لقاء كارثي
(لقاء كارثي) 47
قامت تاني فتحت الدولاب و فتحت خزنتها طلعت كل الدهب اللي عشري و أهله جابوه ليها يوم خطوبتهم
و بعد ما خلصت كل حاجه و خدت كل اللي محتاجاه وقفت في المرايا لبست الچاكت و مسحت وشها من الميك اب اللي باظ و خدت شنطة السفر و الدهب و نزلت علي تحت فتحت العربيه بتاعتها حطت الشنطه و طلعت تاني علي فوق .
كانت عايزه تعمل كل ده قبل ما نعيمه تيجي عشان متسألهاش بتعملي ايه و كانت عارفه ان نعيمه هتنزل معاها لايمي تاني يوم و مكانتش بردوا عيزاها تسأل الشنطه دي لأيه .
دخلت الشقه راحت شالت الفناجين بتاعت القهوه و رجعت كل حاجه مكانها و دخلت علي اوضتها غيرت هدومها و اتصلت علي نعيمه.
نعيمه…..ايوه يا قلبي
ليله…..ااااا ايه يا نوني
نعيمه….نزلتي ولا لسه
ليله….لا مش هنزل خلاص
نعيمه….ليه انتي تعبانه ولا حصل ايه؟
ليله….لا بس خدت علاج بينيمني و قولت لعشري نأجل المشوار عشان هموت وانام المهم قوليلي انتي معاكي مفتاح ؟
نعيمه….اه يا قلبي معايا بس هتنامي من الوقت يا ليله
ليله….مش قادره اقاوم النوم خليني انام احسن عشان بكره اكون فايقه و نعرف نقعد مع بعض
نعيمه….ماشي يا قلبي نامي خلاص انا معايا المفتاح المهم انتي كويسه يعني
ليله…..اه بخير
نعيمه….مش عايزه حاجه اجيلهالك و انا جايه
ليله….سلامتك خدي بالك من نفسك و متتأخريش اوي
نعيمه….بضحكه جميله حاضر يا ستي فضل بيسلم عليكي
اتغيرت ملامحها بزعل و حزن كانت مضايقه منه اوي هو كمان
ليله….سلمي عليه يلا انا هروح انام بقي
نعيمه….ماشي ياقلبي لما اجي هعرفك
ليله….تمام باي
نعيمه….باي يا قلبي.
قفلت ليله الموبايل و قفلت النور و فضلت ماسكه الموبايل تتفرج علي صورهم و تفتكر في مواقف كتير
و دموعها موقفتش لحظه.
……………….
فضل…..ايه مش هتنزل هي و عشري
نعيمه…..لا بتقول انها تعبانه
فضل…..شكلها خدت دور برد جامد
نعيمه….اه باين عليها اوي
فضل….طيب كنا بنقول ايه بقي
نعيمه….مفيش كنا بنشوف الصور و نشوف هنعمل ايه
فضل……الصور كلها قدامك يا قلبي انتي بس هتشوفي اللي انتي عيزاه في كل مكان و عايزين نبدأ ننزل نلف لفه محترمه كده علي كل المعارض و نبدأ نختار
نعيمه….انا بفكر اننا احنا كمان نسلم كل حاجه لتامر اخو سلمي و أيه و هو يشوف معانا و لا أيه رأيك
فضل….معنديش اي مشكله تامر شاطر و رشيد بيشكر فيه اوي و مبسوط بالنتيجه النهائيه و انا عندي فكره
نعيمه…..فكره ايه
فضل……انا اتصل عليه بكره و نشوف لو فاضي الاربع او الخميس ناخده و يطلع يشوف الشقه بنفسه و هو بقي يقرر وانتي معاه طبعاً أيه رأيك
نعيمه….ماشي فكره حلوه هو في كل الاحوال لو هيشتغل في الشقه لازم يجي يشوفها الاول
فضل….خلاص يبقي احنا كده متفقين وبيني و بينك هتبقي راحه و هيشيل عننا كتير
نعيمه….انا كل ما أفتكر تعب أيمي و رشيد الفتره اللي فاتت بصراحه بشيل الهم كملت بضحك انا مليش في الفرهده دي خالص
فضل…..بضحك لا نا انتي خدي بالك تامر اه هيشيل عننا كتير بس هتتفرهدي بردوا لان انتي هتبقي معاه خطوه بخطوه خلينا نخلص بقي يا نعيمه هتبقي فتره و هتروح لحالها
نعيمه…..ماشي يا سيدي قولي بقي هنعمل ايه في هدية ايمي و رشيد
فضل…..خلاص زي ما كلكم اتفقتوا فلوس و بصراحه احسن ليهم هما مش ناقصهم اي حاجه فعلاً فا اي حاجه هتتجاب هتبقي زحمه علي الفاضي هو بس الشباب كانوا مختلفين يجيبوا ايه لايمي يعني هديه ولا فلوس و كل واحد قال بقي اللي يريحه
نعيمه…..ليله كمان جابت لرشيد هديه قالت مش هتقدر تديلوا فلوس بس بصراحه انا مش عارفه اعمل ايه
فضل….شوفي اللي يريحك لو حابه تجيبي هديه هنقوم الوقت ندور و نجيب لو حابه فلوس زي ما تحبي
نعيمه…..طيب انت ايه رأيك
فضل….اصل احنا الهدايا بتاعنا معروفه يعني ساعات نضارات لبس كده يعني و رشيد كل ده عنده فا فلوس افضل ولا ايه
نعيمه…..طيب تمام اتفقنا خليها فلوس
………………..
في عيادة سلمي خلصت الكشف اللي كان معاها و فضلت زي ما هي قاعده علي الكرسي و استنت الكشف التاني و فجأه لقت حسان داخل عليها.
