لقاء كارثي

ليله….لا ملهوش لزوم خليك يا قلبي والله ما هتأخر

عشري…طيب اكلم حتي السواق يروح معاكي

ليله…..سواق ليه هو انا بتعلم السواقه خليني اروح بقي و انت كما نوم شويه لحد ما ارجع

عشري…..هتتأخري طيب

ليله….لا والله يعني علي اتنين تلاته بالكتير هكون هنا

عشري…..كل ده

ليله…..لسه هروح اخد ايمي و بعدين هرجعها و لسه هنشوف الهانم مالها بس ان شاء الله مش هتأخر

عشري…..ماشي يا ستي روحي و خدي بالك من نفسك

ليله…..يا نااااس عالقمر بحبك

عشري…بابتسامه جميله و انا بموت فيكي

قامت ليله بسرعه غيرت هدومها و خرجت كان مغمض عينه و حاطت المخده علي وشه قربت منه بسرعه شالت المخده وباسته

ليله…..انا ماشيه

عشري بابتسامه بص علي هدومها كانت لابسه بنطلون چينز و شيميز ابيض و من تحت الشيميز توب بيبي بلو شكلها كان حلو وهادي

عشري….ماشي يا رخمه سيباني ها

ليله…بضحكه جميله مش هتأهر علي القمر بتاعي انا مظبطه البيت من بليل و الدنيا بره نضيفه اياك تبهدل الدنيا لحد ما اجي مفهوم

عشري….ده انا هقوم ابوظلك كل حاجه عشان تبقي تسيبيني اوي

ليله….بضحك لا وحياتي والله مش هتأخر

عشري…..ماشي

ليله…..لما تصحي براحتك فطارك جاهز يا قلب ليله انت بس اعمل القهوه

عشري….بضحكه جميله ماشي طب انتي فطرتي

ليله…امممم كلت بسكوت و هاخد القهوه معايا عشان متأخرش لما أرجع ابقي اكل

عشري…..ماشي علي مهلك ولما توصلي عرفيني انا صحيت خلاص مش هنام تاني هقوم اخد شاور و افطر و ممكن انزل اشوف امي و ابويا و هبص كده علي فضل اعرف عمل ايه

ليله…..ماشي يا سيدي باي

عشري…..باي يا قلبي

مشيت ليله و نزلت ركبت عربيتها كان باصص عليها من فوق شافها وهي بتبص عليه بس الزجاج فيميه مش بيبين هو اللي كان شايفها ابتسم بحب و فضل باصص عليها لحد ما اتحركت..

…………..

وصلت ليله علي الساعه 12 الا ربع عند ايمي ركنت و دخلت علي جوه

كانت صاحبه هي و رشيد و لابسه مستنياها و بيفطروا راحت چوي فتحت

ليله…..اصحوا يا بشرررر العروسه وصلت

ضحك رشيد و ايمي و بصوا علي صوتها

ايمي…..اهي البلطجيه جات بدوشتها

قربت منهم قامت ايمي حضنتها

ايمي…..ايه يابت الحلاوه دي

ليله…..مبتعلم منك يا قمر اهلا بي أبو العيال

رشيد…..اهلا يا عروسه اول مشوار ليكي عندنا يعني ده حدث