر له و انا بعد ليله كنت لسه عند كلامي هجف في ضهرها لأچل عم مصطفي بس توصل انها تلبسني عيل مهواش من صلبي كتير عليا

عمر…..كان لازم تتكلم مع اي حد فينا مكانش ينفع تقبل علي نفسك كده من الاول

عشري….وقبلللللت و رضيت ومحبتش افضحها بس هي مدتلها كفي طمعت في يدي كلها سامحني يا بااااااه مكنتش احب اللي بينك و بين عم مصطفي يوصل لكده بس غصب عني

عشري الاب….بهدوء هز راسه و طبطب علي كتفه مسامحك ياولدي انت واخواتك اهم عندي من اي حد و انا مكنتش هجبلها يبجي حفيدي من صلب راجل غير ولدي و يشيل اسمي و اسمك شوف ليله يا ولدي و رچعها واوعاك تفرط فيها و اوعاك تزعل علي اللي صار ربنا وجع بينكم عشان متبجاش اب لعيل مش من صلبك روح يا محمد لاجي ليله و لما تلجاها اني ليا سوالف كتير معها

هز عشري راسه بهدوء و باس كف ابوه ومشي

علي…..استني يا محمد هاجي معاك

فضل…خليكم انا وراه لو محمود اتصل طمني

مشيوا بسرعه من قدامهم وطار عشري زي القنبله الموقوده.

…………..

عند البنات طلعت نادين و معاها عسال و ايه و سلامه يشوفوها فوق مكانتش موجوده

دورت عليها في كل مكان مكانش ليها اثرت خرجت وهي بتعيط

نادين….ملقتهاش مش هنا

ايه….سلمي كمان بتقول انها مش في البيت

سلامه….طيب فكروا ممكن تلجأ لمين في الوقت ده غير اخواتها

نادين….بدموع مفيش هي اميمه لان ليله بتعتبرها امها مش اختها بس كمان انا بيتهيألي مش هتقدر تروح هناك

سلامه….طيب ايه هي ممكن تروح عندكم

ايه…لا مستحيل ليله علاقتها بي بابا وتامر كويسه جداً بس مش لدرجه انها تروح هناك و تبات هي عمرها ما باتت عندنا اصلاً

عسال….طب و عند اهل نعيمه

ايه…نفس الحكايه هي ممكم اكتر حد بترتاحله زوزو

سلامه….يعني ممكن تروحلها

نادين….ميتهياليش ولو كانت راحت كانت زوزو كلمتنا من وراها

ايه….طيب خلونا ننزل نعيمه بترن شكلهم جم تحت.

نزلوا كلهم كانت نعبمه و سلمب و حسان و معاهم رشيد وايمي لحقوهم

حسان….طيب ممكن تروح فين او عند مين

ايمي….ليله ملهاش غيرنا احنا و اخواتها ملهاش حد تلجأ ليه في موقق زي ده و بعدين ليله من الناس اللي لما بتوصل للحاله دي بتحب تبقي لوحدها عشان متتكلمش

عسال…..ايه في اخبار

رشيد….لا مش في البيت

سلامه….احنا كنا بنفكر يعني يمكن تكون راحت عند اي حد من اهلكم

ايمي….مستحيل

نعيمه……لا عندنا مستحيل

سلمي….ولا عندنا ليله بتتحرج جداً هب اه علاقتها بيهم كويسه بس مش للدرجه انها لما تبقي مضايقه او حابه تختفي تروح ليهم

عسال….طيب عندكم يا ايمي

رشيد…اه يا ايمي ليله علاقتها بزوزو و حماده واخواتك حلوه جداً و واخده عليهم

ايمي….لا مش هتروح انا عارفه و بعدين لو كانت راحت مكانش حد فيهم سكت و ليله اصلا عارفه ان زوزو رغايه زي اميمه يعني مش هتسيبها ترتاح

رشيد….طيب نكلمهم يمكن تكون حلفتهم

ايمي…انا عارفه امي كويس يا رشيد لو مسكت الانجيل و حلفت عليه قدامك متصدقهاش في الحجات اللي زي دي بالذات لانها عارفه اننا هنبقي هنتجنن عليها

حسان…..طيب حاولوا تفتكروا مكان هي بتحبه اي حاجه بتهرب عليها

نعيمه…مفيش غير دهب ليله لو ناوبه تختفي بجد هتروح دهب لو محتاجه تبعد يوم او اتنين هتروح لاخواتها مفيش غير كده

عسال….طيب ليه نفترض انها راحت دهب قبل ما نسأل اخواتها

نعيمه….انا مش هقدر اكلم حد فيهم لو مراحتش هنقلقهم

ايمي….صح و الموضوع هيبقي في كلام واسأله وليه ده حصل و هنضطر نحكي و المشكله هتكبر و هيزعلوا من عشري

