لقاء كارثي
لقاء كارثي
عسال…. ايه رايك يا احلي عروسه في الدنيا
نادين بابتسامه فضلت تبص حواليها وهي مبسوطه جدا
كان واقف مبتسم و بيراقب ريأكشانات وشها و قلبه عمال يدق من فرحتها و سابها خالص اول ما شافها بدأت تتحرك و تتفرج و بتبص علي البيت اول حاجه وقعت عينها عليها تربيزه زي تربيزتها بالظبط فيها سمك هي كانت عارفه انه عملها و خد منها كل السمك قبل يوم الفرش عشان طبعا السمك لو اتساب هيموت
بصت وكانت مبسوطه اوي
مشيت كام خطوه و بعدين بصت علي السفره و لفت حواليها و بعدين دخلت علي المطبخ كانت فرحانه جدا بالالوان اللي هي اختارتها و ازاي كل حاجه بعد الفرش بقت تجنن كده كان بيت احلامها زي ما اختارته بالوانه بالظبط
فضلت تفتح و تقفل الدرف بتاعت المطبخ زي الاطفال و هو رايح جاي بهدوء يبص عليها و يبتسم
خرجت من المطبخ بصتلوا وابتسمت و بعدين راحت علي التربيزه كان فيها سمك كتير و جديد بصتلوا وهي بتضحك و بعدين راحت تتفرج علي باقي البيت دخلت كل الاوض و اوضه النوم كل حاجه كانت تجنن كانت عماله تفتح و تتفرج و هو وراها سايبها خالص براحتها
و بعدين خرجت تاني علي بره وقفت قدام الروف بصلها ومسك ايدها قبل ما تفتح
عسال…..ممكن تديني ثواني هدخل قبلك و لما اقولك ادخلي تيجي
نادين…. بابتسامه طيب
عسال…..هتغشي و تشوفي
نادين….بضحكه بريئه لا والله
عسال….طيب مصدقك لما اقولك تيجي
نادين….اوك
فتح عسال الباب و دخل و قفل الباب وراه فضلت هي واقفه بره عماله تبص علي البيت و مبسوطه جداً فضل جوه حوالي ثلاث دقايق كده وبعدين رجع فتح الباب و بصلها وابتسم
نادين….ادخل ؟
عسال…. بابتسامه اه يلا
سابها تدخل بصت علي الروف بسعاده كبيره كان يجنن و شكله تحفه بجد..
بصتلوا نادين بابتسامه و نطقت بعفويه
نادين…..بيتنا
عسال….بأبتسامه جذابه بيتك !
نادين…..قربت منه بهدوء لا بيتنا
عسال…بضحكه هاديه تمام ياسيتي بيتنا ضمها في حضنه اوي مبروك يا احلي بنوته في الدنيا
نادين…..الله يبارك فيك
بصت نادين حواليها و هي مبتسمه ورجعت بصتلوا تاني
نادين….انت كنت بتعمل ايه؟
عسال…. بابتسامه ااا مفيش بس كنت بشوف لو في حاجه واقعه من الهواء او في حاجه عايزه تتظبط
ابتسمت وفضلت تبص علي الروف
نادين….ااا هو فين ارثر و ليه مش ليه بيت؟ هو مش هييجي يعيش معانا
