لقاء كارثي

فضل… أومال كنت أعمل إيه؟ هي مصدقه بجد وانا لازم ادافع عن نفسي انا عارف نعيمه لو سيبتها هتصدق اكتر

نجود…في مليون طريقه تتكلم بيها كنت تقولها حقك تزعلي وأنا فاهم ليه زعلتي بس والله الموضوع أبسط من اللي في دماغك وبعدين تسكت.

فضل… وأسكت ليه؟

نجود… عشان الست وهي غضبانة مش عايزة محامي يترافع في وشها با غبي عايزة حد يحتويها.

فضل… عشان كده وقفتي في صفها؟

نجود… أيوه عشان كده.

فضل… ما شاء الله وأنا ابنك ايه النظام

نجود…إنت ابني وعارفاك و عارفه انك صادق إنما هي لو لقتني بقولها إنتي غلطانة من أول دقيقة كانت هتعند أكتر وتقفل دماغها خالص لان من وجهة نظرها انا لا كنت معاكم ولا سمعت فا مش هتلاقي مبرر لدفاعي عنك الا اني امك

فضل… يعني إنتي شايفة إنها مش غلطانة؟

نجود… لا يا فضل انا شايفة إنها زعلانة ودي حاجه تانيه خالص .

فضل… والله الستات دول لغز.

نجود… لا يا حبيبي إنت اللي غبي فاكر كل حاجه تتحل بالكلام والخناق والصوت العالي في حاجات الأول تتحل بالاحتواء.

فضل… هي ادتني فرررررصه احتويها او افهمها دي اتجننت و بعدين كلمت اخوها خدها من نص الطريق

نجود… هتفهم لوحدها لما تهدأ وهتفتكر المكالمة كلمة كلمة وهتعرف إنها كبرت الموضوع

فضل… وإنتي واثقة كده ليه نعيمه مخها جزمه وبيني وبينك المكالمه متفصله علي مقاسي ده لو حد قاصد يعمل فيا كده مش هتتظلط بالشكل ده

نجود… واثقة يا فضل انها هتهدأ

فضل… ليه يعني؟

نجود… عشان البت بتحبك يا حمار لو ما كانتش بتحبك ما كانتش اتجننت كده كانت قالت وأنا مالي وقفلت السكة.

فضل… دي كانت هتدعي عليا قدام الكعبة.

نجود…بضحك وقالتها وهي متعصبة

فضل… آه يعني عادي؟

نجود… عادي إيه؟ طبعاً غلط بس بيني وبينك قلبها مش هيطاوعها تدعي عليك دي أول ما تهدى هتبقى زعلانة على كلامها أكتر منك.
المهم تفهم يا فضل
الست لما تزعل ما بتبقاش مستنية منك تثبت لها إنها غلطانة.

فضل… ما هو أنا ما عملتش حاجة أصلاً.

نجود… ما أنا عارفة إنك ما عملتش حاجة بس هي كمان ما زعلتش من فراغ

فضل… يعني أعمل إيه أكتر من إني أفهمها؟

نجود… لا إنت كنت بتحاول تقنعها ودي حاجة غير إنك تفهمها يا فضل

فضل…..افهمها اقنعها كلها حجات هتهدي الموقف

نجود….لا يا فضل دي حاجه و دي حاجه تانيه خالص بص يا فضل الست لما تخاف على راجل بتحبه أول حاجة بتضيع منها هي هدوءها.