لقاء كارثي
(لقاء كارثي) 47
لقاء كارثي
أميره أسامه
صاحبة البطل الواحد
البارت السابع و الاربعون.
…………………….
انا مريم خطيبة محمد.
ليله….بأبتسامه ماشي اتشرفنا بس مين مريم و مين محمد؟
مريم….بضحكة سخريه يعني ممكن البني ادم يخبي حياته عن شخص لكن يخبي أسمه جديده دي أيه مش عارفه اسم خطيبك يا ليله؟
بصتلها ليله بصدمه ثواني و فضلت ساكته
مريم….بأبتسامه لا متقوليش متعرفيش ان أسمه محمد ياتري قايلك اسمه ايه؟
ليله….لحظه انتي شاربه حاجه ولا مختله ولا فيكي ايه بالظبط محمد مين اللي انتي خطيبته انتي بتتكلمي عن خطيبي انا؟
مريم….ايه هو انتي متعرفيش ان خطيبك اسمه محمد ؟
ليله….بضحكة ثقه لا أعرف محمد عشري هو ده اللي تقصديه؟
مريم…امممم طيب محمد عشري ياستي مختلفناش طلع قايلك اسمه و اسم والده كمان كويس طلع صريح في حاجه
ليله…..بضحك هو انتي جايه تهزري معايا و لا ده مقلب من مقالبه اصلي حفظاه كويس يبقي تحت بيتي و يقولي انا طالع عشان انام بيموت في المفاجأت
مريم….بضحكه شر اامممم هو واضح انه طلع بيموت في المفاجات فعلاً بس المرادي المفجأه وسعت منه شويه لدرجه انك مش مصدقاني و فكراني بعمل فيكي مقلب انا وهو بس أحب اقولك انه ميعرفش اصلا اني هنا و لا يعرف اني هبوظ المفجأه دي.
بصتلها ليله و بدأت تحس بتوتر و حاجه مش مريحاها واضح من الطريقه ان ده لا هزار و لا مقلب ولا اي حاجه بس هي مش مصدقه و كل اللي كان في بالها ان لو الموضوع جد تبقي دي حد بيوقع بينهم و هي واثقه فيه و مستحيل تصدق اي كلمه.
مريم….ايه واضح انك لسه مش مصدقاني اممممم حقك مع اني يعني مش حاسه انك مكنتيش تعرفي و انك من النوع اللي عادي يخرب بيوت
ليله….افندددددم
مريم….زي ما سمعتي
ليله….اممممم طب بصي انا لحد اللحظه دي بتعامل علي ان الموضوع هزار .ضحك . مقلب سخيف اي حاجه لكن هتقولي كلام ترجعي تندمي عليه منصحكيش يا تقولي انتي هنا ليه و ده هزار ولا جد ولا تتفضلي من غير مطرود لان مش مسموح تتكلمي كده عن عشري و لا مسموح لو ده هزار انك تتمادي فيه معايا
مريم…..صدقيني انا مش بتمادي ولا حتي بهزر انا بتكلم جد جداً و بعدين تمام خليني أثبتلك كلامي عشان نبدأ نتكلم جد مسكت مريم موبايلها و طلعت صوره لعشري و هو بيلبسها الدبله و ظاهر في الصوره امه ابوه كام واحد من اخواته و فضل
بصت ليله علي الصوره و في اللحظه دي حقيقي فقدت النطق و من صدمتها حست ان كل قوتها و ثقتها بنفسها و جرأتها انهاروا في لحظه.
مريم….بابتسامه ودي صوره كمان للاسف مش معايا غير الصورتين دول بس
بصت ليله علي الصوره كانوا كلهم قاعدين اهله و اهلها و باصين علي الكاميرا و في ابتسامه بسيطه علي وش عشري.
بصتلها ليله و هزت راسها
ليله….ده اكيد مش حقيقي كملت بضحكة صدمه ده ai صح عشان المقلب يظبط بس انا بثق في عشري و هزاركم مش مقبول
مريم….انا مش جايه هنا عشان اهزر معاكي و الصور دي حقيقيه عندك وقت تسمعي هسمعك
بصتلها ليله و هي خلاص بتنهار من جوه الصور حقيقيه و هي اللي بتحاول تكدب نفسها اتماسكت علي قد ما تقدر و حاولت تتمالك اعصابها و تبان بارده علي قد ما تقدر .
