لقاء كارثي

فا متزعليش علي اللي خسرتيه او اللي مكانش ليكي حظ فيه متحسبيهاش عيشي اليوم بيومه اوعدي نفسك ان بكره احلي و هتبدأيه بنفسيه احسن و طاقه اعلي

اللي راح لو عيطتي عليه و فضلتي حابسه نفسك جواه هتفضلي تعيطي طول العمر صدقيني الخزن بيجيب حزن انسي اللي راح و أبداي بكره بشكل جديد لان بكره اصلا يوم جديد ثواني و دقايق و ساعات و مواقف و كلام كله جديد

اختارتي الحزن يومك بكره هيبقي شبه انهارده الثواني والدقايق والساعات حتي الكلام كله هيبقي متكرر روتين بس روتين حزين و كئيب عمك احمد قالي انك مش حابه تخرجي خالص من الاوضه و ان نفسيتك ساءت اكتر من بعد ما جيتي يادوب البنات بيدخلوا يقعدوا ويتكلموا معاكي حتي الاكل اوقات كتير تقولي شبعانه و هما يدخلوه هنا ليه يا ماما ليه انتي صغيره اخرجي و اقعدي واتكلمي او حتي اسكتي اسمعيهم وهما بيتكلموا بيضحكوا بيهزروا الفرحه بتعدي و الطاقه الحلوه بتعدي زي الخزن بالظبط هو كمان بيعدي اختاري عدوتك

نغم….بابتسامه هاديه طيب يعني و حقي اسيبوا

ماريز…..لا طبعا مين العبيط اللي قال كده لو ليكي حق خديه لو معاكي ما يثبت ان في حد ظلمك طلعيه مش معني اني بقولك تخطي وانسي و أبداي من جديد انك تسيبي حقك لان ده مش هيخليكي تبقي مبسوطه و طول الوقت مش هتبقي عارفه تعيشي صح و انتي ليكي حق انتي قولتي معاكي دليل و اتظلمتي و من كلامك انك اتعذبتي

يعني ليك هاتي حقك بس في نفس الوقت اقفي علي رجليك يلا انسي الوجع انتي خدتي خطوه حلوه اوي و كلها قوه لما قدرتي تحرري نفسك من وضع غلط نكمل بقي نجيب حقنا نقف علي رجلينا نخطط لحياتنا الجايه نسعي في شغلنا شوفي هتعملي ايه

نغم… انا اول حاجه نفسي اقدر اعملها اني اشتغل و اقدر اجيب بيت حتي لو اوضه صغيره لاني اكيد مش هفضل هنا و كمان انا عارفه كويس ان بابا مش هيتقبلني خالص لا اما هيقولي ارجعليهم لا اما لو خدني مراته مش هتريحني وهو اكيد هيبقي معاها

ماريز….حلو يبقي نفكر في نص كلامك الحلو اننا نشتغل و نجيب اي بيت و منفكرش في حوار بابا دن خالص الوقت فكري في الايجابي مش السلبي فهمتيني

نغم….بابتسامه فهمت حضرتك و عايزه اعترفلك باعتراف

ماريز….بابتسامه قولي

نغم…..يعني انا حاسه اني اعرفك من زمان بجد و يمكن انا اول مره بصراحه اقابل في حياتي ناس زيكم كنت بدات احس ان الناس كلها مخيفه اوي