لقاء كارثي
لقاء كارثي 39/40/41
لقاء كارثي
أميره أسامه
صاحبة البطل الواحد
~° البارت التاسع و الثلاثون°~
……………….
في صباح يوم جديد يوم الجمعه ..
. يوم الخطوبه .
صحي حسان بنشاط مش طبيعي كان يومه جميل و صاحي رايق و مبسوط اوي و أول حاجه عملها اتصل علي سلمي.
سلمي….الووو
حسان…ده القمر بتاعي شكلوا صاحي من بدري و فايق
سلمي…..بابتسامه او تقدر تقولي اني منمتش اصلاً
حسان….مش قولتيلي هتنامي
سلمي….مكنتش عيزاك تسهر لان شكلك كان تعبان اوي و انا مش عرفت انام
حسان….ليه بس يا قلبي
سلمي….بأبتسامه مش عارفه مبسوطه و النوم طاير من عيني و عندي كمية مشاعر متلغبطه كتير اوي
حسان…..وانا كمان مبسوط اوي و مبسوط اوي عشان الفرحه اللي باينه في صوتك دي
سلمي….عارف يا حسان علي قد ما انا مبسوطه علي قد ما انا مستغربه الموقف اوي
حسان…..تقصدي الخطوبه
سلمي….لا مش الخطوبه بالظبط الموقف كله من أمبارح لحد ما الصبح طلع و انا بفتكر كل الاحداث اللي مرت علينا و المواقف حسيت بشعور بجد غريب لما فكرت في الفتره اللي اتعرفنا علي بعض فيها اللي هي متتخطاش الشهرين حسيت انها قليله اوي علي المشاعر اللي جوايا او المشاعر اللي جوايا انا والبنات عموماً بس لما جيت احسبها بالمواقف و الأفعال حسيت اننا نعرف بعض من سنين مرينا بحجات كتير اوي مع بعض و افتكرت كلامك لما كنا في دهب ان الفتره اللي قعدناها مع بعض تساوي عمر في الايام العاديه
حسان….صدقيني يا سلمي ان البشر يتعلقوا ببعض او يفهموا بعض كويس ده مش محتاج فتره طويله انا ممكن اتقابل انا وشخص لا اعرفوا ولا يعرفني و بسبب ظرف خارج عن إرادتنا نضطر اننا نقعد يوم بحاله مع بعض صدقيني يوم ما هنخرج من المكان ده هنبقي عارفين بعض كأننا نعرف بعض من سنين و احنا مقعدناش يوم احنا قعدنا اسبوع يا سلمي ولما رجعنا كملنا المشوار و زي ما قولتي مرينا بأحداث و مواقف كتير قوت العلاقه بينا كلنا و دي احلي حاجه في معرفتنا ببعض كلنا و احلي حاجه بالنسبالي اني قدرت الاقيكي و انهارده هنطلع اول خطوه مع بعض و انا كلي حماس لباقي الخطوات الجايه
سلمي….بجد مبسوط يا حسان
حسان…..لسه بتسألي يا سلمي انا مبسوط اوي يمكن انهارده من اسعد ايام حياتي
سلمي…امممممم و ايه بقي الايام التانيه ان شاء الله
حسان….بابتسامه امممم يعني ولادة هنا مثلاً اليوم اللي حسيت فيه ان قلبي فيه حاجه من ناحيتك و اليوم اللي لبستي فيه المايوه و كنت مضايق بس حبيت اخبي شعوىي و اتكلمت معاكي بهدوء وانا متردد و مش عارف ردك هيكون ايه عليا بس وقت ما قولتي حاضر و طلعتي غيرتي وقتها قلبي مبطلش دق من فرحته و زي اليوم اللي جيتلك فيه العياده و دي كانت اول مره أشوفك فيها فالقاهره و وقتها بس عرفت انك بتحبيني زي ما بحبك
ايام كتير يا سلمي مستحيل تتنسي علاقتي بيكي مكانتش مجرد اعجاب انتهي بموافقه منك علاقتي بيكي كلها مواقف جميله لما بفتكرها ببتسم
سلمي…..بابتسامه تجنن بحبك يا حسان
حسان…..وانا بحبك اوي يا سلمي
سلمي…اااا طيب قولي بقي انت هتعمل ايه في يومك
حسان…..بضحكه جميله لا انا عريس بقي وهعمل كل حاجه براحتي
سلمي….زي ايه يا عريس
حسان….اممممم انا هجهز الوقت انا و رشيد و هنروح نصلي الجمعه و بعدها هنروح نحلق و هطلع انا وهو علي الچيم ساعه كده و بعدين هو هيروح يشوف البيت بتاعه وصل لفين عشان علي ما اظن تامر قالوا انه هيروح انهارده من بدري عشان يخلص بسرعه و يلحق يرجع
سلمي….اه ده نازل من الساعه سبعه الصبح شوفته وهو نازل
حسان….امممم و بس هروح اغسل العربيه و ارجع و مش هعمل اي حاجه لحد قبل معادنا بشويه هلبس و اظبط نفسي تكون هنا جات مع جوز مامتها عشان هو قالي متجيش انت انا هجيبهالك و بعد كده هاخدها و اروح اعدي علي امي و ابويا و اجيبهم و هنجيلك يا عروسه قوليلي بقي انتي هتعملي ايه
سلمي….انا بعد الصلاه بشويه هنزل اعمل شعري انا و ايه و بعدين هنرجع علي البيت و أجهز و استناك بس كده
حسان…..ايه مش حاسه بأي حاجه
سلمي….بضحك لا خالص هي متحمسه اوي و مستنيه سلامه عشان هما الاتنين يمسكوا الدي چي كالعاده
حسان…..بس هتتفاجئ علي فكره و هتبقي مبسوطه
سلمي….اوي انا متحمسه اصلاً لرد فعلها و اكيد هتبقي مبسوطه اوي
حسان….ربنا يسعدهم ان شاء الله سلامه كمان متحمس و مبسوط علي الاخر المهم بقي تقومي تفطري يلا و تاكلي كويس عشان اليوم انهارده طويل اتفقنا
سلمي….حاضر و انت كمان
حسان…..انا جهزت الفطار هروح اصحي رشيد لانه مقتول مش نايم و هنفطر و بعدين نروح نصلي
سلمي…..تمام يا حبيبي ابقي كلمني متختفيش لحد بليل
حسان….لا مش هتختفي متقلقيش هكلمك كل شويه
سلمي…..تمام يا عمري جمعه مباركه يلا باي
حسان…..علينا جميعاً باي يا حبيبي
…………….
في غرفه ايه.
ايه…..وانت مالك اصلاً
سلامه….وانا مالي طيب تمام و الله العظيم يا ايه لو الفستان طلع زي ما قولتلك هطين عيشتك و هنكد عليكي
ايه….ولا تقدر مش ههون عليك
سلامه….بضحك يابت متبقيش رخمه
ايه…..سيبك بقي من الفستان قولي هتعمل ايه الوقت
سلامه…..ملكيش دعوه
ايه…..تصدق انا غلطانه اني عبرتك و ان كلمتك طول اليوم يبقي بحق
سلامه…..بضحك مش هتقدري
ايه…..هقدر و لو تحب تجرب انا مستعده
سلامه….يعني هتقدري طول اليوم متكلمنيش
ايه….اه عادي
سلامه…..تمام و انا موافق بس هزعل
ايه…..اتفلق يا عمري
سلامه…..بضحك طيب ماااااشي بس اوعدك هتيجي انتي تصالحيني
ايه….مين ده انا لا متحلمش اقولك ولما تيجي بليل كمان مش هعبرك
سلامه…..مش هتعبريني اخر كلام
ايه….اه اخر كلام
سلامه….طيب وامي اللي جايه دي مش هتتعرفي عليها ولا هتقوليها معلش انا مش بكلم ابنك
ايه…..لا اطلع منها انت هتعرف عليها واسلم عليها كمان بس مش هسأل فيك
سلامه…..بضحك متأكده
ايه….ما قولنا ااااه
سلامه…..طيب مش هتصالحيني بليل
ايه…..لا و اصالحك ليه انت قولتلي مش هتقدري متكلمنيش قولتلك هقدر و انت مش مصدق فا انا هأكدلك اني اقدر يعني مزعلتكش انا بأكدلك بس
سلامه…..خلاص انا هقفل معاكي الوقت و هشوف هتكلميني طول اليزطوم ولا لا لو قدرتي متكلمنيش هخاصمك و هتيجي بليل غصب عنك تصالحيني و ابقي اشوف انا بقي هصالحك ولا لا
ايه….بضحك لا لا لا در كده وسعت منك اوي و شكلك كده واثق من نفسك بس هتشوف يا سلامه
سلامه…..وانا عايز اشوف
ايه….. انا هوريك ويلا امشي بقي
سلامه….ماشي سلام
ايه….سلام
قفل سلامه وضحك
سلامه…..ماشي يا جزمه اما اشوف بليل لما تعرفي المفجأه اللي عانلها عشانك هتصالحيني و لا لأ
………………
اما عند ايمي الوضع كان مختلف لكن ميقلش سعاده عن الكل ابتسمت بهدوء و حطت ايدها علي شفايفها و افتكرت الموقف اللي حصل بينهم امبارح.
مسكت الموبايل و اتصلت عليه بصزت كله دلع و رقه وهدوء.
ايمي…..صباح الفل
رشيد….بصوت نايم و ابتسامه جميله صباح القمر
ايمي….كل ده نوم
رشيد….انتي ايه اللي خلاكي تتصلي الوقت كنت معاكي في الحلم
ايمي…..بابتسامه حلمت بأيه
رشيد…..بلاش اقولك
ايمي….ليه حلم قليل الادب
رشيد….يالهووووي مقولكيش كنت خارب الدنيا
ايمي…..بضحك والله انت قليل الادب
رشيد….اوي
ايمي….بضحك طب بطل قلة أدب و يلا قوم بطل كسل
رشيد…..هقوم حاضر يا مزعجه
ايمي….يعني الحق عليا اني بصحيك عشان تلحق يومك من اوله
رشيد….اه عملتي ازعاج و قومتيني في احلي مشهد و عقابك بقي تكملي المشهد ده في الحقيقه
ايمي…..بضحك لا ده انت بتتلكك بقي
رشيد…..طبعاً حد يجيلوا فرصه يتلكك و يرفض بقولك ايه صحيح لما اشوفك انهارده والنبي ابقي افتحي موضوع المهر ده و حاولي تقنعيني
ايمي…..بضحكه تجنن ااااااه قولتلي بقي عايز تسكتني تاني
رشيد…..بضحك ده انا عايزك كل يوم تفتحي الموضوع لحد ما نتجوز
ايمي….بابتسامه بس كده ليك عليا انهارده مبطلش كلام في موضوع المهر ده
رشيد….وليكي عليا أسكتك
ايمي…..طب يلا قوم يا سافل و قبل ما تخرج كلمني
رشيد….ماشي يا ستي صباحك قمر زيك
ايمي…..حبيبي انت والله صباحك سكر يلا روح افطر
رشيد….حاضر يا عمري يلا باي
ايمي…..باي يا روحي
…………..
