لقاء كارثي
(لقاء كارثي) 47
ايمي….الابيض ده كمان تحفه اوي
رشيد….هلبس ابيض
ايمي….اه حلو اوي والله
رشيد…اوك تمام كده تلاته في كمان اللي الوانه داخله في بعضها ده
ايمي….اوباااااا انا مشوفتهوش عليك ده قبل كده حلو اوي
رشيد….بابتيامه ده جديد لسه ملبستهوش جبته انا وحسان
ايمي….ده لازم تاخده يجنن
رشيد…..طيب كفايه كده
ايمي…..خد الاخضر ده كمان حلو اوي
رشيد….تمام
ايمي….بس كده تمام هحطلك بقي غيارات للبيت وحلو كده
رشيد….طيب هاخد ايه في رجلي
ايمي…..هتلبس كوتشي و خد كمان واحد معاك بس كده
رشيد….طيب متنسيش حاجه البسها في البيت
ايمي…..صحيح احنا هنقعد عند اختك ولا في فندق.
رشيد…..اميره مصممه نقعد معاها بس لو حابه نقعد في فندق معنديش مشكله
ايمي…..لا عادي بس عشان منضايقهمش
رشيد….لا متقلقيش دي مستنيانا من الوقت هي و كريم جوزها و متحمسين جداً
ايمي….بابتسامه ماشي بقولك ايه انت بقي حط البرفيوم و حاجتك الشخصيه انا معرفش انت عايز ايه
رشيد….طيب تمام حطي بس هدوم البيت لحد ما احط انا اللي هحتاجه هناك
ايمي….اوك يا قلبي.
فضلوا هما الاتنين يجهزوا الشنطه بتاعته و هي كمان كل اللي تفتكره تحطه.
و بعد وقت طويل روحت نادين و ايه علي البيت و وصلت نعيمه كمان
طلعت و فتحت كان البيت هادي خالص و ليله ملهاش صوت خالص
طبعاً هي مكانتش نايمه ولا قادره تنام حتي بس بمجرد ما سمعت صوت الباب بيتقفل مسحت دموعها و قفلت الموبايل و غمضت عنيها.
دخلت نعيمه حطت شنطتها و قلعت الشوز و راحت تطمن عليها .
فتحت الباب براحه غمضت ليله عينها بقوه
قربت منها نعيمه و حطت ايدها علي راسها تشوفها دافيه ولا لأ كانت كويسه قعدت جنبها براحه.
نعيمه….لولي لولي
ليله….اممم
نعيمه…..انا رجعت يا قلبي
ليله….بعلت ريقها بصعوبه احممم ماشي يا نوني
نعيمه….انتي كويسه يا قلبي
ليله….ايوه الحمد لله
نعيمه…..طيب هتفضلي نايمه
ليله….اه مش قادره
نعيمه…..طيب مش عيزاني اعملك حاجه دافيه
ليله….لا مش عايزه
نعيمه….طيب انتي كلتي ولا لأ
ليله…..كلت قبل ما انام روحي انتي نامي يلا
نعيمه…..ماشي يا عمري طيب اكيد مش محتاجه حاجه
ليله…..سلامتك
قربت نعيمه من خدها باستها
نعيمه…..ماشي يا روحي تصبحي علي خير
ليله….وانتي من اهله.
خرجت نعيمه و قفلت وراها الباب
فتحت ليله عينها ومسحت دموعها بوجع كانت حاسه ان قلبها بيتقطع و مش قادره تتكلم.
الوقت كان بيعدي ببطئ فظيع ساعه تجر ساعه لحد ما الساعه بقت ثلاثه ونص الفجر سمعت صوت موبايلها بيرن لمحت اسم عشري بصتلوا بوجع و مردتش
بعتلها ماسدچ بعد دقيقه بصت عليها لقتها ڤويس كانت هتتجنن و تسمعه بس لو فتحت هيعرف انها صاحيه فا مسمعتش .
و فضلت قاعده مكمله النوم مش بيجي و الوجع بيزيد قامت بهدوء سمعت نعيمه مكانش في اي صوت فتحت براحه و خرجت الانوار كلها كانت مطفيه معادا نور بسيط جاي من المطبخ مشيت بهدوء و دخلت عملت قهوه لا كانت واكله من بدري و لا حطت اي حاجه في بوئها مكلتش غير بسكوت الصبح في الفطار خلصت القهوه ودخلت تاني علي اوضتها قفلت الباب و فضلت قاعده في الضلمه تشرب في سجاير و تشرب في قهوه راحت وجات علي المطبخ مرات متعرفش عددها قلبها كان هيقف حقيقي من القهوه .
دموعها مش بتخلص بس دموعها مكانتس كفايه كانت محتاجه تخرج الغضب و الوجع اللي جواها ده عشان ترتاح فضلت قاعده في الضلمه اوضتها اتملت دخان و الصبح طلع بصت في الساعه كانت الساعه سبعه الصبح فتحت موبايلها بهدوء و كانت هتموت و تسمع صوته فتحت رسالته.
عشري…..حبيبي انا اتصلت عليكي و شكلك لسه نايمه انا طاعت خلاص يا عمري انا اسف لو اضايقتي عشان اتأخرت عليكي حقك علي راسي يا ست البنات ليله يومي وحش اوي من غيرك اعملي حسابك انا مش هسمحلك تتعبي تاني ابداً عشان التعب خدك بني بحبك يا بلطجيه تصبحي علي الف خير يا عمري
غمضت عينها بوجع و نزلت دموعها بوجع.