سلمي….ضحكت ورفعت راسها لفوق و بعدين بصتلوا و بعدين بقي في لعب العيال ده
حسان….بضحك علي فكرة انتي بتتعاملي معايا بطريقه غير مهنيه و ده مش حلو انا مريض
سلمي….انت كداب و بتدلع و بتضيع وقتي و بتاخد من وقت المرضي بتوعي
حسان…..مين قال كده و بعدين مش هاخد من وقتك ولا من وقت المرضي ده وقتي انا واحد حجزت كشف و دافع فلوسي زي زي اي مريض بره
سلمي…..بضحك فلوسك دي هتاخدها و انت خارج ولا اقولك خليك انا هفضل اخد فلوسك ما هو انتي شكلك مش عارف تضيعهم في ايه
حسان…..بأبتسامه قرب منها و باسها في خدها و حشتيني
سلمي….بحب وانت كمان و حشتني يا مجنون
حسان……طب ايه اقعد هنا ولا نتكلم الاول
سلمي….أبتسمت و رفعت حاجبها الكرسي ده للمرضي يا استاذ حسان
حسان…..طب علي فكره بقي انتي ظلماني انا بجد تعبان المرادي و الله العظيم
سلمي….بجد ؟
حسان….والله العظيم
سلمي…..طب اقعد مالك يا عمري
حسان….بضحك ياااااه لو كل الدكاتره اقعد تحت ايدعم كده و يقولولي مالك ياعمري
سلمي….بضحك ااااااه شوفت بقي انك بتدلع
حسان……وحياة سلمي مش بتدلع انا بجد تعبان
سلمي….امممممم خير بتشتكي من ايه
حسان….امممم انا في العادي مش بشرب مايه ساقعه
سلمي….بضحك ايه ده طلع الموضوع جد فعلاً
حسان….بضحك اسمعي بقي والله تعبان
سلمي….طب قول
كان نايم علي الكرسي و باصصلها و هي مبتسمه بحب و بتسمعوا.
حسان…..انا الصبح شربت مايه بس كانت جنبي من بليل يعني ساقعه بسيط من الجو بس اول ماشربت ضرسي وجعني جداً فضل ثواني كده حاسس انه عاملي كهرباء و بعدين دخلت غسلت سناني بردوا وجعني و لما جيت اشرب النسكافيه كان سخن و جعني فا من وقتها فضل بقي تاعبني خدت المسكن ارتاحت بس من حوالي ساعتبن وجعني تاني و رجعت خدت مسكن فا مش عارف بقي في ايه بالظبط هو سليم لا مكسور ولا في تسويس ولا اي حاجه بس تاعبني اوي
سلمي…..بابتسامه طيب ريح راسك و خليني اشوف
خسان….بضحكه جميله طيب بصي انا أبان قدامك جامد و كده بس انا بخاف منكم اوي
سلمي….بضحك منكم مين بالظبط
حسان…..دكاترة الاسنان يعني خليكي حنينه معايا
سلمي…..بابتسامه ايه هنعمل زي الاطفال
حسان…..في السنان انا اعيل منهم
سلمي….بضحكه جميله لا يا سيدي متخافش مش هوجعك يلا متخافش
حسان….بنظره تجنن ماشي انا في امانتك الوقت
ابتسمت سلمي و رجعت راسه بأيدها و فتحت النور لبست جلافز و لبست ماسك و قربت منه اكتر و بصتلوا و ضحكوا هما الاتنين
سلمي…..بص هتفضل باصص كده مش هضمن اني موجعكش فا خليك مؤدب و بطل نظراتك دي
حسان…..طب خلاص اغمض طيب ولا اعمل ايه
سلمي…..مش لازم تغمض بس بص بعيد
حسان…..بابتسامه حاضر
سلمي….افتح يلا بس قولي انهي واحد اللي تاعبك
حسان…..اللي تحت في الشمال قبل الاخير
سلمي….اوك
فتح حسان بوئه و بدأت سلمي تشوف بالاداه اللي فيها مرايه الضرس كان سليم خبطت عليه
سلمي…..بيوجعك
هز راسه بلأ فا لمحت كسر بسيط اوي في الضرس الاخير اللي هو ضرس العقل خبطت عليه براحه و بمجرد ما خبطت غمض عينه بقوه ومسك أيدها بسرعه.
سلمي…..سوري يا عمري وجعك صح
حسان….اووووف اه وجعني جداً
سلمي….طيب مبدأياً كده ده مش الضرس اللي قولت عليه ده ضرس العقل الاخير
حسان…..بس انا لما اتوجعت منها كنت بضغط عليه هو
سلمي…..لا با حبيبي انت بتضغط من اخر الضرس و الضرس اللي تاعبك الاخير و اكيد مخلي اللثه توجعك فا الوجع طبيعي يسمع فيه
حسان….طيب هو فيه ايه؟
سلمي….في كسر بسيط اوي فا العصب مكشوف فا طبيعي لما تشرب حاجه بارده سخنه المعجون كل ده يوجعك محتاج حشو عصب
حسان….بتوتر ده بجد
سلمي….بضحك اه بجد متخافش مش هتتوجع
حسان….اممممم طيب مفيش علاج اخده يريحني وخلاص
سلمي…..حبيبي الوجع لسه في الاول و كويس انه لما وجعك جيت لو سيبته شويه هيبدأ يتعبك اكتر و يعمل تورم في اللثه و وقتها بقي هتبقي محتاج علاج و مضادات و بردوا هتخف و لازم تعمله فا انت موجود الوقت و لسه حالتك مش محتاجه علاج متقلقش الموضوع بسيط
حسان….امممم طيب هيتعنل الوقت علي طول اصل انا عارف ان حشو العصب بيكون اكتر من جلسه
سلمي….علي حسب الحاله يعني ممكن الوقت لما اشتغل فيه يطلع بسيط و اخلصوا علي طول و ممكن يحتاج جلسه كمان
حسان….امممم طيب خلاص انا هشوف يوم تاني معاكي عشان معطلكيش و تبقي عامله حسابك
سلمي….بضحك مسكتوا و قعدتوا تاني علي الكرسي اقعد هنا انت هتهرب ولا ايه انا فاضيه و بعدين ادام مريض يعني فا انا مش هتعطل ده شغلي خليك هنشتغل الوقت
حسان….بضحكه هاديه طب بصي بصراحه هو كان واجعني بس يعني قولت اجي ارخم عليكي شويه بس مكنتش عامل حسابي ان الموضوع هيوسع كده و يبقي جد و انا الوقت متوتر فا خلبني اكون جاهز احسن
سلمي….بضحك والله ما هتقوم
حسان…بضحك بت متحلفيش عليا وسعي كده
سلمي…..بضحك قربت منه اكتر عشان مبعرفش يقوم رجع راسك لوراء
حسان….حبيبي والله اتوترت
سلمي…خايف مني بقولك مش هوجعك و غلاوة حسان مش هتحس بحاجه كملت بضحك و بعدين انت ايدك تلجت كده ليه ايه شغل العيال ده
حسان….ابتسم و عض علي شفايفه خليكي جدعه بقي
سلمي….انت مش بتثق فيا
حسان….اه اكيد بس في السنان مش عارف و بعدين انا اصلا مش بحب اشوف حقنه البنج دي مرعبه بجد
سلمي….ولا هتحس بيها والله هديك حاجه قبلها عشان متحسش بيها اتفقنا
حسان….بتنهيده اوووووف اتفقنا ماشي
بعدت شويه بالكرسي و اشتغلت علي التربيزه اللي قدامها حطت بنج في قطنه ورجعت تاني قربت منه.
