لقاء كـ،ـ،ـارثي

صاحبة البطل الواحد

.البارت الرابع و الخمسين .

…………………….

يوم الاحد الكل اتجمع علي الساعه سته عند ايمي و رشيد اليوم كان
بيمر بسرعه جداً

في البدايه اطمنوا علي حسان اللي كان أفضل كتير كان واضح اهتمام سلمي بيه طول الوقت في قعدتها جنبه في كفها اللي شابك في كفه في احتياجه لاي حاجه مايه عصير شاي .

اطمنوا كمان علي عشري اللي كان واضح عليه التعب و الحزن مطفي ملامحه كلها ضعف و كسره مفيش روح ارهاق واضح..

حاول الكل يهون عليه ايه وسلامه يضحكوا وبعد وقت بسيط

و بعدين فتحت ابمي معاهم موضوع فرح امنيه كانت مضايقه بس الشباب قالولها متضايقش و متحاولش تبين ده لاختها و عشري كمان مضايقش خالص ولا كان فارق معاه اصلاً

قعدوا قدام نادين كلهم يسمعوا اللي عندها واولهم عشري اللي كان فضوله بيقتلوا.

رشيد…..ها يا نودي قوليلنا بقي مجمعانا ليه انهارده مش عارف ليه حاسس انك عارفه اي حاجه عن ليله.

نادين…..والله العظيم ابداً انا لو اعرف مش هسيبكم كده اكيد انا محتاجه بس اتكلم معاكم في موضوع و اخد رأيكم فيه و نتناقش مع بعض مش اكتر

رشيد….طيب يلا قولي سامعينك

ايمي….خير يا نودي في ايه

نادين…..كانت حاسه بتوتر اااا طيب بصوا مبدأياً كده هنتفق كام أتفاق مع بعض

فضل…..ده واضح ان الموضوع كبير

نادين…..صراحه اه اول حاجه انا عايزه اتكلم ومش عايزه اي حد يوترني و يقاطعني افهموني للاخر و بعدين نتناقش و ياريت المناقشه تكون بهدوء

عسال…..ايه يا حبيبي في ايه اكيد بهدوء مش هنتخانق يعني

نادين….عارفه بس كمان اللي هقولوا فكره مش عاديه و انا عارفه كويس اني هشوف ردود افعال غريبه
و مقلقه من البنات بالذات

ايمي….اتكلمي محدش هيعمل حاجه متقلقيش

نادين….انا اصلا مقلقه منك انتي اول واحده عشان عارفه انك مش هتوافقي

ايمي…اه يبقي في مصيبه

نادين….اه مصيبه و ادوني الامان عشان اقدر اقول

رشيد….قولي يا نودي محدش هيعمل اي حاجه

عشري….اتكلمني يا نادين متقلقيش

سلامه….بابتسامه انتي بعد كلامك ده هتهلي الكل يبقي مستحلفلك

حسان…..لا بصي يا نودي انتي بتقولي عندك فكره و محتاجه مناقشه يعني بهدوء كده لو معجبتش حد هنتناقش بهدوء او تترفض بهدوء.

عسال….يلا يا حبيبي قولي في ايه بقي كلنا عندنا فضول نعرف و محدش هيقاطعك

نادين…اه ياريت اسمعوني للاخر و بعدين علقوا براحتكم

ايمي….طيب يلا قولي في ايه؟

نادين……ااااااا بصوا اولاً اللي هقوله ده لو مكانش في مصلحة ليله اولاً مكنتش هقولوا ثانياً لو عندي شك واحد في الميه من حب عشري لليله بردوا مكنتش هقولوا.

مبدأياً كده الموقف اللي حاصل مش سهل و بردوا مش صعب بس عند ليله صعب و جايز يكون مستحيل

ليله مهما غابت يا عشري هترجع و هتبقي اقوي من الاول وقعت كتير قبل كده و كل واقعه كانت بترجع اقوي بس المرادي عشان انا عارفه ليله قد ايه حبيتك وقعتها مش سهله ليله..

الحاجه الوحيده اللي انا واثقه منها ان لو كان الموضوع في انك خبيت عليها او بتفكيرها هي انك كدبت و خونتها يمكن لما كانت هديت شويه كانت هتسامح و مش بس كده ليله كانت هتزعل منك بس من غير ما تبعد او تختفي ..

اللي وجع ليله و وصلها لحاجه زي دي انها معرفتش منك و عرفت من مريم و مش بس كده مريم كدبت عليها في حجات كتير زي انك خطبت ليله و انت لسه معاها زي انكم كنتوا بتحبوا بعض و بينكم علاقه جميله و ليله هي اللي دخلت بوظت حياتكم و انها كانت عارفه انك خاطب و كملت و بسبب ليله انت سيبتها زي ان الشقه كانت اختيار مريم من الاول للاخر و علي ذوقها و هي عارفه انها كانت اول حد يدخل الشقه..