و كملت ليله أطول ليله في حياتها مرت عليها وجع الليله دي كان نفس وجع اول ليله من غير امها.
اوقات كتير لما بنتوجع بنفتكر ذكريات توجع أكتر و بنقلب في دفاتر وجعنا .
فلاش باك.
ليله…..بأبتسامه بقولك ايه يا نهاد تعالي اقعدي اتفرجي معايا علي الفيلم ده حلو اوي شوفت الاعلان بتاعه و لسه اول مره يتعرض
نهاد….عربي ولا اجني
ليله…بضحك اجنبي يا خريجة اللغات
نهاد….انتي بتتريقي عليا يا بنت الكلب
ليله…بضحك انا اقدر بردوا بس اللي يسمعك يقول فكيتي الخط
نهاد….بضحك يابت انا خارجه من اعدادي يعني بعرف اقرأ واكتب و بعدين انا مبحبش الافلام العربي
ليله….ما قولنا خريجة لغات اتقالي يا بنت الكلب يلا تعالي
نهاد….طب استني اقلع اسدال الصلاه ده و قومي صلي العشاء عشان ربنا يرضي عنك
ليله….حااااضر اهي تصلي من هنا و تطلعني ملحده من هنا هصلي يا حاجه نهاد الدنيا مش هتطير
نهاد…لا هتطير ضامنه عمرك انتي دقيقه او ثانيه قومي صلي يلا و انا هروح اعمل كوبايتين شاي لحد ما الاعلان يخلص
ليله…ماشي يا ست نهاد حطيلي نعناع
نهاد….صاحبة مزاج اوي حاضر هحطلك.
دقايق بسيطه و قعدوا يتفرجوا علي الفيلم سوا.
ليله….شايفه البطل زي القمر ازاي
نهاد…..اه والله زي القمر
ليله…..بضحك طب ارزعيني قلم و قولي احترمي نفسك و اعملي زي الامهات كده بتعاكسي البطل معايا
نهاد…ماهو انتي مش حمل قلم مني
ليله….بضحك اه والله كف صعيدي يجيبلي ارتجاج
نهاد….طب اتفرجي بلاش رغي.
سرحوا مع الفيلم و سندت ليله في حضنها حست ليله ان راس امها بتتقل علي راسها
ليله…..احييييه انتي نمتي يا نهاد قومي الفيلم احلو اوي علي فكره بقي البطل طلع قمر بس غبي المفروض كان عرف السر ده من بدري نهاااااد قومي راسك تقيله جبتيلي صداع
مردتش عليها
ليله….ماما انتي نمتي بجد اعمل فيكي ايه مبتكمليش معايا فيلم لاخره قومي نامي جوه طيب يا نهاااااد مش بتردي ليه رفعت ليله راسها و قامت وفجأه لقت نهاد وقعت علي رجلها.
بصت ليله بصدمه
ليله….ماما ماما ماما لا لا لا ماما انتي تعبانه ولا ايه ماما ردي عليا والنبي اوعي تكوني بتهزري معايا
قامت ليله بسرعه نطت من علي السرير فا وقعت نهاد اكتر علي وشها
ليله….ماما مامااااااا لا لا والنبي قومي والنبي انتي كويسه صح مسكت المايه ترش عليها و تحطلها برفيوم بس مكانتش في وعيها جريت اتصلت علي وليد واخواتها وهي بتصرخ و بعد حوالي ساعه خرج وليد مع الدكتور.
وليد….بدموع امك ماتت يا اميمه
بدأت ليله تسمع صريخ و صوات و في لحظه البيت بقي مليان ناس جيران و معارف و هي في حالة ذهول.
دخلت بهدوء الاوضه بصت عليها كانت متغطيه كلها راحت قعدت علي ركبها جنبها.
ليله…..بدموع ماما و النبي قومي و النبي قومي عشان خاطري اوعي تسبيني ماما خليكي معايا والنبيييييي ماما طيب هتسبيني لمين و النبي خليكي و النبي يارب رجعها ليا انا مليش غيرها و النبي نا توجعيني عشان خاطري قومي مش احنا كنا بنتفرج علي الفيلم طب ليه مقولتليش انك هتمشي كنت قفلت و فضلت جنبك شويه ليه مقولتليش انك هتسبيني في نصه ليه مخلتنيش في حضنك شويه والنبي قوووووومي يا امي قومي عشان خاطري ده انا بستقوي بيكي متعمليش فيا كده طب خليكي شويه كمان لسه بدري اووووي خليكي معايا ده انا مفيش حد في الدنيا محتاجك قدي يا نهاد قومي والنبي ده انا الناس بتخاف تقرب مني عشان عارفين انك ممكن تاكلبهم بسنانك هتسبيني كده لوحدي هتسبيني طيب من غير ما تقوليلي اعمل ايه في اللي جاي
كملت بانهيار طب قومي والنبي قولي انك راضيه عني و نامي تاااااااني
دخلوا عليها اخواتها وهما بيعيطوا.
اميمه….سبيها يا ليله سبيها
قمر…..كفايه حرام متعذبيهاش
وليد….تعالي معايا يا ليله
ليله….يعني ايه هي ماتت بجد وليد امي ماتت رجعت مسكت في دراعها تاني وهي بتصرخ يا امييييييييييييييييييي.
