لقاء كـ،ـ،ـارثي
( لقاء كـ،ـ،ـارثي ) 83
رشيد….ما تكاع من العيله دي بدل ما نضرب كلنا
سلامه…..نروح لعصافير الحب نودي مرات اخويا القمر قلب اخوها
نادين….ابتسم و عملتولوا قلب
سلامه…..بص لعسال بحب الكبير اوي السند و الضهر يعني اخويا و حبيبي و صاحبي ميدو ابو قلب مفيش زيه
عسال….بنظره نجنن قلب اخوك
سلامه…..اللي فضحانا بضحكتها المجنونه اختي و خطيبه اخويا الجدع راعي الغنم
فضل….بضحك يعني احترمت الكل و جيت عليا انا و فصلت
سلامه….بضحك حبيبي فضل الو الرجوله و الجدعه و صاحب صاحبه نرضي ياعم
فضل….بضحك مرضي
سلامه….استاذ نادر اللي جاي يحب و يتكلم في التليفون
بصلوا نادر و ضحك
نادر….والله العظيم صاحبي
سلامه…..بضحك كل الرجاله لما بتتزنق بتقول كده
نادر…..يا جدع عيب صدقني
سلامه….بضحك بص لتامر اخويا الصغير يعني احلي مهندس ديكور في الدنيا اللي مشرفنا و مشطب عش الزوجيه يعني الحلال كله
ضحك تامر علي سلامه رغم غيرته منه اللي مبيقدرش يسيطر عليها بينه و بين نفسه بس بيحبه
سلامه…..يعني الصاحب والاخ و اخو مراتي مستقبلياً ان شاء الله
ابتسمت تامر
بصت ايمي بهدوء علي ليله لقتها بصالها و مبتسمه و رافعه حاجبها
غمزتلها ايمي بهدوء بمعني يقصد ايه رفعت ليله كتفها بمعني مش عارفه
كانوا فاهمين بعض بالاشارات و بعيونهم من غير ما يتكلموا
سلامه……الانسه نسمه اخت اللي فضحانا معاها بضحكتها
نسمه….بضحك مش بضحك زبها والله
سلامه….بضحك يبقي العاقله ام ضحكه سايلنت
ضحكوا كلهم علي سلامه و نسمه
سلامه…..ليله الصغيره او البلطجيه الصغيره بما اننا عندنا بلطجيه كبيره القمر اللي منورانا
تقي….بضحك انا طيبه والله هي اللي ماشيه معانا بالدراع
ليله….مش عاجبكككك
سلامه…..يبقي النسخه الطيبه القمر
بص لعدي و سليم انا لسه محييكم متوجعوش دماغي مش ناقص قرف
عدي…..بضحك شكراً
سليم…..بضحك يا راجل يا قلاب
سلامه…..مش هفضل احيي فيكم للصبح انا حودا القمر ابو ضحكه تدخل القلب الطويل شويه عن اخواته
محمود….بضحك اتك شويه علي الطويل دي
سلامه….بضحك لا مش اوي كده متمثلش
محمود….بضحك ماشي ياعم
سلامه…..الللي هيخربها معايا الوقت و معانا الاستاذ مصطفي اخر العنقود بس احلي حاجه في الرحله دي يعني المقالب و الضحك و الهزار يعني الجنان كله
مصطفي….ابو دم خفيف
سلامه…ابو دم خفيف
مصطفي….ابو روح حلوه
سلامه …ابو روح حلو
مصطفي…صاحب الكاريزما
سلامه….ماتيجي تمسك انت الحديده
كلهم كانوا ميتين من الضحك و حسان عمال يصور فيه من اول ما بدأ هو ووعمرو و امنيه
سلامه……ريهام اختي يا جدع يعني الدم الخفيف و الحلاوه و الروح الجميله و اللي هتسمعنا احلي طبله الوقت
ريهام…..بضحك متتكش اوي عالطبله دي لسه بتعلم
سلامه…..اللي هتصدعنا قلب اخوها
ريهام….حبيبي
بس لايه و ضحك
سلامه…..نصي الحلو و المجنونه بتاعتي و اللي هتخربها معايا حبيبه قلبي احلي يويو في الدنيا
ضحكت ايه و عملتولوا بأيدها قلب.