ليله….أسمع ايه ؟ انتي قبل ما تيجي هنا عارفه انتي جايه لمين ؟ عارفه ان مش انا اللي يضحك عليا بشويه كلام و صور متخيله اني ممكن أصدقك متخيله اني ممكن أعمل زي أي ست أسخن و اتعصب و ابعد عن ناس بحبهم عشان شويه كلام عبيط
طب اتتي متخيله اني ممكن اسيب عشري عشان الكلمتين الخايبين دول
مريم….بابتسامه يبقي انا نظرتي فيكي كانت صح كنتي عارفه و هو مضحكش عليكي ولا حاجه ده انا جايز كمان اكون ظلمته وانتي اللي لعبتي عليه
ليله…..لا انتي حقيقي مختله
مريم….طيب أيه رأيك اتصلك عليه و اسمعك صوته من عندي بيتهيألي مش هيختلف كتير عن صوته في موبايلك
ليله…..بغضب بسيط و صدمه و توهان انتي عايزه ايه بالظبط
مريم…..عايزه اقولك الحقيقه ده لو انتي حقيقي متعرفيهاش
ليله….بغضب حقيقه ايه ؟ لو انتي صح و هو كداب و كدب عليا كملت بابتسامه كلها ذهول طيب أزاي مغلطش و لا مره قدامي حتي في اسمك ازاي مجابش سيرتك اصلاً و ليه يضطر يخبي عني انه خاطب بلاش كل ده ازاي كان معايا طول الوقت لو مش بجسمه بصوته عشري مكانش بيسيبني لحظه و اليوم اللي مش بكون معاه فيه ولا بشوفوا بيفضل معايا طول اليوم علي الموبايل
لو اتأخرت عليه شويه ميقدرش و هو اللي يتصل انتي بقي كنتي فين ؟ انا شاغله وقته طول اليوم فين وقتك انتي بلاش كل ده هو بني ادم خارق و يقدر يعملها و خليني امشي معاكي للاخر و اقول ان يومه ربنا كان مبارك فيه و عارف يسد علينا احنا الاتنين.
وكدب عليا يا ستي طيب امه ابوه و اخواته و أهله كمان كدابين يعني عارفين انه خاطب و عادي يخطب حد تاني ؟طب الكداب معروف انه بيغاط و لسانه بيفلت بس بما انه خارق زي ما أتفقنا عرف يمسك لسانه طيب بالنسبه لأهله محدش فيهم غلط مره قدامي ليه ايه متفقين مثلاً عليا
بلاش اهله طيب صحابه اللي بشوفهم زي ما بشوفه و اكتر ما بشوف اهلي أيه هما كمان كدابين طيب صحابي هما كمان بالمره عندهم علم بالمفجأه دي .
بلاش كل ده و انتي تحت و بتكلميني كان في بينك و بين فضل ثواني كان تحت البيت مشوفتيهوش طيب هو مشافكيش؟
ضحكت ليله بثقه و بصلتلها مش بقولك غبيه و مختله لو كنتي دخلتي عليا داخله تانيه غير دي كنت صدقتك لو كنتي قولتيلي ان اي حد تاني في الدنيا دي كدب عليا كنت صدقتك طب والله كنت هصدقك لو قولتي ان صحابي او اخواتي كدبوا عليا بس عشري مستحيل المقلب باظ يا مريم للاسف بس عموماً مش هعديهاله
فضلت مريم بصالها و هي بتتكلم و مبتسمه.
مريم….خلصتي
ليله….بابتسامه ثقه لكن باين عليها جداً التوتر و العصبيه اه خلصت عندك مقلب غيره
مريم…..تعرفي يا ليله انك بجد صعبانه عليا
ليله….بضحكه عاليه انا صعبانه عليكي
مريم….جداً مش هكدب عليكي انا كنت جايه و فاكره انك خربتي علاقتي انا و محمد و كنتي عارفه و لعبتي عليه بس اكتشفت الوقت انك واخده مقلب فيه جامد و بجد موقفك صعب اوي مع اني يعني ميبانش عليكي
اصل انا هعترفلك انا لحد وقت بسيط مكنتش اعرفك بس بالصدفه من فتره دخلت علي الاكونت بتاع محمد و اتفاجئت ان عنده صور كتير لمناسبات اكتر و في بنات و شباب صحابه عاملين منشن عليه و بصراحه صورك جنبه خلتني اشك ان في حاجه بينكم ماسك ايدك ماسكه ايده فا بدأت ادور من خلال صور البنات دي اصل محمد مش من طبعه ينزل صور علي صفحته الشخصيه بس حظه بقي انه يتعمل ليه منشن لما دخلت عند البنات اللي عاملين منشن شوفت صور كتير ليكي معاهم واحده اسمها أيه تقريباً علي ما افتكر و اكتشفت بقي من وسط الصور دي صور ليكم مع بعض في دهب مش كنتي معاه في دهب بردوا يا ليله؟
بصتلها ليله وهي في حالة ذهول تام و منطقتش.
