لقاء كارثي

رشيد…..لا مش للدرجادي فضل شايف اللي حاصل واكيد عارف انها بتمر بأذمه او مشكله فا هيبقي مديها عذرها

ايمي…..البني ادم طاقه يا رشيد وانا معترفه ان نعيمه لما بتبقي مضايقه من حاجه بتشوط في الكل و خايفه انها تشوف في فضل و زي ما قولتلك البني ادم طاقه

رشيد….مش هيحصل حاجه متقلقيش و احنا هنتكلم مع فضل اكيد و جايز لما هو يتكلم معاها يهديها شويه و يعرف مالعا و بهدوء كده يحسسها بغلطها و الموضوع يهدا و انتي يا سلمي انا عارف انك مضايقه بس كبري عقلك و عدي اللي حصل ده

سلمي…..اسفه يا رشيد المرادي مش قادره بجد نعيمه صاحبتي واختي و ربنا يعلم انا بحبها قد ايه بس لحد كده وكفايه

رشيد …هو ايه اللي كفايه بطلي هبل

حسان….انتي اللي بتقولي كده يا سلمي و بعدين دي نعيمه و انتي عرفاها كويس

سلمي…..عشان عرفاها كويس بقول كده ايمي لسه قايله البني ادم طاقه و انا طول الوقت بعدي مش بس ليها لاي حد لاني مش بخسر حد بسهوله خصوصا لو كان غالي عندي او لو واكلين مع بعض عيش وملح

بس انا بعدي مواقف كتير لنعيمه و بتعامل عادي و مينفعش عشان بعدي افضل اعدي الموقق المرادي كان غير كل مره

رشيد….ما احنا لسه بنقول يا سلمي جايز عندها مشكله

سلمي…..مشكله ايه يارشيد اللي تخليني اسمع صحابي كلام مينفعش اقولوا ليهم حتي لو مضايقه اه اعذر صحابي في عصبيتهم عنفهم اندفاعهم بس في ليميت للاعذار لما تقف قدام الكل و تقولي انا وايه انا متشرفش اني اعرفكم دي كبيره اوي

حسان…..ذله لسان

سلمي…..مفيش حاجه اسمها ذلة لسان يا حسان اللي اللسان بينطقه بيبقي هو اللي جواك

رشيد….مش ديماً يا سلمي الكلام ده ينطبق علي اللي مش قريبين مننا لكن انتي و نعيمه عارفين بعض كويس و بعدين هي اللي في قلبها علي لسانها ما انتي عرفاها

سلمي….الي في قلبها علي لسانها يعني اللي جون قلبها ان تحنا منشرفهاش يا رشيد

رشيد….لا طبعا مش قصدي كده انا اقصد ان نعيمه مشكلتها وقت عصبيتها مبتعرفش تتحكم في لسانها بتقول اللي يجي علي قلبها وعقلها و خلاص

سلمي….ماهي دي مصببه يا رشيد اني افضل اعدي ليك مش معناه ضعف مني ولا معناه اني مش عارفه ارد بس ده لاني باقيه عليك و مينفعش تستغل بقائى عليك و تتمادي فيها لو الموقف اللي حصل ده انا لو عديتوا عشان انا باقيه عليها هتنازل عن كرامتي من غير ما احس