بااااااك.
فاقت ليله علي بحر دموع و ووجع بينخر في قلبها من جوه.
قامت غسلت وشها و اتوضت وخرجت صلت مكانتش عارفه تقول ايه بس دموعها كانت نازله وهب ساجده من غير حرف كأنها بتقول لربنا انت عارف اللي جوايا من غير ما اتكلم
خلصت صلاه و راحت تاني علي السرير تحاول تنام الصداع هيقتلها بس مكانش في نوم ساعه بقت تجر ساعه ل ما الساعه بقت واحده الضهر قامت وقررت توقف عياط قبل ما نعيمه تصحي دخلت خدت شاور و فضلت تحت المايه كتير كانت محتاجه تفوق و مش عارفه.
خلصت شاور و خرجت عملت قهوه و قعدت علي البار تشربها و تشرب سجاير و علي الساعه اتنين ونص سمعت تليفونها بيرن كان عشري.
ليله….الوو
عشري…..صباح الفل
ليله….بتنهيده وجع صباح الخير
عشري….طب سمعتي رسالتي مفيش اي رد كده
ليله….مرضتش اقلقك
عشري…..طبعاً انتي نمتي ليكي و للزمن يعني المفروض تكوني فايقه و لا ايه
ليله…احمممم اه نمت كتير
عشري….طيب طمنيني انتي احسن الوقت
ليله….الحمد لله احسن كتير
عشري….طيب هتعملي ايه الوقت
ليله….ولا حاجه
عشري…..طيب فطرتي ولا انتي لسه صاحيه صوتك لسه نايم
ليله….صحيت من شويه و هفطر الوقت غمضت عينها وهي حاسه انها مش قادره تسمع صوته.
عشري….طيب يا عمري انا صحيت خلاص هقوم اخد شاور و افطر و هنزل شويه علي الكافيه و شويه و هطلع البس عشان نتقابل عند رشيد وايمي
ليله…..ماشي تمام
عشري…..بقولك ايه اعدي عليكي و نروح سوا
ليله….اااا لا روح انت علي طول انا و نعيمه هنيجي و ممكن نادين اشوفك هناك علي طول
عشري….ماشي يا ستي زي ما تحبي يلا قومي افطري و هكلمك وانا نازل
ليله….تمام يلا باي
عشري…..باي يا حبيبي
سابت التليفون علي جنب و حطت ايدها الاتنين علي راسها
سمعت صوت باب اوضه نعبمه بيتفتح
نعيمه….صباح الفل
ليله….احمممم صباح الخير
قربت منها نعيمه و باستها
نعيمه…..صاحيه من بدري انتي ما انتي نايمه من العشاء طمنيني احسن الوقت
ليله….بابتسامه مزيفه احسن كتير
نعيمه…..طيب يلا نفطر
ليله…اااا انا صاحيه من بدري و فطرت افطري انتي يلا
نعيمه…..كمان ماشي يا ست لولي احنا هننزل امته صحيح
ليله….اااا معرفش اللي يريحكم اتفقتوا علي ايه انا نسيت
نعيمه….يعني علي خمسه و نص كده نروحلهم عشان بردوا نلحق نقعد معاهم و منتأخرش عندهم اكيد هيناموا شويه قبل السفر
ليله….تمام
نعيمه…..هروح معاكي بقي انا مش قادره اسوق
ليله…لا ااااا اقصد يعني احتمال لسه معرفش بس ممكن اروح لاميمه بعد ما نمشي من عند ايمي
نعيمه…..طب ليه في حاجه ؟
ليله….لا بس الولاد عايزني اروحلهم
نعيمه….هتباتي يعني هناك
ليله….ممكن
نعيمه….من امته ده انتي بتباتي مره كل تسعين سنه و مش بتعرفي تنامي اصلاً بره البيت
ليله…..حمزه و نوح اتحايلوا عليا مش عايزه ازعلهم
نعيمه…..هتسبيني لوحدي يا رخمه
ليله….روحي باتي مع نادين
نعيمه…..هشوف كده يمكن انتي تغيري رأيك
ليله….تمام يلا روحي افطري انا داخله اشوف هلبس ايه
نعيمه….ليله
وقفت لياه و بصتلها
نعيمه…..انتي فيكي حاجه ؟
ليله….بابتسامه لا انا كويسه ليه
نعيمه….معرفش حساكي مش طبيعيه و من امبارح صوتك مش مظبوط و استغربت انك هتنامي بدري هو انتي و عشري متخانقين
ليله….لا خالص ده لسه قافل معايا و كنا بنضحك ونهزر انا بس مش مظبوطه من كتر النوم
نعيمه….المهم انتي بخير صح
ليله….اه زي الفل وبلا بلاش رغي روحي افطري الساعه داخله علي تلاته
نعيمه….ماشي يا مووزه
دخلت ليله و قفلت الباب و وقفت وراه و هي حاطه ايدها علي قلبها و مانعه دموعها من انها تنزل .