ابتسمت مريم بشر.
مريم…..اكتشفت انهم صحابك و ان انتوا و محمد و فضل و الشباب اللي كانوا معاه واضح كده انكم بقيتوا معرفه و في بينكم عشم كبير .
دخلت عندك انتي بقي و شوفت صور كتير و شوفت كمان صور خطوبتكم و الحقيقه من خلال الكومنتس اللي بينك و بين صحابك قدرت اعرف عنك كل حاجه بتعملي ايه بتشتغلي ايه من الاخر حطيتك في دماغي و قدرت اوصلك عن طريق صاحبتك اللي اسمها نادين.
مش بس كده القدر كان عايزني اوصلك أسرع و شوفتك عند بيت اهل عشري نسيت اقولك اصل بابا يبقي صاحب انكل عشري و احنا اصلاً ساكنين هناك و لمحتك و معاكي ناس كتير .
عشان اتأكد اكتر وصلت الكافيه و شوفت شاب من اللي بيشتغلوا هناك بس كان ميعرفنيش سألتوا عن محمد و محمد فضل قالي انهم في البيت مع نسايبهم.
و بما اني قررت احطك في دماغي يا ليله روحت و قفت بعيد و ركبت عربيتي و طلعت وراكي و عرفت مكانك الحقيقه اني بقيت واقفه تحت بيتك بسأل نفسي اطلع ولا مطلعش لان كان معاكي صاحبتك و قررت اني مطلعش و امشي و طول الكام يوم اللي فاتوا في نفس الحيره اقولك ولا مقولكيش.
و فضلت صاحيه نايمه في الاكونت بتاعك و بتاع صحابك و صحابه بس بصراحه مقدرتش اصل صوركم مع بعض في دهب ضايقتني اوي
عارفه ضايقتني ليه يا ليله ؟
بصتلها ليله بصمت غير معتاد كأنها مش عارفه ترد او تقول كلمه كانت قاعده زي العيله الصغيره قدام مريم و لاول مره تحس انها ضعيفه مش قادره حتي تدافع عن نفسها.
مريم….اقولك انا لان وقت ما كان بيتصور معاكي في دهب انا كنت مخطوبه ليه و بعد ما نزل من دهب كمان كنا مع بعض و لما اكتشفت انه غريب و دورت وراه انا سيبته و قررت اني مكملش معاه
مع انه لحد الوقت بيحاول يرجعلي و ميعرفش انا سيبته ليه فاكر اني زعلانه منه زعل عادي علي فكره صحيح انا و محمد كنا هنتجوز بعد ثلاث اسابيع من رجوعه من دهب بس للأسف انا عمي اتوفي في اخر يوم كنتوا فيه في دهب و اضطرينا نأجل الفرح و علي فكره هو كان موجود في العزاء هو و فضل و انكل عشري و اخواته الكبار علي و عمر .
ليله….بصدمه مستحيل انتي كدابه.