و فوق كل ده مريم هانت ليله و وجعتها عايرتها بحاجه ملهاش ذنب فيها قالتلها ان ابوها واهلها طول عمرهم بيستعروا منها هي و امها واخواتها قالتلها ان انت زي والدها مضحكوك عليك قالتلها ان هي طمعانه فيك و اظن كل ده احنا سمعناه من ليله يومها و شوفنا وهي بتحكي كانت موجوعه ازاي.

و قالتلك يا عشري عسان خاطرك وعشان حبها ليك كانت ممكن لاول مره تتنازل عن الكدب و الخيانه و تعتبرهم غلطه وتصدقك بس هي مش هتسامح في اهانتها ..

و دي حاجه انا واثقه منها انا والبنات ليله بتحبك يا عشري و بتحبك اوي بس اهانت مريم ليها ليله هتشيلهالك و لو كانت هتفكر انها تسامح في الكدبه دي و الخيانه مش هتسامح في الاهانه

عشري…..مش عايز اقاطعك انا يمكن كدبت و مش هقول يا ستي اني مكنتش قاصد بس انا مخونتش

نادين….صح بس ليله في وسط كلتمها سالتك يا عشري كنت بتكلمها لما تطلع اوضتك كنت بتحب فيها كنت بتقولها نفس اللي بتقولوا ليا

ليله بنت يا عشري و زينا كلنا و احنا تفكيرنا غيركم و لما بنقعد مع نفسنا بنتخيل حجات و بنصدقها هي متعرفش اللي بينكم ولا سمعتك اصلا واشك انها ركزت في كلامك من وجعها بس كل اللي في دماغها حالياً انك خنتها مع كلام مريم انكم كنتوا بعض كويسين بيأكد انك خنتها مع كلامها ان الشقه دي من اختيارها و دخلتها و كنتوا هتتجوزوا بيأكد انك خنتها فا هي شيلتلك اهانه مريم و كدبك و خيانتك من وجهه نظرها وفوق كل ده الشباب و اهلك يعني باختصار ليله حست انها المغفله في الموضوع ده كله..

و ثقة ليله فيك مكانش ليها حدود عشان كده كسرتها مش سهل انك تصلحها إلا بطريقه واحده

عشري…..ايه هي وانا مستعد ؟

نادبن….بهدوء بص يا عشري ليله لما هترجع لو حبها ليك منعها انه تأذيك او تنتقم منك هتتجاهلك او مش هتتجمع بيك في مكان واحد او يمكن تعمل العكس بس تحسسك انك غريب و قرارها في انها مترجعش ليك مش هيتغير و عشان كده مفيش غير حل واحد الحل ده انا روحت امبارح و اتكلمت فيه مع اميمه و قمر و طلبت منهم يتكلموا فيه مع وليد و احمد وسامح و اكيد هيستنوا انك تتكلم معاهم يمكن وليد يخاف و يرفض لانه عارف ليله بس لو انت وافقت هتقنعوا.

ايمي…..وايه هو الحل ده بقي ؟

نادين…..اااااااا

ايمي….ما تخلصي

نادين….طيب هقول و محدش يقاطعني و انا بشهدكم اهو مش عايزه اي واحده فيهم تتكلم معايا كلمه اللي هيرفض او شخاف من ليله يطلع منها و انا مستعده اشيل اللياه كلها قدام ليله و اللي يحصل يحصل

ايمي….يابت اخلصي قولي مش هاجي جنبك

عشري….بهدوء قولي يا نادين انا سامعك و محدش هيتكلم

نادين…..عشري انت لازم تتجوز ليله و من غير ما تعرف

بصلها عشري بصدمه و الكل كمان بصلها بصدمه حتي عسال

عسال….انتي بتقولي ايه؟

سلمي….انتي عبيطه يا نادين

نعيمه….هو ايه اللي يتجوزها من غير ما تعرف انتي هبله يا بت

نادين….بتوتر قامت وقفت انا قولت
محدش يقاطعني اسمعوني للاخر
انا بقالي يومين بفكر في الموضوع ده و تقريباً كده خططت ليه كويس

بصوا هنا كده كده كانوا هبتجوزوا بعد رجوع ايمي و رشيد من شهر العسل يعني النفروض كان فاضل علب جوازهم اسبوعين عشر ايام بالكتير و ليله كانت موافقه و فرحانه يمكن هي الوقت هتقول لا و مش عايزه وبكره عشري بس خلينا متفقين ان ده كلام ليله بتعشق عشري.

كل اللي هيحصل ان عشري هيتكلم مع اخواتها تاني و يتفقوا لان هما اصلا مش زعلانين منه و واثقين انه شاري ليله و بيحبها مبدأياً اميمه وقمر موافقين فاضل بس وليد عشان يكون هو وكيلها.

اولاً اللي بقوله ده مش هيحصل غير لما ليله ترجع و نشوف رد فعلها لو حسينا ان ليله هديت عندها قبول تسمع و في امل انها تسامح ننسي اللي بقوله خالص و عشري هيتكلم معاها و احنا كمان و نصالحهم

بس انا واثقه ان ده مش هيحصل ليله هترجع حد تاني و بكره تقولوا نادين قالت كرامتها هتمنعها عزة نفسها هتمنعها لو هتموت من غير عشري مش هترجعلوا ليله موضوعها معاك اتعرف قدام المل ودي من ضمن الحجات اللي هتخلي ليله تعند اكتر لان ليله بتحب مشاكلها الشخصيه متخرجش بره الشخص اللي مضايقه منه و بما انها خرجت فا مستحيل كرامتها تسمحلها.