الوقت كان بيجري الساعه بقت خمسه الا ربع و لسه ليله و نعيمه و نادين متحركوش دخلت نعيمه علي ليله الاوضه كانت واقفه باصه في المرايا و ساكته اول ما الباب اتفتح عملت نفسها بتتسرح
نعيمه…..ايه ده يا لولي انتي لسه مخلصتيش لا لبستي ولا حطيتي ميك اب
ليله….عشر دقايق واكون جاهزه
نعيمه….طيب بقولك ايه انا هنزل اروح اجيب نادين عشان قالتلي اعدي اخدها مس هتروح بعربيتها هجيبها هتكوني خلصتي و لا ايه
ليله…..اه روحي يلا وانا هخلص وانزل استناكم تحت
نعيمه….اروح ايه انتي لسه معملتيش حاجه انتي هتروحي كده
ليله….بتنهيده اه يا نوني مش قادره البس اي حاجه عايزه حاجه مريحه
نعيمه…. طيب زي ما تحبي المهم متتأخريش سلمي و ايه اتحركوا و فضل كلمني مشي من شويه هو وعشري و نادين بتقولي سلامه و عسال كمان نزلوا
ليله…..ماشي يا نعيمه روحي يلا خليني اخلص بقي
نعيمه….اوك يلا متتأخريش
خرجت نعيمه و سابت ليله سمعت ليله صوت الباب رجعت بصت تاني في المرايا كانت لابسه بنطلون چينز اسود عادي جداً و تيشرت نص كم اسود و عليه چاكت أسود كأنها خاصمت الالوان لا ليها نفس تلبس ولا حتي تعمل ميك اب ولا تعمل شعرها رفعت شعرها ديل حصان و لبست كاب اسود و يادوب حطت حاجه بسيطه تحت عينها عشان ميبانش عليها كمية الحزن دي
لبست علي وسطها شنطه كروس سوده جلد و حطت فيها كل حاجتها
و لبست كوتش اسود في رجلها و بعدين فضلت تبص علي اوضتها و خرجت بره بصت علي البيت كانها بتودعه لوقت غير معلوم.
و بعدين ولعت سيجاره و فصلت تشىربها و بعدين نزلت استنت تحت في العربيه عشر دقايق و رجعت نعيمه و معاها نادين.
شاورتلها نادين بالعربيه بابتسامه
ابتسمت ليله بهدوء و رفعت ايدها
نعيمه…..يلا
هزت ليله راسها و كلعت وراء نعيمه.
نادين….بابتسامه هي لولي مالها مسوداها كده ليه
نعيمه….والله ما عارفه البت دي مالها معرفش ليه حاسه انها زعلانه مع عشري
نادين….ليه حصل حاجه؟
نعيمه…سالتها قالت لا و قالتلي لسه قافل معايا و كنا بنهزر و نضحك بس غريبه اوي ساكته لو كلمتها بترد بالعافيه و شها حزين اوي
نادين….يمكن عشان تعبانه
نعيمه…..والله ما عارفه يا نادين بس اما تشوفيها هتحسي انها غريبه اصلا اتصلت بيا علي الساعه ثمانيه ولا ثمانيه ونص قالتلي هتنام و معاكي المفتاح ولا لا و لحد ما رجعت نايمه و كملت للصبح
نادين….ايه ده هي منزلتش هي وعشري زي ما اتفقوا
نعيمه….لا قالتلي خدت دواء و حاسه انب بنام علي نفسي و ملمت عشري قولتله نأجل بس هو قبلها قالها هقابلك تسعه بدل ثمانيه عشان جالي ضيوف من سيناء مش عارفه بقي زعلت منه ولا ايع
نادين….لا اكيد طبعاً ليله عقلها مش صغير كده هو اكيد من التعب البرد اصلا بيكسر الجسم انتي شوفتي ايه لما كانت تعبانه هي كمان كانت مقضياها نومز
نعيمه…..يا ستي تنام براحتها و ترتاح المهم تبقي كويسه
نادين….ان شاء الله مفيش حاجه و بعدين هنعرف لما نروح لو اتكلموا يبقي الدنيا تمام
نعيمه….انتي هبله انتي كمان هما اطفال عشان يتخاصموا اكيد هيتكلموا يعني
نادين….لا مقصدش اقصد يعني هيبان علي وشهم اذا كانوا شادين بيضحكوا كده يعني
نعيمه….هنشوف
نادين….بقولك ايه عايزاكي تقفي عند لابوار عايزين نجيب شوكلت
نعيمه….طب غيري انا كما هجيب شوكلت
نادين….اغير ايه بيقولوا مسافرين بكره الشوكلت اكتر حاجه تنفع تفضل في البيت عادي
نعيمه….طيب تمام.
كملوا طريقهم وليله ماشيه وراهم تايهه عقلها حافظ الطريق لكن مركز في وجعها اكتر دخلت علي البنزينه تحط بنزين ثواني واتصلت عليها نعيمه.
ليله….ايوه يا نعيمه
نعيمه….هو انتي وقفتي ولا انا بيتهيألي
ليله….كملي انا بحط بنزين و جايه وراكي
نعيمه….طيب تمام انا هقف عند لابوار اوك
ليله….اوك يا نوني باي
نعيمه….باي
وقفت ليله وراء العربيات واحده تدخل وراء التانيه لحد ما جه دورها حطت بنزين و اتحركت
لمحت عربيه نعيمه واقفه قدام لابوار فضلت واقفه وسندت راسها علي الكرسي و هي مغمضه دقايق بسيطه خرجوا البنات ولمحت معاهم سلمي و ايه
نعيمه….ليله اهي جات
قربوا منها البنات بسرعه رسمت علي وشها ضحكه
سلمي….قلبي القمر كنتي فين
ليله….بحبط بنزين
ايه….بضحك مالك يا حزينه مسوداها ليه و فين الميك اب والسعر والحركات
ليله….بضحك سيبتهملك انا تعبانه
نادين….لولي سلامتك يا عمري
ليله….الله يسلمك يا قلبي
نعيمه….يلا خلونا نمشي بقي
سلمي….طيب يلا اطلعي باي يا لولي
ليله….باي يا سلمي
ركبوا تاني البنات و طلعوا وراء بعض و كملت لياه طريقها وراهم من غير سرعه.ولا كانت قادره او عندها طاقه اصلاً كان مشوار تقبل علي قلبها بشكل مش طبيعي بس كان لازم يحصل.
