لقاء كارثي

سلامه….هي بتتابع المفروض مع دكتور و هو اللي كان كاتبلها العلاج يعني هي بترتاح عليها جدا

الدكتور…..هي كويسه بس في حجات افضل منها و الادويه دي كلها الافضل بلاش منها في حجات احسن هكتبلك عليها وبرضوا لو حابب ترجع للدكتور بتاعها زي ما تحب

سلامه….لا لو حضرتك شايف ان دول افضل ومفعولهم تحسن بلاش دول بس علي فكره هي اصلا طبيعه شغلها متعبه يعني هي (Groomer) (جرومر)

الدكتور…..لا لا لا هي المفروض تبعد الفتره دي خالص عن الشغل ولو مضطره يبقي مينفعش تشتغل غير وهي لابسه ماسك شوف المهنه دي او لو حتي بتربي حيوان وانا شايف بره عندكم كلب الشعر بتاعهم و نفسهم بيتعب السليم بيحتاجوا تنضيف ومجهود طول الوقت لان الشعر ده بياثر علي الصدر الرئه الجيوب الانفيه ممكن يسبب حساسيه في العين ده للسليم لو مكانش في اهتمام دوري ما بالك بمريضه جيوب انفيه فا اي دور بسيط بيعمل فيها زي ما انت شايف كده.

سلامه…يعني ايه توقف شغل يعني

الدكتور…فتره تعبها دي باريت و بعدين انتوا لسه عرسان فا اكيد هي لسه مش هترجع الوقت علي ما ترجع تكون بقت احسن بس الافضل تشتغل بماسك و ده علي طول

ريهام…..ايوه بس المشكله ان الماسك مع تعب الجيوب الانفيه هي مش هتتحملوا

الدكتور…في ماسكات جديده هي سعرها اغلي من اي ماسك بس بيكون فيها مكان للتنفس و فيها زي فلتر مش بيضايق خالص

سلامه…طيب عادي اكتبلي اسمها او عرفني الاقيها فين و اجيبلها

الدكتور…..معلش ساعدوني بس اديها الحقنه

ساعدوا سلامه و حنان اتالمت بسيط اوي بس بملامحها

ريهام….دكتور طيب هي ليه مش واعيه

الدكتور…لا هي واعيه متقلقيش بس الحراره شديده فا هي مش فايقه دقايق والحقنه هيبدا مفعولها يشتغل و هتبقي افضل هي اسمها ايه؟

سلامه….ايه

الدكتور….ايه ايه ايه سمعاني يا ايه

فتحت عينها بضعف رهيب و غمضت تاني

حنان….ايه قومي يا نور عيني سمعانا يا ماما

هزت راسها بهدوء

سلامه…طيب كملي الكمادات يا امي

الدكتور…..بص يا بطل دي الادويه اللي انا محتاجها الحقن دي المضاد زي ما قولت كل ثمان ساعات يعني الجايه المفروض تبقي الساعه اثنين حد بيعرف يدي حقن

سلامه…اه انا بعرف

حنان…وانا كمان

الدكتور…جميل اوي الساعه اتنين تاخدها و ده مطهر كل ثمان ساعات برضوا وده ڤيتامين كويس للبرد و دي نقط لودنها تسكن الالم