لقاء كارثي

ايه…..ماشي

سلامه…فكي بقي يا بومه

ايه….بضحكه جميله حاضر هفك

……………..

عند ايمي و رشيد و سلمي و حسان

الوضع كان مختلف صمت رهيب من اول ما طلعوا ايمي ساكته و باصه قدامها و سلمي وراء جنب حسان باصه عالطريق و ساكته خالص و طبع حسان و رشيد معندهمش كلتم يقولوا لانهم شايفين ان الموقف مضايق ايمي و سلمي ..

لفت ايمي رقبتها بهدوء شمال ويمين كانت حاسه بصداع قوي و بعدين مسكت راسها ثواني

رشيد….بهدوء ايمي انتي تعبانه صح

ايمي…..بهدوء لا يا حبيبي انا زي الفل شويه صداع بس

رشيد….طيب تحبي نروح مستشفي او نكلم الدكتوره

ايمي….لا خالص ملهوش لزوم انا بقولك شويه صداع لما اوصل هبقي اخد مسكن

حسان…..بلاش مسكنات يا ايمي احسن تكون غلط ملمي الدكتوره احسن زي ما رشيد بيقول

ايمي….لا متقلقش المسكن ده خفيف هي اللي كتباه عشان لو حسيت بأي حاجه اخد منه يعني مناسب للحمل

رسيد…طيب ايه من اول ما طلعنا و انتي ساكته انتي و سلمي مش نفك بقي اللي حصل حصل خلاص و بعدين موقف و بيحصل عادي كلنا بنختلف و بيحصل بينا مشاكل.

ايمي…..مفيش حاجه يا حبيبي انا بس مضايقه عشان اللي حصل بين البنات مش اكتر و مضايقه عشان اليوم كان حلو وليله وعشري كانوا مبسوطين بجد و اللي حصل نكد علينا كلنا

حسان….ولا نكد ولا حاجه وليله وعشري مش مضايقين هما عارفين انن سوء تفاهم و في نفس الوقت احنا كلنا صحاب و محدش فينا ممكن يزعل من التاني و بعدين يعني كلنا عارفين ان نعيمه مجنونه و خدنا علي جنانها

ايمي…..في مواقف يا حسان العقل فيها لازم يكون حاضر و مينفعش طول الوقت نبقي مجانين ولا نعدي كل حاجه علي انها هزار في ناس بتتوجع بجد حتي لو مش بتتكلم

حسان….معاكي حق بس اكيد محدش كان قاصد يوجع حد و يمكن نعيمه لسانها سابق عقلها و سلمي حساسه فا الموضوع كبر بينهم هما الاتنين وبعدين انتي اللي بتقولي كده يا ايمي ده انتي اللي علي طول بتهدي بينهم الدنيا

ايمي…صح بس المرادي انا مضايقه بجد لان للحظه كنت فاكره ان اللي بيحصل بينهم ده مقلب و فجأه بدأت افهم ان في حاجه كبيره لاول مره ابقي واقفه مش عارفه انقذ الموقف لاني مش فاهمه و في نفس الوقت بدأت اسمع منهم كلام مكنتش حابه اسمعوا

سلمي….ايمي انتي شايفه اني غلطت لو شايفه اني غلطت في اي حاجه قوليلي