…………………
علي الساعه خمسه و نص بدأ الشباب يوصلوا وراء بعض راح اول حد فيهم خالص عسال و سلامه و كانوا واقفين في الجنينه مع الكلب و معاهم رشيد.
شويه بسيطه و وصل عشري و فضل خرجوا وقفوا علي الباب بره.
سلامه….ايوه هات وراء بقي يلا تعالي متخافش
بصلوا فضل هو كان ركن اصلاً
فضل…..بضحك طيب ولما انزل أضربك بقي
رشيد….بضحك انت لسه بتسألوا انزل علي طول
سلامه….ياجدع جمد قلبك كده وارجع انت بتتعلم السواقه ولا ايه
عسال….بضحك علي فكره هو ركن
نزل عشري هو كمان من عربيته
سلامه…..بقولك ايه العجل بتاعك عايز يتزود شويه
عشري…..بجد بص بسرعه و بعدين رجع بصلوا بغيظ
سلامه…خاسس خالص من كتر المشاوير
عسال….بضحك معلش يا عشري امسحها فيا انا استني ايه اللي في ايدك ده
فضل…..دي قهوه عربي اكيد
سلامه….انت علي طول كده ماشي بكوبايتك هتتفطم امته
عشري….لما تبطل تلبس بامبرز
ضحكوا كلهم بصوت عالي علي سلامه اللي ابتسم و بصلوا بصدمه
قرب عشري من رشيد بحب و ضموا بعض طبطب عشري علي ضهره و باسه من كتفه
عشري….مبروك يا اخوي ربني يچعلها جوازة الدهر.
رشيد….حبيبي يا عشري و افرح بيك قريب يارب
قرب منه فضل هو كمان ضموا
فضل…..ربي يچعلها چوزاة السعد والهنا مبارك عليك يا خوي
سلامه…..بقولكم ايه انا بجد عندي سؤال و مش عايز حد فيكم يضرب والله سؤال جد
عشري….بصلوا و رفع حاجبه خير
سلامه…..هو انا عارف انكم بتتحلوا في غضبكم و في فرحتكم و بتتكلموا كده بس ليه كمان في المناسبات يعني افراح احزان
عسال….بضحك غبي طيب ما هي هي
سلامه….لا مش فاهمني اقصد
رشيد….بضحك با غبي ما هو ده موقف يفرح فا عشان كده اتحولوا
سلامه…..بتركيز تصدق صح
عشري…..ده فاكر ان المناسبات ليها مشاعر تانيه غير الفرح و الحزن يعني متاخدوش علي كلامه
فضل….ايه ده انتوا جبتوا الكلب
رشيد…..اه محمود جابه امبارح استاذ كوبر
سلامه….شبه ارثر شويه
عسال…..ايوه ماهما نفس الفصيله علي فكره
سلامه….ما لي لي نفس الفصيله و مش شبهه
عسال….اسكت يا سلامه اسكت
عشري…..شباب تعالوا معايا معلش
راحوا معاه كلهم فتح شنطه العربيه خرجوا منها كراتين كتير كلها عصاير و كانزات و كان في كمان عند فضل
شالوا مع بعض و دخلوها علي جنب في الجنينه من جوه
رشيد….الله يخربيتك منك ليه انتوا ايه بقي اللي انتوا جايبينه ده كله خد بالك انت وهو و مش بهزر والله و انتوا الاتنين كمان الحاجه اللي انتوا جبتوها دي هتاخدوها معاكم رجعوا رجعوا كل ده
عشري…..اسكت يالااااا
رشيد….انت بتستعبط يا عشري انت و فضل ايه كل ده انا هفتح سوبر ماركت
فضل…..خيرك سابق ديماً يا صاحبي
رشيد….خير ايه يا عبيط انت
عشري…..مش قولت مش عايز اي حاجه تبوظ دول مش هيبوظوا و بعد ما ترجع كل الناس هتيجي تبارك لكم يعني هتحتاجوهم
رشيد…..والله بتسعبطوا ضايقتوني
عشري…..خلاص متوجعش دماغي
رشيد….طيب يلا تعالوا ندخل جوه
فضل…..هو فين حسان صحيح
رشيد….مجاش الباشا لسه
فضل…..انا قولت هو اول واحد هيوصل
رشيد….كان نايم انا اللي صحيتوا.
سلامه…..مش عاجبك استقبالنا احنا يعني ولا ايه
عشري…..بضحك انتوا ايه اللي جابكم بدري كده صحيح
عسال…..لا والله وصلنا قبلكم بدقايق و كنا بنتفرج علي الكلب مدخلناش اصلاً
دخلوا علي جوه و قعدوا يضححوا و يهزروا.
