لقاء كارثي

لقاء كارثي
أميره أسامه
صاحبة البطل الواحد

. البارت المئه 174.

………………………….
” نفس”

في أوقات بنفضل عايشين و إحنا حابسين نفسنا من غير ما ناخد بالنا قلق على حد غالي أزمة صحية محنة طويلة أو خوف كان ضاغط على قلبنا كل يوم لحد ما ييجي خبر صغير يطمنا او حتي نتخلص من ضغط كان مانع النفس يخرج

ساعتها بس بنكتشف إننا كنا فعلاً بنستنشق الهوا بنص روح.

النفس اللي بيخرج بعد الطمأنينة بيكون مختلف طويل هادي وعميق، كأنه خارج شايل معاه أيام كاملة من الخوف والتوتر.

نفس مش مجرد هوا داخل وخارج من الرئة لكنه إحساس بالجسم كله وهو أخيراً بيفك قبضته والكتفين بينزلوا بعد ما كانوا مرفوعين من الخوف والقلب يهدأ بعد ما فضل فترة طويلة مستعد لأسوأ الاحتمالات.

يمكن عشان كده أحياناً أول نفس بعد الخوف بيكون له طعم مختلف نفس تحس فيه إنك رجعت لنفسك وإن الحياة اللي كانت واقفة جواك رجعت تتحرك من تاني.

نفس واحد لكن كأنه بيقولك خلاص اطمن اللي كنت خايف منه عدى.

…………….

نامت ليله في حضن و نام الجميع و انتهت ليلتهم

في صباح يوم جديد

صحيت نغم مكانتش نايمه كويس اوي ملحقتش تنام بعد ما رجعت من عند نعيمه والبنات ولا عرفت اصلا تنام من التوتر بسبب الشعل الجديد و كان باين عليها الارهاق و في نفس الوقت متحمسه قامت خدت شاور و خرجت صلت ركعتين و جهزت و بعدين فتحت الباب بهدوء و خرجت لمحت تامر ساند راسه علي الكنبه لابس و جاهز بس نايم وقفت ثواني و ابتسمت كانت فكراه نايم احمد كملن كان نايم قالها لو لقتيني نايم صحيني قبل ما تنزلي فا تخيلت ان تامر كمان نايم قربت منه بهدوء

نغم….تامر

فتح عينه بسرعه من اول مره و بصلها

نغم….صاح الخير

تامر….صباح النور

نغم….هو انت ليه نايم هنا وليه لابس

تامر….عشان اوصلك بس استنيتك تخرجي فا عيني غمضت شويه

نغم…طيب قوم نام في اوضتك يا تامر انا هروح خليك مرتاح اصلا انت ماحقتش تنام

تامر…..انتي جهزتي يا نغم ؟!

نغم…ايوه بس

تامر….يلا عشان هوصلك انا تمام بس انتي نازله كده

نغم…يعني ايه كده ؟

تامر…لبسك

بصت نغم علي لبسها كانت لابسه بنطلون چينز غامق و توب اسود و فوقيه شيميز اسود بكم و مشمره الكم شويه

نغم…ااا وحش ولا مش مناسب للشغل

تامر…لا ده ولا ده بس التوب نازل شويه