عشري…..بضحك في حد تاني و لا تنزل من علي المسرح ده بقي عشان صدعنا
سلامه….لا اتنين بنادول و واحده قهوه عربي و اجمد معانا كده انا خلصت التحيه و الكلمتين الحلوين نيجي للجد بقي عظيم بيمين اللي هينام هنصحيه بطريقتنا و اللي هيقول مفايه صداع هنزلوا علي الطريق و اللي هيفضل عاقل و قاعد علي الكرسي هحدفه هو و الكرسي عالطريق معادا ست الكل طبعاً يعني نصحصح كده و نفوق مع بعض احنا في رحله يا مسنين واخد بالك يا حسان
حسان…..بضحك لا معاك يلا.
سلامه….احلي تحيه وسلام للسواق الجدع اللي هنصدعه معانا
السواق….بضحك حبيبي
ضحكوا كلهم و ساب سلامه المايك و قرب من السواق اتكلم معاه شويه و وصل الموبايل بتاعه بالبلوتوث و شغل سلامه اغاني و بدأ الجنان بينهم كلهم
مصطفي طلع الطبله من الشنطه بتاعتها و فضل يخبط عليها
ريهام خدتها منه بضحك
ايه….طبلي يلا كده
سلامه ….يلا يا ريهام صدعينا
ريهام….بضحك لا مش للدرجادي متستظرفش
بدأت تطبل الكل كان بيضحك و مبسوط و الاجواء كانت تجنن و تقريباً مكانوش قاعدين كلهم باصين علي وراء حتي حنان اللي كانت بتضحك بسعاده و عماله تسقف معاهم
محمود…..بضحك الله يا بنت اللذينه ما انتي بتعرفي تطبلي اهو
ريهام…..عيب عليك انا مش محترفه بس بعرف
محمود….طب انا عايز اجرب
ريهام….بضحك امسك جرب
خد منها الطبله بس مكانش عارف و كلهم كانوا بيضحكوا
عدي…..بضحك انت بتعمل ايه
محمود…..بجرب حلوه اوي
سلامه…..هات يا عم الفنان بتاعنا سعيد الارتيست معانا امسك يا ميدو طبل
عسال…..بضحك بشرب سيجاره
سلامه….ياعم هات السيجاره دي
نادين…..بضحك الله انا عايزه اجرب
عسال….بابتسامه مسكهالها يلا جربي
نادين….انا عايزه اشيلها
عسال….تقيله عليكي مش هتعرفي هبقي اعلمك و هعرفك تمسكيها ازاي جربي بس الوقت
نادين…..ببراءه و سعاده طب اعمل ايه
عسال….بضحك طبلي عليها
فضلت نادين تطبل و تعك
ليله…..يا بت كفايه خبط و انت ياعم خدها منها
عسال……طب هات اغنيه غير دي يا سلامه عشان بتاعا رامي صبري او اي حاجه لاحمد سعد
نعيمه…احمد سعد ايه هي ناقصه نكد
عسال…لا في اغاني حلوه
وقف سلامه الاغنيه و دور في الاغاني
نعيمه….بضحك هو انا ينفع ازغرط
فضل…..بضحك هو انا ينفع اشيل صوتك من زروك عشان تبطلي تضحكي و تزغرطي
ضحكوا كلهمم علي نعيمه
نعيمه…..بضحك و النبي و النبي
فضل……بضحك كان فطسان مش قادر زغرطي ماهو فرح بدأها النبطشي و انتي زغرطي و هو يطبل فين الرقاصه
نعيمه…..بضحك ليله
عشري…..طب احدفك بالسجاير و لا احدفك بره
نعيمه….بضحك حبيبي واخويا مش قصدي انا بفهموا بس طب تقي هي كمان بتعرف
ضحكت تقي و حطت ايدها علي وشها باحراج
ليله فضلت تضحك و هي وقافه و سانده علي كتف عشري
سلامه….يلا حلوه دي
عسال….لا ده مهرجان هات اغنيه
سلامه….والله حلو
عسال….طب هات الاغنيه بتاعتنا
سلامه….انهي
عسال….احنا دوله
سلامه…..بأبتسامه اه تمام
الكل كان واقف بيصورهم
عسال وقف بره الكرسي وسند رجله و حط الطبله عليه نادين كانت مبسوطه اوي التجواء دي بالتحديد كانت اول مره تعيشها فا فرحتها كانت باينه علي وشها.
