لقاء كارثي

حنان….بعد الشر اقصد ان ادام مش حاسه بالدنيا كده تبقي معديه ال39 ونص انتوا لما كنتوا بتتعبوا مني و توصلوا للحاله دي كانت بتبقي معديه وانا قولتلك ايه تعبانه وباين عليها متسمعش كلامها

سلامه…مرضيتش يا امي قدامك و قالت انها عايزه تنام وزورها بس اللي تاعبها بس انا الغلطان فعلا

ريهام…يا سيدي مش غلطان ولا حاجه متل مش نفسك هي هتبقي زي الفل متقلقش انت عرفت بباها او اي حد

سلامه….لا بصراحه انا كنت عايز بس رقم الدكتور

حنان…بلاش يا حبيبي متقلقش الراجل في نومته اكيد نايم وتعبان وبعدين هيفضل قلقان لحد ما تقوم قدامه و تبقي كويسه سيبه حرام

سمع سلامه الباب بيخبط

سلامه… الدكتور شكله وصل

حنان….طيب روح دخلوا بسرعه

جري سلامه مصطفي كان قرب يفتح الباب

سلامه….صباح الخير اسف عالازعاج يا دكتور

الدكتور…..صباح الخير مفيش ازعاج ده شغلب المريضه فين

سلامه….تعالي تعالي اتفضل

دخل سلامه بسرعه و الدكتور معاه

الدكتور…..صباح الخير

حنان…صباح الخير يا دكتور

ريهام….بهمس هستناكم بره

سلامه….خليكي خليكي جنبها

وقفت ريهام بهدوء علي جنب و فضلت حنان جنبها من الناحيه التانيه

الدكتور…..خير بتشتكي من ايه

سلامه…..هي مريضه جيوب انفيه اصلا و كان عندنا مناسبه يعني وكنا مسافرين فرح فا غالبا خدت دور برد جامد من الجو وهي جو البحر بيتعبها شويه مع المجهود و الهواء تعبت ورشحت اوي و بعدين بدات تشتكي من زورها تاعبها كانت دافيه بسيط و علي الساعه 11 ونص تقريبا و احنا راجعين في الطريق سخنت عملتلها كمادات ورجعت فاقت تاني و بس من شويه صحيت لقيت حرارتها عاليه جدا و مش دريانه خالص جسمها سايب و بتترعش انا عملتلها كمادات و ادتها شاور بارد و بس معملتش حاجه تاني

الدكتور….الف سلامه عليها خير ان شاء الله اكشفوا بطنها بس شويه

قربت حنان نزلت الغطاء شويه و رفعت التيشرت بسيط

كشف عليها و بعدين فتح عينها و بعدين كشف علي زورها

وبعدين طلع جهاز ضغط قاس الضغط بتاعها..

الدكتور….هي عملت اللوز

سلامه…اااا مش عارف بس تقريبا ممكن زمان

حنان…خير يا دكتور

الدكتور…..الضغط كويس هي عندها التهاب قوي جدا في الحلق اللون متضخمه و الالتهاب واضح غالبا قالب بصديد هو اللي سخنها بالشكل ده كمان في حساسيه علي الجيوب الانفيه شديده و عندها التهاب في الاذن الوسطي كل ده هو اللي مسخنها كده هي متجوزه