مريم….مش حابه تصدقي هحترم صدمتك حقك متصدقيش بس انا مش بكدب انا بقول الحقيقه
ليله….لو بتقولي الحقيقه فعلاً هو ليه كدب هو مش متجوز او معاه عيال ده خاطب و انا كنت مخطوبه وعرفته الموضوع مش محتاج انه يكدب ولو كدب لاي سبب طيب اهله صحابه ليه خبوا ولا كاان خاطب من غير ما يعرفهم
مريم….بابتسامه بس انتي شوفتي الصور و كلهم كانوا معاه
ليله….وحتي الصور دي انا مش مصدقاها البني ادم ممكن يكدب لكن يكدب كدبه و يخلي كل اللي حواليه يكدبوا معاه و يمثلوا بالاتقان ده مستحيل طب امه هتكدب ليه ؟
ازاي اصلاً كنتوا هتتجوزوا و امه بنفسها قالت ان مفيش ست دخلت الشقه غيري ايه مشوفتيش شقتك يا عروسه
مريم…..بابتسامه عادي جداً ان الام تداري علي ابنها و تكدب جايز تكون حبت تحسسك بالاهميه و عدم النقص بس احب اقولك ان هي كمان كدابه البيت ده انا و محمد اخترناه مع بعض حته حته و كل حاجه فيه علي ذوقي انا
ليله…..بابتسامه خبيثه تمام اثبتيلي
مريم….اثبتلك ايه بالظبط ؟
ليله……اوصفي البيت اللي اختارتيه حته حته قوليلي الشقه كام اوضه شكلهم عامل ازاي الوان البيت ايه ايه اكتر حاجه مميزه اخترتيها في البيت ده.
بصتلها مريم بتوتر و بعدين ابتسمت
مريم…للدرجادي بتحبيه و مش عايزه تسيبيه ولا انتي مصدقتي تلاقي حد زي محمد غني و من عيله و مستحيل تلاقي راجل فيه كل المميزات دي انتي كده بتأكديلي انك كنتي عارفه ولعبتي عليه
ليله…..غني ؟! فوقي و اعرفي انتي بتخرجي ايه من لسانك عشان قولتلك هتندمي الفلوس دي انا أحطها تحت جزمتي و ادوس عليها بس تمام اعتبريني زي ما قولتي و اوصفي البيت لو انتي صادقه.
مريم….بابتسامه حاولت تهرب من السؤال بسؤال اذكي تمام و اعتبريني انا زي ما انتي شاكه اني معرفش البيت و اني بكدب عليكي عندك حل اسهل من كل ده انك تسأليه مثلاً أسألي محمد فضل ابن عمته اسألي اهله صحابه و بما انك ذكيه اوي كده هتقدري تعرفي من ردود افعالهم اذا كنت صادقه ولا كدابه
ليله…..بابتسامه متقلقيش ما انا هتكلم معاه لاني متعودتش احكم علي اي حد من غير ما اسمع
مريم….اوك و انا معنديش اي مشكله أساليه بس انا هقولك علي حاجه قبل ما امشي انتي هتتأكدي اني مش بكدب و يا أما بقي تطلعي صادقه و مكنتيش تعرفي حاجه و يطلع عندك كرامه و تبعدي عنه يا أما تمسكي فيه اكتر و تطلعي زي ما انا توقعت خرابه بيوت و كنتي عارفه و تكملي عادي عشان مش هتقدري تبعدي عن كل العز ده بس من فضلك اوعي تلعبي دور الضحيه عشان محمد هيرجعلي بمزاجك او غصب عنك.
ليله…..بابتسامه ثقه و غرور و جبروت عكس اللي كان بيحصل جواها.
لا يا قلبي دور الضحيه ده مش ليله اللي تلعبوا انا سيباه ليكي انتي انا هلعب دور حد تاني خالص كبير عليكي انا هعيش دور ((القادره))
اللي هتجيب حقها بأيدها بس انا اللي عايزه اقولك حاجه انتي لو كلامك ده طلع صح انا مش هكمل بس اوعي تحلمي انه يرجعلك و مش بتدخل مني تؤ تؤ تؤ ده ثقه ان عشري من بعدي مش هيعرف يكون مع غيري.
مريم….بابتسامه عجباني اوي ثقتك بنفسك بس انتي بردوا صعبانه عليا اصل اللي زي محمد و اي راجل عموماً بتبهره شويه الست اللي عامله فيها جدعه و بميت راجل الست الشعبيه دي عرفاها اااااه ما انا قولتلك قعدت شويه حلوين في الاكونتات بتاعتك انتي و صحابك و اخواتك كمان و عرفت انك كنتي من منطقه شعبيه و مش بس كده انا جيبت شجره العيله بتاعتك بعلاقاتي انا بقالي اكتر من اسبوع انتي كل شغلتي يا ليله انتي عارفه محمد صعبان عليا اصل والدك عاش نفس القصه مع والدتك.