و في الوقت ده معندناش حل غير اللي قولته و زي ما قولت انا مخططه لكل حاجه هتتفق مع اخواتها وهتروح انت وبباك و اخواتك و الشباب و هتكتب كتابك عليها في بيت اميمه و هتستني الوقت المناسب و تاخدها غصب بقي رضا احنا نتفق اننا خارجين او رايحين مكان و انت تاخدها مننا علي شقتك او اي مكان تاني انا هجهزله ليكم وبمجرد ما ليله تبقي معاك متخرجش من المكان ولا انت تسيبها لحظه غير لما تسمعك و توافق وترضي و تسامح و ترجعوا زي الاول واحسن .

بالنسبه للمأذون و طلباته سيبها عليا اولاً قدام المأذون العروسه هتبقي مسافره و هتتجوظك بتوكيل اولاً ليله عامله توكيل عام لوليد من ايام ما ولدتها اتوفت عشان هو و اخواته البنات اتفقوا ان الشقه تبقي باسمها لان هي الصغيره و الوحديه اللي فيهم متجوزتش و الكل اتنازل بجد عن البيت و عملت هي توكيل و بعتته لوليد و من وقتها انا عارفه ان ليله ملغتهوش ثانياً مش عارفه في الحاله دي ممكن تحتاجوا البطاقه ولا لأ بس لو هتحتاجوها دي كمان سيبها عليا انا هقدر اخد البطاقه من شنطتها بطريقتي …

ثالثاً وده الاهم التوكيل اللي مع وليد مظنش انه هينفع في الجواز اوي لان لو العروسه مسافره الماذون بيحتاج توكيل منها بموافقتها علي الجواز علي امضتها و بصمتها ودي كمان عليا..

هنجهز كل حاجه و بمجرد ما ترجع و هي لسه في حالتها دي هطلب من ليله و من البنات كمان انهم بوقعوا علي شوبه ورق خاص بشغلنا و الوىق ده هيبقي مجرد وهمي في وسط الورق ده في توكيل بموافقتا بالجواز من عشري و موافقتها ان وليد يكون وكيلها.

اخر حاجه انا بعد كل ده كنت بفكر ازاي بقي نشةف الوقت المناسب اللي عشري ياخد فيه ليله و زي ما قولت فكرت في خروجه في مشوار في اي حاجه بس ايمي من شويه قالت ان امنيه هتتجوز يوم السبت و بيتهيألي ده ممكن يكون انسب وقت ان عسري ياخد فيه ليله بمزاجها بقي بالغصب يخطفها اي حاجه و لو ليله رجعت قبل يوم السبت يبقي حظنا مرجعتش هندور علي حل تاني ناخدها فيه بره يعني اقولها في شقه جديده مثلا هناخدها في حاجه عايزه افرجها عليها و بس كده انا مش عايزه قلة ادب من حد فيكم دي مجرد فكره اميمه وقمر موافقين و ليد يمكن يخاف من رد فعل ليله بس كمان انا عارفه ان اخواته هيقنعوا و انت كمان يا عشري واكيد احنا لو الكل طبعاً مقتنع بفكرتي و اي حد فيكم خايف من ليله يقول ان الفكره فكره نادين وسيبوني مني ليها اااااه في حالة انك وافقت يا عشري هتاخد من ليله الموبايل لاني مضمنش ليله مش بعيد تطلبلك البوليس و تبلغ انك خاطفها و متجوزها غصب و تبلغ عن وليد كمان.

نعيمه….انتي اكيد اتجننتي

سلمي….نادين انتي بتتكلمي جد؟

عشري…..ااااا انا مستحيل اوافق يا نادين المشكله هنا مش في اخواتها دي فيا انا مش دي الطريقه اللي ينفع اتجوز بيها ليله مش بعد كل اللي حصل ده هزود المصيبه اكبر و اجبرها علي جوازها مني

نادين…انت مش هتجبرها عسري انت عارف كويس ان ليله بتحبك و عيزاك

عشري…..تمام بس كمان ليله من حقها يتعملها فرح زي اي بنت من حقها تتجوز و تفرح بجوازها

نادين….ااااه دي اخر حاجه نسيت اقولها انت هتعمل زي ما قولت يا عسري و زياده علي هتتعهد قدام وليد ان وجود ليله معاك في البيت عشان بس تقدر تقنعها و تسيطر عليها بس انت مش هتلمسها يا عشري و هتوعد وليد بده و اول نا تحس ان ليله بجد رجعت تاني ليك و نسيت كل ده هتحدد معاد الفرح و تفرحها بطريقتك بس اوعي تسيبها غير وهي معاك يا عشري.

عشري…..ليله ممكن تقتلني فيها يا نادين.