حسان….استني ايه ده
سلمي…..بضحك يالهوي علي الثقه اللي بينا
حسان….بضحك لا ده مجرد سؤال يعني
سلمي….سؤال اااااااه مش قلة ثقه طيب دي قطنه فيها بنج هنسيبها شويه عشان متحسش بالشكه بتاعت الحقنه اتفقنا
حسان…..اوك
فتح حسان بوئه حطت سلمي القطنه .
سلمي….اقفل بقي واضغط ثواني و هتبدأ تحس بتنميل بسيط اوك
هز راسه و هو مبتسم بس باين عليه التوتر و هي عماله تضحك عليه بهدوء راحت تاني علي التربيزه بتاعت الشغل بتاعها طلعت حقنه البنج و ظبط كل حاجه و رجعت تاني و هي منزله الحقنه بأيدها لتحت.
سلمي….افتح بوئك
خدت منه القطنه و بصلها
سلمي….ايه في تنميل صح
حسان….لا
سلمي…..بضحك لا فيه و انت بتقول كده عشان متاخدش الحقنه
حسان….بضحك انا ايه اللي جابني
سلمي….كنت جاي ترخم عليا بس ربنااااااا قفشتك انا افتح بوئك و غمض عينك
حسان….طيب نستني شويه كمان بكون البنج اشتغل اكتر
سلمي….ده بنج مؤقت مدته ثواني يعني لو استنيت هتحس افتح وبطل دلع
حسان….طب براحه انتي مالك بقيتي شريره كده ليه
سلمي….بابتسامه بسيطه وهي مكشره افتح
فتح حسان بوئه و غمض عينه بدأت تديله الحقنه بهدوء و بعدين سحبتها
سلمي….افتح عينك خلصنا
حسان….بابتسامه خدتها
سلمي….بضحك بتعامل مع بيبي والله اه خدتها حسيت بقي
حسان…..لا محستش والله
ظبطت الاضاءه و حطت كل الحاجه اللي.هتحتاجها و بمجرد ما سمع صوت الاداة اللي هتشتغل بيها بصلها بصدمه و جاتله كريزه ضحك
سلمي…..بضحك اخلص يلا الناس هتقول بنعمل ايه
حسان….بضحك لا مش قادر صوتها مزعج
سلمي….والله ما هتحس علي فكره بقي انت اكتر حاله تعبتني ده الاطفال مش بتعمل كده
حسان….اووووف طب بس براحه اوك
سلمي….اوك لو حسيت بأي وجع ارغع ايدك
حسان….لو حسيت هو انا هحس
سلمي….بضحك بقول لو لو مش هتحس خلص بقي
رجع تاني و فتح بوئه وبدأت سلمي تشتغل كان شادد جسمه اوي و ماسك المعصم بتاع ايدها و هي بتشتغل و هي مبتسمه و بتضحك عليه و شويه لما بدأ يحس ان مفيس حاجه وجعاه سلم امره لله و فضل مغمض و هي كملت شغلها بهدوء و تركيز.
