لقاء كارثي

نعيمه….و واضح كمان انهم عينوك محامي دفاع عنهم

فضل…..نعيمه انتي مش شايفه نفسك غلطانه خالص بجد يعني مش حاسه باي ندم من اي موقف من كل المواقف دي

نعيمه…انا رد فعل يا فضل

فضل……قدام مييييين قدام مين يا نعيمه رد فعل قدام صحابك و عشرة عمرك

نعيمه….وهما عشان صحابي وعشرة عمري المفروض لما حد فيهم يعمل معايا موقف اسكت

فضل…..لا بس متجرحيش اتكلمي ازعلي اغضبي بس خلي كلامك جوه صلب الموقف اللي ضايقك و اللي انا شايف اصلا ان مكانش حقك تتكلمي فيه خايفه عليهم انصحيهم بينك وبينهم و نصيحتك تكون خلوا بالكم ركزوا امنوا نفسكم مش كلام ملهوش لازمه هما فتحوا بيتهم للبنت مش بيتك انتي هما مش لوحدهم معاهم اخوهم و ابوهم

يعني نصيحتك لو مش بحدود يبقي ملهاش لازمه مش هتخافي عليهم اكتر من نفسهم مش هتخافي عليهم اكتر من تامر و ابوهم الراجل في البدايه اعترض بس للحظه لما فهم رجع عن اعتراضه و الاهم انه مش هيجاذف بعياله يا نعيمه مش هيعرضهم للخطر عشان خاطر بنت غريبه عنهم الا لو كان شايف اللي بيعملوا ده صح قولتهالك قبل كده يا نعيمه وللاسف كل ما اقول نعيمه بتسمع و بتاخد الكلام بتاعي جد

و بتتغير ترجعي تاني تفاجئيني بموقف اقوي من اللي قبلوا قولتلك يا نعيمه انا مش بحب المشاكل بلاش ندخل نفسنا في اي مشكله و انتي زي ما انتي

نعيمه….وانا مدخلتكش في اي مشكله يا فضل

فضل….نعيمه انا موقفي كان زي الزفت اولا واقف زي الحمار مش فاهم مالك مش قادر ادافع عنك و اقول نعيمه معاها حق او نعيمه ماقصدش لانك ماشاء الله مكنتيش مديه حد فرصه يتكلم واقف في نص هدومي من الراجل اللي انا في بيته و اللي المفروض عريس مش رايحين ننكد عليه هو وعروسته

واقف محروج من حسان وسلامه اللي خطيبه كل واحد فيهم واقفه تسمع كلام زي الزفت واقف محروج من ميدو اللي مراته في ايده منهاره

و خايف ايمي تتعب و يجرالها حاجه وهي شيفاكم واقفين بتخسروا بعض و رشيد وقتها يقولي خطيبتك السبب و لما مشيتي فضلت واقف مش عارف انطق ولا ادافع لدرجه انهم بداوا يبصولي ويسألوا انت مزعل نعيمه في حاجه عشان توصل لكده مكنتش عارف ارد فا انتي لو مش شايفه انك كده بتدخليني في مشاكل انا شايف يا نعيمه و مش حابب ده يحصل اصلا ده احنا مصدقنا خلصنا من المشاكل اللي حصلت الفتره اللي فاتت نقوم احنا اللي نعمل مشاكل و ناكل في بعض
فيكي ايه يا نعيمه و ايه اللي بيحصل معاكي انا من حقي اعرف. لانك بقالك فتره متغيره مش انتي نعيمه اللي اعرفها في حاجه او مشكله عندك مش عارف احط ايدي عليها للاسف و انا جاي افهم انهارده فيكي ايه ؟ طايحه في الكل بتسيبي شغلك بتخسري في صحابك بتخرجي كلام يجرح اللي قدامك في ايه بالظبط فهميني