نعيمه….متسمعش كلامها دي هبله

حسان….بابتسامه شوفي لما قالوا عنك في الاول انك مش هاديه محدش صدق لما قالوا ان تفكيرك و دماغك كبيره بردوا محدش صدق اناي ازاي فكرتي بالطريقه دي

نادين….بابتسامه بسيطه عشان خاطر ليله ليله الوقت يا حسان عابزه الحاجه و عكسها عايزه عشريو مستحيل تبقي معاه عشان كرامتها و مفيش حل غير انها تتجبر علي حاجه غصب عنها بس كمان هتبقي مبسوطه هتحس ان عشري مجنون بجد و عشانها مستعد يعمل اي حاجه و هي قدام الكل من وجهه نظرها هتبقي مش حاسه ان كرامتها اتجرحت او جات عليها وسامحت هي اتجوزت من غير رضاها بس اللي انا متأكده انها مهما اتصدمت من الموقف او حتي قلبت علي الكل في النهايه هتفرح و هتشكرنا.

نعيمه….لا لا اوعي يا عشري تعمل كده ليله مجنونه انا مليس دعوه هتقلب عليا و مش بعيد تقتلني

سلمي….انا كمان مضمنش رد فعلها و اكيد مش عايزه اخسرها

فضل…..بضحكه جميله تسمع رأيي الفكره مجنونه بس حلوه

عسال….بضحك طيب عشان محدش يقول اني بتحيز لنادين بس بصراحه انا عن نفسي عجبتني الفكره مع اني مصدوم من نادبن بجد

نادين….بابتسامه ايه ما تتكلموا ساكتين ليه بقيتكم قولوا حاجه قول يا عشري

عشري…مش عارف يا نادين انا تايهه و مش عارف بعد اللي حصل ده ليله رد فعلها هيبقي ايه هي الوقت شيفاني كداب و خاين طب لو اتجوزتها غصب عنها هتعمل ايه

نعيمه….والمصحف يا عشري هتخلعك و هتوديك في داهيه انت و وليد و هتقتل نادين متسمعش كلامها

بص عشري عليهم بتوهان الفكره عجبته بس قلقان عايز يسوف الكل معاه ولا لا كلام البنات خوفه

رشيد…..بضحك بصراحه مش عارف يعني لو ليله رجعت و فضلت مصممه علي رأيها مش هيبقي في حل تاني و في نفس الوقت ما يمكن توافق و تهدأ

نادين…..انا عارفه ليله اكتر منكم و الله العظيم

ايمي…..بصت لنادين ناديييين

بصتلها نادين بقلق و قربت بسرعه من عسال بخوف

نادين…ايه انا قولت فكره و قولت نتناقش يعني اوعي تتجنني

ايمي…..بابتسامه يسعد دين الشبطان اللي وسوسولك بالفكره دي يا شيخه

نادين….بابتسامه واسعه و عبيطه عجبتك وافقتي يعني

ايمي…..بضحك انتي ازاي فكرتي كده

حسان…..بضحك المشكله مش في الفكره بس نادين خطتت لكل حاجه يعني التوكيل جاهز و توكيل الجواز فكرت فيه اقنعت اخواتها فكرت ازاي تسلمها لعشري وامته طلبت منه ياخد احتياطه منها و ياخد تليفونها لا بجد انا مصدوم فيكي

ايمي…..بضحك والله العظيم وانا

نعيمه….يعني ايه موافقه علي الجنان ده عشري متسمعش كلامهم دول مجانين

ايمي….هو انا موافقه بس كمان معرفش رد فعل المجنونه التانيه بس كل اللي اعرفوا او اللي في بالي حالياً لو الخطه اتنفذت صح يبقي الباقي علي عشري وليله متخرجش من بيتك غير وهي مسامحه لانها لو مسامحتش و المصحف يا عشري لا هوخرج من عندك تبوظ الدنيا علي دماغنا كلنا

نادين….لا ماهو ياخد الموبايل يحبسها و ميبقاش قدامها اي حل او هروب و لا حد فينا اصلا يفكر يروحلهم من الاخر يا عشري انت وهي هتتحبسوا حبس انفرادي لحد ما تسامحك و تتأكد من ده.

حسان….انا من رأيي عجبني جنان نادين..

سلمي….انت بتشجعهم لو عارف ليله مش هتقول كده

خسان….ماهو شطاره عشري انه يتشقلب لحد ما تسامحه

سلامه…..بضحك دي هتر ق عليك يا عشري هتكسر البيت فوق دماغك

رشيد….بضحك اه و من رايي تنام في اوضه لوحدك و تقفل عليك يمكن تفكر تقتلك

عشري….بابتسامه و شرود يا نهار اسود لا لا انا قلقان منها و بعدين انا عارف انها هتتجنن و الطريقه مش هتعجبها صدقوني ليله ممكن تفكر اني بقلل منها او بحرمها من حقوقها و فرحتها

