لقاء كارثي

فتح اوضه النوم و بصلها كانت مبتسمه و عماله تبعد عينها عنه بتوتر بصت علي الاوضه كانت مفروشه بشكل يجنن السرير مليان ورد نفس غرف الفنادق في علي جنب شالزونج شكله يجنن و ده كان جديد حتي الكنبه و الكرسيين متغيرين شكلهم اجمل و بعد كده خدها من ايدها علي الدريسنج

عشري…..رفع حاجبه غمضي عينك

ليله…..هقع

عشري…مش هتقعي متخافيش

غمضت بهدوء و هي بتاخد نفس عميق و مشيت معاه براحه

عشري….فتحي

بصت ليله علي شكل الدريسنج من بره

ليله……هو الدريسنج اكبر ولا انا بيتهيألي

عشري……بابتسامه لا اكبر انا قولت بقي انا لبسي كتير و عارف انكم مفتررين و بتدوا الراجل درفه واحده بدل ما احط حاجتي في كراتين و نقفش في بعض ازوده

ليله….بضحك عملت طيب برضوا انا حاجتي كتير

عشري…طيب بصي بقي وراكي كده

دخلت لياه اكتر وبصت للنص التاني من الدريسنج وراها لقته عاملها مكان خاص للميكب مرايتين طوال علي الجنبين كلها اضاءه و في النص زي تسريحه و كرسي ستان لونه اوف وايت و تصميم رفوف يجنن عليه كل الميكب و البرفانات و كل حاجتها و تابلوهات شكلها يجنن عليها صور ميكب روچ

ليله…..بابتسامه واسعه بصتلوا انت عملتوا

عشري….بضحك ابن الجزمه ده اللي كان وش امه نحس علينا قولت لازم اخلص منه اول حاجه كل ما ننوي نروح نجيبه تحصل مصيبه

ليله….بضحك حصل يوم ما كنا رايحين نتفرج عليه حصلت بينا اول مشكله

عشري…..طب افتكري حاجه عدله عشان ميدو الواطي مطلع علينا سمعه اننا نحس

ليله….بضحك لا خلاص مش هتكلم

عشري…..يلا تعالي علي فكره نوني و نادين وايه هما اللي ظبطوا كل حاجتك حطولك لبسك و هما اللي ظبطوا الميكب انا مليش دعوه يعني اي حاجه متلاقيهاش اساليهم عليها اكيد هما فاكرين عملوا ايه

ليله….متقلقش هما قالولي يعني حطوا ايه فين و انا فاكره شويه هتعامل بعني متقلقش

عشري…طيب تعالي بقي افرجك علي حاجه حلوه اوي

خرجت في ايده وقفها قدام الحائط الزجاج بتاع الحمام و ضحك

ليله……ااااااه جينا بقي للمهم عملت ايه هنا بالذات فرحني وقولي انك لغيت الفكره المهببه دي

عشري…..بضحك لا خالص انا عملت ريموت من بره عشان لو قفلتي من جوه افتح انا من بره

ليله…..ضحكت و هي مصدومه قولي انك بتهرج

عشري….بضحك والله ابداً اهو فتح بالريموت الستاره اترفعت بهدوء ابقي وريني بقي هتهربي مني ازاي