صحيت نادين من النوم فتحت عينها و فضلت باصه ثواني علي السقف مستغربه المكان و بعدين أفتكرت انها كانت قاعده مع ميدو و مش فاكره ازاي نامت و ازاي غطاها و محستش بيه بصت بسرعه علي الساعه لقتها 12 ونص قامت بسرعه
بصت جنبها لقت التربيزه بعيد شويه عن مكانها و المجات اللي كانت عليها مش موجوده والمكان مترتب حطت رجلها علي الارض اتفاجئت بمخدات كتير تحت الكنبه حطها عشان لو وقعت و هي نايمه اقع عليهم ابتسمت بهدوء و قامت من مكانها بصت علي التلفزيون كان مشغل قرآن بصوت هادي اتحركت بهدوء في الشقه و راحت علي المطبخ
لمحت صنيه محطوطه علي الرخامه
قربت بهدوء لمحت ثلاث اطباق طبق فيهم فيه جبن مرصوصين بشكل حلو و الطبق التاني مقطع فيه فاكهه وطبق تالت حاطتت فيه نص بسكوت ونص كيك.
و حاطت كوبايه فيها برتقال استغربت لان هي معندهاش عصير برتقال و مكانش عندها غير برتقال فاكهه بصت علي الثلاجه لقت ورقه ملزوقه.
عسال….صباح النور يا عمري انا جهزتلك فطار بسيط عشان عارف انك مش هتفطري لوحدك و ياريت متشربيش قهوه او نسكافيه علي الصبح انا عصرتلك برتقال و علي فكره محتاج ابقي اعرف مكان الحاجه بتاعتك عشان فضلت ادور كتير علي حاجه اعصر فيها البرتقال المهم حطي بس تلج عشان يكون ساقع زي ما بتحبي شكراً علي السويت شيرتات انا خدتهم علي فكره بحبك يا احلي بنوته في الدنيا.
ابتسمت بحب و بصت علي الرخامه اللي جنب الحوض لاقته غاسل المجات اللي شربوا فيها مع بعض و مظبط المكان وكل حاجه استعملها غسلها و شالها
خرجت بهدوء عشان تكلموا كنسل عليها راحت علي الحمام غسلت وشها و بعدين رجعت حطت تلج في العصير و قعدت تفطر بهدوء و هي مبتسمه فات اكتر من نص ساعه و بعدين سمعت موبايلها بيرن راحت بسرعه عليه و ردت بهدوء.
نادين….الوووو
عسال…..صباح الجمال
نادين…..صباح النور
عسال….كنت بصلي الجمعه انا وسلامه معرفتش ارد عليكي
نادبن….بنبره هاديه ولا يهمك تقبل الله
عسال….منا ومنكم صليتي
نادين…لسه هقوم اصلي الوقت
عسال….طيب فطرتي
نادين….بابتسامه ايه اللي انت عامله ده كله
عسال…..بأبتسامه معملتش حاجه انا يادوب حضرت لبنتي كام حاجه تفطر بيها المهم يكون الفطار عجبها
نادين…تسلم ايدك يا احلي بابي في الدنيا و شكراً علي المخدات بس علي فكره انا نومي مش وحش اوي للدرجادي
عسال…..بضحك لا وحش و كنت عماله تتحركي كتي و افتكرت كلام ليله انك لما بتنامي بتتحركي كتير خوفت تقعي حطتهم و بعدت عنك التربيزه شويه متجيش جنبها عشان ضهرك ميتعبش وانا لما اجيلك هبقي ارجعها مكامها تاني
نادين…..بأبتسامه تجنن انا بحبك اوي
عسال…..ياعمري انتي انا اللي بحبك و بموت فيكي كمان قوليلي بقي بتعملي ايه او هتعملي ايه
نادين….انا مش هعمل حاجه يعني انا صحيت لاقيت المكان كله مترتب و الفطار جاهز و في دلع كده انا مش متعوده عليه فا معنديش حاجه اعملها بس هظبط نفسي و شويه كده هنزل الكوافير اظبط شعري بس وهرجع تاني
عسال…..لو علي الدلع فا اتعودي بقي عشان ده اللي هيحصل علي طول
نادين….بضحكه شقيه متأكد يعني مش بعد الجواز هتبقي راجل مصري اصيل
عسال….بضحك جربي وانتي تشوفي
نادين….امممم بس هتتعب معايا علي فكره لاني مش بعرف اعمل اكل انت عارف انا قاعده لوحدي و اكيد مش بعمل اي اكل غير كل فين و فين
عسال….وانا راضي هعلمك كام حاجه كده اتعلمتهم من حنون و الباقي بقي هي تعلمك و لو مش عايزه مش مهم المهم ابقي معاكي
نادين….لا اكيد عايزه طبعاً علي الاقل عشان تاكل من ايدي بس يعني اكيد هبوظ في الاول اكيد مش هيبقي حلو
عسال…..ياسلام ولا يهمك المهم انك بتحاولي و بعدين مش هيطلع وحش اكيد هنطبخ سوا
نادين….ماشي اتفقنا ميدو
عسال….قلب ميدو
نادين….هو الجو بره لسه وحش
عسال…..لا خالص والله الشمس طالعه و الجو حلو اوي بس برد البسي كويس وانتي نازله و كمان اكيد هتلاقي المايه اللي في الشارع مشيت يعني متقلقيش
نادين….اصلاً مش قلقانه عشان انت جنبي
عسال….بحب ده بجد بقي ولا كلمتين حلوين
نادين….يعني انت مش عارف يا ميدو
عسال….عارف ايه؟
نادين…..ان وجودك مطمني ديماً
عسال…..بتنهيده جميله و انا هفضل موجود و مش هبعد عنك ابداً و مش عايزك تقلقي طول ما انا معاكي و زي ما اتفقنا هنخلص من كل الدوشه دي و هنروح مع بعض للدكتور لاني مش عايز اشوفك خايفه تاني ابداً و عايز حتي لو انا مش جنبك تموني متطمنه اتفقنا يا تويتي
نادين….اتفقنا ه انت رايح فين بقي
عسال….بصي يا ستي انا رايح احلق انا و سلامه زي ما قولتلك و بعدين مش عارف بصراحه
نادين….هو انت روحت المشوار بتاعك
عسال….اه روحت وخلصت وانا مرضتش اصحيكي عشان تنامي براحتك و قولت اكيد لما تصحي انتي هتتصلي
نادين…..طيب تمام يلا روح و اوعي تنسي لو جيت جنب دقنك هخاصمك
عسال….وانا مقدرش علي خصام القمر بتاعي
نادين…..بابتسامه تمام يلا روح و انا لما هنزل هقولك
عسال….تمام يا قلب بابي
نادين….بحب باي
عسال….باي يا عمري
………………
في منزل ليله و نعيمه
نعيمه…..بقولك ايه عشري سرق المانجه من الكافيه وجابها لليله
فضل….بضحك مانجه ايه
نعيمه….بتاعت الشغل بتاعكم اتصرف معاه بقي
ليله….طب ابقي حطي ايدك عليها يا بوتجاز وهاتي كده التليفون ده ايوه يا سي فضل خير
فضل….بضحك بتسرقوا المانجه يا بلطجيه يا رد السجون انتي و هو
ليله….بضحك انا مليش دعوه والله هو اللي سرقها بس نيته كانت حلوه يعني
فضل…..انا هروح ابلغ عنه الواطي ده
ليله….بضحك طب جرب كده و بعدين قدم السبت يا سي يا فضل
فضل…..بضحك ايوه صح عندك حق و عموماً بألف هنا انتي اصلا مقولتيش ليه كنت جيبتلك والله
ليله….حبيبي يا فضل والله اصلا انا مقولتش لعشري والله لاني معرفش انه عندكم انا قولت بس اني نفسي في المانجه و بعدين انا عارفه ان مفيش الوقت عشان ده مش موسم
فضل….يا باشا و لو مش موسم نجيبلك لحد عندك و بعدين انتي اختي يا ليله و غلاوتك عندي كبيره يعني بعيد عن عشري البلطجي ده انتي بس قوليلي علي اي حاجه نفسك فيها تحضر فوراً
ليله…..حبيب اختك والله يا فضل ربنا ما يحرمني منكم ابداً و انت كمان غالي عندي والله خد بقي البوتجاز معاك
فضل…..باببتسامه هاتيها.
نعيمه….ايوه يا قلبي
خدت نعيمه الموبايل و دخلت علي جوه تكمل كلامها مع فضل و راحت ليله تجهز عشان ينزلوا مع بعض
دقايق بسيطه و اتصل عليها عشري.
