لقاء كارثي

اجواءه و طريقته و اللذاذه بتاعته خطفت الانظار و هو واقف مع ليله في النص بيطبل علي الطبله الازاز بتاعته وهي بترقص و البنات بيرقصوا حواليها و نادين بتضحك و بترقص وفرحانه و عينها علي ميدو بسعاده متتوصفش مسك نادين من ايدها و سحبها من وسط دايرة البنات دخلها لليله و رقصهم مع بعض و غنوا مع الاغنيه كاهم و هما عمالين يشاورا علي ليله..

لما وزعوا اللذاذه خدتي اكتر ماللزوم
لما صوروا المذاذه جم عليكي و عملوا زوم كل الناس سألت لماذا في الجمال ملكيش مثيل في قانون للجاذبيه راجعوا منهج العلوم..

طبل عسال طبله خلت الكل بقي يرقص و بقي يطبل مع الاغنيه بكل احتراف و الكل بيصور و مبسوط و البنات يغنوا لليله و اميمه و قمر عمالين يزغرطوا ايمي مسكت زوزو و طلعتها ترقص معاهم هي والبنات

خدتها ليله ورقصت معاها و بعد كده طلعت اخواتها

ضحكتهم مكانتش مفارقه ملامحهم
طول الوقت الضحكه ملازماهم فرحه بجد جبراهم يبتسموا و ميوقفوش .

اشتغلت اغنيه احمد سعد (مكسرات)
شعلل ميدو الجو علي الاخر و طلع عشري و الشباب كلهم و اتجننوا مع بعض و كانت فقره تجنن و ليها تأثير خاص عليهم خلي عشري و ليله في النص وهو معاهم و كلهم حواليهم بيرقصوا.

عدي كان مبتسم و هي تقي عماله ترقص مع وليد و فرحان بيها

سلامه خد ميدو و طلعوا يقف فوق في مكان اعلي من الاستيدچ الس بيرقصوا عليه كان فرحان بميدو اوي زي الاب الي فرحان بابنه وهو منطلق في اي مناسبه.

طلع ميدو وقف فوق و اشتغلت اغنيه بهاء سلطان تعالي ادلعك كان واقفي يغني و يطبل و ريأكشنات وشه تجنن كان عمال يغني لنادين وهي تضحك و مبسوطه عمال يرقصلها بكتفه الشقاوه الي كان فيها تجنن ليله رقصت مع عشري و كل بنت فيهم بقت ترقص مع نصها التاني .

الاجواء كانت تجنن اتنين مصورين تبع المكان بيجروا في كل مكان عشان ميفتوش اي لحظه الدرون طاير فوقهم بيصورهم من فوق بتاع عدي عمال يصور بيه هو وسليم.

غير الفوتوغرافر اللي مش سايب اي تفصيله..

خلص ميدو وهو بينهج و عرق خالص عشري قرب منه و حضنوا الاتنين بعض حضن يجنن

عشري…بحب تسلم ايديك قلب اخوك

عسال….بحب مبروك يا غالي مبروك يا اخويا

عشري…. بضحكه تجنن حبيب يا ميدو حضنوا بعض تاني و بعدين كملوا فرحهم خدوا بريك شويه وجه وقت البوفيه و بدأ الاكل ينزل كان في اصناف تجنن ليله مكانتش قادره تاكل حاسه انها من الفرحه شبعانه شربت مايه و شربت عصير رخم عليها عشري شويه عشان تاكل حتي لو حاجه بسيطه