لقاء كارثي
لقاء كارثي
لقاء كارثي
أميره أسامه
صاحبة البطل الواحد
. البارت المئه 131.
………………………..
في العربيه عند سلامه خد معاه ايه و عسال راح مع نادين و سلمي راحت مع رشيد وايمي و حسان.
ايه من اول ما ركبت و هي سانده راسها علي الكرسي و باصه عالطريق و ساكته خالص علي غير العاده
اللي حصل نكد عليهم كلهم و ضايقهم و هي بالاخص علم فيها الموقف كله و كانت مضايقه من رد فعل نعيمه ليها و متوقعتش انها متسلمش عليها…
بص سلامه عليها و رفع كفه فضل بلعب في شعرها لفت رقبتها بهدوء و بصتلوا و فضلت ساكته
سلامه……بابتسامه جميله انا في قرار مهم خدته ولازم توافقي عليه من غير اي نقاش
ايه….بهدوء قرار أيه ؟
سلامه….بضحكه جميله لما تجوز ان شاء الله مش هنعزم حد عندنا في البيت نبقي نقابلهم بره
أيه ..بأبتسامه هاديه و أشمعني
سلامه…..لا دي مفيهاش اشمعني بقت واضحه زي الشمس اول مره روحنا نبارك لايمي ليله دبت مع الكل خناقه وانهارده جينا نبارك لليله نعيمه دبت مع الكل خناقه يعني الموضوع مش مبشر بخير و احنا لازم نلحق نفسنا عشان شكلنا كده لما بنتجمع في مناسبه بتحصل خناقه
ضحكت ايه بهدوء.
سلامه….بابتسامه ايوه كده أضحكي و خدي بالك بقي شكلك بيبقي مش حلو وانتي مكشره
ايه….انا مش مكشره انا تمام
سلامه….لا مش تمام بس حقك علي فكره يعني الموقف مكانش حلو بس خلينا ننسيي اللي حصل و زي ما ليله قالت نستني نعرف نعيمه مالها
أيه…..بص يا سلامه انا مش من عادتي اتكلم علي اي بنت من صحابي و حتي لو حد فيهم غلط معايا مبحبش ابين ده و كمان اني اتكلم معاك الوقت عن نعيمه دي مش احسن حاجه بالنسبالي بس انا مضايقه بجد
سلامه….هو مبدأياً كده انك تزعلي من حد فيهم و تفضفضي مش معناها انك مش بتحبيهم او بتتكلمي عليهم لان انا عارف انك بتحبيهم زي ما هما بيحبوكي بس اوقات لما بنتكلم او نشتكي من تصرف حد بنحبه بتبقي حاجه كويسه خصوصا لو انتي واثقه ان اللي بيسمعك مش هيوقع الدنيا بينكم و انتي عارفه ان انا بحب علاقتك بصحابك زي ما علاقتي بالشباب بالنسبالي كبيره ولما تتكلمي او تفضفضي ده مش عيب لان ممكن انتي تبقي واخده موقف كبير و لما تتكلمي و اسمعك انا او حد غيري يهديكي يحاول يفكر معاكي يعني من الاخر يهدي الموقف فا متضايقش واتكلمي عادي و بالنسبه لنعيمه انا بحبها و هي طيبه و جدعه و بحس ان علي قد ما اوقات كتير بصراحه انا بحاول اخد حذري من هزاري معاها او كلامي عموما عشان متقولش كلمه تضايقني او تضطرني ارد عليها علي قد ما هي قلبها ابيض…