ايمي…ده لو هتكتفي بالفكره المجنونه دي بس زي ما نادين قالت انت كل اللي يهمك انها تبقي علي ذمتك عشان متقدرش تبعدها عنك و كمان تقول لوليد انك هتحافظ علبها لحد ما توافق و تديله وعد راجل يا عشري انك مش هتلمسها غير بعد فرحكم و برضاها مش بالغصب و بيتهيألي عشان تكبر في عينها و تحاول تخفف الكارثه اللي هتقع علي راسك بعد ما تاخدها البيت و تقولها انك بقيت جوزها تعرفها انك وعدت وليد بالكلام ده و انك مش هتقرب منها

ايه……انت هتعمل كده بجد يا عشري

عشري…..بصدمه ابتسم مش عارف انا متلغبط

عسال….بابتسامه بيتهيألي يا عشري هي فكره مجنونه و مش وقتها بس حتي لو ليله اظهرت انها مضايقه من جواها هتبقي مبسوطه انك عملت كده عشان متفرطش فيها وتبقي ليك و زي ما البنات قالوا هيبقي وعد جد بينك و بين وليد انها تبقب مراتك علي الورق لحد ما تهدأ من ناحيتك و اليوم اللي هيتفتح في الباب لليله تبقي رايحه علي فرحها عشان ترجع تاني عروسه و ده اكبر رد لكرامتها انك تتمسك بيها بالشكل ده.

نعيمه….لا انتوا كلكم اتجننتوا انا مليش فيه و مش معاكم ليله هتقتلني وربنا

سلمي….بضحك وانا كمان اخاف منها بصراحه

ايمي….بضحك صراحه حقكم بس الفكره تستاهل

نادين…..يا ستي انتي وهي انا المسؤوله وقتها هقول لليله انا اللي عملت كل ده و انا اللي اقنعت وليد وعسري و هما رفضوا و انتوا اشهدوا انهم رفضوا و انا السبب

نعيمه….وكده ليله هتسامحك يعني والله ما هتعرفك في عمرها

سلمي….بصراحه نعيمه معاها حق هتزعل منك اوي لما تعرف انك خدتي كل ده و مضيتها من غير ماتحس و كمان فكرتي الفكره دي بذمتك انتي قد زعل ليله منك او بعدها عنك

نادين….اكيد لا بس كمان مش قد وجعها و لا قد اني اشوفها بتحب عشري بجنون و حاطه حاجز الكرامه بينها وبينه و لا قد اني اسوفها عايشه متعذبه جابز تزعل مني جايز تقعد فتره متكلمنيش بس كمان مع الوقت يمكن تهدأ يمكن عشري يقدر بسرعه يمتص و جعها و ينسيها اللي انا عملتوا و دي بقي بتاعتك زي ما وقفت جنبك انت هتقف جنبي و بعدين هي مش ايمي و حسان قالوا اننا لازم نفكر فيهم و لازم نقف معاهم وقفه جدعنه ده اللي جه في دماغي و ده اللي اقدر اعملوا

ايمي…..جدعه يا نودي انا موافقه و الفكره حلوه لو اميمه وقمر موافقين يبقي كده مش فاضل غير وليد و وليظ اقناعه سهل قولت ايه يا عشري

عشري…..ايمي انا مش عارف بجد خايف الموضوع يتقلب فوق دماغي اكتر ليله مجنونه و تفكيرها وقت الغضب كله غلط و مش هتفهم احنا ليه عملنا كده

رشيد…دي مهمتك يا وحش بقي انت مش هتجنن عليها ترجع هي و تبقي في بيتك ومراتك و اقفل عليك انت وهي و زي ما قالت نادين يا قاتل يا مقتول يا تخرجوا سمن علي عسل

عشري….بضحكه غصب عنه مفيش حيل اكيد هبقي مقتول

فضل…..والله العظيم فكره حلوه هنقفل عليك الباب من تحت بالقفل ومفيش غيركم فيه يعني محدش هيحوش بينكم و يا تقنعها يا تقتلك

ضحكوا كلهم و ابتسم عشري بتوهان و شرود

عشري….بس وليد مستحيل بوافق هيخاف بجد من ليله انا عارف

ايمي….هنقنعه متقلقش هنقولوا ملوس دعوه هو يكتب معاك الكتاب و يختفي ولو بجد رجعت قبل جواز امنيه يبقي الوقت اللي هترجع فيه تكون انت بتكتب كتابها عشان بعد الفرح تاخدها و محدش يجيبلها سيره ولا حتي انت يا عشري يعني هتخطفها كده و بعدين في البيت فاجئها ومتفكرش تجس نبضها او تعرفها قبل ما تبقي معاك عشان والله يا عشري ما هتسيبك ولا هتسيبنا و انا عن نفسي بمجرد ما تبقي معاك و تقفل عليها هاخد رشيد و نسافر تمام يا رشيد

رشيد….بضحك اه نخلع احنا وهما يدوروا الضرب في بعض

نعيمه….انت لو عملت كده خد بجد منها الموبايل بيتهيألي لو شوفت رقمها علي تليفوني هيجيلي سكته قلبيه بعد اللي هنعملوا ده

ايه….مش تليفونها بس حتي انت خبي تليفونك والله يا عشري ليله مجنونه في الاول ممكن متتقبلش الفكره يعني لو طالت في ايدها اي وسيلة اتصال هتبهدل الكل دي هتحبسنا كلنا مش انت و وليد بس

