لقاء كـ،ـ،ـارثي
( لقاء كـ،ـ،ـارثي ) 83
لقاء كـ،،ـارثي
أميره أسامه
صاحبة البطل الواحد
. البارت الثالث والثمانين .
………………………
ركن وليد و نزل وهو بيضحك
وليد….انااااا اسف علي التأخير بس كنت بحتفل بالاهلي مع الناس في الشارع
عشري….بضحك بقي احنا مستنينك و انت بتحتفل في الشارع و سايبنا
وليد…..بضحك بحتفل طبعاً
عشري…..سلم عليه و حضنوا طب براحه عشان رشيد زملكاوي
وليد…..بضحك اهلييييي اهليييي
رشيد….بضحك طب مش اوي كده يعني يوم ليك و يوم عليك
وليد….بضحك من يوم ما وعيت علي الدنيا و كل يوم للاهلي
حسان…..بضحك صراحه معاه حق
محمود….بالذمه امته جه اليوم اللي عليكم
سلامه…..الزملكاويه معروفين نصهم سكر و نصهم ضغط
رشيد….بضحك والله و في سكتات قلبيه و جلطات
وليد….بضحك حضنوا ياعم بعد الشر عليك
سلم وليد عليه و علي الكل
تقي كانت متوتره جداً و عامله نفسها بتقفل شنطتها و بتحط الموبايل
قربت منها نسمه.
نسمه….قلبي قلبي انا فرحانه مش عابزه تيجي يا جزمه
تقي….خدي يابت تعالي
قربت نسمه من الشباك
نسمه…ايه ايه
تقي…..جه صح
نسمه….بضحك اه جه يا اختي لما هتموتي عليه كده بتقاوحي في نفسك ليه
تقي …يانهار اسود و منيل انا لا هموت ولا هتنيل انا بتأكد عشان انزل و بعدين يعني هو جه ليه ها هو مش باعتلي رساله طويله عريضه قالي لا هبعتلك ولا هكلمك و لاهوريكي وشي جه ليه
نسمه…..بذمتك هو قالك ولا هوريكي وشي
تقي…..يعني مش بالمعني الحرفي بس رسالته كانت بتقول اني مش هشوفه تاني غير في المناسبات
نسمه…..بضحك طب والراجل مكدبش في احلي من دي مناسبه كلنا متجنعين و هنسافر
تقي….ما انتي علي قلبك مراوح عشان مش مكاني بس لو مكاني كنتي حسيتي بيا
نسمه….انا لو مكانك مش هعمل زيك يا غبيه قولتهالك و هقولهالك تاني هو مش متجوز عشان اخرب بيته ولا حتي خاطب ده بيتعرف مش اكتر و مش هبعد لو هو عاجبني و في نفس الوقت مش هسعي اني اقرب اوي او ابوظ حياته بس هكون موجوده لو هو حابب يقرب يبقي اختار لو مقربش يبقي بردوا اختار بس حد غيري وقتها بقي ابعد خالص و احترم العلاقه دي
تقي…..بت انتي شيطانه جايه تبوظي دماغي انزلي انزلي
نسمه….انا مش شيطانه يا تقي بس مؤمنه ان الحب زي الفرصه بيجوا مره واحده الشيطان يا تقي اللي بيبقي عارف ان اللي قدامه مرتبط او متجوز او في علاقه جاده و يسعي وراها لحد ما يخربها لكن انتي وعدي كل اللي حصل بينكم صدف و لو الصدف خلقت جواكي مشاعر فا ربنا اللي عمل كده ده مش بأيدك اللي كان هيبقي بأيدك فعلاً لو عدي قالك ان البنت اللي معاه حب عمره و انتي حاولتي تبعديه عنه بس هو قالك مش مرتاح يا غبيه عايزه ايه تاني تصدقي بالله انا لو مكان عدي ما هبص في وشك ولا هعبرك بعد الوش الخشب اللي صدرتيهولوا
بصتلها تقي بلغبطه فظيعه.
