لقاء كارثي

ايه….ماشي بس افرض مفيش سبب منطقي لكل اللي حصل ده يعني هي مش زعلانه مع فضل مش زعلانه مع اهلها محدش فينا زعلها مش محتاجه فلوس مش عندها مشكله كبيره اصلا وحتي فكره جواز ليله هي مش سبب فا لو كل ده محصلش يبقي اي مبرر الغلط ده

سلامه….مفيش حاجه اسمها سبب منطقي اه مفيش بينها وبين فصل زعل ولا اهلها ولا انتوا ولا حصل موقف قدامكم و لا كنتوا بتسيبوا بعض الفتره دي بس اي حاجه هي بتمر بيها حتي لو ملهاش سبب مقنع عندكم كفايه انها تكون مضيقاها

يعني مثلا مثلا هبسطهالك الوقت ميدو عمل فيا مقلب و حماني باللبن و انتوا ضحكتوا و الموقف مضحك بس مثلا انا يا ستي زعلت اضايقت
لسه صاحب مثلا من النوم و مفوقتش والمقلب مكانش في وقته و بدات اعمل تصعيد للموقف كبير مينفعش حد يجي يقولي انت اوڤر زعلت ليه ده كلنا ضحكنا لان اساببي حتي لو بالنسبالكم عبيطه فا هي كبيره عندي مينفعش نقلل او نتفهه من مشاعر بعض انا بقولك مثلا عشان بس اوضحلك ان ممكن يكون مفيش سبب اصلا او الموقف عبيط بس ضايقني انا حر في مشاعري فا حتي لو حصل و اتكلمتوا وعرفتوا ان نعيمه عندها سبب ومش قوي نعدي الدنيا ليه لان محدش فيكم هيبقي واصل لدرجه الاحساس بالوقت اللي هي كانت بتمر بيه في الموقف ده كل واحد فينا يا أيه عنده قدره للتحمل عنده طاقه اللي انا اقبلوا غير اللي غيري يقبلوا اللي انا اتحملوا واشوفوا عبيط غيري ممكن يحس انه قوي فهمتي حاجه

أيه….اووووف فهمت بص هو انا زعلانه منها و زعلانه في نفس الوقت عشان حصل بينا كده و اكيد لو هي زي ما بتقول عندها مشكله هزعل عليها ماهي تخصني برضوا

سلامه….بالظبط الموقف يزعل اااه يزعل زعلانه علشن حصل بينكم كده حقك بس في النهايه مش هنضيع عشره و سنين و مواقف حلوه عشان خاطر موقف لاول مره يحصل بينكم و يكون كبير كده و ده كلامك

ايه…..اكيد بس يعني انا وسلمي مكناش حابين ده يحصل وهي اللي عملت بلوك و كملت بقي و قفلت خالص مش احنا

سلامه…..و هيعدي الموقف ان شاء الله و البلوك هيتفك و هتتكلموا و تتصافوا المهم ان انتي و سلمي متبقوش واخدين منها موقف ننسي بقي اللي حصل و اكيد فضل لما يروحلها و يتكلم معاها هيغلطها و في نفس الوقت هيحاول يهديها و هي صدقيني لما تقعد مع نفسها هتعرف انها غلطت فهمتي