عشري…..طب انا مش فاهم انتوا كده بتطمنوني يعني و لا بتقلقوني اكتر ما تقولي حاجه يا ايمي

ايمي….بضحك سيب ايمي في خالها لو علي الفكره موافقه و عجبتني لو علي رد فعل ليله والله ما اضمنها ثانيه اسأل الشيطانه صاحبة الفكره

سلامه…..بضحك طب والله فكره جامده و اكيد بعد كده هتعجب ليله

نادين….انت قلقان ليه قولتلك خليها عليا و خليك واثق فيا و بعدين انتي وهي مالكم قلقانين ليه انتوا مش واثقين فيا بتسلموني فلوس بملايين من غير تفكير و جاين الوقت تقلقوا و تحذروا مني

نعيمه….بضحك ياريتها تيجي علي الفلوس يابت انا لسه صغيره و بعدين مليش في المرمطه و الحبس

ايه….بضحك و انا مش باكل عيش وحلاوه

عسال…..بضحك عشري متركزش معاهم و وافق

عشري…..اءا كان انا لما سمعت كلتم عقلي وصلنا للي احنا فيه ده امال لما اسمع افكاركم هيحصل ايه

حسان….بضحك اهو زي ما تحنا صحاب بره هنبقي صحاب زنزانه بقولك ايه يا سلمي ابقب خدي معاكي ايشارب اخضر و نعمل فيها سعاد.حسني و عادل تمام في حب في الزنزانه

سلمي….بصحك انت بتتريق دي هتنفخنا

رشيد….بضحك احنا نتفق علي الوان الايشاربات يا حسان

فضل…..بضحك و تجيلنا ليله كل زياره لابسه و متشيكه و بصالنا بتحدي نهاااار اسود

نادين….عشري سيبك منهم والله العظيم الفكره حلوه و تستاهل و بعدين انا قولتلك كل ده متوقف علي رجوعها هيبقي ازاي لو في امل انها تكون لما بعدت هديت خلاص مس هنعمل كده بس لازم من الوقت تعرف وليد كل ده و تقنعه عشان لو اضطرينا منستناش نقنعه لسه يبقي عارف

سلامه…..و لو اضطرينا بقي انت تتحبس معاها و احنا يا عم هنظبطلك كل حاجه الفرح و التجهيزات عشان مناخدش وقت تقنعها انت و الباقي علينا

ايمي….بضحك بقولك ايه متنساش ركن الميك اب المهبب اللي كان سبب في كل ده كل اللي الجوازه واقفه عليه

عسري….بابتسامه حط ايده علي راسه طب بقول ايه حد فيكم عنده كلام تاني

فضل….بضحك ايه هتقوم تنتحر و تخلص

عشري…قام وقف لا انا مع نادين و موافق وليله هترجع تكين عيشيتي و مش هترضي ترجعلي غير بالطريقه دي و مليش دعوه هي اللي اجبرتني و هروح الوقت يا اقنع وليد يا اقتلوا واخلص بقي من العيله دي

ضحكوا كلهم عليه

نادين….جدع يا عشري اخيراً حد فهمني

عشري…..بس بقول ايه حد يجي معايا

نادين….نروح كلنا معاك يا سيدي

ايمي….طيب ايه رأيكم نكلمه هو واحمد و سامح و يجولنا علي المطعم الوقت

رشيد….اه خلينا نخلص من الحوار ده

سلمي…..طيب مش حتي نستني ليله ترجع

نادين….يا ستي نتفق عشان الكل يبقي موافق و مقتنع و زي ما قولت رجعت و هي هاديه هنتكلم معاها رجعت زي ما انا متوقعه يبقي ننفذ علي طول مش لسه هناخد رأي حد و نقنعه

عسال….بقول ايه اللي نادين قالته هيتنفذ جنان بجنان بقي هي كده كده خربانه علي راسنا كلنا قوموا خلينا نروح ونتكلم معاهم

ايمي….بضحك شيطان مرانك حمسك مترجعش تعيط بس

عسال…..بضحك ايمي دي طلعت مصيبه

ايمي…بضحك مكنتوش مصدقين حد فينا

نعيمه….و انت كمان ليله كارثه اديني بحذرك اهو

عشري…..لا خلاص تعمل اللي تعملوا بقي انا جبت اخري دي قلعت الخاتم وراحت لامي ادتها الدهب كله مش بعيد ترجع تروح تتخطب لاي حد معدي عشان تموتني فيها يلا خلونا نخلص

فصلوا يضحكوا عليه و بعدين قاموا كلهم اتحركوا و كلمت ايمي وليد و قالتله يجي هو و احمد وسامح علي المطعم ضروري…

……………….

الرسايل كانت بتكتر اكتر عند ليله كل حد بيحبها كان مضايق علي اللي حصل معاها زعلان علي علاقتها الحلوه دي تضبع وكأنها محصلتش مضايق عشان اختفائها وقلقانين عليها…

ليله كانت بالنسبه للكل البنت الجدعه اللي بميت راجل بجد صاحبة الواجب اللي عمرها ما بتسيب حد في ضيقه او مشكله او حتي مناسبه سعيده..