شويه و نزلت ايمي كانت لابسه فستان أصفر قصير في تنيات من الاول للاخر خلي شكله يجنن و مظبطه شعرها و عامله ميك اب كانت عروسه بجد
ايمي….اهلاً اهلاً
سلامه….يا عرووووووسه
ضحكوا كلهم وقاموا يسلموا عليها
فضل…..لا عروسه فعلاً
ايمي….ازيك يا سلامه
سلامه…الحمد لله مبروك
ايمي…الله يبارك فيك هاي عشري
عشري….بضحك براحه عالراجل شويه
ايمي….بضحك بصت لرشيد براحه
رشيد….بضحك سيبك منه دوسي
عشري…..بابتسامه مبروك يا ايمي ربي يچعلها جوازة الدهر
ايمي….حبيبي يا عشري الله يبارك فيك يا ميدوووو
عسال…..ايه القمر ده معلش بقي يا رشيد هعاكسها
رشيد…..بضحك عاكس براحتك ياعم
عسال….مبروك يا ايمي ربنا يسعدكم يارب
ايمي…..حبيبي يا ميدو عقبالك انت و نودي بصت لفضل و انت كمان عسان نخلص منك
فضل…..بضحك انا مصمم انا قبل عسال
عسال….بضحك الله بردوا
فضل….مبروك يا غاليه الف مبروك
ايمي….الله يبارك فيك يارب اقعدوا يلا فين حسان
رشيد…..قال جاي الوقت يدخل علينا
ايمي….البنات كمان في الطريق اتقابلوا كلهم و جايين قولولي بقي تشربوا ايه
عشري….لا خليكي لما يوصلوا نبقي نشرب
ايمي….هو ايه اللي لما يوصلوا اخلص انت وهو لما يبقوا يجوا هناكل انا هموت من الجوع.
عشري….اقعدي والله مش عايز
فضل….خليكي الوقت مش عايزين انا عايز بس طفايه
رشيد….ماهي قدامك اهي
فضل….بابتسامه دي طفايه و الله بحسبها ديكور
ايمي….لا طفايه بقولكم ايه مش هتتفرجوا علي البيت
عشري….احنا كلنا شوفناه قبلك اسكتي بقي
ايمي….بضحكة غيظ قصدك ايه يعني يا سي عشري بتضايقني
سلامه…..ايوه انتي اخر حد شوفتيه اصلاً
ايمي….ما البركه في صاحبكم
رشيد….طيب مش كانت مفجأه حلوه
ايمي….بصراحه اه والله و بجد تسلم ايديكم كلكم علي تعبكم مع رشيد
فضل…..علي ايه محدش فينا عمل اي حاجه انتي و رشيد و اخواتتا
رن موبايل رشيد
رشيد….ها يا حسان
حسان…..انا وصلت تمام
رشيد….يلا جايلك الشباب كلهم وصلوا سلام
ايمي….رشيد بقولك ايه ما تسيب الباب بره مفتوح لحد ما الكل يوصل
رشيد….ما هنا جوه مفتوح عشان بس الكلب
ايمي….ما انت رابطه مش هيجري اكيد لما يوصلوا اقفل بره
رشيد….طيب حاضر
خرج رشيد استقبل حسان و دخلوا علي جوه سلموا علي بعض كلهم و سلم علي ايمي وباركلها كان جايبلها ورد و شيكولاته.
ايمي….بابتسامه ميرسي يا حسان بجد الورد تحفه بس بجد احنا قولنا محدش يجيب حاجه
رشيد…..لا دول عايزين لسان الجوز دول جابوا حجات حلوه كتير دخلتها المطبخ و الجوز دول جايبين كراتين مليانه عصاير و كانزات كأننا هنفتح سوبر ماركت
ايمي….بتهرج لا هياخدوا حاجتهم معاهم احنا اتفقنا
فضل…..كل الحجات دي مش هتخسر
ايمي…يا ابني مفيش مكان خالص الثلاثجات كلها مليانه
سلامه….احنا في شتاء الشوكولاته و العصاير سبوهم بره مش هيحصل اي حاجه ليهم
ايمي….والله العظيم بتهرجوا طب اخلصوا بقي تشربوا ايه
فضل….هو انتي غاويه شقي ما قولنا اقعدي
ايمي….لا انا قمت خلاص يلا قولوا
عشري….طيب انا قهوه ساده
فضل….وانا زيه
حسان…وانا كمان
سلامه….انا و عسال كمان زيهم
ايمي….بضحك لا بصوا انا عروسه ايه كميه القهوه الساده دي
ضحكوا كلهم
رشيد….ايه صحيح ده ما في حجات كتير
عشري….عايز قهوه والله
ايمي….ماشي يا سيدي انت و هو رشيد قهوه
رشيد….بابتسامه قهوه
فضل….بضحك احنا معاكم هاااا
رشيد….اهو ده بقي اسوء حاجه في الصحوبيه بيبقي في المواقف دي زي الرادارات عينهم علينا
ضحكوا كلهم و ايمي سابتهم وراحت تعمل القهوه مكانتش بعيد عنهم و المطبخ كان مكشوف عادي سمعاهم و شيفاهم.
دقايق بسيطه و وصلوا البنات كان في جرس من بره خالص وقفت نعيمه ترن كتير و الباب كان نفتوح اصلاً
ايمي…..رشيد البنات وصلوا
رشيد…..قام يجري ما انا سايب الباب والله خرج بره شافهم و ضحك بااااااس ايه سايبلكم الباب مفتوح يا مزعجين.
