لقاء كارثي
لقاء كارثي
ليله …مين قالك مصعبتش عليها بس نعيمه مبتعرفش تعبر وهي كده طول عمرها تبقي بتحبك اوي وفي نفس الوقت تديك كلام تخليك تحس انها معندهاش احساس بس طيبه وهبله والله
عشري….بصي يا ليله في حجات لازم البني ادم يكون رقيب عليها عادي انها متعرفش تعبر بس كمان لازم تفرمل لسانها لان ده ممكن يخسرها ناس كتير بتحبها لازم تتكلمي معاها انتي وايمي
ليله….اتكلمت كتير واكيد هتكلم معاها بس صدقني نعيمه مش كويسه و فيها حاجه و معرفش ليه انا مسيطر عليا احساس ان نعيمه متأثره بجوازي و فكره ان هي بقت لوحدها مخلياها عصبيه
عشري….ممكن وارد جدا بس برضوا تفريغ العصبيه غلط يا لياه يعني عشان مضايقه انك اتجوزتي تخسر باقي صحابها مينفعش
ليله…..بتنهيده معاك حق انا لازم اتكلم معاها واشوف فيها ايه واهدي الدنيا بينهم انت مكلمتش فضل
عشري…..لا بصراحه قولت اسيبوا براحته لاني حاسس انه مضايق بس بكره اتصل عليه
ليله….ماشي
رجعت نامت تاني في حضنه وسكتت
عشري….متضايقيش نفسك ان شاء الله هيتصالحوا و هو سوء تفاهم بسيط
ليله…يارب
……………………
في صباح يوم جديد علي الساعه 10 صحيت ليله من النوم راحت غسلت وشها و قربت من عشري فضلت ترخم عليه و تبوسه من خده
ليله….حبيبي حبيبي
عشري….فتح عينه و ابتسم ايه يا قلبي صباح الفل الساعه كام
ليله…..صباح النور الساعه 10
عشري….عشره ايه بليل
ليله….بليل ايه يا عشري الصبح
عشري…..طب وانتي ايه اللي مصحيكي بدري كده
ليله…..هقولك علي حاجه و نام تاني
عشري….ايه في ايه
ليله…..انا عايزه انزل
عشري….حط ايده علي عينه و بعدين عدل نفسه شويه اممم تروحي لنعيمه طبعا
ليله……..باسته اه شطور
عشري….طب و هو ده وقته يا قلبي
ليله….وقته جدا احنا مسافرين بكره علي الفجر و انا عايزه اصالحهم علي بعض او علي الاقل اعرف نعيمه مالها مش عايزه اسافر و هما كده
عشري….طيب مش في ناس جايين انهارده
ليله….اه زوزو وحماده و حنون و تقريبا نوجا و دولا كمان بس يعني انا راحه بدري مش هتأخر خالص انا هلبس و هروح اعدي علي ايمي هنطلع علي نعيمه هتكلم معاها شويه وهمشي
عشري….طيب استني انا هقوم و اوصلك
ليله….لا انت هتفضل هنا مش هينفع تيجي معايا عشان نعيمه تتكلم براحتها
عشري…مش هطلع هوصلك و هستني في اي مكان