ليله…..ايوه يا حبيبي
عشري….ايه يا ماما بتعملي ايه
ليله….بجهز عشان نازله انا و نعيمه و هنقابل نودي هنعمل شعرنا
عشري….طيب اعملي حسابك هكون عندك علي سبعه يعني خدي بالك عشان الوقت ميسرقكيش
ليله….لا متقلقش انا هعمل شعري وارجع مش رايحه في اي مكان
عشري…..طيب اعرف بقي هالبسي ايه عشان نبقي مافقين امبارح انتي ضحكتي عليا و لما جيتلك نسيت اكمل كلامي و قولتي هتصوري الفستان و مصورتيش و انا حاسس كده انك عايزه تغفليني
ليله…..بضحك هو انت مش بتنسي
عشري….لا يا قلبي مش بنسي
ليله….طيب انا كنت عيزاك تشوفني علي طول عايزه افاجئك
عشري….تفاجئيني ولا تحطيني قدام الأمر الواقع
ليله….بضحك لا كده أزعل انت مش واثق فيا
عشري….بضحك لا يا قلبي مش واثق
ليله….بقي كده طب ايه رأيك مش هصورلك اي حاجه
عشري…..حلو وانا موافق بس والله يا ليله لو مشوفتش و جيت اتفاجئت بحاجه مش علي مزاجي مش هتروحي بيه و مترجعيش تزعلي و تقولي اني بنكد عليكي
ليله….عشري متبقاش رخم بقي
عشري….انا مش رخم يا قلبي بس احنا متفقين و لو خلفتي الاتفاق مترجعيش تزعلي
ليله…..طيب افرض يعني انه معجبكش هعمل ايه
عشري….ولا اي حاجه هكون هادي و مؤدب و همسك لساني عشان متزعليش بس هتغيري بكل هدوء
ليله….طيب والبس ايه
عشري….لا دي مش بتاعتي بقي البسي اي حاجه
ليله….هو ايه اللي اي حاجه يعني اروح خطوبه صحابي باي حاجه
عشري….اكيد عندك فساتين كتير تانيه
ليله…..بس لبستهم قبل كده
عشري….مش مهم البسيهم تاني هو الفستان لبسه و يترمي يا نجمه ولا ايه
ليله…..بضحك لا بس دي مناسبه جديده يعني اكيد محتاجه فستان جديد
عشري…..والله انا قولت اللي عندي
ليله….طيب بص
عشري…..بصيت اتفضلي
ليله…..انا هبعتلك صوره بس عشان خاطري وافق و بلاش ترخم عليا
عشري…..ابعتي يا قلبي بس لازم تعرفي اني مش هرخم عليكي اكيد الا لو كان فعلا ميتلبسش
ليله….اممممم طيب اقفل هصوره و ابعتهولك
عشري……يلا مستنيكي بس يتصور وش و ضهر
ليله….طيب باي
عشري…..باي
قامت ليله حطت الفستان علي السرير و صورته بس مكانش واضح اوي في الصوره فا قررت تصوره كمان وهي لبساه و بعدين بعتتلوا الصورتين.
ليله….بعتلك دول صورتين واحده وانا لبساه و واحده و هو مش ملبوس.
بص عشري علي الصور كان بتضحك وحاطه ايدها علي وشها و بتحاول تفكر في رده .
دخلت عليها نعيمه.
نعيمه….بتعملي ايه انتي بتلبسي من الوقت
ليله….لا عشري مصمم يشوف الفستان
نعيمه…..يبقي هيرفض انتي بتفرجيه عليه ليه مش قولتي هحطه تحت امر واقع
ليله….بابتسامه لا ماهو ده مينفعش معاه كده ده بلطجي وانا حفظاه
نعيمه….بضحك عيشت و شوفتك بتعملي حساب لحد
ليله….قال يعني انتي اللي مش بتعملي حساب لفضل
نعيمه….بضحك طب افرضي رفض وده اكيد
ليله….ما عشان كده قولت اهليه يشوفوا خايفه ارجع واعمل ميك اب معين للفستان يقولي عليه لا لا هبقي عارفه البس ايه ولا هعرف امسح الميك اب و اغيره مع اني هموت والبسوا
نعيمه…..طب بقولك ايه لو قالك لا اعملي نفسك اضايقتي و قوليلوا خلاص مش رايحه
ليله….بضحك هيقولي عنك ما روحتي ده مترباش و لا هيرفق معاه
نعيمه….بضحك بتتكلمي جد يعني ممكن ميضعفش و يقولك خلاص
ليله….بقولك ولا هيعبرني و هيروح هو عادي
نعيمه….طيب جربي و شوفي هيقولك ايه
ليله…..بضحك مش مصدقاني صح والله هيقولني متروحيش عشري مش من النوع اللي يتلوي دراعه انا حفظاه خلاص
نعيمه…..طيب معاكي ربنا بقي هو رد عليكي
ليله….لا شاف و مردش هكلموا انا
نعيمه….ماشي هروح اكمل لبس وانجزي يلا
ليله….ماشي.
غاب شويه و مردش و لا اتصل فا اتصلت هي عليه .
عشري….الوو
ليله….ايوه مردتش يعني و لا قولت حاجه ؟
عشري….مستنيكي تبعتي الصور
ليله….ما انا بعت و علم ازرق يعني شوفت
عشري….قصدك علي الصورتين اللي بعتيهم دول ؟
ليله….بترقب اااا اه
عشري…اه قميص النوم ده هو نفسه الفستان اللي عايزه تروحي بيه
ليله…..قميص نوم
عشري…..انال ده ايه بصي انا لما بتعصب و بقل ادبي لساني بيطول و مبركزش في رد فعلي و بترجعي انتي تزعلي فا انا مش هتكلم ولا هتعصب ولا هقول كلمه لان بجد انا مش حابب انهارده مزاجي يبوظ ولا حابب انكد عليكي
ليله…..يعني ايه ؟
عشري…..لا ما هو انتي مش غبيه عشان اقولك يعني ايه انا كلامي واضح.
ليله….عشري الفستان حلو والله و مش في حاجه
عشري….ليله
ليله….نعم
عشري…..مش عايز مناهده كتير
ليله….هو انا ناهدت في ايه انا بقولك الفستان حلو
عشري….حلو مختلفناش بس مش هيتلبس يا قلبي واهو بكل هدوء و ادب بتكلم
ليله…..بس انا عايزه البسوا
عشري….البسيه في البيت براحتك وهو انا بقولك ارميه
ليله…..انا اقصد انهارده في الخطوبه يا عشري
عشري…..مش هيتلبس يا ليله بره عتبه باب الشقه
ليله…..طب و اروح بايه
عشري…..اللي يعجبك بس بردوا هشوف قبل ما تلبسي
ليله….هو اي رخامه وخلاص يا عشري
عشري…..بتنهيده اللهم طولك يا روح انا رخم يا ليله كده تمام
ليله….طيب انا مليش دعوه هلبسوا انا مجبتوش عشان اقعد بيه في البيت و بعدين في حد.يقعد بفستان سواريه في البيت
عشري….والله المفروض قبل ما كنتي اتجرأتي و جبتيه كنتي تبقي عارفه كويس اني هرفض و المفروض انك حفظتيني و عرفتي دماغي و اتفقنا من اخر مره اتكلمنا فيها اني هبقي زي ما انتي عايزه و مش هتعصب و لا هزعلك بس في المقابل تفهمي دماغي و متعمليش حاجه انا مش راضي عنها
ليله…..بس دي مناسيه يا عشري
عشري….هي المناسبات الوقت بنقلع فيها ولا ايه مش فاهم
ليله…..لم لسانك ايه نقلع دي
عشري…..بابتسامه غيظ حاااااضر هلم لساني عيوني شوفتي انا مؤدب ازاي لحد الوقت
ليله…..ااااا طيب انا هلبسوا و بعدين يعني مش كل مره تمشي كلامك عليا
عشري…..تمام البسيه و عايز اعرف مين اللي هينزلك من البيت كده
ليله…..يا عشري بقي و حياتي
عشري…..وحياتك عندي ما هيتلبس
ليله….طيب اروح بايه بجد.
عشري…..مش بتاعتي يا قلبي كنتي عملتي حسابك من الاول و اختارتي حاجه مناسبه
ليله….تمام يا عشري وانا هريحك و مش هروح خالص
عشري….وتريحيني ليه بس يا قلبي هو انا قولت وجودك هيضايقني مش عايزه تروحي متروحيش مش هغصبك
ليله…..يعني ايه؟
عشري…..يعني اللي انتي عيزاه يا قلبي متروحيش
ليله…..اااا طب وانت
عشري….انا ايه ؟ هروح اكيد عشان صحابي دي مناسبه اروحها و انا رجلي فوق رقبتي لانهم مش غرب عني دول اخواتي
ليله….يا سلام يعني هتروح من غيري
عشري….اه هروح من غيرك
ليله…..طيب و اشمعني انت تروح لصحابك وانا مروحش لصحابي
عشري….ومين قالك متروحيش روحي يا قلبي انتي اللي بتقولي مش راحه بس لو انتي فاكره يعني انك بتهدديني انا مش بتهدد متروحيش يعني لو متخيله اني كده هوافق و احط الجزمه في بوئي و اسيبك تنزلي بقميص النوم ده يبقي انتي فهماني غلط مش انا الراجل ده يا ليله و المصيبه انك عارفه كويس ان مش انا الراجل ده و عارفه ان الكلمتين دول مش هيدخلوا عليا
ابتسمت ليله و حطت ايدها علي عينها و هي بتعض علي شفايفها بغيظ و مش عارفه تقنعه ازاي
عشري….هاااا سكتي يعني قررتي ايه هتروحي ولا لا عشان اعرف اعدي عليكي ولا اروح لوحدي علي طول
ليله…..هروح يا عشري بس مش هتعدي عليا و مش رايحه معاك
عشري….بصي انا احد الوقت ماسك لساني تمام يا قلبي فا عدي اليوم احسن
ليله….قولتلك هلاص هروح بس مش جايه معاك
عشري…..يبقي مش هتنزلي من البيت حلو كده
