لقاء كارثي

بس لو فرضنا ان حصل مشاكل لان مفيش بيت بيخلي من المشاكل انتي مالك ومالها وهي مالها ومالك كل واحد فيكم حياته منفصله بابك و باباها مقفول عليكم ثم ان سليم مش اخو فضل عشان نقول نعيمه معاها حق انتي بجد ازاي قدرتي تقوليلها الكلام ده ازاي قدرتي تكسري فرحتها

نعيمه….بدموع ايمي انا معملتش ده بقصد انتي مش فاهمه حاجه انا مش مستقره نفسيا و صدقيني نسمه حياتها ممكن تبوظ بسببي

ايمي….ياريتك قولتلها كده بس انتي حسستيها ان هي اللي داخله تخرب حياتك مش العكس و لما انتي اصلا شايفه كده و شايفه انك بتفكري في علاقتك مع فضل ليه قولتيلها كده ليه مخدتيش قرار في علاقتك بفضل بعيد عنها يعني انتي عيزاها تسيب سليم عشان متخربش حياتك في الوقت اللي انتي نفسك بتفكري تسيبي فيه فضل انتي طبيعيه يا نعيمه

ليله….ايمي معاها حق يا نعيمه نسمه ملهاش ذنب في اي لغبطه انتي بتمري بيها ازاي تهدديها اصلا و تديها مهله تفكر في الموضوع نعيمه انا برضوا مش فاهمه ليه ده حصل معاكي وامته نعيمه احنا لحد يوم الفرح انا شيفاكي كويسه مع فضل التغيير ده امته حصل عمل ايه فضل يوصلك لكل ده

نعيمه…..بعصبيه و دموع معملللللش معملش يا ليله محدش عمل انا اللي غلطانه في كل حاجه يا ستي انا اللي غلطت مع نادين و غلطت في حق ايه و سلمي غلط مع اختي عشان كسرتها زي ما بتقولوا غلطت مع فضل انا اللي غلط مبسوطين

ليله….لا مش مبسوطين احنا حابين نفهم نعيمه انتي مش وحشه بس ديما مصممه تكلعي نفسك وحشه حوارك مع امنيه في السفريه مش حلو حوارك مع سلمي بخصوص حسان وبنته مش حلو حوارك مع نادين و اسلوبك مع البنات مش تمام
حتي البنت اللي لقوها برضوا انتي اه غلط فيه مش هكدب عليكي عشان انتي صاحبتي بس في حاجه غلط نعيمه انتي حصل بينك وبين فضل مشكله من فتره بسبب الراجل اللي مراته كانت بتولد و ركبتيه معاكي فاكره واهو راجل و وقفتي خدتيه معاكي و كان وارد يطلع وحش بس ساعدتيه في الوقت اللي انتي بتدخلي في مساعده ايه وسلمي لبنت مغلوبه علي امرها

ازاي انتي قادره تساعدي غيرك وغريب عننا في الوقت اللي مضايقك اوي ان سلمي بتقف مع حسان وبنته و طليقته و في الوقت اللي ساعدوا فيه بنت في مصيبه

انتي مش وحشه بس انتي في حاجه في دماغك قالبه حياتك بطريقه غلط جواكي حاجه مش عايزه تقوليها او انتي نفسك مش عرفاها عشان كده لازم بجد تروحي ليسيرابيثت وده مش عيب بس هيساعدك ترتبي حتي افكارك تفهمي فيكي ايه