لقاء كارثي

اما ميدو فا كان مضايق عشانها عارف انها مش كويسه و مش بس من الموقف اللي حصل اللي سمعوا من سلمي ضايقه اكتر الشغل و كلام نعيمه اللي يضايق و انها تقولها امشي كان عارف ان نادين حساسه جدا وكل ده كانت بتحاول تخبيه

بس المشكله ان حتي بعد ما عرف هي مش عايزه تتكلم و هو مش عارف يخرجها ازاي من المود الوحش ده..

خلص السيجاره و قام بهدوء راح علي اوضتها خبط.

نادين…ادخل يا ميدو

فتح الباب وابتسم

عسال…..ابه ده انتي ايش عرفك اني ميدو بتتنبئي

ابتسمت نادين غصب عنها

نادين….بتنبأ ايه هو في غيري انا وانت

عسال…بأبتسامه اه صح ااا طيب يعني متأكده انك مش عايزه تاكلي تشربي اي حاجه

نادين….لا خالص والله لو انت عايز اجهزلك

عسال….لا مش جعان والله انا بسألك انتي

نادين….لا مش عايزه انا عايزه بس انام

عسال….ماشي ماشي طيب اقفل النور انتي سيباه

نادين….لا لا خليه

عسال….هتنامي في النور انتي خايفه ولا ايه انام معاكي لو خايفه

نادين….بابتسامه مش خايفه خلاص اقفلوا وروح نام

عسال….مش عيزاني يعني

نادين…..عايزه انام لوحدي

عسال…..اممم مخصماني

ضحكت بهدوء

نادين….لا طبعاً بس عادي محتاجه انام لوحدي

عسال….ماشي يا ستي تصبحي علي خير

نادين….وانت من اهل الخير

عسال….بابتسامه تجنن امشي يعني

نادين….اااه يلا

عسال…..ماااشي باي

نادين….باي

قفل و مشي راح علي الاوضه سمعت الباب بيتقفل

حضنت الدبدوب اوي و هي مبوزه زي الاطفال وافتكرت تاني اليوم الوحش اللي عدي عليهم وسرحت تاني

همس دقايق و لاقته باعتلها مسدچ ضحكت بهدوء و بصت عليها

عسال…..نمتي؟

نادين….ملحقتش

عسال….طيب يعني انا بقول لو خايفه اجي افتح النور وخلاص

ضحكت عليه كانت عارفه انه مش قادر يسيبها كده

نادين….نام يا ميدو نام مش خايفه

عسال….طب براحه هنام خلاص باي

نادين…. بابتسامه باي

سابت الموبايل كام دقيقه و فجأه لاقته بيفتح الباب عليها والنور بصت بخضه وبعدين ابتسمت بهدوء

نادين…..في ايه تاني

عسال….ااا فراشه في فراشه في الاوضه

ضحكت نادين ضحكه تجنن و حطت أيدها علي وشها عمل زي ما هي عايزه اما كانت عيزاه ينام معاها و قالتلوا عندي فراشه

نادين…..فراشه يا ميدو

عسال….ايه مش مصدقاني مش كان عندك فراشه قبل كده في اوضتك خدي بالك الفراشات شكلها اقتحمت البيت