لقاء كارثي
لقاء كارثي
حنان….يا مصطفي بكره ايه ركز معايا يا حبيبي عشان خاطري قوم
فتح مصطفي عينه
مصطفي….في ايه ؟
حنان….معاك رقم الدكتور اللي جه لاخواتك وهما تعبانين
مصطفي….ده كان هناك
حنان…يا مصطفي ركز معايا الله يهديك يا حبيبي مصطفي مصطفي
مصطفي…..بصلها و فاق ايه يا امي في ايه
حنان….مرات اخوك تعبانه يا حبيبي معاك رقم الدكتور اللي جه لاخواتك قبل كده
مصطفي….مرات اخويا مين فيهم
حنان…يا حبيبي أيه البنت سخنه و اخوك محتاس بيها معاك الرقم ولا مع ميدو بس
مصطفي….اه اه معايا استني
حنان…طيب طلعوا واتصل عليه و اديه عنوان اخوك وانا هقوم البس واروحلهم
سلامه….امي خليكي يا حبيبتي متجيش و خلي مصطفي يبعتلي بس الرقم انا هتصرف
حنان… لا طبعا مش هتعرف انت تتصرف لوحدك و روح خليك جنبها واعمل اللي قولتلك عليه لحد ما اجيلك و بقولك ايه زود علي المايه بتاعه الكنادات والبانيو خل حط خل كتير بيسحب السخونيه يلا يا حبيبي
سلامه….طيب طيب حاضر بس خليكي انتي متتعبيش نفسك الوقت متاخر
حنان…ملكش دعوه انت يلا روح اعمل اللي قولتلك عليه
سلامه…طيب سلام يا حبيبتي
حنان… بالسلامه لاقيته يا مصطفي
مصطفي…اه اه اهو هتصل عليه حالا
حنان…طيب انا هروح البس
مصطفي….انا جاي معاكي
حنان…خليك انت نايم عشان اختك
مصطفي…الساعه خمسه هتنزلي لوحدك يلا روحي البسي انا جاي معاكي
حنان…طيب هروح اقول لاختك عشان لو صحيت ملقتناش هتتخض
مصطفي…ماشي ماشي الوووو صباح الخير يا دكتور.
خرجت حنان بسرعه وراحت علي ريهام.
حنان….ريهام ريهام
ريهام…ايه يا حبيبتي مالك في حاجه
حنان….لا يا حبيبتي متقلقيش بقولك ايه انا هنزل انا واخوكي نروح لسلامه
ريهام….ليه في ايه
حنان…ايه تعبانه اوي و سلامه بيقول حرارتها عاليه ومش دريانه بالدنيا مصطفي بيتصل بالدكتور و هننزل نروح لاخوكي انا بعرفك عشان متقلقيش
ريهام….طيب انا هاجي معاكم
حنان…تيجي فين خليكي كملي نوم
ريهام…لا مش هعرف اقعد لوحدي هاجي معاكي
حنان…طيب في ثواني تكوني لابسه يلا بسرعه
ريهام…طيب طيب يلا هلبس اهو
دقايق بسيطه كانوا لبسوا و مصطفي نزل زي ما هو بالترنج والشبشب.
عند سلامه جري بسرعه جاب الخل حط في البانيو كتير و حط في المايه بتاعت الكمادات قعد جنبها براحه قلعها التيشرت و قلعها الشورت و شالها راح بيها علي البانيو بسرعه بمجرد ما حطها جسمها حصلوا صدمه قفشت فيه وهي بتصرخ