بصتلها ليله بصدمه و وجع كبير
مريم…الفرق بس ان والدك اتجوز والدتك و مقدرش يكمل معاها كتير اصله ابن ناس و ابن عيله و اهله طول عمرهم مش بيحبوا والدتك و بيستعروا منها و منك انتي و أخواتك فا اضطر يطلقها انما محمد يا حرام لسه ميعرفش ان حياته هتنتهي نفس النهايه قوليلي هي الستات في المناطق الشعبيه كلهم كده بيلعبوا علي الراجل الغني و ابن الناس.
هنا ليله مقدرتش تتحمل شريط حياتها الاسود مع ابوها و اهل ابوها بقي يجري بسرعه قدام عنيها اللي قالته ده كله كوم و الغلط اللي اتقال في حق امها كان كوم تاني وخط احمر.
غابت ليله عن الوعي تماماً و فجأه اتحولت حرفياً لوحش شالت السيجاره من بين شفايفها و قامت من مكانها بسرعة البرق و مسكت مريم من كتفها بأيدها الاثنين قومتها من علي الكرسي كأنها ماسكه عيله صغيره في أيدها و قربتها من وشها اوي و هي بتتكلم بهدوء مرعب ونبره خلت مريم هيغم عليها و ووشها أبيض من الخوف
ليله….بهمس مسموع غلطاااااانه الست في المناطق الشعبيه بيتقال عليها مررررره و المره في المنطقه الشعبيه بميت شنب من عيلتك واخر حاجه تشغلها الفلوس عشان المره في المنطقه الشعبيه بتشغل تحت ايدها الف راجل و تسوق بلد
اما بقي بالنسبه لامي اللي جيبتي سيرتها علي لسانك انا بسببها خسرت ابويا و اهلي و مستعده اخسر الدنيا كلها سواء كانت هي عايشه او حتي ميته بس مفيش كلب يقول عنها حرف.
انتي فتشتي ورايا كتير يامريم و قدرتي تعرفيني بس للأسف معرفتيش أهم حاجه بس انا هعرفهالم انا ضربت رجالة بعدد شعري راسي رجالة يقف علي شنبها الصقر جزمتي علمت علي راسهم
بس في حياتي دي كلها ممدتش ايدي علي ست لاني متعودتش استقوي علي ست زيي و عشان مبقاش كدابه مرتين بس اللي أضطريت أمد ايدي فيهم علي اتنين واحده فيهم كانت صحبتي و دي كانت اول مره اضرب بنت .
اتحملتها كتير بس جابت سيرتي بكلام مكانش علي هوايا علمت عليها قدام دفعه كامله و التانيه كانت عمتي اللي من دمي بردوا اتحملتها كتير بس القاضيه معاها واللي خلت صبري نفد عليها كانت عشان جابت سيرة امي علمت عليها علامه مش هتنساها طول عمرها كل ما تبص في المرايا خلتها لما كانت تشوفني ماشيه في شارع بسرعه تلف وترجع
مش هي بس هي و عيلة ابويا كلهم ستات و رجاله و اطفال.
بقوا يتلاشوني تماماً عشان عرفوا قدراتي .
بس بيتهيألي لو زودت الرقم اللي ضربته و علمت عليه طول حياتي بيكي انتي مش هتتحملي في ايدي عشان انتي لسه طريه و دي اول غلطه ليكي انا بتحمل اول غلطه بس التانيه و اللي خلقني في منطقه شعبيه دمي حر تربية مررررره ما هخلي فيكي حته سليمه هخلي الدكاتره واقفين جنبك مش عارفين يبدأوا منين فهماني ؟
بصتلها مريم برعب وهي بتهز راسها بسرعه بخوف.
ليله…..بمجرد ما هسيبك مش عايزه ألمحك قدامي لاني لو عيني لمحتك ايدي هتندمك علي اليوم اللي قررتي تيجي فيه هنا و افتكري وشي ده كويس اوعي تفكري تلمحيه في اي مكان مفهوووم
هزت مريم راسها بمجرد ما ليله سابت ايدها مريم خدت شنطتها و طارت من قدامها.
فضلت ليله واقفه مكانها بتاخد نفسها بسرعه اوي مبصتش حتي عليها بمجرد ما سمعت صوت الباب اتقفل قعدت ليله علي الارض و هي بتنهج و تتنفس بسرعه عينها كانت راحه جايه تايهه و مش مستوعبه
كلام مريم و جع ليله اوي.