………………..
قرب وليد من ليله حضنها
وليد….فين زوزو و حماده
ليله….جوه مع مامت سلامه وعسال والبنات كمان
وليد…..هدخل اسلم عليهم الوقت بص لرشيد و ضحك قطعناكم
رشيد….بضحك مش اوي كده ما احنا لاعبناكم ماتش جامد
وليد…..والنبي اسكت جامد ايه ده انتوا اتاخدتوا رايح جاي
رشيد…بضحك هقتل اخوكي يا ليله
ليله….بضحك حرام عليك سيبوا في حالوا بقي كفايه الجون اللي اتلغي
رشيد….بضحك طب لم مراتك و اخوها عني يا عشري دول بيقسموا عليا
عشري….بضحك حقهم وده لعب ده ياعم غير بقي واسمع الكلام هتعيش طول عمرك في حرقه دم
رشيد…..انا مش هرد عليك
وليد…..بص للشباب منورين يا شبااااااب حد فيكم زملكاوي
تامر…..بضحك اهلاويه للموت
وليد….جدع
سلم عدي عليه هو وسليم و نادر و باقي الشباب قعد عدي تاني مكانه و بعدين دخل وليد جوه يسلم عليهم
نزلت تقي مع نسمه بهدوء و قربت من ليله و ضحكت
تقي….هتفضلي مبوزه همشي
ليله……بأبتسامه انتي عارفه لو مكنتيش جيتي كنت عملت فيكي ايه؟
تقي….ما انا جيت اهو
ليله…..جيتي عشان خوفتي مني
تقي…..بضحك طب هاتي بوسه
حضنتها ليله وضحكت
عشري…..خير يا ليله يا صغيره مكنتيش عايزه تيجي ليه؟
تقي….بضحك والله مش كده بس عندي مذاكره و عشان مسبش بابا لوحده في الشغل بس اديني جيت اهو مراتك مفتريه مكانتش هترحمني
عشري….احسن ما كنتي جيتي بالذوق
نعيمه…..لا دي لازم العين الحمراء
تقي….بضحك سعاد المحروقه جات
ليله….بضحك يااااااجزمه قديمه
نعيمه….بضحك عجبك تربيتك الوسخه بتتنمر عليا
عشري…..بضحك هي تقصد ايدها
ليله….بضحك اه الجزمه بتتريق علي البت
حضنتها تقي و ضحكوا لفت وشها كانت بتدور عليه بعينها و فجأه لمحت عدي قاعد علي حرف المكان بتاع الشنط مكانش باين عينه كانت عليها بهدوء مضيق عينه و مركز تركيز صريح عليها و ملامحه كانت كلها كلام و عتاب و زعل
قلبها اتخطف و اتوترت بعدت عينها بسرعه و فضلت محافظه علي ابتسامتها و سلمت علي الكل بهدوء.