رشيد….عشري بيتصل

ايمي….شوف يمكن لحقها او عرف حاجه

رشيد….ايوه يا عشري

عشري….انتوا فين

رشيد…تحت بين نادين

عشري….لاقيتوا ليله

رشيد…لا

عشري….انا داخل عليكم

قفل عشري من غير ما يقول سلام

رشيد….جاي ملقهاش شكلوا هو بيسأل عليها

قفل عشري معاه واتصل بمحمود

محمود…ايوه يا عشري

عشري…..طمني يا محنود لحقت ليله

محمود….ملهاش اثر يا عشري علي ما كلمتك و طلعت وراها بلف بقالي اكتر من ساعه و مشيت الطريق اللي اكيد هترجع منه مفيش اثر

عشري….تمام ارجع انا هتصرف

محمود….لو احتجتني كلمني

عشري…..ماشي

قفل و كان خلاص داخل عليهم و فضل وراه الاتنين بأقصي سرعه عنده فرمل العربيه بطريقه صرعتهم

نزل بسرعه هو وفضل وقربوا منهم

عشري…..مفيش اي اخبار خالص

ايمي….لا عند نادبن ولا في بيتها

عشري….غير دهب ممكن تروح لمين

ايمي…لو مراحتش لايمي مش هتروح غير دهب

عشري….تمام هطلع علي اخواتها لاقيتها تمام ملقتهاش هطلع علي دهب علي طول

ايمي….استني بس هتقول ايه لاخواتها

عشري….قولت هقول الحقيقه

رشيد….طيب استني هتروح دهب انهارده ازاي هتسوق ازاي وانا في خالتك دي اصلا

عشري….لازم اروح انهارده و متقلقش انا تمام بص للبنات اسمعوني كويس انا في حياتي متخيلتش ابداً اني اعمل حاجه مش شبهي بس اكتشفت ان عشان ليله مستعد احرق الارض باللي فيها

لا عايز حد يلومني ولا يسمعني حكي ماسخ لاني مش متحمل حق صاحبتكم رجع و رجع بالطريقه اللي لو كانت ليله نفسها عرفتها مكانتش هتسمحلي ابداً اعمل كده ليله هترجعلكم و مش راجع غير لما الاقيها

ايمي….انت عملت ايه يا مجنون

عشري….مش مهم المهم انا هأمنكم
امانه لو عرفتوا عنها اي حاجه و حتي لو هي قالتلكم متعرفونيش اوعوا تسمعوا كلامها لو بتحبوها بجد عرفوني عشان ليله علي قد ما هي مش طيقاني علي قد ما هي انا واثق محتجاني جنبها

سابهم وراح بسرعه علي العربيه

حسان….با عشرررري طب استني هنيجي معاك عند اخواتها متبقاش لوحدك

عشري….لا خليكم يا حسان

طلع عشري بالعربيه

ايمي…خد هنا يا فضل المجنون ده عمل ايه

رشيد….فضل في ايه هو راح لمريم

عسال….طيب خلبنا نلحقه الاول و بعدين نعرف مش عايزينه يواجه حد فيهم لوحده

فضل…..بأسف سيبوا يا عسال هو مش طابق هدومه عشري طربق الدنيا

ايمي….عمل ايه طيب قول

وقف فضل حكالهم الكل كان مصدوم و عرفوا ان عشري الوقت بيعيش اسوء يوم في حياته بعد ما عرف حقيقه مريم

و طلعوا وراه بسرعه علي بيت اميمه.

و الكل طول الوقت بيحاول يتصل علي ليله وواولهم عشري اللي اخر ما غلب فتح الواتس و بعتلها رساله.

عشري….بغضب انا عشانك عملت حاجه مستحيل كنت افكر اعملها سمعتيني عارف انك مش طيقاني و انك مش عايزه تكملي ليله انتي قولتي هتأذيني لو قربت منك و انا بقولك مش هسيبك اقولك علي حاجه ياليله لو مرجعتليش هقتلك و لو عايزه تأذيني يلا معاكي دليل يا ليله اطلعب علي اقرب قسم و قدمي فيا بلاغ قوليلهم اني بهددك بالقتل لو ده هيريحك و يخليكي تنتقمي مني اااااه هقتلك يا ليله يلا روحي فرجيني اذاكي و انا مستني انتي ليا يا ليله بمزاجك غصب عنك ليا رافضه الكدب مش رفضاه هتبقي ليا

قولتهالك قبل كده و بقولهاااااللك تاني من اول ما دخلتي قلبي مش هتطلعي منه غير بموتي

قفل الڤويس ورجع بعتلها ڤويس تاني

عشري……بقولهالك تاني يا ليله لو شوفتك هقتلك يلا روحي خدي حقك و انتقمي معاكي دليل علي طبق من دهب يا بنت عمري

بعت الڤويس كان بيحاول يستفزها عشان تظهر عارف انها مش هتعمل كده و راضي حتي لو هتعمل كده كان كل همه بس انه يحسسها انها لتنتصر عليه.

اتصل علي وليد وهو في الطريق و اتصل علي احمد و طلب يشوفهم

و للحديث بقيه….