لقاء كار,ثي

و هنصحك نصيحه من ام تتمني تشوف ولادها احسن ناس في الدنيا لو تقبليها مني طبعاً

ليله…..اكيد يا ست الكل اتفضلي

حنان…..في بشر يا ليله متفرقيهمش عن الشياطين مهمتهم في الحياه انهم يدمروا علاقات و يبوظوا نفسيات و يخربوا بيوت و يأثروا علي حياتك لدرجه ان عقلك يبقي بيفكر فيهم ليل و نهار و مركز معاهم و عمال يشيل و ينكت فيكي و تبقي لاغيه حياتك بكل الحلو اللي فيها و عماله تشوفي عملوا ايه طب هيعملوا ايه طب هما اذوني طيب لازم ارد صدقيني عقاب ربنا ليهم في الدنيا و الاخره هيرضيكي بشكل ميتوصفش حقك يا بنتي في اي حاجه سببتلك اذي نفسي بأيد ربنا احلي بكتير من الحق اللي هتحيبيه بأيدك اللي زي دي اوعي اوعي يا ليله حتي تفكري انك تنزلي ليها زي ما قالتلك ايمي اوعي تكوني سهلة الاستفزاز اللي بيستفزك يا ليله هو من جواه هيمو…….ت منك و عايز يخرب حياتك بأي شكل العبيط اللي يروح وراه هي في كل الاحوال يمكن تكون عارفه انها خسرانه و زي ما ايمي قالتلك بردوا بيكي او من غيرك عشري او اي راجل في مكان عشري عمره ما يفكر يبصلها مش حتي يرجعلها و خدي بالك هي عارفه ده كويس و اسفه يعني تبقي عبيطه يا يا ليله لو فكرتي ان البنت دي بتعمل كده عشان تزعلي انتي و عشري وتسيبوا بعض و هو يرجعلها لانها عارفه كويس ان عشري راجل و عمره ما هيقبلها علي نفسه و لو حصل ايه مش هيرجعلها

بس هي بتعمل ده لان زي ما قولتلك في الاول في بشر علي هيئه شياطين عايزين يدمروا حياة غيرهم زي ما حياتهم اتدمرت مش بيحبوا يشوفوا الناس مبسوطه

اللي عايش في سواد يا ليله بيحب يقفل النور علي الناس كلها هي مهمتها كده كون انك ترجعي لعشري تاني دي بالنسبالها هزيمه هي مش قبلاها و ظهورها تاني ليكي مش عشان هي ليها حق بالعكس هي ظهرت عشان اتجننت ان ازاي بعد كل ده انتي ترجعي فا يلا بقي ننكد علي ليله نحرق دمها نستفزها نوقعها في غلط نلبسها مصيبه نوقع بينها وبين عشري او بين ليله وبين اهله

نركبها غلط و نخليها تعمل حاجه تقلل من رجوله عشري او تقلل من قيمه اهلوا فا علاقتهم ترجع تتوتر و يسيبوا بعض و ده المطلوب حتي لو ليكي حق و حتي لو اتوجعتي و حابه تردي اعتبارك اقفلي عليها كل الابواب اللي ممكن تدخلك منها

مع ان انا عرفت ان عشري رد اعتبارك و ان اهلوا دعموكي و وقفوا جنبك و مش عشان انا اعرف عشري و اهلوا من قبلك هقولك كده بس صدقيني هنا ناس محترمه ميرضوش بالظلم و حبوكي يا ليله و عشري حبك و بيحبك و هيفضل يحبك و راجل جدع و محترم و ابن ناس و اللي من نوعيه عشري يا ليله بيحط الست اللي معاه تاج علي راسه اوعي تتجري لسكة الشيطانه دي طلعيها من حياتك و حتي لو هي اللي قربت كأنها هواء مش موجوده