لقاء كارثي

شكل التربيزات والكراسي والدركورات و والورود و اللي ماليه المكان كور النور اللي عماله تدور و توزع نورها في المكان كله بيقول ان في حدث ضخم هيحصل بعد وقت بسيط..

المباخر الكبيره اللي كانت محطوه في كل مكان و ريحة العود ماليه المكان و كان في اتنين منهم محطوطين علي الجنبين بتوع الدرج مكان ما ليله هتنزل..

بدأ صحاب عدي و سليم و الشباب كلهم يوصلوا معارف عشري و الشباب المعارف المهمه اصحاب التوكيلات و ناس تقيله زباينهم في المعارض و زباينهم في الكافيهات.

بدأ اهل عشري يوصلوا و معارفهم من سيناء و كلهم بزيهم الرسمي البدوي شيوخ قبائل و ناس تقيله في سيناء.

معارف البنات كمان كانوا كتير و هما كمان بدأوا يوصلوا معارف شغل و ناس مهمه و بنات كتير صحابهم و اصحاب شغل

و كان فيهم رتب من ضمنهم حسين اللي مترددش لحظه لما عزمتوا ليله و ناس تانيه كتير من معارف نادين اللي بتتعامل معاهم هي والبنات بخصوص الشقق والعقارات و كام حد من جيرانهم و علي رأسهم نور الشاب الي ساكن تحتهم

وناس تبع ايمي و ليله معارفهم الخاصه و اصحاب الشركه اللي كانوا شغالين فيها في الامارات .
اهل الشباب رشيد و حسان

و اهل مرات عمر و مرات سليمان و خطيبه محمود واهلها .

صحاب تقي اللي عدي كان عارف انها عزماهم و علي راسهم حدوته و ادهم و تمارا استقباهم هو و وليد بحكم انه يعرف ادهم وتمارا و كان اول مره يتعرف علي حدوته كان شاب باين عليه انه ابن ناس بس طريقته و هزاره كان فيه من مصطفي حس عدي انه لذيذ و طريقته بالنسباله كانت مريحه و مبقاش حاسس بغيره منه خصوصا بعد ما عرف شعور تقي من ناحيته.

عشري والشباب و اهله و اهل ليله كانوا عمالين يستقبلوا في الناس و بدأ المكان يبقي ليه روح بجد و يتملي

الناس مكانش ليها عدد ليله اللي كانت رافضه تعمل فرح كبير عشان حاسه انها ملهاش غير اخواتها و مكانتش عايزه وليد يحس بالوحده وهو واقف بطوله مكانتش تعرف ان الناس الي بتحبها عددهم بالشكل ده مكانتش تعرف ان كل دول هيجوا و يبقوا معاها ويفرحولها من قلبهم
و يمكن وقفتهم معاها احسن من وقفت القريب.

المنظر كان مبهج بجد الاغلب من البنات لابسين دريسات جولد و الشباب والرجاله بدل.

الدعوات اللي اتوزعت علي الكل كان مكتوب فيها ملحوظه في الاخر

ان الدريس كود الرسمي بدل للرجال و دريس جولد للبنات و اللي مش حابب ليه حريه الاختيار ..