لقاء كارثي
لقاء كارثي
ليله…. بابتسامه اااا يلا
عشري…..يلا يا حبيبي
قام وقف قدامها و هي وقفت وراه و بدأ عشري الصلاه كانوا بيصلوا ركعتين يبدأوا بيهم حياتهم مع بعض
قلبها كان عمال يدق بعنف بس كانت مبسوطه اوي فضل عشري ساجد شويه عمال يدعي و هي كمان عماله تدعي من قلبها و بعدين قام كمل ثواني و كانوا مسلمين عدل نفسه وبصلها وهي فضلت بصاله
ابتسم عشري و حط ايده علي راسها بحب عينه كانت في عينها و هو بيدعي.
عشري…..اللهم بارك لنا في زواجنا واجعل بيننا مودة ورحمة ووفقنا لما تحب وترضى واجعل بيوتنا سكناً وطمأنينة وارزقنا الذرية الصالحة
اللهم اجمع بيننا في خير واصرف عنا الشيطان واكتب لنا السعادة والراحة والرضا ابتسم و مسكها من مناخيرها
ليله…..بتأثر واضح و عيون بتلمع ابتسمت امين
قام وقف ومدلها كفها مسكت فيه واول ما قامت باس راسها و ضمها ضمه طويله غمضت عينها و فضلت ضماه و عماله تمشي كفها علي رقبته و راسه.
عشري…..بهمس يلا بينا نروح نشوف الاكل بقي
ليله….حاضر يلا
لبس عشري الشبشب بتاعه و هي لبست الصندل و خرجوا مسكها عشري من كفها رجعها ليه
بصتلوا بصدمه و قلبها دق فكرته هياخدها علي الاوضه
عشري…..ابتسم طيب مش نقلع الاسدال بقي
بصتلوا باحراج و ابتسمت وهزت راسها بلأ
ضحك عليها و نزلها الطرحه و فتحت السوسته و بعدين سحب الاسدال بهدوء و قلعها ابتسمت و هي عينها رايحه جايه بكسوف
غمض عشري عينه و حرك ايده علي راسه مقدرش يقاوم بس حاول
عشري…. بضحكه جميله اااا اهو كده
ليله…..خليك مؤدب انا متوتره خلقه بلاش توترني
عشري…..بضحك خلاص مش هوترك بس شكلك زي القمر علي فكره يعني
ليله….طيب يلا امشي
عشري….امشي انتي الاول
ليله….لا امشي قدامي
عشري….بضحك مش هبص
ليله…..خليك مؤدب واتحرك قدامي و الله اروح البسلك ترنج
عشري….بضحك لا وعلي ايه خلاص يلا بينا.
خدها وراحوا علي المطبخ مكانش قادر يقاوم انا ميبصلهاش بس مكانش حابب يوترها فكان بيسرق نظراته ليها وهي مش واخده بالها.
جهزوا الاكل مع بعض او عشري اللي جهز اكتر .
عشري….اممم ناكل فين بقي علي السفره ولا هنا علي البار و لا نروح عند التلفزيون
ليله…..لا بلاش التلفزيون خلينا هنا حلو
عشري….بضحك ايه بقيتي تتشائمي
ليله…..حلوه كده طيبه هلي اليوم يعدي علي خير