ليله….يا سلاااااام لا طبعاً هروح اقف مع صحابي زي ما انت رايح لصحابك
عشري….من غيري مش هتروحي و لو فاكره انك ممكن تروحي من غيري عشان تلبسي اللي علي مزاجك و تحطيني قدام امر واقع قدام الكل و فاكره اني هسكت تبقي غلطانه انتي عارفه اني مش بيهمني اي حد قدام كل الموجودين هاخدك من ايدك و هرجعك و مش هتشوفي الشارع تاني
ليله….يا سلام و مين بقي اللي هيسمحلك تعمل كده ان شاء الله
عشري….هو مين اصلاً اللي ممكن يتجرأ و يمنعني انتي عبيطه ولا ايه يا ليله
ليله…..مقولتش حد يمنعك انا اقصد انا اللي همنعك
عشري….ولا انتي ولا اي حد ليليييييله بصي بدأت اتعصب و هفقد السيطره علي لساني فا عدي اليوم
ليله….بهدوء و ابتسامه توتر من صوته عشرررري
غمض عينه و اتنهد تنهيده طويله
عشري…..ليله هتفضلي تضيعي في وقتك لا هتلحقي تنزلي وترجعي بسرعه و لا هتلحقي تشوفي فستان غيره فا اخلصي
ليله…..طيب و بعدين يعني كل مره ببقي مجبره اسمع كلامك وانت عارف اني مش بحب كده
عشري….انا مش بجبرك علي حاجه انا قولت الفستان لا و لو شايفه ان ده اجبار اه بجبرك يا ليله و هتسمعي الكلام عشان انتي غلط هاااااااا قولتي ايه عايز اشوف اللي ورايا
ليله…..ايه معطلاك يعني و لا في حاجه اهم مني
عشري…..لا مفيش يا قلبي اهم منك بس يلا عشان نخلص من الحوار ده
ليله…..انت اللي مش عايز تخلصوا
عشري…..ليله صدقيني هتزعلي مني
ليله…..متعرفش تزعلني اصلاً
عشري…..يا بنتي بس بس بجد بطلي مقاوحه معايا و اخلصي
ليله….وحياتي
عشري…..ليللللاااااااه انا مش هفضل طول المكالمه اعيد في نفس الحوار خلصناااااا الفستان ودين الله ما هيتلبس و مش هتنزلي كده من البيت الساعه سبعه بالدقيقه هتلاقيني بخبط عليكي تمام شوفتك لابسه حاجه مناسبه هتخرجي معجبنيش هاخد بعضي و امشي و مش هستناكي حتي تغيري لانك والله وقتها ما هتروحي بجد
ليله…..هو انت بتزعق ليه
عشان….هو انتي لسه بتسألي انتي مستفزه بجد
ليله….بصوت واطي و حزين تمام يا عشري
عشري……تمام ايه بالظبط
ليله….خلاص يا عشري قولتلك تمام
عشري…يا ديييييين سكت ثواني تمام ايه يا ليله
ليله….لا كمل و اشتم يلا
عشري…..هو انتي عايزه ايه بالظبط طالبه معاكي نكد هنكد عليكي عادي جداً بقالي ساعه بناهد معاكي و بسايسك وفي الاخر زعلانه انك خرجتيني عن شعوري من الاخر الفستان مش هيتلبس يا ليله و ده اخر كلام مفهوم
ليله….تمام يا عشري
عشري…..يلا سلام
قفلت ليله من غير ما ترد
ليله…..بغضب و الله بلطجي دي كانت شويه عليك يخربيت دماغك الناشفه و الله يا عشري لا هنكد عليك
اتصل عليها تاني
ليله….ايوه
عشري…..انتي بتقفلي في وشي؟
ليله….انت قولت سلام
عشري…وانتي مردتيش و قفلتي صحححح
ليله…..اااااا انت قولت سلام وقفلت
عشري….لا مقفلتش انتي اللي قفلتي بس تمام هعديها
ليله…..مين بقي اللي بيتخانق الوقت و بينكد
عشري….صح انا انتي صح
ليله…..هو انت بتتريق كمان
عشري…..يابت والله العظيم هاجي اكسر دماغك متجننيش معاكي
ليله……ايه كمان عايز تيجي تمد ايدك عليا ماهو ده اللي ناقص
عشري…..ليله
ليله….خلاص يا عشري انا سكت اهو و حاضر مش هلبس الفستان و حاضر هروح بأي حاجه ان شاالله بنطلون چينز و تيشرت حلو كده
عشري…..اه حلو
ليله…..علي فكره انت مستفز
عشري…..انا اللي مستفز و لا انتي اللي فاكره هتضغطي عليا و هوافق قولتلك مش انا مش عابزه تروحي متروحيش عابزه تلبسي چينز البسي انتي حره
ليله…..لا مش بهددك و هلبس كده بجد و رحمه امي يا عشري لا هلبس بنطلون و تيشرت عادي و لولا بس اني مش عايزه سلمي و ايه يزعلوا صدقني والله ما كنت هنزل من البيت و يلا من فضلك بقي اقفل عشان انزل
عشري…..تمام يا ليله يلا سلام
ليله….باي
قفلت ليله و هي مضايقه و قررت بجد تلبس بنطلون و تيشرت عشان تخليه يضايق و تحسسه بتانيب الضمير
عشري….بهمس و بعدهالك يا ليله فضللللللل يا فضلل
فضل…..ها يا اخوي
عشري…..مشوار سريع وجاي
فضل…..تمام تمام الله معك
ركب عشري العربيه و طلع بيها
…………….
جري الوقت بسرعه.
الكل كان بيجهز و رجعوا البنات بعد ما عملوا شعرهم و بدأوا يجهزوا و يعملوا ميك اب و يلبسوا سلمي و ايه كمان كانوا بيجهزوا و المفروض علي الساعه ثمانيه حسان كان هيوصل و طبعاً ايه رخمت علي سلامه و متصلتش بيه فعلاً طول اليوم ولا هو كمان كلمها البيت كله كان جاهز لاستقبالهم و تامر عامل ديكور جميل و رغم انه كان مشغول جداً مع رشيد في البيت و في شغلوا عموماً إلا انه كان مجهز كل حاجه و بما انه كان عارف ان الخطوبه دي هتبقي لايه وسلامه كنان فا منسيش انه يجهز مكان ليهم هما كمان و بطريقه تخلي ايه متحسش ابداً.
علي الساعه سته لبست ليله و جهزت و فضلت قاعده مستنيه نعيمه تخلص و عشري يجي.
نعيمه…..لولي هتفضلي مبوزه كده
ليله….نفخت السيجاره بهدوء انا تمام يا نوني
نعيمه…..طيب عشان خاطري البسي فستان
ليله….لا انا كده تمام
كانت لابسه فستان چينز و بدي كت لونه احمر و فوقيه چاكت جلد طقم عادي جداً بس شكلوا حلو وينفع سهره
نعيمه….تمام ايه بس هتروحي بطقم عادي و كلنا نبقي لابسين فساتين
ليله….انا كده كويسه و متشغليش بالك بيا بقي
نعيمه…..بطلي عند
ليله….انا مش بعند بس مرتاحه كده
نعيمه….طيب هقولك انتي عندك فساتين لسه متلبستش وانا كمان قومي اختاري واحد فيهم والبسيه اسمعي فاكره الفستان التايجر اللي جبتيه اخر الشتاء اللي فاتت انتي ملبستهوش ولا مره و كان يجنن عليكي
ليله….والله مش قادره خلاص يا نوني و مزاجي باظ انا كده مرتاحه
نعيمه….متنكديش علي نفسك و بعدين انتي كنتي عارفه انه مش هيوافق قومي بقي البسي و بعدين مش هيعترض عليه هو قصير بس عادي و بكم و شكلوا خطير
ليله….بت بطلي زن و كملي يلا لبس و علي فكره شكلك زي القمر حلو اللون ده عليكي
نعيمه…..بجد
ليله….اه والله العظيم حلو اوي و ابو الغضب التاني مش هيقولك حاجه عليه
نعيمه….بضحك حلوه ابو الغضب التاني
ليله….بضحك و هي بتاخد نفس ما عشري ابو الغضب الاول.
نعيمه….بضحك طيب فكري هروح اكمل لبس عشان هيوصلوا علي سبعه
ليله….ماشي روحي
دخلت نعيمه اوضتها تاني و قعدت ليله تكمل قهوتها و السيجاره علي الساعه سته و نص بالظبط سمعت ليله جرس الباب بيرن راحت بهدوء تفتح وهي في ايدها سيجاره تانيه و اتفاجئت بعشري و فضل
فضل……يا لوووولي عقبالك
ليله….بابتسامه جميله حطت السيجاره وراء ضهرها بهدوء و عقبالك انت كمان يا فضل ادخل تعالي
ابتسم عشري علي الحركه اللي عنلتها وسكت معلقش
فضل….اخبارك ايه؟
ليله…..زي الفل ادخل نوني بتخلص خلاص
فضل….ماشي بقولك ايه انا عايز اشرب
ليله….المطبخ قدامك اهو روح اشرب
فضل….بضحك ايه المعامله دي
ليله….بضحك الحق عليا عابزه احسسك ان البيت بيتك
فضل….طيب بما ان البيت بيتي بقي هعمل قهوه لحد ما تخلص
ليله….عيش يا سيدي المكنه قدامك و لو عايز قهوه علي النار الكنكه علي الرخامه
فضل….لا حلو المكنه عشان منطولش قه ه يا عشري
عشري….مش لما صاحبه البيت تقولي ادخل الاول
فضل….بضحك خليها عليكي يا ليله و دخليه تبعنا بردوا
ليله….بنظره غضب بسيطه و هي مش طيقاه ما تدخل و انت محتاج عزومه
عشري….خد من ابدها السيجاره ما براحه بدل ما ابوظ وشك الحلو ده
ليله…..لا وانت جامد اوي و تعملها
خد نفس من السيجاره وهو باصصلها بأبتسامه تجنن ورافع حاجبه
مشيت خطوتين و سابته واقف علي الباب.
