لقاء كارثي

بصت بسرعه علي صدرها وبصتلوا باحراج و صدمه

نغم…ااااا لا ده عشان كنت موطيه و بصحيك

تامر….قام وقف و بص عليها طيب ارفعيه شويه و اقفلي الزرار ده و متوطيش تاني

بصتلوا ثواني و ابتسمت غصب عنها و هي محرجه و هزت راسها بموافقه

ابتسم تامر ابتسامه بسيطه

نغم….بتوتر اااا طيب انا عم ما جاهزه بس بابا قالي اقولوا قبل ما انزل مش عارفه اخبط عليه ولا اسيبه نايم حرام

تامر…لا سيبيه نايم هو لما يصحي اكيد هيتصل عليكي بس خدي فطارك يلا

شاورلها علي التربيزه كان في مج حراري كده عاملها فيه نسكافيه و توست

نغم…بضحكه جميله محطتليش ليه لانش بوكس بالمره

تامر….بابتسامه جميله رفع حاجبه ايه بتتريقي مش عاجبك

نغم…بضحك لا خلاص عاجبني

تامر…طيب هاتي شنطتك دي كده و خدي حاجتك وكلي

مسك شنطتها وهي خدت المج و الساندوتش و خرجوا من البيت راح جاب الاسانسير

تامر….يلا كلي

نغم….بابتسامه طيب لما ننزل و بعدين انت فين فطارك

تامر…..انا شربت قهوه مش جعان

وصل الاسانسير و دخلوا و نزلوا علي تحت فتح العربيه و ركبوا

تامر…بصلها و هو مبتسم يلا كلي

نغم…..ماشي

بدأت تاكل و هو طلع بالعربيه التوتر كان موجود بس راح شويه من كلامها مع تامر و اهتمامه بيها

تامر….تروحي و تدبطي دنيتك و اول ما تحسي انك عرفتي كل حاجه و استقريتي كده خلاص كلميني او ابعتيلي مسدچ عرفيني عملتي ايه و طمنيني عنك و عرفيني كمان هتخرجي امته من الشغل تمام

نغم…حاضر

تامر…انا مش هتصل عشان مش عايز اوترك بس تكلميني انتي او تبعتي مفهوم

نغم….اوك هكلمك والله هو انت رايح الشغل

تامر…اه هوصلك واطلع انا عالشغل بس عرفيني هتخرجي امته عشان ممكن اجيلك بسرعه

نغم…طيب وتيجي ليه خليك بقي متعطلش نفسك انا هركب واجي

تامر…..انا لو مشغول هقولك مشغول و ارجعي انتي بس عرفيني

نغم…..طيب تمام

تامر…..يلا كملي اكلك

نغم….تامر

تامر…نعم

نغم….هو بابا مش هيروح اي مكان هيفضل لوحده لحد ما نرجع احنا

تامر….هبقي اتصل بيه واشوفه بس هو ممكن ينزل لحماده

نغم….طيب تمام

تامر….ركزي يا نغم و حاولي تستوعبي كل حاجه بتتقالك و متخافيش التوتر ده كله هيروح بعد اول خمس دقايق و حاولي علاقتك بأي حد موجود تكون بحدود يعني مش عايزين دلع

نغم…بابتسامه دلع !!

تامر….اه دلع يعني اي شاب او راجل تحسي انه بيستظرف وقفيه عند حده