حسان……ليله الصغيره دي
ليله….بأبتسامه ايه رايك
حسان….قمر زي عمتها
تقي…..ازي حضرتك
حسان…بخير يا تقي بس بلاش حضرتك دي
تقي….بضحك حاضر لوووومي ياقلبي
سلمي…..وحشااااني قد كده
تقي….وانتي كمان والله فين الباقي
سلمي….جوه
رشيد…..ليله ايه بلطجيه صغيره بردوا
ليله…..بضحك لا دي بلطجيه اكبر انا غلبانه
تقي…..بضحكه جميله ازي حضرتك يااااا
رشيد…..بضحك يا ايه ؟ انا رشيد هي عشان نبقي متفقين كده من الاول
فضل…..بضحكه هايده قوليلوا يا عمو
تقي…..بضحك والله كنت هقولوا ازي حضرتك يااونكل رشيد بس هو لحقني
رشيد…بضحك شوفي بنت اخوكي يا ليله
ليله….متجيبلناش الكلام هو رشيد و بس
تقي…..ماشي انا اسفه يا رشيد
رشيد….ايوه كده
تقي….ازيك يا فضل
فضل…..الحمد لله يا تقي
محمود…..ايه ده انتي جايه معانا يا بت
تقي…..بضحك ايه ارجع انا مكنتش جايه ليله اللي صممت
محمود….بضحكه جميله لا يا ستي خلاص تعالي عامله ايه تقي
تقي….بخير يا حوده بصت لعسال وضحكت ازيك يا ميدو
ابتسم ميدو ورفع حاجبه
عسال ….بخير الحمد لله
تقي….بابتسامه وصلك اعتذاري ولا لا
عسال….بضحك وصل يا ستي و حصل خير
تقي…..بأبتسامه متزعلش مني
عسال…..لا مقدرش والله
نادين…..انتي عملتي ايه يابت
تقي…..بضحك ما قولنا ميت مره غيري الصنف انا بتكلم علي اليوم اللي جيتلكم فيه
نادين….بضحك ااااه افتكرت تعالي هاتي بوسه
تقي……ايه القمر ده
نادين…..انتي اللي قمر
تقي….ايمي و ايه فين
نادين….ايه كانت في التويلت و ايمي معرفش بس جوه
ريهام….ازيك يا تقي
تقي…..ايه ده الله احنا كتير ازيك يا ريهام
ريهام….الحمد لله يا قلبي بخير
نادر….من بعيد ايه شفافيفن احنا
بصت تقي علي نادر و نزلت بعينها علي اللي قاعد جنبه
سليم…..ازيك يا تقي
تقي……يا سووولي اااا بصت لنادين هروح اسلم عليهم
نادين….روحي يلا بصت لميدو هو احنا مش هنطلع
عسال….هنطلع يا قلبي ايدك ارتاحت
نادين….اه احسن الحمد لله خلاص
قربت تقي من الشباب و هي بتحاول تداري توترها و تبان عاديه
تقي…..ازيك يا نادر
نادر…..بابتسامه بخير الحمد لله
تقي….عامل ايه يا سولي
سليم….زي الفل اتاخرتوا كده ليه
تقي…..الطريق والله زحمه عشان الماتش
سليم….ليله بتقول انك مكنتيش جايه ليه بقي
تقي…..اباسمت و بصت بطرف عينها علي عدي بسرعه و رجعت بصت لسليم مفيش بس عندي مذاكره ومكنتش في المود و كمان مكنتش عايزه اسيب بابا لوحده في الشغل بس جيت اهو
سليم….ماشي يا ستي
بصت لعدي بهدوء كان قاعد
تقي….مدت ايدها لعدي ازيك يا عدي
قام عدي وقف و مد ايده ابتسم ابتسامه هاديه و هز راسه
سحبت ايدها بسرعه و بصت لسليم هروح اسلم عليهم جوه بقي
سليم….تمام.
دخلت تقي علي جوه سلمت علي الكل و وقفت مخرجتش تاني.
وليد…..بضحكه عاليه بتتكلم جد
مصطفي….والله العظيم و مسكوا في بعض محدش فيهم خلي في التاني حته سليمه طحنوا بعض
حنان….كل ده عشان كوره
ماريز ….اه الكوره جننت الشباب
حماده…..بس متوصلش لاتنين اخوات يفرجوا غليهم الشارع
عمرو….هو انهارده ده يا مصطفي
مصطفي…..لا ده الماتش اللي فات
وليد….هو غريبه اصلا ان اتنين اخوات يبقي واحد زملكاوي و التاني اهلاوي و كل واحد فيهم متعصب كده
عمرو…..لا والله بتحصل
وليد….ماهي بتحصل بس مش بتوصل لانهم يضربوا بعض
مصطفي….لا دول فظاع و متعصبين جداً بس اللي يضحك في الموضوع اني شوفتهم تاني يوم بليل مع بعض و وشهم مليان بلاستر