عشري….خدي يا بت هنا
وقفت وبصتلوا ورفعت حاجبها
ليله….لم لسانك ايه بت دي
عشري….بابتسامه بسيطه رفع حاجبه ايه اللي انتي لبساه ده ؟
ليله….خيررررر مش عاجبك ده كمان؟
عشري….اه مش عاجبني في حد يروح خطوبه كده انتي راحه تركبي خيل ولا ايه؟
ليله…..ههههه ظريف اوي خليتلك انت الخيل ياعم الخيال و ملكش دعوه عاجبني
عشري…..بس مش عاجبني انا
ليله…..براحتك المهم انه عاجبني و لبست وجهزت و مستنيه نمشي و مش هروح غير كده في اعتراض
قفل عشري الباب وهي السيجاره في بوئه و مسط كف ايدها و مشي بيها ناحيه اوضتها
ليله….في ايه يا مجنون انت
فضل….بضحك عليهم والله انتو الاتنين مجانين
ليله…..يا ابني براحه هقع و بعدين سيب ايدي بتوجعني
عشري…..هي لسه بتوجعك
ليله….اه والله بتوجعني
عشري…لازم تروحي تكشفي عليها
ليله….خليك في حالك ميخصكش
عشري…..ماااااشي حااااضر هطول بالي عليكي للاخر
ليله…..انت عايز مني ايه
عشري…..مد ايده بشنطه امسكي قدامك ربع ساعه بالظبط تكوني لابسه
ليله….بغضب ما انا لابسه ايييييه البس اسدال صلاه عشان ترتاح
عشري…..و ماله هتبقي قمر بردو
ليله…..بص انت اللي بتستفزني وانا ساكته اهو و بعدين ايه الشنطه دي
عشري….ما لما تدخلي اوضتك هتشوفي ده فستان
ليله….فستان ! فستان مين ده بقي ان شاء الله
عشري….بطريقه مضحكه فستان امينه فسات امي يا ليله بتلبسوا لعشري الكبير هيكون فستان مين يعني بتاعك
كتمت ضحكتها علي طريقته
ليله…اااا انا مليش فستان عندك
عشري….انا جيبتهولك عشان عارف ان دماغك جزمه قديمه و هتلبسي بنطلون بجد
ليله….وانا مش هلبس يا عشري خلي ضميرك يوجعك كده هبقي مبسوطه
عشري….لا وحيات امك انا من وقت ما قفلت معاكي و انا عمال بلف من مكان لمكان عشان اقدر اجيب حاجه مقاسك و استايلك يعني لو ملبستيش بالذوق والله ادخل معاكي الاوضه والبسك بنفسي
فضل….من بعيد وهو بيضحك بلطجي و يعملها
الاتنين في صوت واحد
ليله…عشري……أسكت انت
فضل….بضحك سكتنا يا شوية يا بلطجيه
خرجت نعيمه وهي لابسه كانت زي القمرررر حرفياً
نعيمه…..بضحك هو في ايه
فضل….اللهم صلي علي النبي يخربيت حلاوه امك
نعيمه….بضحك اتلم يا قليل الادب
فضل…..ايه الحلاوه دي يا وحش
عشري….بضحك خليك انت عايش و انا بتخانق نوني اخبارك ايه
نعيمه….الحمد لاه مالك و مال البت يا عم عشري
عشري…هكسرلك دماغها الوقت لو مسمعتش الكلام
ليله….مش هسمع الملتم و وريني بقي هتعمل ايه
عشري…..بصحكه تجنن لسان طويل علي الفاضي هطبقك في ايدي والله
ليله….ولا تقدر و خلينا نمشي يلا
عشري….بصي هعد تلاته يا تدخلي تلبسي بالذوق يا اما و اللي خلقني و خلقك هدخل البسك غصب عنك و الناس دي شاهده علي كلامي
فضل….بضحك حصل
نعيمه….بضحك عداك العيب
ليله…اخررررسي انتي و هو
عشري….واحد
ليله….مش هلبس
عشري…..اتنيييبييين
ليله….عد من هنا لبكره
عشري….والله يا ليله لو قزلت تلاته ما هرجع في اللي قولتوا
نعيمه….بضحك ادخلي بكرامتك
فضل….اللهم بلغت
عشري….تلااااا
ليله….بغضب خطفت من ايده الشنطه هاااااات و اسكت شويه و والله لو ما عجبني يا عشري ما هلبسوا
عشري….بابتسامه ما كنتي خلتيني اقول تلاته و دخلت معاكي
ليله….بغضب بلطحي و مش متربي و متشرد
عشري….بضحك و مسجل خطر نسيتي تقوليها
ليله….بابتسامه من وسط غضبها انا عايزه اعرف كان في عقلي لما حبيتك
عشري….مش مهم المهم انك حبتيني
ليله…..رخمممم و بكرهك يا عشري
دخلت و رزعت الباب
عشري…..ارزعي اوي الباب لما ادخل عليكي متزعليش
بسرعه قفلت بالمفتاح ضحكوا كلهم عليها.
نعيمه….ما ترحم البت شويه بقي
عشري…..بابتسامه وانا جيت جنبها هي اللي دماغها جزمه
نعيمه…..وانت الشهاده لله عليك مرونه في دماغك تتحسد عليها
عشري….بضحك لم نعيمه يا فضل عشان متضربوش انتوا الاتنين
فضل….بضحك اسكتي متجيبلناش الكلتم وخلينا في القمر ده
نعيمه….بابتسامه بجد شكلي حلو
فضل….ااا بص لعشري متركزش معانا لو سمحت
عشري….بضحك هركز علي ايه اتلهي انت وهي
سابهم وراح قعد بصلها فضل و هو بيضحك و بيغمزلها
فضل…..بطل
نعيمه…..بابتءامه احراج همست اسكت هيسمعك
فضل…..و الله بجد شكلك حلو اوي و الفستان احلي من الصور كمان
نعيمه….طيب كويس انه عجبك قبل ما تتجنن زي عشري
فضل….لا يا ستي عجبني و مش هتجنن.
عدي حوالي ربع ساعه وهي جوه و ملهاش صوت.
عشري….بصوت عالي يارب نخلصصصصص
ليله….بغضب اسكت خااالص مش عابزه اسمع صوتك يا بلطجي
عشري….بضحك هجيلك
ليله…..نعيمه تعالي
نعيمه…..في ايه
ليله….اخلصي عيزاكي
عشري….اجي انا
ليله…..فضل سكت البلطجي ده بدل ما تخرج اقتلهولك
فضل….بضحك يا عم اسكت بقي متبقاش رخم
قربت نعيمه من الباب
نعيمه….افتحي طيب
فتحت ليله و دخلتها بسرعه.
نعيمه…احييييييييييه علي الحلاوه
ليله….بابتسامه و هي قالبه وشها بجد حلو
نعيمه…..انتي بتسألي حلو اوي والله اخلي من اللب كنتي هتلبسيه
ليله…..طلع ذوقه حلو البلطجي اللي مش طيقاه ده
نعيمه….بضحك والله يجنن هو ازاي جابه اصلا اكيد مكانش متخيلوا عليكي
ليله….بضحك احسن و الله فرحانه فيه فاكر كده يعني انه جابلي حاجه مقفوله خليه يشرب بقي
نعيمه…..بضحك والله مش متخيله شكلوا لو شافه عليكي
ليله….طيب بقولك ايه اقفلي السوسته مش عارفه
نعيمه….طيب لفي علي فكره لايق اوي مع الميك اب
ليله….كنت لسه هسألك مش محتاج الميك يتغير
نعيمه….لا خالص زي القمر والله عجبني اوي ذوقه حلو ابن الايه
ليله….بأبتسامه رفعت حاجبها ماشي يا ابن امينه يا انا يا انت.
نعيمه…..يلا تعالي نخرج خلينا نشوف رد فعله.
ليله….اخرجي انتي الاول
نعيمه…..ماشي يلا بسرعه
خرجت نعيمه و هي بتضحك
عشري….ايه ملبستش
نعيمه….بضحك لا لبست و زي القمر كمان يلا يا لولي
ثواني بالظبط عينه كانت علي الباب خرجت ليله و هي رافعه حاجبها و بصتلوا
برق عشري اول ما شافها و ابتسم و سكت
فضل….بابتسامه اوباااااا ابن خالي طلع ذوقه يجنن
ليله…..ايه سكت ليه
عشري…..بضحك هو مين اللي جاب الفستان ده
ضحكوا كلهم عليه و هو فضل مصدوم شويه
عشري…..انا بقول تدخلي تلبسي الطقم اللي كنتي لبساه احسن
ليله….بعيييييينك و علي فكره شكلي هلبس علي ذوقك بعد كده
عشري….بضحك ده تتقطع ايدي ان فكرت اعملها تاني
فضل….بضحك طيب يلا بقي خلينا نمشي عشان منتأخرش
نعيمه….انا جاهزه يلا بينا
قام فضل و راح مع نعيمه علي باب الشقه و قفت نعيمه تظبط شكلها في المرايه
عشري….بهمس انا لو اعرف تنه هيبقي عليكي كده مكنتش جيبته
ليله….بابتسامه اقولك علي حاجه
عشري….خير
ليله….بضحك فرحانه فيك اوي يا بلطجي
عشري…..بضحك عارف والله نظره الشر و الانتصار في عينك بس مش مهم المهم اني مقدرتش علي زعلك قال وانا اللي فكرت اني هقسم البلد نصين
ليله….بضحك بس طلع ذوقك حلو يا بلطجي بس قولي عرفت مقاسي ازاي
عشري…..لا دي لعبتي
ليله…ااااااه ما شكله تخصصك يا بتاع النسوان
عشري….بضحك والله ظبط معايا كده عشان عارف جسمك و بعدين وسطك اللب كان بيرقص تحت ايدي في السخنه اتحفرت مقاساته في عقلي
ليله….بأبتسامه و بنظره جريئه تجنن ماشي يا بلطجي
عشري….بحبك يا ليله
ليله…..بأبتسامه زعل وانا بموت فيك بس بردوا مش طيقاك
عشري…..بضحك والله ولا انا طايق نفسي بعد اللي عملتوا ده قدامي يا متوحشه
ليله بابتسامه مشيت قدامه قفشها بسرعه من دراعها
عشري….لا بصييييي نظبط الماشيه هااا نظبطها عايز عسكري بلاش الماشيه اللي بتجيب امي الارض دي
ليله….بابتسامه جميله ايه هتتحكم في مشيتي كمان
عشري….ارحمي امي و اسمعي الكلام
ليله….يلا قدامي هات ايدك
عشري…..مينفعش قلبي
ليله….بضحك ينفع بس خدته خلاص
ضحكت ليله و مسكت في كفه و خرجوا مع بعض و ركبوا هما الاربعه الاسانسير
نعيمه…..ليله هو احنا هنقابل نودي
ليله….لا ميدو هيقابلها و هنتقابل كلنا هناك
نعيمه…..تمام
نزلوا و كل واحد فيهم راح علي عربيته.
…………….
عسال…..نودي يلا يا حبيبي عشان منتأخرش بتعملي ايه كل ده .
مردتش عليه و ثواني بسيطه و الباب اتفتح و خرجت بسرعه
نادين….انا جاهزه خلاص
ابتسم عسال ابتسامه تجنن
عسال…..ايه بقي القمر ده
نادين…اممممم بجد شكلي حلو
عسال….تجنني والله حلو اوي و اللون الاصفر يجنن عليكي بس يعني احنا مكناش متفقين علي كده
نادين….يعني ايه
عسال….يعني امبارح مكانش في ميك اب مكانش في هيلز مكانش في اكسسوري مكانش في شعر فكان ماشي هوافق غصب عني بس انهارده انا عايز ارجع في كلامي بصراحه
نادين….بضحكه جميله قربت منه لا مفيناش من الرجوع في الكلام
عسال…..بضحكه جميله حط ايده علي جبهته بتفكير و صدمه ايوه يا توتيتي بس انا حاسس انه انهارده ضيق شويه
نادين….ااا ماهو امبارح مكنتش عارفه اقفل السوسته فكان باين واسع شويه
عسال…امممممم قولتيلي مكنتيش بقي عارفه تقفلي السوسته و لا كنتي سيباها بمزاجك عشان يبان واسع أصل انتي قافله السوسته لوحدك انهارده
ضحكت نادين و بعدت عينها عنه و رجعت خطوه لوراء.
