لقاء كارثي

نعيمه….اه مش حابه حد يتكلم معايا فا قفلتوا وبعدين انت ايه اللي جابك مش قولتلك خليك

فضل……ايه مش عيزاني اجي

نعيمه….لا مش كده بس مش عيزاك تتعب نفسك

فضل….وانا مشتكتش انا جاي اطمن عليكي

نعيمه…..بتنهيده انا كويسه يا فضل بخير متقلقش

فضل…..هو فين الخير ده انتي مش كويسه يا نعيمه و بصراحه انا بحاول اقهم مالك فيكي ايه مش عارف الطبيعي ان انا ابقي اول واحد يعرف اللي جواكي بس انا حاسس اني غريب عنك مش فاهمك مش عارفك بقالك فتره مش كويسه بس كنت بكابر او بقول عادي مودها مش حلو ماريفه في حاجه بسيطه عننكتها اتكلم معاكي نضحك نهزر اقول لا هي كانت بس مزاجها مش تمام وخلاص بس الموضوع بدأ يزيد معاكي و بعدين انا اول مره اجي واشوف البيت في الحاله دي كوبايات تراب كركبه ده اكتئاب ولا ايه

نعيمه…..انا كويسه يا فضل صدقني

فضل…..مش مصدقك يا نعيمه ولا عارف اصدقك و لا عارف اقتنع بكل الحوار اللي حصل قدامي ده هو انا المفروض ابقي معاكي و مقبلش حاجه عليكي و حتي لو غلطانه مقولش انك غلطانه عشان منظرك قدام الناس بس احنا الوقت لوحدنا

و من غير زعل انا شايفك غلطانه يا نعيمه

بصتلوا نعيمه و سكتت

فضل…..ايه غلطان في كلامي انا لو قعدت معاكي لوحدنا و قولتلك انتي صح ابقي مبحبكيش المفروض اني مرايتك وانتي مرايتي

نعيمه…..و ايه اللي عملتوا غلط يا فضل انا اضايقت من رد فعلهم و ده رد فعلي

فضل……بس اللي انتي حكتيه يا نعيمه غير اللي هما حكوا

نعيمه…..وانت بقي جاي هنا تقولي اني كدبت

فضل…..انا لا بكدبك ولا بكدبهم انتي قولتي كلامك كان خوف عليهم و هما قالوا ان حتي لو ده خوف وهما عارفين كويس ان خايفه بس نبهوا عليكي و انتي مذكرتيش الكلام اللي طلع منك البنت بس هما ذكروا و اه الكلام يزعل

نعيمه….حتي لو يزعل يقفوا قصادي
عشانها

فضل…هما موقفوش قصادك يا نعيمه انتي بس اللي واضح انك مش تمام نفسياً و خدتي الكلتم بحساسيه اكبر و كبرتي الموضوع مع انه بسيط و يعدي يعني انا متخيل مثلا ان كل الكلام اللي انتي قولتيه للبنت ده لو كانت اتقال بينكم انتوا الاربعه من غير ما البنت تسمع و اتقال اكتر منه كمان لا سلمي ولا ايه كانوا هيضايقوا لكن هما اضايقوا لان اولا البنت ضيفه عندهم الكلام اتقال في وشها حسوا انها اتجرحت و طبيعي حتي لو عتابهم ليكي كان حاد شويه فا انتي كمان لازم تديهم عذرهم ماهو ما ينفعش انا اقول كلام يضايق و اضايق لما أسمع الرد انتي عارفه مسكلتك ايه يا نعيمه