سلمي….بهدوء حاسس بحاجه يا قلبي
هز راسه بهدوء و كملت هي شغلها بعد وقت بسيط بعدت عنه و طلبت منه يمضمض بوئه
بعدين رجعتله تاني كملت شغل و عملت حشوه مؤقته وهو كان لسه مغمض بعدت عنه و فضلت بصاله و مبتسمه و بعدين اتفاجئ ببوسه علي خده فتح بسرعه
سلمي….بابتسامه خلصنا حسيت بحاجه بقي
حسان….بجد خلصنا
سلمي….بضحك اه والله بس هنحتاج جلسه كمان هتبقي يوم السبت
حسان….طب ليه جلسه كمان
سلمي….عشان ضرسك كان في شغل موت العصب و هنعمل بس علاج مؤقت للثه عشان متلتهبش و هنخلص كله يوم السبت وبعدين انت حسيت بحاجه يعني
حسان….امممم طيب خلاص بس انا حاسس بحاجه غريبه في ضرسي
سلمي….ده مكان الحشو شويه و هتتعود عليه مش هناكل اي حاجه بعد ساعتين علي الاقل ونخف سجاير شويه عشان الدواء اللي هتاخده اوك
حسان….تمام يا دكتور تسلم ايديك
سلمي….بابتسامه اي خدمه يلا قوم
حسان….اقوم ايه هو انا همشي
سلمي….بضحك ايه حبيت الكرسي
حسان….بضحك اوي ده كان في بوسه كده عالطاير ملحقتش احس بيها
سلمي….بضحك طب قوم و بطل دلع يلا
حسان….حسابك كام يا دكتور
بصتلوا ورفعت حاجبها و هي بتقلع الجلافز و اتصلت علي مها بره عشان تجيب حق الكشف ثواني و خبطت مها ادتها الفلوس و خرجت
سلمي….اتفضل
حسان….هو ايه ده
سلمي….فلوسك
حسان….لا بصي اول مره انا معترف اني كنت جاي اتدلع و مكنتش تعبان انما المرادي ده شغل يعني انا اللي مش عايز لعب عيال اخلصي و عرفيني حسابك كام
سلمي….بضحك انت بتتكلم جد ايه العمليه اللي انت فيها دي
حسان…..اه بتكلم جد ايه هتدفعيلي ولا ااااايه
سلمي…..بابتسامه خد فلوسك وامشي يا حسان بدل ما اكتفك واقعدك اشيل سنانك كلها
حسان….بضحك انتي ايه الشر اللي بقي فيكي ده اخلصي
سلمي…بقولك ايه ابقي اعزمني علي قهوه حلو كده
حسان….بضحك ايه هتاخدي مني حق كشفي و الشغل في سناني قهوه
سلمي….امممم ممكن شوكلت حلو كده يلا بقي متضايقنيش
حسان….ماشي طيب انتي هتخلصي امته
سلمي….امممم معرفش تقريباً فاضل كشف واحد
حسان….خلاص هستناكي و بعدين ننزل نشرب حاجه و نقعد مع بعض شويه و هقول لعمي تمام كده
سلمي….بحب تمام كده قرب منها بسرعه و باسها من خدها
حسان…..بضحك غمزلها كده خالصين
سلمي……بضحك ماشي يا سيدي مش هتأخر عليك
حسان….بارحتك يا عمري انا بره
خرج حسان و سابها و هي وقفت مبتسمه شويه لحد ما دخلت اخر حاله رجعت تاني لشغلها بكل عمليه.
……………..
عند نعيمه وفضل كانوا قاعدين في العربيه
و فضل كان بيضحك من قلبه و مش عارف يتكلم و ضحكته تجنن و هي بصاله و مبتسمه بغيظ
نعيمه…..بطل ضحك هزعلك والله
فضل….اااااه غبيه غبيه اااااه والله مش قادر من الضحط
نعيمه…..طب قول واحده تانيه
فضل….بضحك انا قايلك اربعه معرفتيش تحلي ولا واحده فيهم
نعيمه…..عشان الحل متخلف زيك اخلص قول كمان واحده هجيبها والله
فضل….بضحك احمممم طب يا ستي حلي دي
نعيمه….قول
فضل….خمس شباب قاعدين تحت نخله اول واحد مش بيشوف التاني مش بيسمع الثالث مش بيتكلم الرابع ايده مقطوعه و الخامس رجله مقطوعه وهنا قاعدين و قعت عليهم تفاحه منطقياً كده مين اللي يمسكها.
بصتلوا نعيمه بتفكير و هو باصصلها وكاتم ضحكته.
نعيمه…..اااا يعني الاعمي مش هيشوفها
غمض عبنه و بدأ يضحك تاني
نعيمه…..بضحك اييييييه غلط طب هيشوفها ازاي
فضل…بضحك لا لا كملي تحليلك
نعيمه….هو مش هيشوفها اكيد و اللي مش بيسمع لو مش شايفها وهب بتقع كمان مش هيحس بيها
فضل….بضحك براڤو
نعيمه…..اللي رجله مقطوعه و اللي ايده مقطوعه و ختي اللي مش بيتكلم عادي يقدروا يشوفها و مش لازم هما اللي يمسكوها
فضل……بضحك اااااااااه والله مس قادر انتي نجحتي ازاي في الدراسه
نعيمه….بضحك بطل رخامه طيب انت بتقول منطقياً و انا بحاول اوصل معاك لحل
فضل…..بضحك طيب هو منطقياً يا اذكي خلق الله ان النخله توقع تفاح
مش الشجره يعني
بصتلوا نعيمه بصدمه و هو كمل ضحك مسكت ايده عضته و فضلت تضرب في كتفه
فضل…ااااااه يابت ايدك تقيله
نعيمه…بضحك والله انا جزمه عشان جيت معاك
فضل…..مش بتفكري ثواني بتجاوبي زي القطر علي طول لا وعامله نفسها محلله
فضلت بصاله و هي بتضحك و بعدين حطت ايدها علي التابلوه و سندت راسها وهي بتضحك و مخبيه وشها منه
فضل….بضحك طب خلاص تعالي سحبها وهو بيضحك و باس كفها.
نعيمه…..بابتيامه جميله و هي زعلانه طب قول واحده اخيره
فضل…..ما انتي معرفتيش ولا واحده يا قلبي
نعيمه…..لا المرادي هركز
فضل….اممممم طيب اسمي امام مسجد صلي صلاة العصر باربع صفوف بس اول صف مكانوش بيشوفوا بس حافظين القران كله تاني صف مش بيتكلموا بس كمان حافظين القران كله الصف الثالث حافظين نص القران بس و مش مركزين اوي مع الامام الصبح الرابع حافظين ربع القران و مركزين و هو بيقرأ القرأن غلط و اتلغبط المفروض انهي صف فيهم اللي يصحح للامام و ركزززززي
نعيمه…..اااااا بصتلوا وضحكت ماهو علي حسب كان بيقرأ انهي جزء يعني لو بيقرأ من الجزء اللي اخر صف حافظه من ربع القرأن هما اللي هيصححوا
فضل…..ضحك من قلبه لا لا انا بفكر اتراجع عن الجوازه دي عشان ولادي ميطلعوس لامهم
نعيمه….بضحك احترم نفسك طب خلاص اول صف انت قولت حافظبن القران كله و مركزين يعني عادي انهم يصححوا ملهاش علاقه بانهم يشوفوا
فضل….بضحك قرب راسها وباسها و هو بيضحك و بعدين بصلها صلاه العصر سريه يا قلبي مش صلاه جهريه.