عسال…..بتضحكي عليا انا بصيلي هنا
ضحكت و بعدت وراء اكتر
عسال…..بنظره تجنن تعالي هنا يعني لما تمشي لوراء هتهربي مني
نادين….بضحك بص هو انا بصراحه كنت عارفه اقفل ده بس مرضتش عشان خوفت تقولي لا
عسال….فا قولتي تشغلي دماغك عليا يعني بنوتي القمر اللي كنت فاكرها بريئه طلعت ذكيه و بتضحك عليا
نادين….بضحك استني بس هقولك
عسال….لا بقي تقولي ايه قفشتك
خلاص و عرفت انك كنتي بتشتغليني
قربت بتلقائيه منه و هي بتضحك و مسكت كفه
نادين….خلاص بقي عديهالي المرادي يا احلي بابي في الدنيا
ابتسم عسال و بصلها بحب وهو لافف ايد واحده علي وسطها و ظبط شعرها بايده التانيه
عسال….بس احنا اتفقنا الفستان التاني مش.هيتلبس و بكره هنجيب غيره اتفقنا يا حبيبي
نادين…..حاضر اتفقنا
عسال….امممم طيب ممكن بوسه لبابي بقي من بنوتي اللي طلعت بتشتغلني
ضحكت نادين وباسته من خده بوسه صغيره و بعدين ابتسمت بصدمه
عسال….اممممم روچ صح اعمل ايه طيب
نادين….انا مالي انت اللي قولتلي قربت كفها وفضلت تمسحه خلاص اتمسح
عسال….بضحكه صدمه اوعي يكون مش بيطلع زي ما عملتوا فينا في دهب
نادين….بضحك لا والله طلع خلاص روح شوف
عسال….لا احنا هروح مع بعض و نمشي عشان سلامه هيطلع عيني لانه مش هيطلع غير وانا معاه انا عارف يلا بسرعه روحي اقفي علي الباب هأكد بس ان كل حاجه تمام
نادين…..يلا قفلت كله متقلقش
خرج من اوضتها و هو باصصلها
عسال….اعمل فيكي ايه التكييف مفتوح و بعدين مستحملاه ازاي في البرد ده
نادين…..مش كنت بعمل ميك اب
عسال…..طيب يلا قدامي يا نصابه
مسك كفها و خرجوا علي الاسانسير وهي ماسكه فؤه و بتضحك
………..
في منزل ايمي.
رشيد….يا محموووود ما تخلص يا عم هنتأخر
محمود….علي فكره انا مخلص و بشرب و كلنا خلصنا معادا الست ايمي هانم
ماريز…..انت بتتشطر علينا اديني جيت اهو
رشيد…اوباااااا ايه يا زوزو القمر ده لا انا كده هغير رأيي
ماريز….بضحك و الله انت اللي قمر
محمود…..سبباه يعاكسك كده مش خابفه من حماده
رشيد….بضحك انا قولت اعاكسها قبل ما يخرج
محمد….خرجت وسامعك
رشيد….بضحك روحنا في داهيه يا زوزو
خرجت امنيه جري
امنيه….طيب وانا وانا
رشيد….اوبااااا لا كده كتير اعاكس ولا هلاقي عمرو في قفايا
امنيه….بضحك هو فعلاً في قفاك
بص رشيد بسرعه لقي عمرو داخل عليهم و بيضحك
رشيد….بضحك عموووور
عمرو…..سمعتك بس هعديها و هسيبك منك لايمي
رشيد….بضحك حبيبي ايه الاخبار
عمرو….زي الفل سلم علي محمود و محمد و قرب من ماريز زوزو يا قمر يخربيت الحلاوه
ماريز…..والله انتوا كلكم كده اللي زي القمر و شكلكم عرسان بس طبعاً حماده يكسبكم
عمرو…..ما طبعاً بص لامنيه وضحك ايه الحلاوه دي
رشيد…بهمس مسموع ابوها واقف
عمرو….بضحك مكانش مركز انت اللي خليتوا ركز
محمد….هعمل نفسي مش سامع وخليها عليا
ضحكوا كلهم علي محمد.
عمرو…..طب ايه مش يلا
ماريز….لما تنزل الفنانه بتاعتنا اللي علي طول متأخره
رشيد…لا وبتقول عليا انا مواعيدي مش مظبوطه
محمود….يا ايميييييي يلا كلنا جاهزين
ايمي….نازله اهو بقفل الباب
ثواني بالظبط و نزلت ايمي كانت ماسكه في ايدها جاكت فرو و لابسه فستان يجنن وقف رشيد مصدوم و منطقش
محمود…..لا صراحه ليكي حق تتأخري
محمد….ايه القمر ده
ايمي….والله انت اللي قمر
عمرو……هانت يا ايمي و هنقولك مبروك قريب
ايمي…..حبيبي يا عمور ايه الحلاوه دي
امنيه….طب وانا وانا
ايمي….قمر طبعاً رفعت عنيها وبصت لرشيد بابتسامه تجنن انا جاهزه
ابتسم رشيد من غير ولا كلمه و بدأوا يخرجوا
ماريز و محمد ركبوا مع محمود و امنيه ركبت مع عمرو وفتح رشيد لايمي الباب و ركبها وطلعوا كلهم بالعربيه
رشيد….ايه القمر ده
ايمي….لسه فاكر
رشيد….ما انا لو كنت نطقت ابوكي كان ممكن يقتلني
ايمي….بأبتسامه انت كمان شكلك حلو اوي
مسك كفها باسه و فضل مكمل سواقه وهو ماسك ايدها.
و علي الساعه ثمانيه بالظبط اتقابلوا كلهم تحت بيت احمد عسال و نادين كانوا وصلوا و راحت نادين سلمت علي حنان و ريهام و مصطفي كانت بتتعرف عليه لاول مره
واتعرفوا البنات كلهم علي حنان لاول مره .
عشري….بابتسامه تجنن حنون ايه رايك في عروستي
ابتسمت ليله بهدوء.
حنان…..ماشاء الله زي القمر يا بختك بيها
عشري…الله واشمعني ميبقاس هي اللي يابختها
حنان….يابختها هي كمان بس يابختك انت اكتر
رشيد….طب وانا يا حنون
حنان….بضحك مش عايزه كلام طبعاً زي القمر
ايمي….بابتسامه ميرسي حضرتك اللي قمر والله
حنان….حبيبه قلبي
سلامه….بقولكم ايه عشان نبقي متفقين جو طنط و حضرتك والكلام ده حنون مش بتحبه انا امي لسه صغيره علي فكره يعني الكل يقولها حنون
ايمي….علي فكره بقي هي شكلها اختكم ودي حقيقه والله مش ببالغ يعني محدش يصدق انها امكم اصلاً
سلامه….طب ايه معندكيش عريس
حنان….بضحكه إحراج يا واد اتربي شويه
ايمي….بضحك ويتربي ليه و الله احلي عروسه
حنان….اتفقتوا عليا خلاص طيب قولولي اجوز ولادي وافرح بيهم احسن
عشري…..جوزيهم و اعملي زيهم ايه المانع بقولك ايه اجوزك ابويا و هو ما هيصدق
حنان….بضحك يالهوي دي امك تموتني
عشري…لا بتحبك و هتوافق
فضل….ايه يا حنون نسياني انتي كده خالص
حنان…..مقدرش يا حبيبي قولي بقي ايه القمر اللي جنبك دي
فضل….ايه رايك قمر هاااا
حنان….بضحك قمر طبعاً ربنا يحميهم كلهم زي القمر
نعيمه…..تسلمي والله حضرتك اللي جميله وزي القمر
ريهام…..قاعده توزعي كلام حلو قمر و تجنن و جميله ان ماقولتي كلمه في حقي من صباحيه ربنا والله اطلع ابوظ جوازه ابنك
سلامه…..الله وانا مالي
ضحكوا كلهم علي ريهام.
ليله….ايه بعينها والله
سلامه….بضحك مش قولتلك نفس النسخه
ماريز…..زي القمر يا ريهام
ريهام….حبيبتي يا طنط و الله حبيتك خلاص
رشيد…ابسطي يا ست ريهام زوزو جبرت بخاطرك
ريهام….ايه جبرت بخاطرتك دي ما تشوفي الراجل اللي هيبقي جوزك ده يا ايمي و الله ابوظلكم الجوازه انتوا كمان
ايمي….بضحك الله وانا مالي طيب ما تسكت يا رشيد
ثواني بالظبط و وصل اهل نعيمه كمان سلموا علي الكل و اتعرفوا نعيمه كانت متوتره و بعدت عن فضل شويه و طبعاً فضل سلم عليهم كأنه اول مره يتعرف عليهم
و بعدين راح وقف مع محمد و فضلوا يتكلموا مع بعض كلام جانبي ونجلاء وقفت مع ماريز و حنان طبعاً حنان كانت جديده عليهم هما يعرفوا بعض من الاول بس اندمجوا و فضلوا يتكلموا والشباب كلهم بأخواتهم وقفوا مع بعض يضحكوا و يتكلموا و فضلت نعيمه مرتبكه شويه
ضحكوا كلهم و استنوا دقايق بسيطه لحد ما حسان وصل عشان كان بيجب اهله و طبعاً هنا كانت معاه وقفوا سلموا علي بعض كلهم و بعدين طلعوا علي فوق.
استقبلهم احمد و تامر و كان فيه عم سلمي و كام واحد من صحاب تامر المقربين و طبعاً سلمي و ايه
دخلوا البنات عليهم سلموا عليهم و حضنوهم بحب و سعاده و بعدين سلمت سلمي علي اهل حسان لاول مره ابتسم حسان بهدوء و سلم علي سلمي و عينه كانت بتلمع من السعاده شكلها كان يجنن
قربت هنا من سلمي ضمتها بحب
سلمي…ايه الحلاوه دي كلها
هنا….حضرتك حلوه خالص
سلمي….بجد انتي كمان قمر
دخلوا الشباب و سلموا هما كمان و بعدين اهل سلامه كانت اول مره تشوفهم ايه كانت محروجه جداً بس اتعاملت بطبيعتها و سلمت عليهم.
