لقاء كارثي

نعيمه…..ربنا يخليك يا توما و يسعد قلبك و ديما اشوفك مبسوط

توما…يارب انا اللي اشوفك مبسوطه و تفرحي باخواتك و افرح بيكي انتي وفضل اللهم امين

فضل…في حياتك يا حبيبي

………..

بعد حوالي ساعتين رجعت نعيمه نجود و امينه و البنات ازواج اخوات عشري و ازواج اخوات فضل و رحاب كانوا موجودين سلمت عليهم و كان باين انها افضل كتير حكتلهم اللي حصل الكل كان مبسوط وفضلوا يدعوا يكمل فرحتها دي علي خير

البيت كان زحمه بس وجودهم فرق كتير و كان مخلي الاجواء مفيهاش فراغ لنعيمه مكانش حد بيديها فرصه تقعد لوحدها او البيت يفضي عليها عشان متتعبش

وكل ده و عشري ناااااايم في سابع نومه من امبارح بليل لا حاسس بصوت ولا دوشه ولا هو هنا نايم نوم عميق و كل شويه ليله تدخل تطمن عليه و تخرج كانت هتتجنن وتصحيه عشان ياكل حاجه بس لما تلاقيه نايم بالشكل ده يصعب عليها تصحيه..

فضلوا قاعدين لحد الساعه ثمانيه و بعدين مشيوا شويه و ايمي و سلمي و ايه كمان البنات اقنعوهم يمشوا

علي الساعه عشره ونص جه رشيد وحسان و باقي الشباب قعدوا شويه و بعدين خدوهم ومشيوا ايمي مكانتش عايزه تمشي و كانت بين نارين بس نعيمه اقنعتها هي والبنات فرحتها بتحسن نسمه كانت طالعه من قلبها ويمكن الفرحه دي طمنتهم و خلتهم وافقوا يمشوا..

جات شيرين و ولادها وعاصم بعد ما مشيوا بدقايق فضل و عسال كانوا موجودين و قعدوا هما مع عاصم و جاسم اخو نادين و شيرين قعدت مع نعيمه ونادين و ليله

صحي عشري في الوقت ده و اول ما قام اتصدم مكانش عارف هما لسه بليل و لا هو نايم من امته كان مفكر نفسه عينه راحت شويه في النوم لكن بص عالتاريخ لقي انه تاني يوم ليله كانت سايبه الموبايل جوه رن عليها ثواني و كانت قدامه

فتحت الباب بهدوء و هي مبتسمه و مترقبه رد فعله بصتلوا براحه من وراء الباب

ليله…..بابتسامه هلا جلبي

عشري…بغيظ شاورلها بصباعه تعااااالي

ليله…صباح الخير يا عمري

عشري…..صباح الخير ؟!!! ليله انتي بتهرجي صح قوليلي اني مش نايم من امبارح والتاريخ عايز يتظبط في الموبايل

ليله….بضحكه جميله اكدب يعني ؟

عشري…..قسما بالله يا ليله انتي بتهرجي انتي بجد سيباني نايم من امبارح

ليله….لا اسيبك تقوم و تسوق وانت مش قادر تقف علي رجلك و يجرالك حاجه هفرح بيك انا ساعتها صح