ديماً تسأل علي الكل كبير او صغير
حتي اهل صحابها كانت تفوت وقت و تتصل تسأل وتسلم و تزور و تود

من كتر جدعنتها علاقتها كانت كتير اوي و الكل بجد بيحبها حتي اهل عشري و فضل اللي يادوب دخلت حياتهم من قريب حسوها منهم عشان كده اتأثروا واتعاطفوا معاها كلهم و بقي موضوع ليله و عشري حديث الكل ..

ليله كانت عارفه اكيد هتلاقي اتصالات هتلاقي رسايل بس اكيد مش متوقعه كم الرسايل اليوميه من كل حد عرفها.

و كان من ضمنهم حبايب قلبها اللي بتعتبرهم حته منها ولاد اخواتها اللي هي ضعيفه جداً قدامهم.

حمزه ابن اميمه الكبير ..

ليله هتفضلي قافله موبايلك كده لحد امته انتي وحشتيني اوي يا خالتو علي فكره بقي اختك متعصبه طول الوقت بسببك و بابا كل اللي بيقولوا سيب امك في حالها ارجعي بقي يا ليله ده مش بعرف اشم نفسي غير لما بتكوني موجوده انا كنت بحب عشري علي فكره بس الوقت انا بكرهه عشان هو اللي عمل فيكي كده و ماما هي اللي مخلياني مجيش جنبه لو عليا انا عايز اروح اضربوا او حتي اموته عشان ميفكرش يزعلك تاني عشان خاطري ياخالتوا ارجعي انتي و حشتيني اوي اسمعي نوح عايز يقولك حاجه

نوح…..خالتو وحشتيني عشان خاطري متفضليش قافله الموبايل انا البطوله بتاعتي خلاص اتحددت كمان شهر مش كنتي ديماً بتشجعيني و بتبقي معايا في كل بطوله انا كل مره اوعدك اعلق ميداليه دهب و مش بعرف بس والله المرادي هعمل كل اللي اقدر عليه عشان متزعليش و تبقي فرحانه بس عايزك تبقي معايا

حمزه…..خالتو انا كمان عندي خبر ممكن يفرحك انا كان عندي ماتش مهم وفي ناس مهمه بتتفرج علينا و اختروني من ضمن افضل لاعيبه و احتمال كبير العب في ناشئين الاهلي كان معاكي حق قولتي عليا اني لعيب اديني اخو هشرفك يا ليله ارجعي بقي عشان خاطري احنا بنحبك اوي و وحشتينا اوي..

……………

اما قمر كانت بتلعب علي الوتر الحساس عند ليله لانها عارفه انها بتحب ولادها الصغيرين اوي سليم و عمر.

وكل شويه كانت بتخليهم يبعتولها رسايل يكلموها.

عمر…..ليله و حشتيني اوي ماما كل يوم تقول انك هتيجي بس انتي مش بتيجي

سليم….ماما بتعيط يا ليله و احنا كمان بنعيط و عايزينك تيجي

قمر…..بدموع يرضيكي كده يا ست ليله تعيطي سليم باشا حبيبك ارجعي بقي العيال هتتجنن عليكي

………….

تقي……و بعدين معاكي بقي يا ست ليله الدنيا مقلوبه عليكي يا اميره ديانا بس بقولك ايه انا عارفه انك بخير و قدها و قدود طبعاً ما انا طلعالك خدي بالك يومين بالظبط وهعمل زيك وهخلع من اخوكي مشيلني كل الشغل علي راسي هو انا اه طالعه جدعه لعمتي و حمارة شغل زي ما بابا بيقول عليكي بس مش قدك يا قمر بقولك ايه وحشتيني اوي والله العظيم طب بقولك ايه اظهري و تعالي انا وانتي نخلع و نسافر بره نعمل شوبينج ونروق علي نفسنا و نسيبهم يدوروا علينا احنا الاتنين والله يا ليله لو اختفيتي اكتر من كده مش هقولك غير يا عمتي اكتر كلمه بتعصبك ارجعي بقي يا عمتي وحشتيني وربنا..

…………….

فضل……عارف انك زعلانه مني و عارف ان صورتي اللي شوفتيها دي معصباكي و اكيد فاكره اني كنت متفق عليكي بس والله يا ليله و يشهد عليا ربنا اني بحبك من قلبي و اني بعتبرك اختي و ان وجودك في حياة عشري مفرقش معاه هو بس ده فرق معايا و مع الكل مريم عمرها ما كانت قريبه مني ولا عمرها كانت هتبقي قريبه انما انتي حاجه تانيه انا مضحكتش عليكي بس عشري حبك و خاف يخسرك و انا فضلت
معاه للنهايه لحد ما يخلص من موضوعه و يجي يقولك انا اسف بجد لو خذلتك بس والله العظيم كل ده كان قبلك مريم ضحكت عليكي و علي عشري وعلينا كلنا اوعي تخليها تنصر عليكي ليله اللي اعرفها متخليش حد ينتصر عليها او ياخد منها حد بتحبه عشري يستاهل فرصه هيموت من غيرك يا ليله و احنا كلنا هنتجنن عشانك ارجعي بقي…

………..

