لقاء كارثي

عسال…..متزعليش تاني لاي سبب ولا عشان اي حد حتي لو انا و كمان لما ابقي حاسس انك متغيره واسالك مالك متخبيش عني لان دي مزعلاني منك بس مش هنتكلم فيها الوقت

نادين…طيب اوعدك مخبيش عني حاجه دي ممكن بس اني مزعلش عشان اب حد حتي لو انت هعملها ازاي هو انت ينفع متزعلش لو حد منك حاصل معاه مشاكل

عسال….ازعلي بس ميأثرش الزعل عليكي نودي انا في كلام جوايا عايز اقولوا بس عارف اني لو قولتوا هتزعلي لان نعيمه صاحبتك بس اللي سمعتوا انهارده ضايقني بجد ولولا اني عارف ان ليا حدود في علاقتك مع الناس اللي بتحبيهم مكنتش سكت علي اللي سمعتوا ده

نادين…..كلام ايه اللي جواك

عسال…..هتزعلي مني و انا مش قاصد والله الكلام ده بس مضايق

نادين…قول مش هزعل

عسال…..بصي انا بحب نعيمه وعارف انها طيبه و لسان عالفاضي بس المرادي بجد الموضوع او الكلام اللي حصل هي زودتها يعني كان في قلة ذوق و تخطي للحدود اكتر من اللازم يعني انها تقولك روحي او متطلعيش معايا دي مش حاجه حلوه و مقبلهاش عليكي و انها تقول الكلتم اللي سلمي قالتوا ده مرفوض عندي خالص بجد و يمكن الحاجتين دول مضايقني اكتر من موضوع الشغل لان بيها من غيرها انتي لا شغلك هيتأثر ولا عمري هسيبك تحسي بأي مشكله بخصوص شغلك لكن الباقي مضايقني بجد

نادين….هي ينكن مضايقه شويه يا ميدو

عسال…..ياستي علي راسي و عارف انها مضايقه من حاجه اكيد عشان تعك كل العك ده بس كمان مينفعش ابداً نلغبط في الكلام

نادين….بس انا مش عيزاك تزعل او تشيل منها دي نعيمه يا ميدو

عسال….حبيبي انا مش زعلان منها قد ما زعلان من الموقفين و كلامي ده مش معناه اني شايل منها او هتغير معاها لا طبعاً متقلقيش بس اللي عايز اقولوا من اللحظه دي لو مين فكر انه يضايقك اوعي تزعلي ممكن

نادين…..بحب حاضر مش هزعل

عسال….وعد

نادين…..وعد

عسال….بحب اما نشوف ضمها لحضنه اوي

نادين….ممكن بقي تحكيلي حدوته

عسال….ابقي خلي دبدوبك يحكيلك

نادين….بضحك بطل رخامه بدل ما اخليك تروح للفراشه

عسال….وتاكلنييييي لا وعلي ايه هحكي وامري لله.

………………..

عند ليله و عشري

خلصت ترويق من بعد ما مشيوا وشالت كل حاجه ورجعت البيت زي ما كان و خدت الشنط بتاعت الهدايا كاها دخلتها الدريسنج لحد ما تبقي ترتبهم و خدت غيار و دخلت خدت شاور و هلصت عشري كان قاعد علي السرير مستنيها تطلع و ماسك الموبايل يقلب فيه شويه كان مضايق من الموقف اللي حصل لان ليله كامت مبسوطه اوي و مودها اتقلب كان مضايق عشان فضل لانه حس انه اضايق اوي و ساكت مش عارف يعبر او يدافع او يشارك حتي بالكلام و مضايق عشان سلمي وايه و نادين القاعده بتاعتهم من الاخر اتقلبت فجأه.