من ناحيه وجعها و صدمتها في عشري و صحابه و اهله كوم و وجعها من كلامها عن امها و اهل ابوها و تقليلها منها اللي كسر جواها جزء كبير من كرامتها و كبريائها
سرحت ليله في حجات كتير و مواقف اكتر و هي قاعده تبص شمال و يمين قاعده علي ركبها وايدها علي راسها بقت تفتكر اسوء كلام مر عليها في حياتها كلها.
فلاش باااااااك….
كامل…..سيبي امك يا ليله و تعالي عيشي معايا هعيشك ملكه قبل ما تضيع مستقبلك
…………..
كريمه…..ايه يا بنت اخويا مش ناويه تنضفي من المستنقع اللي انتي عايشه فيه و تيجي تعيشي و سطنا بدل ما انتي خلاص بقيتي نسخه من امك.
………….
كامل…..هي السبب قولتلها كتير تسايس أمورها و تاخدهم علي قد عقلهم عشان تعرف تعيش وسطهم قولتلها اني بحبها بس لازم هي كمان تضحي عشاني وتبلع اي كلام يضايقها .
………….
هو انتي شايفه نفسك علي أيه امال لو كان ليكي راجل او اب او حتي عيله كنتي عملتي فينا ايه انتي الف بنت غيرك تتمني تكون معايا.
………….
انتو عارفين يا بنات ماما ديماً تقول ان البنت اللي ابوها مطلق مامتها عمرها ما بتطلع قويه او عندها ثقه في نفسها زي ليله كده.
بس ليله قويه و واثقه في نفسها
لا انا اقصد زي ما بباها يعني مطلق مامتها.
……………..
كامل…..مش هتطولي مني مليم يا نهاد الا لو رجعتيلي و بكل شروطي
……………..
كامل…..انا مش وحش يا ليله ولو روحتي سألتي امك هتقولك اني بحبها زي ما هي بتحبني بس هي اللي دماغها ناشفه و عشان كل حاجه تبقي كويسه لازم تعمل اللي بقوله.
…………….
نهاد….انا ربنا خلقني دمي حر متخلقتش عشان الناس تتحكم فيا متخلقتش عشان اتذل انا و انتوا بشويه فلوس.
……………..
نهاد….سيرة كامل واهله لو نطقتيها علي لسانك لا انتي بنتي ولا انا اعرفك لو تعبتي من حياتك معايا روحي لابوكي و عيشي معاه سيبيني.
……………..
نهاد……علي قد ما حبني علي قد ما هو عمره ما وقف في ضهري او حافظ علي كرامتي قدام اهله و كل ده مكفاهوش ضغط عليا بمصاريفكم عشان ارجعلوا بس لأ لو هو اخر راجل في الدنيا مش هرجع لو هشحت بيكم مش هرجع انا هعمل كل اللي ربنا يقدرني عليه عشان اعيشكم احسن عيشه و يغور هو وفلوسه و اهله.
………………
انا حبيتك بس للاسف مش هقبل ان خطيبتي تسافر و تشتغل و تعيش دور البنت اللي بميت راجل عشان تجيب فلوس قولتلك خليكي و هنتجوز باللي معايا و انا يا ستي راضي بأي حاجه هتجيبيها حتي لو شنطه هدومك و قدام اهلي اللي هجيبه كأنك انتي اللي جبتيه.
……………….
انتي مش هينفع تدخلي المدرسه غير بولي امرك و مش عايزه ولدتك هي اللي تيجي جات كذا مره ومفيش فايده مبتعملش فيكي حاجه هي مش فالحه غير تيجي تتحايل و تنزل دمعتين و تقول معلش حقكم عليا عشان خاطري سامحيها انا مش هقبل دخولك المدرسه غير لو والدك جه.
…………….
نهاد…..عملتي كده ليه يا ليله ضربتي الراجل في محل اكل عيشه.
اه ضربته و لو سألتيني هتعملي كده تاني هقولك اه
نهاد…..طب لييييييييه ليييييييه هتفضلي تاعبه قلبي لحد امته هتفضلي لحد امته عامله فيها راجل البيت انتي بنت يا ليله بنت يعني ضعيفه و مينفعش تستقوي عشان هتتفرمي
انا مش ضعيفه و لا عاش ولا كان اللي يستشعفني و يجي عليا او عليكي
نهاد…..ليه عملك ايه لكل ده
قالي انتي تربيه مره قالي هاخد ايه من واحده مطلقه معرفتش تتربي مع جوزها عشان تربي بنتها.
