لقاء كارثي

عقلها بيبقى بيجري لقدام وهي بتدور على أي إجابة تطمنها.

فضل… بس ده سوء ظن يا جوجو

نجود… يمكن بس الخوف ساعات بيبقى أعلى من العقل.

سكتت لحظة وكملت
إنت سمعت بنت بتنادي اسمك وتسألك راجع من السفر إمتى فبالنسبالك الموضوع عادي لأنك عارف الحقيقة إنما هي سمعت نفس الكلام وهي مش عارفة حاجة

طبيعي دماغها تروح لمليون احتمال

فضل… وانا المطلوب أوافقها علي عقلها اللي راح مليون حته ده يا جوجو ؟

نجود…..لا المطلوب تحتويها.

فضل… و ايه الفرق؟ بين اني احتويها او اثبتلها انها غلطانه في اللي فهمته هي اصلا المفروض تكون واثقه اني معملش كده

نجود… فرق كبير لما واحدة تقولك أنا متضايقة متبقاش أول جملة تقولها إنتي فاهمة غلط الأول قول لها أنا فاهم إن اللي سمعتيه يضايق حسسها إن زعلها مفهوم و بعد كده برر اللي حصل.

اسمع مني يا فضل بعد العمر ده كله اتعلمت إن الست وهي زعلانة مش بتحتاج حد يحاسبها على رد فعلها قد ما بتحتاج حد يطمنها ولما تطمن هي بنفسها بتراجع نفسها.

فضل…..و انا بعد كل اللي حصل بينا يا جوجو مفكرتش اشك فيها و لا حتي اساءت الظن بيها و انتب عارفه كويس يوم ما رحاب لمحت بكلتمها اول مره قدام ليله وعرفت اللي خصل مسكتلهاش ولا سمحت لحد يقول عنها كلمه

نجود…..الست غير الراجل يا فضل

فضل…..يعني ايه يا جوجو هو اي مبرر ليكم وخلاص لما تتزنقوا تقولوا الست غير الراجل مفيش فرق علي فكره

نجود….لا في انت لما حبيت نعيمه يا فضل و اختارتها دوناً عن كل بنات الدنيا حبيتها بعقلك وقلبك انما الست لما بتحب قلبها بيسبق عقلها بخطوتين

فضل…..مش مبرر يا جوجو علي فكره

نجود…..يمكن مش مبرر ليك كا راجل بس خليني اقولك حاجه انت بوم ما سمعت الكلام علي نعيمه كنت شايفها قدامك عارفها وعارف اخلاقها فا مسكت في اللي تعرفه انما هي في اللحظه دي كانت سامعه بودنها و شايفه بعنيها مش بعيون الناس او بلسانهم

فضل…. يعني ايه ؟

نجود…يعني انت واجهت اشاعه انما هي واجهت موقف و دي تفرق كتير

اللي انت سمعته عن نعيمه مكانش في دليل عليه سمعته من غيرك و اظن انت عارف غيرك قال كده ليه انما نعيمه شافت وسمعت بنفسها وهي جنبك يعني غصب عنها و بيني و بينك نصيحه كده لو كانت فعلا شاكه فيك مكانتش اتخانقت اصلا

كانت سكتت واخطر حاجه في الست مش غضبها اخطر حاجه لما تبطل تعاتب تبطل تغضب تبطل تسأل ساعتها ابقي خاف انما طول ماهي زعلانه غضبانه بتتخانق