نعيمه….بضحك علي فكره بقي انا مش هلعب معاك تاني عشان بتخم
فضل….بضحك بخم ايه هو احنا بنلعب كوتشينه اعترفي وقولي انك غبيه يا قلبي متتكسفيش
نعيمه….بضحك طب اما افتح راسك الوقت يبقي كويس
فضل…..بضحك لا لا خلاص والله يا مجنونه والله بحبك
نعيمه…..بابتسامه وانا بكرهك انت و فوازيرك
فضل…..غبيييييه
نعيمه….بضحك رخمممممم طب انا هقولك فزوره و مستحيل تعرف تحلها
فضل…..ماشي ياستي قولي بس هحلها
نعيمه….بضحك مستحيل والله اسمع خمس بنات واحده بتغسل وواحد بتنشر الغسيل وواحده بتعمل الاكل و الرابعه بتلعب شطرنج الخامسه بقي بتعمل ايه.
بصلها فضل و ضحك
نعيمه….هاااا مش عامل فيها ذكي يلا حلها
فضل…..انتي قولتي خمسه صح
نعيمه…اه واحده بتغسل وواحده بتنشر واحده بتعمل الاكل و الرابعه بتلعب شطرنج الخامسه بقي بتعمل ايه
فضل…..بابتسامه بتلعب مع الرابعه ماهي مستحيل تلعب شطرنج لوحدها
بصتلوا نعبمه بغيظ وهي نبتسمه و رفعت حاجبها.
فضل…..بضحك ما هب مش محتاجه ذكاء بس اقطع دراعي ان ما كنتي قعدتي سنه لما سمعتي الفزوره دي عشان تلاقي حل
نعيمه….بضحك انت عرفت بسرعه كده ازاي انا اصلا معرفتهاش في الاخر
فضل…..بضحك شوفتي انا عارف
نعيمه…..طب يلا يا رخم امشي
فضل….ماشي يا ستي.
……………
في منزل ايمي بقاله اكتر من ساعه قاعد مش طايقها ولا هي و لا محمود وهما بيضحكوا عليه.
ايمي….بضحك هو انت هتفضل مش طايقنا كده كتير
محمود…..اتصدم يا عيني
ايمي….علي فكره بقي هو اللي قالي اعمل فيك المقلب ده
رشيد….انا قولت والله دي عيله مجانين
محمود….بضحك طب لما دخلت عليك تجري و بتقولك الحقني ايه اول حاجه جات في عقلك
رشيد….مكانش في عقل اصلاً اتخضيت و مفكرتش داخله عليا تجري و تقولي الحقني في كلب سايب من صاحبه و جري عليا و انا سايبه الباب مفتوح اقولها ايه كمل بضحك و بعدين انا مش عارف اعمل نفسي بطل قدامها واجري اشوف و لا هتعض و يبقي شكلي مسخره
ايمي….بضحك طب مجاش في بالك ان انت طالب كلب من محمود
رشيد….خالص والله محستش اصلا انه مقلب
ايمي….احسن عشان تبقي تخليه يجيب كلب من غير ما تقولي انت عارف اني بستحمل ميلو بتاع ايه بالعافيه
محمود….مليش دعوه يوم الحنه كنا بنتكلم عن الكلاب في المطعم و قولتله صاحبي عايز يبيع كلبه و متدرب و بتاع حراسه قالي اجيبه
ايمي….علي اساس انا فضيالوا مثلاً او علي اساس مش هعرف أحمي نفسي
رشيد….يا قلبي في ايام ممكن انتي تبقي هنا في البيت و متخرجيش و انا يبقي عندي شغل و المكان هنا هادي و احنا دور ارضي يعني سهل حد ينط فا ده امان عشان ابقي متطمن عليكي و بعدين طلع عسل اهو و اتعود علينا بسرعه
ايمي…..بس خد بالك انا مليش علاقه بيه اخري خالص احط اكل انما بيبي والكلام الفاضي ده مش بتاعي
رشيد….لا يا ستي انا اللي ههتم بيه
ايمي….وانا بقول ابه بيت الكلب ده و مجاش في بالي أسالك خالص
رشيد….بضحك ما عشان كده بقي كل ما تحبي تخرجي وهو النهار طالع بره اقولك لا الجو برد
ايمي….طلعت سوسه انت و هو والله حلال فيك المقلب
محمود…بضحك طيب انا كده خلصت مهمتي و عربيتك بره كمان يا استاذه ايمي
ايمي….طب انت هتروح ازاي
محمود….ما حسام صاحبي كان معايا و راح يستناني في كافيه هنا جنبكم هروحلوا و نرجع سوا
ايمي….استني هنا ده انت نهارك مش معدي هو الكلب ده كان راكب عربيتي
محمود…..لا متخافيش بقولك حسام كان معايا الكلب كان معاه يا ذكيه
رشيد…بضحك فلت بعمرك انت
محمود….بضحك اه والله
ايمي….طب خليك شوبه متبقاش رخم
محمود…..لا كفايه كده انا بقالي اكتر من ساعه يلا خليني اشوف اللي ورايا و بعدين هبقي اجيلكم تاني
رشيد….طيب نتغدي سوا يا حوده
محمود…..هجيلكم والله تاني بس عشان حسام مستني المهم انتوا محتاجبن اي حاجه
رشيد….منتحرمش يا حوده
ايمي….لا يا حبيبي سلامتك
محمود….يلا سلام عليكم مبروك يا عرسان
رشيد…بضحكه جمباه حبيبي عقبالك..
