لقاء كارثي

تامر و نغم جايز في مشاعر غير مصرح بيها بس كان في حاله حلوه و مشاعر جميله جوه كل واحد فيهم مخلياه مبسوط و مرتاح..

سلامه كمان كان جواه مشاعر كتير اولهم مشاعر الاب و الاخ الكبير والصاحب اللي اطمن علي اهم حد في حياته و فرحته بيه كانت كبيره

وفي نفس الوقت كان عايش مشاعر الاب القلقان والخايف علي بنته من تعبها

عشري كمان كان عايش مشاعر كتير اوي في اليوم ده اولهم مشاعر الصاحب و الاخ اللي فرحان فرحه متتصوفش بصاحب عمره و حته من روحه اللي اخيرا شاف فرحته بعينه

كان عايش مشاعر التوتر بسبب الخلاف اللي حصل بين فضل ونعيمه و كان مضايق امهم زعلوا تاني

و كان عايش مشاعر متناقضة تخص ليله اولهم خوفه من انها تضايق انه رجع خبي من تاني عليها و مشاعر تانيه بتحاول تدور ايه يريحها عشان مش حابب يشوفها زعلانه.

كل واحد فيهم كان عايش في حاله جوه حاله و كلها مشاعر متناقضه اتجمعت جواهم في يوم واحد

بس الشعور اللي كان سايد الفرحه و السعاده واللمه و الصحبه اللي مستحيل تتعوض..

……………..

طلع ميدو و نادين مع سلامه و ايه في الاسانسير سلامه كان عامل زي الطفل اللي فرحان اوي عشان ميدو اخيراً طالع معاه و هيسكن معاه في نفس البيت و مش هيسيبه تاني علي قد ما كان مبسوط طول الاسبوع اللي فات بعد فرحه علي قد ما كان مستني اللحظه دي عشان ميدو يرجعلوا تاني و كأن احساسه بيه انه توأمه

ميدو كمان كان مبسوط جداً وكان حاسس بفرحه سلامه دي اوي بس طبعاً كانوا كاهم قلقانين علي ايه

سلامه…. بابتسامه نورتي بيتك يا عروسه

نادين…. بابتسامه منور بيكم من قبلي يا سلامه

ايه….. بابتسامه اول مره هنبقي جيران يا نودي

نادين….بضحكه هاديه عشان تعرفي ملكيش غيري مقدرتش اسيبك

ايه…قلبي انتي كنتي زي القمر و تجنني

نادين….وانتي كنتي قمر بس شكلك تعبان اوي

عسال….مش كنتي روحتي المستشفي احسن وشك احمر وباين انك سخنه

حطت نادين ايدها علي راس ايه

نادين…هي دافيه بسيط مش سخنه

سلامه….انا طول الطريق اصلا بعملها كنادات عشان كده حرارتها نزلت

ايه….بقيت كويسه والله متقلقوش

الاسانسير وقف في الدور بتاع سلامه وايه في العاشر

سلامه…. بابتسامه انا بقول نطلع معاهم يا ايه ونكمل سهرتنا

ايه….. بضحكه تعب اعوذ بالله عالرخامه عايز ميدو يحدفنا من فوق