لقاء كار,ثي

لقاء كا…رثي
أميره أسامه
صاحبة البطل الواحد

. البارت التسعين .

………………………

في مساء اليوم كلهم كانوا قاعدين و مش فاهمين اي حاجه بيبصوا لبعض

قرب مصطفي و بصلهم و هو بيضحك

مصطفي…..طبعاً عايزين تعرفوا اللعبه

عشري…..هو اه بس صدقني لو طلعت مش لعبه و طلع مقلب هزعلك

مصطفي…..لا متقلقش لعبه والله

سلمي….طيب انت مخبي ايه تحت القماشه دي

مصطفي….هقولكم كل حاجه الوقت وافهمكم ركزوا معايا الاول كده نصلي علي النبي و مش عايز اشوف كابلز قدامي من فضلكم الشباب جنب بعض و البنات جنب بعض

ايمي….وده ليه بقي إن شاء الله

مصطفي…..هو كده انا واحد سنجل

ليله….طب انا مش قايمه من جنب جوزي يا رخم

مصطفي….بضحك لا هتقومي عشان جوزك اللي انتي متمشكه بيه ده الوقت هيبيعك

ليله….هتبيعني يا عشري

سلامه….بعتني بكام يا عشري

عشري….بضحك مقدرش يا عمري اقوم اعلقلك الواد ده

ليله….بابتسامه اه عشان رخم

مصطفي…..بضحك ليه كده بس انا غلبان طب بجد و الله بقي من غير هزار انا عايز اقسمكم فريق بنات و فريق شباب

سلمي….بس انتوا اكتر مننا علي فكره انتوا 13و احنا 11 بحنون

مصطفي…..اولاً انا مش هلعب يعني هما كده 12 و انتوا هتبقوا 11 مش قصه يعني

حنان…..انا هتفرج عليكم

مصطفي….لا هتلعبي

ليله…..هتلعبي معانا دول اكتر مننا يا حنون عيزاهم يكسبونا و لا ايه

حنان….بأبتسامه لا خلاص هلعب بس ده انا عارفه العابه منيله زيه

مصطفي….بضحك متخافيش

نعيمه….طيب فهمنا اللعبه الاول وبعدين هنقوم

مصطفي…..انتوا عارفين لعبه الصندوق الغامض

ايه…..اه دي جميله

تقي…..بابتسامه هتحط ايه المهم في البوكس

رشيد….ايه الصندوق الغامض دي

ايمي….وانا عارفه

مصطفي…..ياجدعان واحد فيكم هيجي يقف هنا وراء الصندوق و هنشيل القماش اللي واقف هنا مش هيبقي شايف بس كل اللي قاعد هيبقي شايف و المفروض ان اللي هيلعب هيحط ايده هنا في الفاتحتين دول و يخمن هو ماسك ايه و ممكن يسأل اللي قاعدين يعني حاجه بتتاكل جماد حيوان كده يعني

و كمان في صندوق بيكون في ورق بيختار ورقه و هينفذ المكتوب فيها ممكن يبقي حاجه تتعمل او ممكن يكون اعتراف بحاجه لشخص يعني علي حسب المطلوب

بس طبعاً مفيش غش خالص عشان نشوف انهي فريق هيكسب و خدوا بالكم الفريق اللي هيغشش هيتخصم منه نقطه يعني مثلاً نادين جات تلعب لو ميدو غششها هيتخصم من فريق الشباب كله نقطه انت مش بتعام لوحدك فاهم و العكس صحيح