بصلها سلامه بابتسامه ورفع حاجبه سلم الاول علي احمد و ضمه و عرفه علي اهلوا
احمد…..اهلاً يا ست الكل نورتي الدنيا
حنان….ده نور حضرتك والله
سلامه….بابتسامه ايه يا امي
حنان…..ازيك يا ايه ايه القمر ده
ايه…بصحكه جميله الحمد لاه حضرتك اللي زي القمر والله اتفضلي
حنان….شكراً يا حبيبتي
سلامه…..ريهام اختي
ايه….بضحك هي دي اللي نسختي هاا
ريهام…..يخربيت الحلاوه تصدقي بالله انتي خساره فيه
سلامه….بضحك ادخلي عشان مبهدلكيش
ايه….بضحك الله بتقول الحقيقه
سلامه….مصطفي
مصطفي….بابتسامه ايه ده باربي
ايه….بضحك ده نسختك انت اكيد
مصطفي…..مبروك يا ايه و عقبالكم
ايه….ايه ده طيب هاتها واحده واحده مش كده يا جدع
سلامه….بضحك لا ماهو ده المدب بتاع عيلتنا
مصطفي….يعني هنقف نحور علي بعض ما هي مفهومه
سلامه….طيب ايه رأيك في عروسه اخوك المستقبليه
مصطفي…هتحسن نسل العيله بدل المناظر اللب بنشوفها عالصبح دي
ضحكت ايه و ضحك سلامه و ضربوا علي راسه وبعدين بصلها
سلامه….بهمس مكلمتنيش هااا
ايه…..والله انت هددتني و انا معجبنيش التهديد بس قدرت صح
سلامه….صح بس هتيجي تصالحيني
ايه…..بعينك
سلامه….تمام هنشوف بس بقولك ايه
ايه….ايه ؟
سلامه….زي القمر
ايه….بضحك انت كمان حلو اوي شكلك عريس
سلامه…..بجد يعني انفع
ايه…..تنفع يا عريس
دخلوا كلهم و قعدوا كان في اغاني شغاله اتعرفوا كلهم كان في اصوات ضحك و اصوات كلتم و نقاشات جانبيه و بعد وقت بسيط من وصولهم المشهد كان كالتالي
احمد خد جنب هو و والد حسان و والدته و طبعاً حسان معاهم ومحمد و عادل و كان الواضح انهم بيتفقوا تاني مع احمد علي كل حاجه قبل ما يخطبها رسمي
وبعد ما خلص كلام معاهم قرب منه سلامه و حنان و كان معاهم عشري و رشيد اتكلمت حنان معاه و بهدوء طلبت منه ايد ايه للمره التانيه و احمد رحب طبعاً.
بعد ما خلصوا كلام واتفاقات اتفرقوا تاني ايه و نادين مانوا قاعدين جنب اهل عسال و سلامه ايه اندمجت مع اخواته بشكل مش طبيعي نادين كانت هاديه بتضحك و بس لكن مش بتشارك كتير كانت متوتره و مكسوفه بس ايد عسال مسابتهاش دقيقه و يمكن ده اللي كان موترها كانت محروجه جداً من حنان
عشري و ليله كانوا عمالين يتكلموا مع بعض و مبتسمين طول الوقت
رشيد وايمي كمان كانوا مندمجين
نعيمه كانت جنب والدتها واخواتها و ماريز متوتره خصوصاً لما لمحت فضل قاعد مع عادل و نادر اخوها بيتكلموا يبتسموا شويه يرجعوا يتكلموا جد كانت هتموت و تعرف بيقولوا ايه و بيتكلموا في ايه.
اما حسان و سلمي و هنا كانوا في عالم تاني
سلمي…..بابتسامه شكلها يجنن
حسان….ابه رايك في الفستان
سلمي….قمر طبعاً
حسان…..عايزه تعمل فيها عروسه
سلمي….بهمس حسان هي هنا فاهمه الموقف
حسان….اكيد يا عمري انا اتكلمت معاها و فهمتها
سلمي….طيب وايه رد فعلها
حسان….بابتسامه زي ما انتي شايفه كده مبسوطه و متحمسه و علي فكره هي مصممه هي اللي تساعدني البسك الشبكه بتاعتك
سلمي….ياعمررري انا اااا طيب هو انا ممكن اسالك سؤال
حسان….اكيد
سلمي….اااا يعني مامتها اكيد عرفت مش كده
حسان….اكيد بس هيفرق في ايه
سلمي….يعني اقصد هي مش مضايقه
حسان….بابتسامه استغراب هتضايق ليه حبيبي دي واحده متجوزه و بتحب جوزها و مستنيه بيبي و بعدين هو انا مستني رأي حد
سلمي….مقصدش بس يعني ممكن تضايق بحكم ان هنا بتكون معاك اوقات و يمكن تفكر ان بعد الجواز ان الموضوع مش مناسبها و كده فاهمني
حسان….فاهمك طبعاً بس المشكله ان انتب اللي لسه مش مستوعبه و لا فاهمه طبيعه العلاقه بينا انا مش عايزك تشغلي بالك بكل ده احنا متفقين من البدايه علي علاقتنا مع بعض من قبل ما انتي تظهري في حياتي و زي ما انا متقبل جوزها في حياة بنتي هي كمان اكيد متقبله وجودك في حياة بنتي في النهايه احنا اللي بنفكر فيه هو سعادة هنا وبس علي فكره هي بتباركلك و انا عزمتهم عشان تتعرفي عليها و تشوفي بنفسك رد فعلها بس هي اعتذرت اولاً لاني حسيت انها مش حابه تضايقك ثانياً زي ما قولتلك هي قربت تولد فا تعبانه شويه بس جهزت هنا و بعتتها و الورد اللي هنا قدمته ليكي ده كان هديه من مامتها و جوز مامتها ليكي
سلمي….بابتسامه ربنا يقومها بالسلامه هي والبيبي
حسان….بابتسامه ايه القمر ده
سلمي….بضحكه كسوف شكلي حلو
حسان….اوي والله طب قوليلي انا شكلي عريس و لا مش اوي
سلمي….لا عريس جداً علي فكره صحيح بباك شبهك
حسان….اه امي احلي صح
سلمي….بضحك تعرف ان هنا فيها من مامتك شويه
حسان….كتير مش شويه كل اللي يشوفهم يقول كده اصلاً علي فكره امي و ابويا مبسوطين اوي
سلمي….بجد
حسان….والله العظيم بيقولوا انك قمر
ضحكت سلمي و ضمت هنا و سكتت.
بعد حوالي ربع ساعه بدأت اجواء الخطوبه
قربت هنا من حسان بالعلبه اللي فيها الخاتم و الدبل كانت مبسوطه والكل كان مبسوط سلمي كانت متوتره شويه
والده حسان كانت باصه لسلمي بابتسامه جميله و سعيده جداً
حسان…..هنا ممكن نستني بس شويه تيته تخلص زي ما اتفقنا
هنا…..ااااااه انا نسيت يلا يا تيته لبسي سلمي الشبمه بتاعتك
ضحكوا كلهم علي براءة هنا وسلمي مكانتش فاهمه حاجه.
عزه….بهدوء ابتسمت و قربت من سلمي هسبق عريسك انا بقي و هلبسك قبلوا دي هديه بسيطه مني يا عروسه
ابتسمت سلمي ووفقت باحترام وهي مش عارفه تقول ايه.
فتحت عزه علبه فيها سلسله كلها دهب ابيض و انسيال و لبستهملها
عزه…..بابتسامه مبروك يا حبيبه قلبي ربنا يسعدك يا بنتي
سلمي….بابتسامه تأثر شكراً يا طنط ضمتها سلمها و ضمتها عزه
قرب حسان ضم امه وباس ايديها
حسان….ربنا يخليكي لينا يا ست الكل .
عزه….ربنا يسعدكم يا حبيبي يلا بقي لبس خطيبتك الشبكه هنا مستعجله
حسان….بضحك يلا يا ست هنا
هنا…..يلا يا بابي
فتحت هنا العلبه ظهر خاتم يجنن
حسان….بابتسامه براحه طيب متتحنسيش اوي كده
هنا….فتحته خلاص
ابتسمت سلمي لهنا و طبطبت علي شعرها بحب
طلعت الدبله بتاعته و ادتها لحسان
حسان….بضحك لا يا هنا دي بتاعتي انا الخاتم بتاع سلمي
هنا…..نسيت
ضحكوا كاهم عليها
مسك حسان الخاتم و لبسوا لسلمي
وهي خدت الدبله من هنا لبستها لحسان و بعدها صوت الزغاريط بقي عالي قام حسان سلم علي احمد وضموا بحب و بعدين سلم علي اهله و الشباب واحمد ضم سلمي هو وتامر و ايه و بعدين البنات باركولها وضموها بسعاده كانت حاسه ان قلبها هيقف من الفرحه و الكل باركلهم و بعدين قرب حسان من سلمي باس راسها بحب
حسان…..مبروك يا عمري
سلمي….بهدوء الله يبارك فيك
بصت ايه علي سلامه لقته ماسك الموبايل و خرج بيه بره البيت خالص و اختفي
دقايق بسيطه و رجع معاه واحد قرب عسال و مصطفي منه سلموا عليه و بعدين الشباب كمان سلموا عليه و خدوا وقرب من احمد سلموا علي بعض و وقفوا يتكلموا و يضحكوا شويه و هي عينها عليهم من بعيد و مش فاهمه في ايه.
شيفاهم بيتكلموا و بيهزوا راسهم و بيضحكوا شويه احمد يطبطب علي كتف الراجل و شويه الراجل يطبطب علي كف احمد ثواني بسيطه و سلامه شاور لايه
قربت منهم وهي مش فاهمه اي حاجه بس كانت مبتسمه ابتسامه عبيطه.
سلامه…..بابتسامه الحج سلامه الحقيقي يا ايه ابويا
ايه….بابتسامه اهلاً بحضرتك يا انكل
سلامه الاب…..ازيك يا بنتي ايه القمر ده
ايه…..بعدم فهم ابتسمت شكراً
سلامه الاب….مبروك
ايه…احممم الله يبارك في حضرتك بصت لسلامه و هزت راسها كانها عايزه تقولوا مبروك علي ايه و ليه هو هنا يعني علاقته بحسان كويسه لدرجه انه يجي خطوبته مكانتش فاهمه اي حاجه
بص سلامه لاحمد بهدوء و ابتسم وهز راسه
احمد ابتسم و هو كمان هز راسه كانت شيفاهم و مش فاهمه اي حاجه والبنات و الشباب واقفين مبتسمين و بيضحكوا عليها عشان مش فاهمه اي حاجه قربوا البنات منها.
ايه….بهمس هو ابو سلامه بيعمل ايه هنا و انا ليه حاسه ان في حاجه غلط
سلمي….بضحك في ايه ما الراجل واقف عادي
ايه….مش بتكلم عن الراجل انا بتكلم عن نظرات سلامه و بابا لبعض
ليله….بضحك مالهم ماهم حلوين اهو
احمد…..يا جماعه معلش هناخد من وقتكم شويه كمان قبل ما نكمل سهرتنا و جمعتنا الحلوه دي خلينا نكملها بمناسبه تانيه سعيده
ايه…..سلمي هو ابوكي ليه عامل زي الناس اللي بتلقي خطاب هو في ايه
ضحكوا البنات كلهم و طبعاً نعيمه عرفت قبل ثواني من ليله ان ايه كمان هتتخطب.
