لقاء كارثي

تقي…مش بكش والله انتي عارفه صباح الفل يا عمتي

ضحكت هي وايمي

ليله….طب اظبطي عشان و شرف امي اجي اجيبك من رقبتك

تقي…. بضحك مين اللي بتضحك جنبك و بتصيعي فين عالصبح كده و جوزك فين

ليله…دي ايمي و مش بصيع ولا حاجه انا راحه عالبيت شويه و هرجع

تقي…..لحقتي زهقتي ده انا قولت هتفضلي لازقه في البيت شهر قدام

ليله….لا مزهقتش بس عندي مشوار و بطلي رغي خليني اقولك اللي عيزاه

تقي……قولي يا موووزه جيلك

ليله…..بضحك مااااشي اشوفك بس المهم من غير اي اسأله ورغي كتير عايزه أسالك سؤال

تقي….خير

ليله…..البت نسمه مقالتلكيش اي حاجه حاصله عندهم في البيت مشكله خناقه حاجه كده يعني

تقي…..بابتسامه ايه ده انتي عرفتي ازاي

بصت هي وايمي لبعض

ليله…..يعني في؟

تقي…..هو مش خناقه ولا مشكله في البيت نفسه هو حوار بينها وبين نعيمه

ليله…..حوار ايه بقي

تقي…..طب هو انتي الاول عارفه حاجه ولا انا هقول زي الهبله و ابوظ الدنيا

ليله….لا هتقولي زي الهبله بس مش هتبوظي الدنيا كل الحكايه ان نعيمه حصل بينها وبين البنات مشكله و هي باين انها متعصبه من حاجه و حابه اعرف في ايه

تقي…..طيب بصي بس والنبي اوعي تقولي حاجه لنعيمه عشان متعرفش ان نسمه حكيتلي و بلاش بعني الحوار بينهم يكبر

ليله…..طب قولي

تقي….انتي عارفه ان نسمه و سليم في بينهم يعني مشاعر وكده صح

ليله…..اممم يعني

ايمي…..بضحك اه يا صيع

تقي…..بضحك هي ايمي سامعه

ليله…سيبك من ايمي بقي واخلصي

ايمي…..سامعه يا اختي واخلصي

تقي….بضحك ماشي بصي بعني هو حصل اعتراف بينهم و الدنيا حلوه وكل حاجه امبارح بقي نعيمه راحت عندهم البيت و نسمه طبيعي مبسوطه فا قررت انها تحكي لمين

ليله…..لنعيمه

تقي…..بالظبط نعيمه في الاول مبسوطه متحمسه مين هو عرفتيه ازاي اسمه ايه نسمه قالتلها انه سليم بتقولي اتحولت و اتغيرت و بان انها مضايقه و سمعتها بقي كلام زي الزفت زي لازم تنسي الحوار ده خالص ابعدي عنه قالتها انا مش بقولك معجبه بيه ولا طالبه منك تعرفيني عليه انا بقولك احنا بنحب بعض وهو صارحني وانا صارحته نعيمه طبعا اعترضت جامد وقالتلها اشمعني ده ما عندك شباب الدنيا كلها انتي كده هتعمليلي مشاكل

ايمي….اللللله وهي مالها

تقي…..ماهي قالتلها مشاكل ايه اللي هعملها قالتلها لو حصل بينكم حاجه هتخربي علاقتي بفضل وعيلته احنا هنبقي مناسبين نفس العيله واللي هيحصل عندك او عندي هياثر علي التاني وانا تعبت من المشاكل طول عمري و مش بعد ما بدأت ارتاح تيجي انتي تبوظي حياتي و تخربيها