نعيمه…..بضحد يعني الحق عليا بعملكم دوشه و بحتفل بيكم يا عريس.
رشيد….يالهوي علي القمرات ممكن اعاكس براحتي قبل ما ندخل للحوش صحابي
نعيمه….بضحك عاكس بس هما وصلوا كلهم
رشيد….اه والله وصلوا سيبك منهم بقي ايه الحلاوه دي كلها
نعيمه….بصحك اتلم يا عريس عروستك جوه
رشيد….بضحك هتيجي تعاكسكم هي كمان
سلمي….مبروك يا رشيد عقبال يارب ما نشوف احلي بيبيهات في الدنيا
رشيد….بضحكه جميله الله يبارك فيكي يا لومي عقبالك انتي و الواد حسان
ايه….بقولك ايه لو جبت بنت هتسميها ايه
رشيد….بس كده و انا طول
ايه….بابتسامه مبروووووك يا عرريس
رشيد….الله يبارك فيكي يا مجنونه ادخلي يلا
نادين….بابتسامه هاديه شكلك عريس خالص
ابتسم رشيد ولف و هو بيضحك
رشيد…انفع يعني
نادين….بضحك جداً مبروك يا رشيد
رشيد….الله يبارك فيكي يا احلي نودي عقبال كده ما نجيلك انتي و الواد ميدو مال براسه لليله كانت واقفه اخر واحده ابتسم بهدوء
القمر بتاعتنا و عروستنا المنتظره
ابتسمت ليله بهدوء و قربت منه
ليله….مبروك يا رشيد ربنا يسعدكم يارب
رشيد….يالهوي علي التعابين ايه فيها عدوه ولا هتعدي
ليله….بضحكه بسيطه لا متخافش مش هتتعدي
رشيد…الف سلامه عليكي يا لولي
ليله….الله يسلمك
رشيد…يلا ادخلوا ايه شوفتي صاحبك الجديد ده
ايه….بابتسامه اه قمر بس عايز شاور ريحته طالعه
رشيد…بضحك هبقي اجيبهولك
ايه….هاتوا و انا هروق عليه
دخلوا علي جوه ايمي كانت بتدي القهوه للشباب اول ما شافتهم راحه عليهم بسرعه قربوا منها البنات و ضموها كلهم و وقفت ليله وراهم و هي مبتسمه
قاموا الشباب كلهم عشان يسلموا عليهم بعد ما يسلموا علي ايمي
بص عشري من بعيد علي ليله و مشي كام خطوه عليها عشان يسلم و يطمن عليها.
اول ما ليله لمحتوا خست ان قلبها هيقف غمضت عينها ثانيه و بصت بسرعه علي ايمي و بمجرد ما البنات سلموا عايها وبعدوا هي قربت منها بسرعه ضمتها قبل ما عشري يقرب.
حضنتها لياله بقوه
ليله…..مبروك يا ايمي
ايمي….بابتسامه يا عمري انتي الله يبارك فيكي عقبالك يارب انتي مالك يابت مسوداها كده ليه
ليله….بابتسامه هاديه عادي والله مقدرتش البس حاجه تانيه تعبانه بقي
ايمي بصتلها في عينها و قبل ما تسألها فيكي ايه لقت ليله نفسها في حضن عشري غمضت بوجع و فضلت منزله ايدها مش قادره تحضنه بس كمان سايبه نفسها لاخر حضن منه.
ايمي….بضحك بقولك ايه البت دي خدت عين
عشري….بابتسامه انا بقول كده بردوا ايه يا عمري مالك شكلك تعبان خالص
ليله…بابتسامه لا خالص انا بس مش فايقه لسه بس احسن كتير
عشري….احسن ايه عينك و وشك ضايعين يا ليله
ايمي….اه وشها اصفر خالص بت انتي مش بتاكلي ولا ايه
ليله….لا باكل بس اكيد من التعب ااا يلا خلونا نسلم علي الشباب
بصلها عشري ثواني و راح وراها هو وايمي
دخلت ليله سلمت عليهم كلهم و قعدت جنب ايه و سلامه بسرعه علي الكنبه عشان متقعدش جنب عشري.
حسان…..الف سلامه عليكي يا ليله شكلك تعبان خالص
سلامه…..بابتسامه اول مره اشوف لولي عامله كده انا شوفتك بأسود كتير قبل كده بس المرادي الاسود غير
سلمي…..اه لولي مسوداها خالص
ايمي….بضحك هي مسوداها و الشباب عايزين قهوه ساده انا بدأت اقتنع اني عروسه محروقه علي رأي ايه
ايه….بضحك صدقتيني بقي
رشيد….لا لا انتي قمر دول عيال رخمه كلهم
ايمي….والنبي انت اللي قمر بس أستني بس عشان انا لسه عندي خناقه مع الجزم دول انتوا ايه اللي جايبينوا ده انتوا كمان مش كفايه هما انا هحط فين كل ده انا مش قولت متجيبوش حاجه
ايه…..انا هاكل كل ده قبل ما امشي
ايمي….بضحك ده انتي لو وحش مش هتقدري
نعيمه….دي شوكلت يا ايمي مش هيجرالها حاجه
سلمي….قبل ما نمشي انا هظبطلك كل حاجه متقلقيش و بعدين الجو ساقع يعني عادي سبيهم بره
ايمي….ماشي منك ليها بقولكم ايه انا مش هقول تشربوا ايه ناكل الاول و بعدين اشربوا تعالوا بقي ساعدوني علي ما هما يشربوا قهوتهم.
