لقاء كارثي
لقاء كارثي
ايه…..بابا كان هناك
سلامه…..هناك فين ؟
ايه….عند بيتنا
سلتمه….ايه والنبي ما تقلقيني عليكي انتي عارفه انا مين صح
ايه بصتلوا و غمضت
سلامه….ايه انا مين يا قلبي
ايه…..بصوت هادي خالص سلامه
قرب منها باس كفها
سلامه……هتبقي كويسه يا قلبي مكانش لازم اسمع كلامك
سمع صوت الباب بيرن
ساب كفها وخرج جري علي بره فتح الباب ميلو مكانش مبطل هوهوه
فتح لقي امه واخواته
حنان….ايه يا حبيبي فين ايه
سلامه…جوه يا امي ادخليلها تعالي يا ريهام تعبتوا نفسكم ليه بس قولتلكم ابعتوا الرقم وانا هتصرف
ريهام….تعب ايه بس هي عامله ايه
سلامه…تعبانه اوي مصطفي كامت الدكتور
مصطفي…..اه قالي جاي حالا شويه وتلاقيه هنا
سلامه…طيب ادخل واقفل الباب
ريهام…..هي جوه
سلامه…اه تعالي تعالي
دخل سلامه وراء امه وراحت ريهام وراه.
حنان….دي سخنه اوي يا ابني
سلامه…دي كده حرارتها نزلت كمان
حنان…..انت دخلتها في المايه
سلامه…اه يادوب خرجتها ولبستها انتوا جيتوا
حنان…تعالي يا ريهام شيلي يا بنتي اللبس والفوطه اللي علي الارض دول
ريهام…طيب بقولك ايه يا سلامه ما تشغل التكييف دي سخنه خالص
سلامه…ماهي لسه واخده شاور هتتعب اكتر
حنان…لا بلاش تكييف هي سخنه بس جسمها بيتنفض مش هتقدر وغلط عليها روح هات تلج تاتي يا سلامه واديني فوطه تانيه عشان نبدل فيهم و هات الخل معاك
سلامه…طيب طيب
خرج سلامه جري مصطفي كان قاعد بره علي الكنبه و مش قادر و نايم علي نفسه
مصطفي….محتاج اجيب حاجه
سلامه…لا لا انا هاخد تلج تاني معلش انا راجعلك
مصطفي….خليك براحتك انا تمام
دخل سلامه جري علب جوه تاني حنان كانت قاعده جنبها و مشمره الكم و عماله تعملها كمادات
سلامه…امسكي يا امي
حنان….روح يلا هات فوطه كمان
سلامه….حاضر
حنان…تعالي يا ريهام زودي خل هنا
ريهام…..دي وشها احمر خالص
حنان…السخونيه دي لعنه بس ان شاء الله تبقي كويسه
سلامه…امسكي يا امي اتنين
ريهام….انت قيستلها درجه حرارتها
سلامه…..لا مش جايب ترمومتر انا فاكر اني جيبت لما كنت بشتري حجات من الصيدليه بس غالبا الدكتور نسي يحطه
حنان….بس هي مش محتاجه ترمومتر حرارتها باين معديه ال39 دي مش حاسه بحاجه
سلامه…يعني ايه طيب هي مش كويسه
ريهام…متقلقش عليها هتبقي زي الفل