…………..
نهاد….وليد معلش روح مع اختك المدرسه المديره عايزه ولي امرها
وليد….مليش دعوه انا مش فاضلها دي بتاعت مشاكل لما كانت لسه صغيره كان ممكن انما الوقت بنتك اي حد مبيعجبهاش بتضربه ده انا الولد مبعملش كده
ليله….وانا مالي هما اللي بيضايقوني في المدرسه بيقولولي عمرنا ماشوفنا ابوكي انتي ملكيش اب
وليد….وايه المشكله ما انتي ملكيش اب حقيقي أبلعي واسكتي احنا مش حمل مشاكل يا ليله كل شويه احنا ماشين جنب الحيط و في حالنا
ليله…..لااااااا مش هبلع غلط اي حد فيا او في امي مش هسكت لاي حد يضايقني او يقل من كرامتي انا مش زيك يا وليد و مش بحب امشي جنب الحيط انا بمشي وسط الشارع وارفع راسي عشان لسه متخلقش اللي يوطيها
وليد….سكتي بنتك و خليها تحط لسانها في بوئها بدل ما اسكتها بطريقتي و بما انك عامله فيها سبع رجاله اتصرفي بقي انتي
…………
ليله….ايه مش هنلعب قبل ما الجرس يضرب
لا احنا مش هنلعب معاكي بعد كده
ليله…ليه انا عملت حاجه زعلتكم؟
انتي كدابه و كدبتي و مياده ماتت بسببك و ماما قالتلي اياك اشوفك مع ليله
وانا كمان بابا قالي مكلمكيش تاني ابداً عشان كدبتي و كنت عارفه ان مياده هتموت و سبتيها.
الكدابه اهي الكدابه اهي الكدابه اهي.
…………باااااااك
حطت ليله ايدها علي ودنها تحاول تسكت الاصوات اللي عماله تصرخ جواها و جوه عقلها و دموعها نازله تجري و نفسها سريع و دقات قلبها مرعبه حطت ايدها الاتنين علي الارض و بقت تعيط بصوت مكتوم و فجأه قامت بسرعه من مكانها و مسحت دموعها و افتكرت ان عشري هيجي بصت في الساعه لاقتها 8 بالظبط و هو قالها هيجي 9
مسحت دموعها و حاولت تهدأ مسكت بسرعه الموبايل و بعتتلوا رساله.
ليله…..عشري معلش خلينا نأجل معادنا انا خدت علاج من بتاع نادين و خلاني عايزه انام مش هقدر انزل.
بعتت الرساله و سابت الموبايل وهي باصه للفراغ بذهول مش عارفه توقف عقلها ثواني عشان تفكر تعمل ايه او تقول ايه
اتصل عليها عشري علي طول بمجرد ما شاف الرساله بصت علي الموبايل مش قادره ترد مش عايزه تسمع صوته في الوقت ده بالذات بس هي عرفاه لو مردتش هيسيب اللي في ايده و يجيلها و وقتها مش هتقدر تلمحه وهي في الحاله دي ردت عليه و هي بتحاول تكون طبيعيه.
