لقاء كارثي
لقاء كارثي
مصطفي….بضحك فاضل ياعم
سلامه….طيب يلا يا خبيبي ادخل اغتصب السرير
مصطفي….بضحك ده انا هجيب منه مراتب و مخدات
سلامه….بضحك تصبح علي خير يا وسخ
مصطفي…وانت من اهله يا حبيبي
قفل سلتمه عليه وراح لامه
كانت سانده راسها علي ايدها و الايد التانيه علي راس ايه مسكالها الفوطه و مغمضه
سلامه…..بهدوء يا ست الكل
حنان… ايه يا حبيبي جاب العلاج
سلامه…اه بس يلا روحي انتي لريهام وانا هديها
حنان…هات بس و تعالي انت نام
سلامه….بالله عليكي قومي بقي انتي فاصله خالص
حنان….والله انا مريحه بس شويه هاتي يلا خلينا نشوف العلاج
طلع سلامه العلاج حطولها قطره في ودنها براحه وهي نايمه و رشلها من البخاخه و بعدين شالوا الكمادات و حطولها لازقه طبيه و في حجات للبرد اجلوها لحد ما تصحي عشان ميبقاش كتير عليها
سلامه…يلا يا امي روحي نامي مصطفي في الاوضه الاولي
حنان….طيب لو في حاجه قولي
سلامه….حاضر بس زي ما قولتلك لو قلقتي تعالي و ادخلي علي طول متتكسفيش يا حنون الله يباركلك مش وقت كسوف انا لو سرحت في النوم بعد التعب ده كله مش هبقي دريان ادخلي شوفيها
حنان….طيب هدخل والله يلا نام انت كنان وارتاح يا حبيبي تصبح علي خير
سلامه….وانتي من اهل الخير يا حبيبتي
خرجت حنان راحت علي الاضوه اللي فيها ريهام و طلع سلامه جنب ايه وهو فاصل خالص ضمها في حضنه و نام اخيراً فضل ماسك كفها لحد ما راح في النوم.
………………
اليوم كان صعب و مرهق مش عليهم هما بس علي الكل مفيش حد فيهم متقت/لش نوم اغلبهم ناموا بعد الفجر علي ما روحوا بس لما حطوا راسهم علي المخده سافروا ..
علي الساعه ثمانيه ونص خرجت حنان براحه وراحت علي اوضه سلامه و ايه خبطت خبطه خفيفه و فتحت الباب براحه وهي مكسوفه اوي بس كانت خايفه علي ايه
سلامه كان مقتول واخدها في حضنه و نايم نوم عميق و هي نايمه في دنيا تانيه و شكلها متبهدل من التعب قربت حنان بهدوء حطت ايدها علي راسها كانت حاسه انها دافيه برضوا خرجت براحه و جابت طبق حطت فيه ثلج و راحت براحه وقفت جنب ايه عملتلها كام مره كمادات و هي قافله النور و يادوب نور خفيف جنب الكومدينو كان منور فضلت حوالي عشر دقايق و بعدين رجعت حطتلها لازقه تانيه و غطتهم براحه وخرجت تاني..
نومها كان مقطع و كل شويه تظبط الموبايل علي ساعه عشان متغفلش عنها وقررت تنام بره علي الكنبه عشان الموبايل ميصحيش ريهام ويقلقها كل شويه..
