لقاء كارثي
لقاء كارثي
عشري…..قلبي !!!
كاهم كانوا واقعين من الضحك بعد ما خرج
عشري…بصلهم بصدمه و بص لليله اللي كانت ماسكه نفسها بالعافيه ايييييييه ده
ليله….بضحك والله انت و هما بتستعبطوا عمالين تضحكوا قدام الراجل
عشري……هو فين الراجل ده ؟
ايمي….بضحك والله عشري هيموتني
رشيد…..بضحك والله شكله طيب
عشري….مبسوط انت اوي
ايمي…..خد بالك والله يا عشري توما طيب و محترم اوي
عشري….علي راسي بس انا مش فاهمه هو مش متبعنا صح
ايمي….بضحك لا والله تبعكم هو بس طريقته كده علي فكره توما ابن ناس اوي و كلاس جدا و دي طريقته اصلا بس هو مش بنوته يعني
نعيمه….بضحك هو يمكن كمان عشان شغله مع ستات و بس
ليله….والله العظيم جدع و طيب و غلبان و محترم اوي هو زي ما قالوا طبيعه شغله اكيد مأثره عليه كمان هو طريقته كده بس توما متجوز و مخلف علي فكره
عسال…..بضحك عشري هيموتني بجد
عشري….انا اتخضيت و انا داخل عليكم اصلا فكرت صوته صوت بنت
سلامه…..وانا والله لما دخل فكرته متحول
ليله…..بضحك اخس عليكم والله ده عسل
عشري….هو احسن حاجه في الموضوع اني هطمن عليه معاكم يعني مفيش خوف منه
دخل عدي و سليم.
عدي…..يا شباب معلش عايزينكم بره بقي عشان الفوتوغرافر طالبكم تاخدوا كام صوره كده و شويه و هيجي للبنات ماشي
رشيد….طيب يلا خلونا نخرج بقي عشان هما كمان يجهزوا نفسهم
خرج الشباب كلهم و البنات راحوا علي الاماكن بتاعتهم و طلعوا شنطهم و بدأوا يجهزوا نفسهم.
الشباب راحوا مع المصور خدوا صور كتير بره و جوه اوضهم و بعدين رجع للبنات خدلهم صور
و خد ليله و عشري اتصوروا كام صوره قبل ما يجهزوا
و بعد كده ليله راحت علي اوضتها و منع توما عنها اي حد زي ما قال
وبدأ التيم بتاع توما يتوزع علي اوض البنات كل اتنين كانوا في اوضه مع بعض و ايمي كان معاها چوي بس
شويه و عدي و سليم مشيوا الشباب كمان راحوا علي اوضهم
المصور كان ملازم الكل طول اليوم بيصور مراحل تجهيزهم كامله و هو الوحيد اللي كان بيدخل عند ليله يلقطلها كام صور من تجهيزها .
الجو العام كان يجنن الموسيقي في كل الاوض كانت واحده السوند سيستم متوصل بالاوض كلها نفس الموسيقي الهاديه اللي عامله جو يجنن مع المكان .
عدي و سليم راحوا علي بيت ليله خدوا العربيه بتاعتها ركبها سليم و طلعوا علي زايد..
