لقاء كارثي

لقاء كارثي
أميره أسامه
صاحبة البطل الواحد

. البارت المئه 125.

………………………..

الحب اللي بيستاهل الاحتفال
هو الحب اللي كان سهل يتكسر
واختار انه مايتكسرش حب مشي على أطراف الخوف واتعلم يحضن الوجع من غير ما يسيبه يكبر.

حب اتأخر وتعب وتاه شوية و كان في وقعات و صدمات.

بس عشان الحب كان قوي عمره ما نسي الطريق

في كل مرة الدنيا كانت بتضيق عليهم يقربوا أكتر وفي كل مرة الصمت يطول كان القلب هو اللي يتكلم.

حبها ليه مطلبش الكمال لكن
طلب الأمان و هو لبي الطلب من غير ما لسانها ينطقه

حبها ليه مطلبش وعود كبيرة لكن
طلب وجود حقيقي و هو كان ديماً موجود من غير ما تطلب

و الحب اللي اتعرض لكل الاختبارات
اللي بتخلي الناس تمشي
والقلوب تقفل والوعود تتنسى

كان ممكن ينتهي عند أول تعب
أول خوف أول لحظة شك
لكنه منتهاش.

اختار يفضل و يكمل واللي يوصل للحظة زي دي ما بيكونش كسب حب بس ده بيكون كسب معركة كاملة.

والنهارده الحب ده مش واقف قدام الناس علشان يتفرجوا عليه لكن
واقف علشان يقول..

احنا فضلنا نختار بعض
لحد ما الاختيار بقى حقيقه و حياة.
يوم يستاهل الفرح مش لأن النهاية سعيدة لكن لأن الرحلة كانت صادقة.

………………

نزلوا البنات كلهم علي تحت معاهم شنطهم و فساتينهم و كل الحاجه بتاعتهم الشباب كانوا في انتظارهم تحت خدوا منهم الشنط حطوها في العربيه عشري كان واقف لابس ترنج رياضي و نضاره شمس و شكله زي القمر واقف السيجاره في ايده مع الشباب و مستني ليله تنزل..

سلموا البنات عليهم كلهم و وقفوا يهزروا و يضحكوا.

ايمي….مبروك يا عرييييس

عشري….بضحكه تجنن الله يبارك فيكي يا احلي ايمي

سلمي…..مبروك يا عشري

عشري…عقبالك يالومي انتي و حسان يارب قريب

فضل….بنات في شنط تاني ولا كده تمام

ايه…..بيتهيألي تمام كده حد فيكم ناسي حاجه يا بنات

سلامه…اه اتاكدوا مش هنعرف نرجع تاني

ايمي….بقولكم ايه انتوا هتمشوا ولا هتفضلوا معانا

عشري….لا محدش فينا هيمشي سليم و عدي بس هيجوا معانا عشان هنظبط مع بعض حجات و بعدين هيرجعوا عالبيت هيعملوا حاجه برضو و يجوا تاني

ايمي….ايوه بس انتوا هتكملوا

عشري….اه طبعاً لينا الاوض بتاعتنا هناك و هظبط نفسنا و نجهز مش هنرجع تاني

ايمي…..طيب كويس