ايمي….باي يا قلبي
مشي محمود و بصت ايمي لرشيد
ايمي…..هو قال اسمه ايه
رشيد….كوبر
ايمي….ما تيجي نغير اسمه
رشيد….نغير ايه هو عارف انه كوبر من و هو صغير مفيش تغيير هو كوبر و بعدين انتي مالك وماله مش كنتي مش عيزاه يلا يابت من هنا
ايمي….ياعم خلاص براحه كوبر كوبر غلطانا في شيخ القبيله خليه ينفعك بقي واقعد معاه
رشيد….بضحك خدي يا بت هنا خددددددي
دخلت ايمي تجري علي جوه وقفلت وراها ربطوا رشيد وراح علي جوه مكانتش راضيه تفتح
رشيد….افتحي الباب يا مجنونه
ايمي….لا خليه ينفعك اقعد معاه
رشيد….يابت الجو ساقعه و الناس هتسمع صوتي
ايمي….احسن خليك في البرد و خلي الناس تسمع هقولهم معرفهوش
رشيد….هتسبيني كده يعني
ايمي….اه خليك
رشيد…ههون عليكي
ايمي…..جدااااااً
ضحك رشيد و مشي بهدوء لف من وراء وراح علي ضهى المطبخ جرب الباب لاقاه مفتوح.
حست ايمي انه سكت
ايمي….رشيد رشيد انت مستخبي صح
مردش عليها قربت من الباب بهدوء فتحت حرفه و بصت ملاقتش حد فتحت الباب خالص و خرجت علي بره بهدوء تبص عليه و هي بتتسحب و فجأه الباب اتقفل
رشيد….بضحك خليكي بره بقي يا اوزعه ابقي شوفي مين هيدخلك
ايمي….بضحك افتح متبقاش عيل انت دخلت ازاي
رشيد…من باب المطبخ اللب الهانم نسياه
ايمي…..طب افتح خلاص
رشيد….ابداً اتأسفي الاول
ايمي…..ايه ده مين اللي يتأسف انا تمشي امشي قال اتأسف قال
رشيد…طيب خليكي بقي لحد بكره هخرج الاقيكي نشفتي من البرد
ايمي…وعلي ايه يا حبيبي عربيتي بره و مفاتيحي في ايدي انا راحه بيت ابويا باي يا قلبييييي
رشيد….بضحك يا بنت المجانين
فتح بسرعه و جري قفشها
ايمي….بضحك سيب ايدي
رشيد….اسيب ايدك ده انا هنفخك شالها في لحظه و بدأ الكلب يهوهو
ايمي….بضحك الحقني يا كوبرررر
رشيد…الوقت الحقني يا كوبر ما كان مش عاجبك اسمه من دقايق
دخل وقفل وراه و طلع بيها علي فوق
ايمي….بضحك انت رايح فين نزلني لا افرج عليك الدنيا
رشيد….مبتهددش اللي عندك اعمليه انتي شكلك كده مش بتيجي غير بالعنف
ايمي…..بضحك ولا تقدر تعمل حاجه
رشيد…..هنشوف يا اوزعه قدامك خمس ثواني يا تعتذري يا هربيكي يا اوزعه عايزه تروحي بيت ابوكي
ايمي…..بضحك مين دي اللي تعتذري روح العب بعيد يا شاطر وانا اوزعه اه بس هقدر عليك عادي
رشيد….حلو هنشوف حلال الله اكبر
ايمي…..بضحك هو انت هتدبح خروف استني هنا
دخل الأوضه و قفل وراه بالمفتاح
رشيد….بضحك لا هدبحلك القطه
ضحكت ايمي و جريت منه علي زاويه الاوضه مسك طرحه الاسدال بتاعتها و قرب عليها كانت واقفه تضحك و صغنونه خالص بالنسبه لطوله قدامها
ايمي……بضحك رشييييييد والله تعبت خلاص
رشيد…اعتذري
ايمي….بضحك بعينك انت اللي اتحمقت اوي لسي كوبر
رشيد…بابتسامه هتعتذري ولا لأ
ايمي….بضحك لا واقولك علي حاجه كمان عليك انت و كوبر
رشيد…..بضحكه تضحك كمااااان عليا انا و كوبرلا تعالي بقي انا قولت بتحبي العنف مسك كفهاو مسك كفها التاني و هي بتضحك و عماله تتحرك بسرعه قفشها بدراعه بكل قوته مقدرتش عليه وسلمت علي طول
ايمي…..بضحك رشيدددددد والله تعبت طب وحياتي
رشيد….بابتسامه رفع حاجبه مش عايز اسمع صوت
ايمي….طب خلاص اسفه و الله اسفه
رشيد…لا بعد ايه خلااااااص ضيعتي اخر فرصه ربط ايدها وشالها وداها السرير.
ايمي….بضحك لو قربت مني هطين عيشتك
ضحك رشيد و قلع التيشرت
رشيد….لو تقدري فرجيني انتي طلعتي لسان طويل
ايمي….بضحك علي فكره انت بتتلكككككك
رشيد….بضحك اه بتلكك
ايمي….طب اقفل النور
رشيد..لاااااااا بعينك هتفرج
ايمي….بضحك والله يارسبد هخاصمك اقفل النور و حياتي و اعمل اللي انت عايزه
ابتسم رشيد وراح قفل النور و شغل نور بسيط و قرب منها و هو ماسك ايدها
رشيد…وقعتي تحت ايدي
ايمي….بضحك فكني و بطل شغل عيال و اقفل النور ده كمان
رشيد….بضحك بعينك قرب من هدومها وهي فطسانه من الضحك
ايمي….وحياتي عندك فكني
قرب منها بهدوء و ثواني وهديت خالص بين ايده ابتسم رشيد و فك ايدها وبصلها
رشيد….بهمس اهو كده افكك
ايمي…..بتعمل فيا انا كده طب قابل بقي زقته في صدره وقع علي السرير و ابتسمت ايمي بجرأه و قربت منه.