قامت ليله وقفت بسرعه عشان تساعدها قبل ما البنات كلهم يقوموا و عشري يقعد جنبها.
ليله….تعالي انا هساعدك
ايمي….لا خليكي انتي تعبانه
ليله…لا انا تمام و بعدين بقالي كتير نايمه عايزه افوق
ايمي…طيب يلا تعالي
راحت هي و البنات كلهم وقفت ليله علي جنب تعمل اي حاجه عشان متبصش لاي حد ولا حد يسألها كانت بتحاول تبتسم و تبان طبيعيه علي قد ما تقدر
قربوا منها البنات بسرعه
نعيمه….بهمس بت يا ايمي الجواز حلو
ايمي….بضحك قمررر قمررر
سلمي…..بابتسامه طب ايه شعورك ايه
ايمي….مبسوطه يا سلمي اوي انا كنت متوتره و انتوا عارفين و كنت خايفه و متاخده و لسه مش متأقلمه علي الوضع اوي بس كل ده راح بمجرد ما دخلت البيت
نعيمه…..بضحك طب ايه عملتوا ايه
ايمي….بضحك طب سؤال زي ده كنت متوقعاه من ليله انتي ايه اللي جرالك
نعيمه…بضحك دي مشكلتك يعني تعالي يا ست ليله اساليها
ليله….بابتسامه احترمي نغسك و سبيها في حالها المهم انها مبسوطه
سلمي….بضحك لا بقولك ايه انا مؤدبه اه بس انا كمان عندي فضول اعرف و بعدين كلنا معتمدين عليكي في السؤال ده
ليله….ضحكت غصب عنها حتي انتي يا عاقله
ايمي…..اتجوزي يا اختي و انتي تعرفي
سلمي….ما انا هتجوز بس مش عايزه اتفاجئ
ايمي….هو من ناحيه هتتفاجئي فا انتي هتتفاجئي بس مفجأه حلوه متقلقيش
ايه…..ايوه و بعدين مش هتحكي يعني عملتوا ايه
ايمي….بضحك اهو انتي بالذات مينفعش احكي قدامك لما تكبري ابقي ياحكيلك
ايه…..بضحك ما انا كنت هتجوز يا كلاب بس الراجل ربنا افتكره كان زماني بحكيلكم
نادين….بضحك بس انتي وهي هلاص بلاش قلة ادب
نعيمه….لا اتكلي علي الله يا مؤدبه انا قتيله عليها انهارده انطقي يابت عملتوا ايه
ايمي…..بضحك هنكون عملنا ايه يعني خربنا الدنيا ارتاحتي
نعيمه….بضحك الله ياريتني كنت معاكم
وقفوا البنات يضحكوا كلهم و كل ما صوتهم يطلع يرجعوا يهمسوا تاني و ليله واقفه جنبهم ساكته و مبتسمه بس.
ايمي….سيبكم مني بقي عايزين نعرف البت دي مالها
نعيمه….شكل عشري مطرقعلها
ليله….خالص والله بس التعب ماريفني خالص مش اكتر و نمت كتير فا دماغي بايظه و مش في المود
سلمي….طب فكي كده شويه و كويس انك نزلتي انهارده عشان تفوقي
ليله…..اه الوقت هتلاقوني تمام يلا اعمل ايه تاني
وقفوا يساعدوا بعض و بعدين نعيمه و ايه خرجوا يظبطوا السفره و بدأوا يحولوا الاكل شويه شويه مع بعض.
و بعد ما خلصوا ايمي نادتهم عشان يقوموا
رشيد….يلا يا شباب خلونا ناكل
قاموا كلهم و راحوا علي السفره كانت كبيره 12 كرسي علي قدهم
بدأوا كل اتنين يقعدوا جنب بعض قعدت ليله جنب عشري مضطره كانوا عاملين يتكلموا بصوت عالي و يضحكوا وهي هاديه خالص مبتسمه بس.
عشري…..لا خد بالك انا مليش في مشاوير الصبح دي يعني لولا انتوا مسافرين كان زماني جايلكم علي 11
ايمي….هو فين الصبح ده يا بلطجي ده النهار راح خلاص و بعدين عشان نلحق نقعد مع بعض اقعد يلا
رشيد…انا عارف والاه ان كلكم ملكوش في جو بدري ده بس عايزين نقعد حبه حلوين مع بعض كمان احنا هنسهر عادي مع بعض لان غالباً مش هنلحق ننام.
عسال…..هو انتوا هتروحوا ازاي المطار
رشيد….عادي
عسال….اقصد يعني اجيلكم عشان اوصلكم
حسان….لا خليك انا هجيلهم
رشيد….حسان قالي هيوصلنا
عسال….ماشي عموماً لو مش هتقدر انا موجود
حسان….انا نايم كتير من امبارح و متقلقش يعني هروح و هبقي اعدي عليك هتبقي في المعرض
عسال…..اه ممكن كلمني و هنشوف مع بعض
رشيد….حسان اوعي تنسي تيجي لكوبر تطمن عليه و تاكلوا
حسان…..تمام هاجي متقلقش
رشيد….هو انا قايل لمحمود و قالي كل يوم هيجي يطمن عليه و يبص كده بصه علي البيت بس خليك معاه عسان هو بردوا عنده شغله