سلامه….مش لاقيها خد دي حلوه
عسال….هات
شغل سلامه اغنيه بهاء سلطان تعالي ادلعك
اول ما اشتغلت غني عسال و سلامه قدام بعض بطريقه تجنن شقاوتهم و ضحكتهم و اندماج مصطفي و ريهام معاهم كان عامل روح جميله بعد ما اول كلمات خلص بدأ عسال يطبل بطريقه محترفه و جميله
و بعدين شغل اغنيه روقان عسال خطف الجو بشقاوته و ريأكشنات وشه و هو بيغني و بيطبل
نادين كانت مبسوطه جدا و الكل بيضحك و مبسوط
فضلوا علي نفس الوضع ده اكتر من ساعه من اغنيه لاغنيه و مش راضين ميدو يقعد خالص مبسوطين جداً
لحد ما تعبوا شغلوا بقي اغاني هاديه و عاديه و قعدوا.
بص رشيد لايمي كانت مولعه سيجاره خدها من ايدها عشان يرخم عليها
سابتها و مبصتلوش ابتسم بهدوء و مد كفه مسك مناخيرها بصتلوا و بعدين بصت قدامها
مسك كفها و عضها براحه
ابتسمت بهدوء و بردوا مبصتلوش
قرب منها من مره واحده وباس خدها
ضحكت ضحكه بسيطه و بصت للشباك حط ايده في رقبتها مشاها براحه فا مالت و هي غيرانه و بصتلوا
ايمي….بس
رشيد…لا صالحيني و انا اسكت
ايمي…..انا اللي اصالحلك
رشيد….بضحكه جميله لا انا اقصد وافقي يعني انك تصالحيني
ايمي….لا مش موافقه
رشيد……فكي بقي
ايمي…..انا تمام
مسك كفها باسها بحبه و فرد دراعه و قربها من حضنه و باس راسها
رشيد….بهمس بحبك و بخاف عليكي و مقصدتش اني اتعصب بس انا اضايقت لما لاقيتك لسه معاكي الدواء ده
ايمي….بس انا قولتلك اني مش باخده و اكيد مش بكدب عليك
رشيد….طيب و سيباه معاكي ليه يا قلبي
ايمي….هو في الشنطه بس مش باخده و اصلا اتلغبطت و اديت ليله منه
رشيد….طيب اخر مره خدتي منه امته و بصراحه
بصتلوا و بعدين بعدت عينها
ايمي….مش فاكره
رشيد…ايييييمي
ايمي….بتنهيده اول امبارح
رشيد….طب ليه يا قلبي ليه بتاخديه ايه مش عارفه تتأقلمي علي النوم في البيت و لا مش مبسوطه معايا و بتهربي من الضغوطات مثلا
ايمي…..اكيد مش كده يا رشيد
رشيد….طيب قوليلي انتي انا افسر ده ازاي
ايمي….اتعودت انام بالمنون و اتعودت لما تحس بوش في دماغي من اي حاجه حتي لو بسيطه اني اخد المهدئ
رشيد…..و ده مش صح يا ايمي مش صح يا قلبي اسهري و طبقي لحد ما تحسي انك فصلتي هتنامي اشغلي وقتك بأي حاجه مش هتفكري في اي وش بس بلاش القرف ده
ايمي…..بس انا زعلانه منك عشان اتعصبت
رشيد…انا اسف حقك عليا يا احلي ايمي في الدنيا بس انا اتعصبت عشان كنت فاكرك رمتيه خلاص
متزعليش
ايمي….ماشي
رشيد….طب هاتي بوسه
ايمي….بابتسامه لا مش عايزه
رشيد….مش عايزه بوسه مني
ايمي….اممم
رشيد….مش اتصالحنا
ايمي….اه بس لسه زعلانه شويه
رشيد….طب اصالحك انا و اخد بوسه
ضحكت ايمي و هزت راسها ابتسم رشيد و باسها بحب و بعدين خدها في حضنه.
………..
كل اتنين كانوا عمالين يتكلموا مع بعض و الشباب كمان كانوا عمالين يتكلموا نسمه كانت بتتكلم مع سليم من بعيد و تامر و نادر مشاكرينهم الحوار.
نسمه….بابتسامه عدي ممكن نبدل لحظه عشان اعرف اسمعهم
عدي…..بأبتسامه هاديه و فرحه كبيره من جواه تعالي
بصتلها تقي بهدوء و هي بتبرقلها
ضحكت نسمه و قامت وقفت
نسمه….وسعي عشان اخرج
قامت تقي و قفت بره و بصت لعدي
تقي….احممم ادخل
عدي….بصلها بنظره تركيز في عينها ادخلي انتي
تقي….مش بعرف ادخل جوه و ده مكاني
عدي…..ادخلي
بصتلوا تقي بهدوء و ضيقت عينها و بعدين دخلت جوه و هو قعد جنبها
وللحديث بقيه…….
