لقاء كارثي

نعيمه ….سؤال أيه؟

فضل…..ليه روحتي ؟ ليه محاولتيش تروحي يوم تاني لوحدك واتحججتي بأي حجه انتي رايحه وعارفه انهم موجودين لو بجد مش حابه تكبري الحوار مكنتيش روحتي لو بجد انتي شايفه انك لسه مضايقه و الموضوع كبير جواكي مكنتيش روحتي بس معني انك تروحي وانتي عارفه انهم موجودين ملهاش غير انك كنتي قاصده تعملي كده

لو مش حابه تشوفيهم مكانش ينفع تروحي ولا انا بتكلم غلط

نعيمه…..و لو كنت مروحتش مكانش هيتسأل ليه و ايه السبب

فضل…..لا يا نعيمه كان ممكن تقولي اي سبب انتي انهارده كنتي عند اهلك كنتي قولتي نسيت لبسي هناك نسيت الهديه مش هلحق نمت و الوقت اتاخر مصدعه تعبانه اي سبب و كان الموضوع هيخلص

نعيمه….ولما مروحش و هما يفتحوا الموضوع و ابان انا اللي غلطانه

فضل…..انتي عارفه كويس ان لا سلمي ولا ايه كانوا هيفتحوا اي موضوع وفي اكتر من سبب علي كلامي و اكتر من دليل اول دليل ان ايمي مكانتش عارفه انكم زعلانين

ولو هما حابين يتكلموا كانوا حكوا لايمي من بعد ما الموقف انا مكنتش اعرف حاجه اتفاجئت زيي زيهم

ولو علي الاسباب اولهم عشان مينكدوش علي ليله لان بصراحه ده لا كان مكانه ولا وقته

و اهم حاجه لو هما حابين بجد يتكلموا او بعملوا مشكله كان من باب اولي بمجرد ما سيبتي ايه مدالك ايدها و واقفه عشان تسلم عليكي و انتي سبتيها مكانتش سكتت و لا سلمي كانت سكتتها و كانوا في وقتها عملوا حوار و مشكله واتكلموا و الله العظيم يا نعيمه الموقف ده و انا راجل اهو لو كان حصل معايا لو من اخويا ابن امي وابويا لا اطربق الدنيا فا ان أيه تعدي الموقف ده بجد شابو ليها انتي نفسك لو مين فيهم عمل معاكي الموقف ده مش هتسكتي يا نعيمه

فا انتي عارفه كويسه ان بوجودك او من غير وجودك مكانش حد فيهم هينطق فا المفروض اللي كان يحصل حاجه من اتنين يا اما تبقي راحه وانتي عارفه انك هتشوفيهم و تتعاملي عادي يا اما متروحيش احتراما بقي لحجات كتير اوي
صحوبيتكم و عشرتكم و للبيت اللي كنتي فيهم و العروسه اللي مستنياكم بفرحه و اجتراما للناس الموجوده احتراما ليا و لنفسك

نعيمه….و انت بقي شايف اني محترمتش اي حاجه من كل ده صح فضل انتي جاي و متحامل عليا زياده عن اللزوم و متعصب مني و انا مش شايفه اني غلطانه

فضل…..ودي المصيبه يا نعيمه انك مش شايفه ان انتي غلطانه تاني حاجه انا لا متعصب و لا حاجه انتي شايفه انا بتكلم بكل هدوء و مش متحامل عليكي زي ما انتي بتقولي انا بس بواجهك بغلطات انتي مش قادره تواجهي بيها نفسك