بص احمد لسلامه و ابتسم.
سلامه….احممم طيب يا جماعه انا انهارده هنا مش بصفتي صاحب و اخ بس لحسان لان ده امر مفروغ منه بس انا موجود كمان هنا بصفتي عريس
بصتلوا ايه بصدمه و بدأت تفهم شويه كلامهم و ابتسامتهم و نظراتهم اللي كلها متوجهه ليها خلوها تستوعب اللي بيحصل
سلامه…..انا من كام يوم طلبت ايد ايه من عمي و هو وافق والحقيقه انا والشباب حبينا نعملها مفجأه لايه و نخلي الفرحه تبقي فرحتين
ضحكت سلمي و حضنتها من ضهرها
ايه…..انتوا كنتوا عارفين لا لا لا متعملوش فيا كده
ايمي….مبروك يا صغنن
نادين….بابتسامه قلبها هيقف حرام عليكم
قربت حنان منها بهدوء وابتسامه تجنن مبروك يا عروسه
ابتسمت ايه بتأثر ضمتها حنان و قرب احمد كمان ضمها نزلت دموعها في حضنه
احمد…..في ايه بس ايه الدموع دي
تامر….مبروك يا يويو
ليله….بت بطلي عياط هعيط والله
ماريز….يابت افرحي عملنالك مفجأه
ابتسم سلامه وقرب منها بعد احمد عن حضنها
احمد….يلا خلي عريسك يلبسك الشبكه بتاعتك بس الاول قوليلي موافقه عليه
ابتسمت من بين دموعها و رجعت حطت ايدها علي وشها و عيطت
نعيمه…..بضحك طلع عندك دم يا مجنونه
شالت ايدها و مكانتش عارفه تعمل ايه بس كانت مبسوطه و طايره من السعاده
احمد…..بضحك موافقه ولا ارفض
ايه….بابتسامه من بين دموعها موافقه
رجع صوت الزغاريط و التسقيف و التصفير من الشباب و قرب منها سلامه بابتسامه تجنن
سلامه…..ايه ؟ موافقه خلاص
ايه…..بهمس انت ازاي تعمل فيا كده
سلامه….بضحكه جميله حبيت افاجئك بس انا لسه عند كلامي استاهل اتصالح بعد المفجأه دي صح
ابتسمت ايه و هزت راسها
قربت منه حنان و اديته العلبه
فتحها بهدوء و طلع منها خاتم يجنن لبسها و بعدين هي لبستوا الدبله وهي بتترعش
حنان….بهدوء براحه يا قلبي اهدي
سلامه….بضحك همسلها اوعي تتشلي من الفرحه
حنان….بضحك اعوذ بالله علي لسانك بتحبي فيه ايه ده
ضحكت ايه واخيراً لبستوا الدبله
حنان….ممكن بقي انا اقدملك هديه بسيطه
ايه….ابتسمت من بين دموعها ممكن
قربت منها ريهام و اديتها علبه فيها اسوره عباره عن سلاسل متصله ببعضهم لبستها لايه و ضمتها
حنان….مبروك يا روحي ربنا يجعلها جوزاه العمر كله و تعيشي في سعاده
ايه….ميرسي بجد يا طنط و شكراً علي كل حاجه
الكل بارك و سلم عليهم و كان البوم جميل و يجنن كل تفصيله فيه كانت حلوه بشكل مش طبيعي .
سلامه…..بهمس بحبك يا مجنونه
ايه…..وانا بحبك اوي و بصالحك ياسيدي
سلامه…..بضحك بقي كده اهون عليكي تسبيني اليوم كاه و انا مموت نفسي عشان ابسطك وافاجئك
ايه…..خلاص بقي هعيط والله انا وحشه حقك عليا بس قولي انت عملت كل ده امته
سلامه…..بضحك اليوم اللي تعبتي فيه و اشتغلت انا و عمي في المحل قولتلوا و اتكلمنا واتفقنا و طبعاً امي كانت عارفه و قولت لابويا و اتفقنا كلنا نعملك مفجأه
ايه…..علي قد ما اتصدمت و حسيت اني مش عارفه انطق بس اكيد مبسوطه و حاسه اني بحلم
سلامه…..مش بتحلمي و انا جنبك و هفضل علي قلبك يا مجنونه
ابتسمت ايه بحب و مكانتش لاقيه كلام تقولوا.
……..
سلمي…..ليله هي قمر و اميمه مش جم ليه
ليله….كانوا هيجوا والله بس بيشتروا حجات عشان الخطوبه و قمر سليم ابنها تعبان و كان سخن و مقدرتش تيجي والله خافت يتعب اكتر قبل يوم الاحد و بيقولولك حقك علينا انتي و ايه و بيباركولكم كمان
سلمي…..ياعمري الف سلامه عليه و الله يبارك فيهم يارب.
كملوا اجوائهم مع بعض و كان الجو يجنن و استغل عشري الموقف.
عشري…..بقول ايه يا جماعه طبعاً كلكم عارفين ان خطوبتي انا وليله يوم الاحد و اكيد محدش فيكم محتاج عزومه و انا بستغل الموقف بصراحه و بأكد عليكم تاني هنكون موجودين كلنا في المطعم عند ايمي بأمر الله و مفيش عذر لاي حد منكم
عادل…..علي خير ان شاء الله الف مبروك مقدماً
احمد…..ربنا يسعدكم يارب
باركلهم الكل ليله كانت مبسوطه
و بعد وقت طويل خلص يومهم بكل سعاده و انصرف الجميع علي استعداد لمناسبه جديده و يوم جديد.
………………..
في صباح يوم جديد كله حماس و سعاده و اكيد توتر و لغبطة مشاعر
نزلت ليله مع عشري تجيب الفستان بتاعها و نزلت كمان نادين مع عسال يجيبوا فستان بدل اللي هو رفض تلبسوا في خطوبه ليله.
اما سلامه و حسان راحوا خدوا ايه و سلمي يشوفوا لو ناقصهم حاجه و يتغدوا مع بعض و اتفقوا انهم بعدوا علي ايمي في المطعم عشان لو محتاجين اي حاجه يساعدوهم فيها
وطبعاً رشيد و تامر كانوا مسحولين في اخر يوم تشطيب للبيت و كان المفروض يستلموا جزء من الفرش
و طبعاً ايمي كانت مسحوله في المطعم و قررت ان اخر معاد لاستقبال اي حد في المطعم الساعه عشره عشان من بعد عشره هيبدأوا يجهزوا المكان للخطوبه اما نعيمه كانت مرهقه جداً لانها صحيت بدري هي و نادين وراحوا مع ايمي علي المخزن خدت منهم حجات كتير و بعدين راحت نعيمه علي بيت ايمي توصل الحاجه و قالتلها هترجعلها تاني و فضل طبعاً كان مشغول علي اخره بيجهز هو كمان بطريقته عشان يقدر يفاجئ نعيمه.
…………
عند ليله و عشري.
عشري…..ها قررتي ايه
ليله….بقولك ايه انا مش عارفه في كذا حاجه عجباني بس انا عارفه انك مش هتوافق
عشري….بضحك يبقي بلاش
ليله….عشري متبقاش رخم بجد يعني ده يوم و بعدين دي خطوبتي المفروض يكون مسموح ليا اعمل اي حاجه
عشري……مين قال انه مش مسموح بس اكيد مش هخليكي تلبسي اي حاجه
ليله….خلاص يبقي مش فارق اختار انت ماهو انا بقيت اكل علي ذوقك واشرب علي ذوقك و البس علي ذوقك و اعمل كل حاجه علب ذوقك
عشري….بغمزه بس اعترفي ذوقي حلو صح
ليله….رخمممم
عشري….طيب بصي انا مش عايز ازعلك وفي نفس الوقت مش حابب انك تلبسي حاجه ملفته حبيبي هيبقي في رجاله كتير و بعدين كفويه ابويا ده عينه زايغه و بتاع نسوان
ليله….بضحك غيران من ابوك
عشري….بضحك اه والله اصل المشكله اني حافظه
ليله….متبقاش رخم بقي
عشري….طيب بصي هنتفق مع بعض اختاري كام واحد يكونوا عاجبينك بجد و نختار منهم الافضل و المناسب
ليله…..بس مش هلبسهم قدامك هتشوفهم كده من غير لبس
عشري…..ده ليه بقي ان شاء الله
ليله….عشان متحرقش الفستان طبعاً
عشري….امممم ماشي اتفقنا خدي بقي لفه حلوه و اختاري و انا كمان هشوف معاكي
ليله….لا انت لا انت تشوف اللي هختاره وبس
عشري…مااااشي يا ستي موافق بس عشان نكون علي نور لا ضيق للدرجه و لا عريان و لا شفاف و لا قصير اوي
ليله…..يلا يا عشري يلا مش عايزه اتخطب ابو اللي يرتبط بيك يا شيخ
عشري….بضحك خدي يا بت انتي بتطولي لسانك
ليله….بضحك ما هو المواصفات دي متنفعش مع فستان يا عشري و بعدين مش عايز تتنازل مره عشاني
عشري….يا عمري انا مش عايز حد يبص علي جسمك و بغير و بخاف عليكي و بعدين انا حربت مره و قولت اشتري انا بس كل حاجه عليكي مختلفه
ليله….بدلع ونظره تجنن انا كده مش بيقولوا القالب غالب
عشري….بضحك صح و الحل الوحيد معاكي طقم عادي
ليله….امممم طيب وانا موافقه
عشري….بضحك لا يا ستي بصي هاتي اللي يعجبك و مش هرخم عليكي لاني مش عايز ازعلك في يوم زي ده بس و حياة عشري عندك بلاش حاجه تكون اوڤر و خدي بالك انا بعمل ده عشانك بس وانتي اكيد عارفه ان انا لايمكن اتنازل في حاجه زي دي بس عشانك مستعد مره بس
ليله….يالهوي يا ناس علي البلطجي اللي بموت فيه بقولك ايه هو في كاميرات
عشري….بضحك اكيد ليه
ليله….عايزه ابوسك
عشري…..ياسلام مسك كفها وهو بيضحك بينا علي البروڤا
ليله….بضحك استني يا قليل الادب ما بتصدق انت خلينا نخلص بقي مفيش وقت
عشري….ماشي بس ليا عندك بوسه
ليله….ماشي اتفقنا حوشهم بقي
عشري…..ربنا يستر يلا بينا
و للحديث بقيه……
