لقاء كارثي
لقاء كارثي
حسان….طيب ممكن تهدي و خلاص انسي اللي حصل ده و انا واثق ان لما يعدي يوم ولا اتنين لا انتي هتقدري تتحملي غيابها ولا هي
رشيد….والله العظيم لو واحده فيهم عرفت ان التانيه محتجاها هيجروا علي بعض من غير اي تفكير و هينسوا اللي حاصل ده ولا ايه يا ايمي ساكته ليه
ايمي…..اوووووف والله ما عندي كلام اقولوا اول مره مبقاش عارفه ادافع عن نعيمه ولا قادره اغلط سلمي بس انا مش مبسوطه و لا متطمنه
حسان….خير يا ايمي مفيش اي حاجه الاخوات بيحصل بينهم اكتر من كده يعني عادي يحصل كده بين الصحاب
ايمي….و احنا اخوات يا حسان مش صحاب انا عارفه انهم هيتراضوا و يتصالحوا بس مشكلتي مش في كده خالص
رشيد …امال في ايه في فضل قولتلك فضل مش هيعمل حاجه و احنا كمان هنتكلم معاه
ايمي….خير ان شاء الله انا هبقي اشوف ايه حكايتها.
…………………
عند نادين و عسال
كانت ساكته خالص و مغمضه عينها بس مش نايمه يمكن كانت عامله نفسها نايمه عشان متتكلمش مع ميدو في اي حاجه
مسك عسال موبايلوا واتصل علي سلامه..
سلامه….ايه يا ميدو
عسال…..بقولك ايه لما توصل ايه متجيش تاخدني انا هفضل مع نادين ماشي
سلامه….ماشي يا حبيبي زي ما تحب بس طمني هي كويسه
عسال….اه كويسه بس انا مش عايز اسيبها
سلامه…..ماشي تمام انا هوصل ايه وهمشي علي طول
عسال….ابقي عرف ماما انت بقي ماشي
سلامه….تمام متقلقش يلا خلي بالك منها
عسال….ماشي يا حبيبي يلا سلام
سلامه…..سلام
ايه…..نادين فيها حاجه
سلامه….لا مفيش ميدو هيفضل معاها و بيقولي امشي يعني مروحش اخده
اتنهدت ايه و سكتت
………………
في منزل احمد كان هو و حماده بيلعبوا طاوله و تامر و محمود قاعدين مع بعض محمود كمان راحلهم و زوزو قاعده مع نغم اللي مخرجتش من اوضتها خالص كانت عماله تهزر و ترغي و تضحكها و تخليها تفضفض و تخرج كل اللي جواها و تنصحها حست نغم براحه كبيره معاها اوي و كأنها تعرفها من زمان.
و زوزو طبعا متتوصاش فضلت ترغي و تحكيلها عن طفولتها وجوازها وكل حاجه..
ماريز…..ايوه كده اضحكي انا مبسوطه اوي اني عرفت اضحكك و اخليكي تتكلمي
نغم….بابتسامه انا مش عارفه والله اقول ايه لحضرتك انا حاسه اني اعرفك من زمان و بجد انا عمري ما ضحكت ولا اتبسطت زي الوقت
