لقاء كارثي

لقاء كارثي
أميره أسامه
صاحبة البطل الواحد

. البارت المئه 163.

………………………….

في يوم واحد بس ممكن تلاقي كل واحد فينا عايش في وادي مختلف عن التاني.

نتقابل كلنا في مكان واحد في فرح أو مناسبة أو حتى وسط يوم عادي جداً لكن جوا كل شخص حكاية مختلفة تماماً

في ناس بتبدأ خطوة جديدة وتفتح صفحة جديدة في حياتها وناس تانية شايلة هموم وتعب محدش شايفهم ناس بتضحك وتهزر من قلبها وبعدها بلحظات موقف صغير يغيّر كل حاجة ويقلب الضحكة زعل أو خلاف.

وفي ناس بتبتسم فجأة وهي سرحانة في ذكرى جميلة حصلت خلال يومها وناس تانية بتكتشف إن في شخص جديد دخل حياتها وبدأ يحتل جزء من تفكيرها من غير ما تحس.

وفي قلوب عايشة أجمل لحظات الرومانسية ولسه مش قادرة تعترف بمشاعرها وقلوب تانية خايفة تسيب ماضي عزيز عليها أو تفقد حاجة كانت في يوم من الايام جزء منها.

وفي ناس كل أمنيتها حلم بسيط بالنسبة لغيرها لكنه بالنسبة لها الدنيا كلها حلم الأمومة أو حلم بيت أو حلم بداية جديدة.

الحياة عمرها ما كانت حكاية واحدة بنعيشها كلنا بنفس الشكل هي آلاف الحكايات اللي بتحصل في نفس الوقت آلاف المشاعر المتناقضة اللي ممكن تتجمع في يوم واحد وفي مكان واحد وبين أشخاص قاعدين جنب بعض وكل واحد منهم عايش عالم مختلف تماماً عن التاني.

وده يمكن أجمل وأغرب ما في الحياة إن يوم واحد بس يقدر يحمل بدايات ونهايات ضحكات ودموع لقاءات ووداع وأحلام تتولد في نفس اللحظة التي تنطفئ فيها أحلام تانيه.

……….

ويمكن ده كان حال ابطالنا كلهم اجتمعوا في يوم واحد و مناسبه واحده .
مشاعرهم كانت تشبه بعض سعاده وفرحه ضحك هزار

لكن كل واحد فيهم كان بيعيش حكايه جواه مختلفه مشاعرها مختلفه و احساسها مختلف.

نادين و ميدو كانوا بيعيشوا احساس البدايه والحياه الجديده

فضل ونعيمه كانوا عايشين لحظه رومانسيه هاديه جدا لكن خلاف بسيط بدل يومهم

ليله كانت عايشه مشاعر مختلفه مابين ذكري و ماضي مهددين يروحوا من ايدها في لحظه و بدايه حلم اتمنت يكون حقيقه و كبر جواها لدرجه انها بقت خايفه عليه من قبل ما تتأكد حتي انه موجود

نادر و رهف و بالاخص نادر يمكن مكانش في اي حاجه جواه من ناحيتها بس مجرد ما الموقف اللي حصل بينهم كان بيمر قدام عينه طول الطريق وهو راجع كان مبتسم