ليله….ايوه
عشري…..بابتسامه ااااااه بتبعتيلي رساله عشان فكراني مش هكلمك وكده صح
ليله…غمضت عينها بقوه ااا لا انا عارفه انك قاعد مع ناس
عشري…..بحب و ايه المشكله ده انا اسيب كل حاجه عشانك انا عارف انك مضايقه اني اتأخرت عليكي و عشان كده مش عايزه تنزلي حقك عليا يا قلبي بس لما جيلك هصالحك و هفهمك
ليله….انا مش زعلانه يا عشري انا بس لاقيت العلاج اللي نادين قالت عليه خدته و حسيت انه بينيمني اوي و بجد مش قادره محتاجه انام
عشري….بطلي رخامه بقي وشغل عيال قولتلك الناس جم فجأه والله مش قاصد يعني اسيبك
ليله…..عارفه و انا بقولك مش زعلانه انا بجد عايزه انام مش قادره خالص
عشري…..يعني هتنامي الوقت يا قلبي دي الساعه ثمانيه
ليله….معلش مش قادره و مش هعرف انزل معاك كده ولا هركز و انا قيلالك من بدري اني مش قادره
عشري…..طيب انا هجيلك الوقت و نروح المستشفي ادام تعبانه بالمنظر ده
بعدت الموبايل عنها و هي بتغمض عينها اوي و دموعها نازله خدت نفس طويل
ليله….عشري انا الدواء ريحني و قمت لبست علي فكره بس بعد شويه لاقيته بينيمني انا بخير مش محتاجه لا دكتور و لا مستشفي كل الحكايه انه في نسبة منوم و مش قادره اقاوم النوم خليك انت انهارده و نروح يوم تاني مش هتفرق اكيد
عشري…..ماشي يا حبيبي اللي يريحك المهم انك مش تعبانه
ليله….انا كويسه عايزه انام بس
عشري….خلاص نروح يوم الاربع عشان بكره مش هينفع
ليله….تمام
عشري…..انتي هتفضلي نايمه لبكره يعني ولا ايه
ليله…..هنام شويه لو صحيت هكلمك اكيد
عشري…..ليله
ليله…نعم
عشري…..انتي كويسه يا عمري صوتك مش عاجبني و طريقه كلامك غريبه
بعدت الموبايل تاني و فضلت تسيطر علي نفسها و رجعت خدت نفس طويل.
ليله….بابتسامه مزيفه مالك يا بلطجي بقولك عايزه انام
عشري…بضحك لا ادام بلطجي تبقي كويسه ماشي يا ستي نامي. ليله
ليله….نعم يا عشري
عشري….بحبك
نزلت دموعها و حطت ايدها علي بوئها تكتم صوتها
ليله….وانا كمان
عشري….وانتي كمان ايه ؟
ليله…..بتنهيده كلها وجع و انهيار داخلي بحبك يا عشري.
عشري….بابتسامه يلا يا حبيبي روحي نامي و وقت ما تصحي كلميني
ليله…اوك باي
عشري….باي يا عمري.
قفلت معاه الموبايل و فضلت تبص حواليها كأنها تايهه دموعها نازله من غير صوت حطت ايدها الاتنين علي راسها مش عارفه تعمل ايه في الوقت ده بالتحديد ليله كانت عامله زي المدبوحه اللي بتلفظ انفاسها الاخيره حمل و تقل علي قلبها فظيع
نفس طالع بصعوبه عايزه تصرخ يمكن ترتاح عايزه تشوف عشري و تترمي في حضنه في الوقت اللي هي مش قادره لا تشوفوا ولا تسمع صوته بس قررت بعد تفكير دام كتير انها لازم تسمع منه لان حقها تسمع.
كانت عايزه تصدق ان مريم بتكدب و يمكن كل ده ميطلعش صح لما تتكلم مع عشري.
كانت عايزه تعرف منه ده بجد حقيقي كان خاطب و هو معاها طيب صحابه عارفين طيب الاهم من كل ده صحابها هي كانوا عارفين و النقطه دي بالأخص فرقت معاها اوي مكانتش عايزه وجعها يكون منهم.
وبعد تفكير طويل و قرار أخير دخلت ليله علي الحمام غسلت وشها وبصت في المرايا بكل قوه و دخلت علي اوضتها سحبت شنطة سفرها.
و بدأت تحط فيها هدوم كانت عماله تحط في حاجات كتير بسرعه و في رعشه في ايدها مش قادره تسيطر عليها مكانتش عارفه الحاجه اللي بتحطها محتجاها او لأ مكانتش مركزه و قامت طلعت الباسبور
بتاعها حطته في الشنطه مكانتش عارفه هي بتاخده ليه اصلاً بس كانت بتاخد كل حاجه عشان لو طلع الموضوع بجد مس هتقدر ترجع وهتحتاج فتره طويله عشان تتعافي لانها عارفه ان عشري مش هيسيبها كانت واثقه ان مريم مش بتكدب
و افتكرت الكلمه اللي كانت ديماً تقولها لعشري و للبنات انها مبسوطه بس جواها حاجه ديماً قابضه قلبها
حست هنا ان احساسها كان صح و ان مريم مكدبتش بس كان عندها فضول اخير قبل ما تمشي تعرف ليه عمل كده .
