لقاء كارثي
لقاء كارثي
ادهم….بضحك اه ده عايز معجزه لازم ندعي كلنا
عدي……هندعي و المعجزه هتحصل متقلقش قولولي محتاجين اي حاجه
ادهم…..سلامتك يا حبيبي
حدوته….كله تمام متقلقش احنا مش ضيوف ها يعني في الخدمه لو محتاج اي حاجه هنتعامل
عدي…..طبعاً مش ضيوف انا هلف لفه كده و ارجعلكم
ادهم….خد راحتك
عدي…..بهدوء بص لتقي و ابتسم تقي ممكن لحظه
تقي…..اه اكيد ثواني وجايه
تمارا….ماشي يا قلبي
مشيت تقي بهدوء وراء عدي و هي بتبص بعينها علي وليد و امها و عماتها كانت متوتره اوي.
عدي……من غير ما يبصلها ايه اللي انتي لبساه ده ؟
تقي…..اااا ماله
عدي…..بصلها بنظره غضب و رجع بص قدامه يعني ايه ماله مبصتيش علي نفسك بلاش مبصتيش علي نفسك و انتي بتجيبي الفستان كان بالنسبالك عادي
تقي…..عدي طيب ممكن نأجل الكلام الوقت عشان انا متوتره و خايفه حد يشوفني
عدي……طيب بصي هتعصبيني هضايقك تمام امشي
مشيت وبعدوا شويه من المكان خالص و دخلوا في مكان جانبي اهدا شويه بس الناس رايحه جايه فيه عادي.
وقق عدي و بصلها بصتلوا بهدوء و هي عينها رايحه جايه علي الناس.
عدي….ايه اللي انتي لبساه ده
تقي….فستان
عدي…..والله مش بدلة رقص يعني
تقي….عدي
عدي…..عدي ايه وقرف ايه انتي مقتنعه ان ده فستان يا تقي
تقي……يعني ماله يا عدي احنا في فرح و مناسبه يعني
عدي….مفيش يعني انتي ازاي بجد لبستي الفستان ده
تقي……عدي انا مكنتش اعرف انه هيضايقك و انت اصلا مقولتليش و انا رايحه اي حاجه
عدي…..هو انا لازم اقولك لازم اديكي قايمه بشكل الفستان اللي المفروض يتلبس
تقي…..لا بس كمان مكنتش اعرف انك هتضايق اوي كده
عدي…..يعني ايه مكنتيش تعرفي كنتي متخيله مثلا ان القرف اللي انتي لبساه ده هيعجبني
تقي……قرف !!
عدي…..اه قرف ماهو ده مش فستان ولا ده منظر ابقي قابل بيه قصير و عريان و شكلك ملفت
تقي…..تمام يا عدي و لبستوا خلاص تقدر تقولي عصبيتك دي هتغير ايه؟
عدي….ايه امر واقع هو يعني؟
تقي…..مقولتش انه امر واقع بس فعلا انا لبستوا خلاص و اكيد مش معايا غيره عشان اغيره
عدي…..صح و المفروض اني احط في بوئي جزمه قديمه واسكت و ارضي و متكلمش ولا اعترض صح
تقي…..لا مش صح انت واقف متعصب و بتتكلم و بتعترض و بتتخانق معايا كمان في حاجه مش هعرف اغيرهايعني مش ساكت ولا حاجه و بعدين انا في مناسبه يا عدي و اصلا دي طريقه لبسي
