لقاء كارثي
لقاء كارثي
نعيمه….بصتلها بتوتر بسيط ااا حاضر يا ايمي
ايمي….واهم حاجه اختك يا نعيمه اختك
نعيمه….حاضر
ايمي…..لما اروح هكلمك ياريت تردي و تليفونك ميتققلش تاني تمام
نعيمه….حاضر
ايمي….سلام
ليله….باي يا قلبي روق بقي ياقمر
نعيمه…بابتسامه هاديه حاضر باي
ننلوا علي تحت وركبوا وطلعوا بالعربيه
ليله…..ليه قولتي علي حوار نسمه وليه حسيتك بتتكلمي معاها بعنف كده
ايمي….عشان هي دماغها تعبانه ومحتاجه اللي يفوقها مش اللي يسايسها فضل بيحبها ولو لفت الدنيا مش هتلاقي راجل زيه و نعيمه اياً كان اللي فيها طايحه في الكل ولازم تفرمل شويه
ليله….بس برضوا يعني براحه عليها شويه انتي شايفه هي عامله ازاي
ايمي….بنبره غضب بسيطه عامله ازاي يا ليله ايه جايه انا عليها ما هي اللي عامله كده في نفسها بلاش هبل بقي كفتيه كده
ليله….ااااه نخلص من هرمونات نعيمه ندخل في هرمونات ايمي هانم انا هسكت احسن
ايمي….اه ياريت
……………
وصلتها ليله و بعدين مشيت
اليوم كان هادي تقي وعدي يجننوا و نسمه و سليم كمان كويسين اوي نزلت وصلت الشغل و شافته بس كانت مكسوفه و متوتره دي اول مره تشوفوا في الشغل بعد الاعتراف اللي حصل بينهم
عشري اتكلم مع فضل و فضل قالوا انه مش عارف هي مالها و مقالتش حاجه كان مضايق شويه بس عشري حاول يفكوا
وصلت ليله و طلعت علي فوق شويه وعشري طلع اتكلموا شويه بس مقالتلوش علي اللي نعيمه قالته بخصوص فضل
شويه وجهزوا نفسهم عشان يستقبلوا ضيوفهم.
قعدوا مع بعض كانت القاعده تجنن و كلها ضحك و كلام زوزو و نجلاء و حنان و احمد و حماده وعادل و مصطفي كمان راح مع امه و ريهام
ومحمود طبعاً مصطفي خلي الجو العام يجنن ضحك و هزار و غير مود ليله خالص اللي كانت مضايقه عشان خاطر نعيمه
امينه بعتت ليها فاطمه السغاله تساعدها و طول الوقت كانت هي وريهام عمالين يرغوا ويضحكوا و تتكلم شويه مع محمود و تهزر و تنكش فيه و قضوا وقت جميل جدا مع بعض و كانوا جايبين هدايا ليهم
وبعد كده مشيوا و اليوم خلص بهدوء و فضلت نعيمه مع نفسها خالص فضل كلمها سأل عليها اكتر من مره بس متكلمش معاها في اي حاجه ليله اطمنت عليها بس ايمي قررت تسيبها شويه عشان ضغطت عليها حبه و قررت تتصل بيها تاني يوم ..
في صباح تاني يوم صحيت ليله اطمنت علي نعيمه اتكلمت معاها شويه و بعدين بدأت تجهز شنطتها هي و عشري عشان كانوا هيسافروا علي الفجر ساعدها و قضوا يومهم و هما مبسوطين اوي
