لقاء كارثي

عشري…بضحك ماشي يا ستي اقعدي يلا و اتمني تاكلي زي الناس

ليله….علي فكره انا قولتلك مش جعانه و مش قادره بس انت مصمم فا هاكل عشانك بس سيبني اكل اللي اقدر عليه

عشري…ماشي كلي براحتك

بداوا الاكل كان اول مره يحس انها مكسوفه تاكل كمان او من كتر ما هي متوتره مكانتش عارفه تتعامل بطبيعتها بس سابها براحتها قام جاب كوبايه و مايه ورجع تاني قعد

عشري…..بابتسامه كان بيحاول يرغي في اي حاجه عشان يفكها
بقولك ايه

ليله…..نعم

عشري…..لو عايزه تبقي تطمني علي اخواتك و البنات كلميهم اخواتك اكيد لسه صاحيين يعني او تلاقيهم لسه واصلين

ليله……اه هما مش بينامو الوقت اصلا و اكيد لسه واصلين

عشري….خلاص كلي و اطمني عليهم

ليله….ماشي

دقيقتين كده و سابت الاكلو

عشري…..كده كلتي

ليله….والله شبعانه يا عشري من اول اليوم انا كلت بس عشان متزعلش و تاكل

عشري….بابتسامه ماشي انا كمان كلت

ليله…بطل لعب عيال وكل انا قاعده جنبك

عشري…..بحب لا ماهو انا اصلا شبعان كنت بضحك عليكي بس عشان تاكلي انما انا مش قادر بصي روحي كلمي اميمه طمنيها عليكي واطمني عليها وانا هشيل الاكل ده واعمل قهوه هعملك ماشي

ليله…..اوك هتعرف تشيل الاكل

عشري…..بابتسامه عيب عليكي هبهرك

ضحكت ليله و قامت من علي الكرسي راحت قعدت علي الكنبه قدام الشاشه و مسكت الموبايل

وهو وقف يظبط الدنيا يعمل قهوه.

اميمه…..ايوه يا نور عيني عامله ايه

ليله…..بابتيامه بخير يا قلبي طمنيني عليكي روحتي

اميمه….لسه اهو من خمس دقايق مقاعتش حتي

ليله…..قمر معاكي

اميمه….لا روحت بيتها المهم انتي كويسه

ليله…..زي الفل متقلقيش انا بس قولت اطمن عليكي واشوفكم روحتوا ولا لا

اميمه….اه مشينا كلنا وراء بعض متقلقيش

ليله….ماشي يا حبيبتي

اميمه…..كلي يا ليله هاا كلي انتي مكلتيش خالص

ليله…..كلت والله يا قلبي الحمد لله

اميمه……طيب يا قلب اختك كلميني لما تعرفي يا لياه ها و طمنيني عليكي

ليله….بابتسامه حاضر يا حبيبتي بكره باذن الله لما اصحي هتصل عليكي المهم ابقي اطمني علي قمر و عرفيها اني سالت عليها

اميمه….حاضر يا نور عيني متفكريش بقي في اي حد و خليكي في نفسك اتبسطي و افرحي يا ليله هااا

ليله….بحب حاضر يا قلبي يلا بوسي حمزه ونوح بكره هتصل عليكي