بعد وقت طويل بصلها رشيد وضحك
رشيد….انا قولت عنيفه محدش صدقني
ايمي….بضحك انت مش شغلتني اتحمل بقي هات سيجاره
رشيد….بحب و سعاده احلي سيجاره في الدنيا
ولع سيجاره خد منها نفس و حطها في بوئها وضمها ليه بحب.
ايمي….بأبتسامه كوبر سكت
رشيد…بضحك طبعاً ما الرجاله للرجاله في المواقف دي
ايمي….بضحك ااااااه قولتلي انت جايبه بقي عشان يظبطلك الجو
رشيد….طبعاً يقف كده حارس و يهديلي الدنيا
ايمي…..رشيدددددد
رشيد….عيون رشيييييييد
ايمي….بضحك بطل رخامه و متقلدنيش
رشيد….حاضر قولي عايزه ايه
ايمي….انا جعانه
رشيد…بضحك حقك هبطتي مني
ايمي….بضحك اممممم فرهدتني و ضحكتني كتير
رشيد….عيوني يا قلب رشيد يلا قومي خدي شاور و انا هنزل اجهز الاكل
ايمي….ماشي هاجي وراك اساعدك
رشيد…بحب قام باسها من خدها
بموت فيكي يا اوزعه
ايمي….وانا بموت فيك يا عنيف
ضحك رشيد و قام خد غيار و بصلها
رشيد….هاخد شاور لحد ما تشربي سيجارتك اوك
ايمي….بحبك
رشيد….بابتسامه تجنن طب اييييييه ادخل ولا اجي ؟
ابتسمت ايمي بجرأه و شاورتله بايدها يجي.
ضحك رشيد وحدف هدومه علي الارض و صوت ضحكهم كان مسمع البيت كله واتجننوا مع بعض.
…………
في منزل سلامه وعسال
الوقت اللي نادين و ايه قضوا مع العيله دي كان كفيل انه يعوض نقص جواهم كبير اوي ساعات بسيطه كانت كفيله تزودهم بالحب و السعاده و الدفئ والحنان جوهم كان يجنن الضحك اللي ضحكوا ملأ قلبهم سعاده وراحه و اطمئنان حسوا ان اللي جاي معاهم هيكون مليان سعاده وراحة بال.
كميه حنان و حب و عطاء و ضحك و هزار و طاقه ايجابيه متتوصفش لدرجه انهم محسوش بالوقت اللي كان بيجري مكانتش مجرد عزومه لاول مره في بيت حماتهم كانت قاعده جميله بين الاهل و الحبايب
مفيهاش تكليف و لا رسميات ولا تعقيدات اتمحي نهائياً توتر نادين اللي كانت ديماً تحس بيه و حتي شعورها بالاحراج الدائم من ميدو اتكسر من اول ما قررت تخوض معاه الحرب ضدها عشان تكسر حاجز السن اللي واقف بينهم و هي نسيته تماماً بس شعورها الدائم بالتوتر و الكسوف كان سببه ان لسه جزء منها مش قادر يستوعب انها لسه متعودتش يمكن مكانتش حاسه او فاهمه ان سبب التوتر ده هو الشعور المتراكم جواها من ناحية انها اكبر منه.. لكن القاعده دي مع اهله كسرت كل ده التوتر راح الاحراج راح حبها لميدو حست بيه اكتر حست انه بقي جزء منها كبير و بدأت تتعامل معاه حبيب و حبيبه.
و بعد يوم جميل قرروا البنات انهم يمشوا.
عسال….بهمس عشان خاطري خليكي شويه
نادين….بابتسامه ايه مزهقتش مني الساعه 11 ونص لسه هوصل ايه
عسال….طيب حبه كمه وحياتي
نادين….بابتسامه بطل دلع كفايه كده و بعدين انا بكره هشوفك
عسال…..ههون عليكي
نادين…..بضحكه جميله بقولك ايه هعيط وانا بتلكك
عسال….بحب ابتسم طب خليني اجي معاكم انا و سلامه هو يوصل ايه و بعدين يجي ياخدني من عندك
نادين….انت لا هتروح ولا هتيجي و هتسمع الكلام تمام
عسال….بابتسامه تجنن طيب ممكن اعرف مين فيكم اللي بتكلمني حبيبتي ولا مراتي ولا بنتي ولا امي
نادين….بضحك هتفرق
عسال…..اه اكيد
نادين….مراتك
عسال…..بضحك انا قولت مفتريه محدش صدقني بقولك ايه امشي وابعتي امي او بنتي او حبيبتي الثلاثه دول قلبهم حنين عليا
نادين…..لا خلاص نامو الوقت اتأخر مفيش غير مراتك واسمع كلامها
عسال……اوامر الحكومه مقدرش انطق طبعاً
حنان….والله يا بنات كان نفسي تقعدوا اكتر من كده
ايه…ايه يا حنون مزهقتيش مننا
حنان….خالص والله ده انتوا قعدتكم ميتشبعش منها و بجد كان يوم جميل اوي
نادين…..ميرسي يا حنون علي اليوم الحلو دن و بجد تعبناكي اوي
حنان….تعبكم راحه يا نودي تعالوا انتوا بس كل يوم وانا هبقي مبسوطه ده انا مصدقت حد يخبط علي الباب ده غير الرخمين دول و صحابهم
نادين….بابتسامه هاديه هجيلك والله كل ما أكون فاضيه و اكيد انتي كمان هتجيلي
حنان….طبعاً سلمي علي بابا كتير يا ايه و علي سلمي و تامر
ايه….حاضر يوصل والله
نادين….مصطفي تسلم ابدك بجد علي الحلويات الحلوه دي
مصطفي….بابتسامه جميله الله يسلمك يارب ابقوا تعالوا بقي تاني مش لازم يعني عزومه
نادين…..اكيد والله
ريهام….ميرسي يا بنات علي الهدايا تسلم ايديكم بجد
ايه…الله يسلمك يا قلبي
نادين….الله يسلمك دي حاجه بسيطه يا عمري يلا تعالي ابوسك
سلموا البنات عليهم و نزلوا مع سلامه و عسال علي تحت.
