لقاء كارثي

نادين….ااا طيب انت بجد هتنام عشان تعبان ولا بتقول كده عشان انام

عسال….لا هنام معاكي والله يلا قومي

ابتسمت بهدوء و حست براحه فظيعه لانها بجد كانت تعبانه

سابت من ايدها الايس كوفي وقامت معاه راحوا علي السرير

طلعت هي الاول و بعدين هو طلع وراها

عسال….يلا تعالي في حضني

نادين….. بابتسامه قربت منه نامت علي صدره و بعدين رفعت وشها بصتلوا تاني بجد مش زعلان

ابتسم وباسها بوسه هاديه من شفايفها

عسال…..حد يشوف الوش القمر ده ويزعل طبعاً مش زعلان

خرجت منها تنهيده راحه طويله و لفت ايدها عليه حضنته اوي

ابتسم وباس راسها وفضل يمشي ايده علي ضهرها

عسال…..يلا غمض يا قمر

ابتسمت نادين و غمضت

نادين….تصبح علي خير

عسال…..وانتي من اهل الخير يا عمري

دقايق بسيطه وحس ان نفسها انتظم و ايدها سابت شويه من علي وسطه عرف انها نامت و كانت نايمه نوم عميق

و يمكن اللي عملوا ميدو ده كان كبير جدا مش اي راجل يقدر عليه في يوم زي ده بس هو مكانش فارق معاه اي حاجه خالص غير انها ترتاح لان كان باين عليها التعب بجد عينها حمراء خالص و باين ان جسمها مهدود مكانش هيقدر يتعبها اكتر و يسهرها و سابها ترتاح..

فضل باصصلها بحب عمال يحرك ايده علي شعرها و جسمها كأنه مش مصدق انها في حضنه خلاص ومش هتبعد عنه لاخر لحظه كان بيتعامل معاها علي انها بنته جايز بطريقته الهاديه كان عرف يوصل للي هو عايزه بس هو اختار يريحها..

………………….

تامر….نغم نغم

قامت نغم وبصتلوا

تامر…يلا احنا داخلين علي البيت اهو بابا بس هينزل حماده و زوزو و هنمشي

نغم…..ابقي نزلني انا كمان

تامر….مش هتيجي معانا

نغم…..لا انا عايزه اروح البيت

تامر…طيب ما تخليكي معانا انهارده و بكره ابقي روحي

نغم….مش هينفع مش معايا لبس وانا مش قادره

تامر….خدي اي حاجه من ايه او سلمي

نغم….مش قادره والله انا عايزه اطلع بكره ان شاء الله هبقي اشوف لو حمودي في البيت و هبقي اعدي عليه لما اصحي

تامر…طيب تمام علي راحتك

نغم….هو انت بكره عندك شغل

تامر…..احتمال كبير اه بس هشوف هقدر ولا لا

نغم….طيب اوك انا هبقي اروح بكره عشان ميبقاش لوحده

تامر…..تمام لما تبقي تصحي بقي ابقي كلميني اااا يعني لو محتاجه حاجه قصدي

نغم…. بابتسامه هاديه طيب اوك