ايه…بضحك ايه الشبشب ده مش خايف اغير رأيي فيك
سلامه….لا يا شيخه مش ده اللي كنتي وخداه مني فوق و عامله في زي الهبله
ايه….بضحك رجلك كبيره اوي يا سلامه انا كنت لابسه مركب مش شبشب
سلامه….بضحك انا رجلي رجل راجل طبيعي انما انتي ميداليه صغيره بزمتك دي رجل
ايه….مالها رجلي بتتريق علي خلقه ربنا
سلامه….بضحك خلقتك كلها شريفه يارب
ايه….بضحك يومك اسود قصدك ايه
سلامه….بضحك اركبي يابت امشي
ايه….طب هتوحشني
سلامه….بضحكه جميله اوعي الرومانسيييييه اخيراً
ايه….لا مش اوي كده مالك فردت كتفك كده ليه مكانتش كلمه
سلامه….غوري يا ايه غوري و مش عابز اشوف وشك تاني
عسال….بضحك الجنان اشتغل
ايه….بضحك لا لا خلاص وربنا هتوحشني لحد بكره
نادين….بضحك متصدقهاش لو رديت عليها هتقلب دي ملهاش في الرومانسيه
سلامه….اه ما انا مش هرد حفظتها خلاص حرمه صعرانه
ايه….نهارك مش فايت يعني انا كوريا
سلامه….كوريا مين
ايه….بتاعت البيت ده طاهر و هيفضل طول عمره طاهر ماهي دي الحرمه السعرانه
ضحكوا كلهم علي ايه
سلامه….بضحك خلاص يا جدعان ايه من هنا ورايح هتبقي اسمها كوريا
ايه….طب جرب تطلع الاسم ده عليا يا سلامه
سلامه….هتغيري اسم الكلب مش هقول هيفضل زي ما هو هتبقي كوريا
ايه….بقولك ايه متغيرش كوريا كوريا اهو احسن من سلامه الكلب
سلامه….بضحك افتحي العربيه خليها تركب بدل ما اجيبها من شعرها.
فتحت نادين العربيه و هي بتضحك و ركبها سلامه بالعافيه طلعتلوا من الشباك تعاكسوا.
ايه…..اوعي القمر اللي واقف لوحده جاي ولا الدور الجاي
سلامه….بضحك اتلمي يا سرسجيه
عسال…..بضحك يلا اركبي عشان المجانبن دول مش هيفصلوا
نادين…..بضحك ماشي يا روحي انا هوصلها وهكلمك
عسال…..سوقي علي مهلك و اول ما تسيبي ايه خليكي معايا علي الموبايل
نادين….حاضر
قرب منها عسال وضمها
نادين….بهمس احنا في الشارع يا مجنون
عسال….بابتسامه مراتي محدش ليه دعوه يلا اركبي
نادين….بهمس بحبك
عسال….بضحك وانا بموت فيكي يا احلي تويتي
ايه……خد ياااااا انت يا كابتن
سلامه….بضحك اطلعي يا نادين هتفضحني
ايه….بضحك هجييييبك
فضل عسال و سلامه يضحكوا و طلعت نادين بالعربيه و هي بتشدها و تقعدها.
نادين….اييييييه فضيحه بت انا مش وخداكي تاني معايا في اي حته
ايه….بضحك يالهوي علي شبشبه يا خساره نسيت اصوره ما ترجعي والنبي اخد صوره
نادين….بضحك يابت سبيه في حاله بقي متبقيش رخمه
كملوا طريقهم و هنا بيتكلموا ويرغوا مع بعض.
……………..
في منزل رشيد و ايمي
ايمي….طيب ايه رأيك في ده
رشيد….اه ده حلو تقيل حطيه
ايمي….بس مش حر
رشيد…حر ايه بس يا قلبي الجو في السويد تلج أميره بتقولي تقلوا علي قد ما تقدروا.
ايمي…اممممم طيب انت واقف ليه مش هتحضر شنطتك
رشيد….هحضرها بس انتي خلصي الاول و حضريها معايا
ايمي….بابتسامه وانا مالي حضرها لنفسك
بصلها و ابتسم و رفع حاجبه
رشيد…..تاني طولة لسان و نعمل فيها شبح و بترجعي تقولي حقي برقبتي
ايمي….بضحك لا خلاص اسفه
رشيد….ايوه كده
ايمي….طيب بقولك ايه سيبك من لبسي تعالي نحضر شنطتك عشان انا بصراحه مش عارفه اخد ايه خليها لما البنات تيجي بكره تساعدني
رشيد….عشان نلحق يا قلبي حضري اي حاجه حتي بكره هنسهر سوا مش هيبقي في وقت يادوب ننام ساعتين
ايمي….انا حطيت كام حاجه خلاص يعني فاضل حجات بسيطه و بعدين دول اربع ايام يعني مش محتاجين حجات كتير
رشيد….طيب يلا بصي انا هلبس الچاكت ده و احنا ماشيين و هاخد الثلاثه دول تمام كده
ايمي….تمام طيب هتلبس ايه من تحت
رشيد…كام تيشرت كده و مش هاخد غير بنطلونين غير اللي هسافر بيه
ايمي….طيب بلاش تيشرتات يا رشيد هتبرد انت محتاج حاجه تقيله
رشيد….طيب اخد ايه مش عارف ؟
ايمي…البوكليت الاسود ده حلو و تقيل و هيمشي علي اي چاكت من اللي معاك
رشيد….تمام في منه كمان ازرق او رمادي مش فاكر لا ازرق
ايمي…..طيب فين هو
رشيد…مش عارف زوزو حطته فين
ايمي…..ده صح
رشيد…اسحبيه كده اه هو
ايمي….حلو بردوا خدوا معاك
رشيد….تمام