سلمي….بدموع يا ليله ارجعي بقي كفايه كده احنا من غيرك تايهين و ناقصنا حجات كتير مش عارفه اشتغل او اركز مش طايقه حسان و زعلانه معاه من وقت ما مشيتي و مش طايقه كل الشباب طب ارجعيلنا احنا بلاش هما احنا بنحبك و عمرنا ما كدبنا عليكي طيب حتي اسمعي تاني من عشري بهدوء انا حاسه اني مش قادره افكر مش طايقه عشري بس كمان مش قادره اصدق انه وحش او كداب واضح يا ليله وجعه عليكي بس ده ميمنعش اني مش طيقاه بسببك بس يمكن محتاج فرصه وحشتيني اوي يا لولي..

…………..

كل دي كانت رسايل علي موبايلها متعرفش عنها اي حاجه من يوم ما مشيت واختفت عياط من البنات وحزن و وجع احتياج ليها و خوف عليها بس الاكيد انها لو كانت فتحت الرسايل دي و سمعتها كان الموضوع اختلف كان وجعها قل شويه و كل ده كوم و رسايل عشري كوم تاني خالص.

…………….

علي الساعه سبعه قامت ليله من علي الكنبه حاسه بتعب قوي في جسمها خلاص بدأت تفقد السيطره علي تعبها الجسدي بقت ضعيفه و غير متزنه محطتش حاجه في بوئها من يوم الثلاث ليوم الاحد غير بسكوت وبس ومكانتش بتاكله عشان تسد جوعها لانها مبقاش عندخا شهيه هي كانت بتاكل عشان خايفه تموت لوحدها كانت بتاكل عشان تقدر تقوم الدوخه و الزغلله و عدم الاتزان يمكن ساعدها شويه بس كمان قلة التغذيه اثرت عليها بشكل سلبي خلت جسمها مش قادر يقاوم اكتر من كده وشها باهت وشاحب عينها الهالات السوده دمرتها

وجع جسمها من البرد تعبها جداً وخدت دور برد بسبب نزولها وقعدتها قدام البحر بليل و زاد عليهم قعدتها في المطر من اول ما صحيت و جسمها مكسر و زورها في وجع فظيع مش عارفه تبلع حتي ريقها رشح فظيع و عطس حست كمان ان حرارتها عاليه شويه قامت بهدوء خدت دش و خرجت لبست ترنج رياضي و فوقه چاكت كانت بتحاول تدفي نفسها عشان تقاوم التعب و قررت انها تنزل تروح الصيدليه تجيب علاج قبل ما تتعب اكتر او حرارتها ترتفع قعدت ربطت الكوتش بصت علي ايدها كانت بتترعش جامد و ده وترها اكتر و حسسها بالخطر انها بقت حقيقي غير متزنه .

مسكت البسكوت كلت منه واحده و مقدرتش تكمل التانيه من وجع زورها ربطت الشنطه علي وسطها و نزلت علي تحت…

كان في مطر كتير مغرق الشارع فضلت ماشيه علي الرصيف كان في ناس في الشارع بس مش كتير الكل بيجري و الدنيا حواليها هاديه يادوب العربيات ماشيه في الشارع مشغالين المساحات عشان المطر لمحت الصيدليه..

قربت منها و فضلت واقفه بره شويه كان في دكتور شاب و بنت في العشرينات و الصيدليه مفيهاش حد.

وقفت ليله تحاول تسلك زورها تاخد نفس كانت حاسه انها مش عارفه تتكلم و في حاجه واقفه في زورها بسبب انها ساكته بقالها كتير اخر مره اتكلمت كان مع الولد الصغير اللي باعلها الورد و يادوب قالت كلمتين لس وقتها كانت حاسه ان في مشكله عندها الكلام مش واضح مخارج الحروف مكانتش مظبوطه مركزتش لانها كان بقالها كتير ساكته و لما بتنزل مش بتتعامل مع حد و لما راحت اشترت الحاجه من السوبر ماركت جابتها في صمت رهيب و مدت ايدها بالڤيزا و كانت بتكتفي بهز راسها..

وحتي الشاب االي سكنها منطقتش معاه و افتكرها اصلا مش بتتكلم

عشان كده كانت واقفه تسلك زورها مكانتش تعرف انها هتتصدم و ان الكبت و الكتمان و الزعل وصلوها لحاله مخطرتش علي بالها كانت فاكره ان صوتها رابح متغير زي ما حد بينام كتير ويصحي صوته مش مظبوط او حد سكت فتره طويله و صوته في بدايه الكلام مكانش طبيعي لكن اتفاجئت لما دخلت الصيدليه.

فتحت الباب بهدوء

البنت….بابتسامه اتفضلي

ليله..ااانننا ممحتتاجه ااااا دووااء للببردد

البنت…..طيب عايزه حاجه معينه ولا لا

ليله كانت مصدومه و شارده و باين عليها انها بجد في حاله صدمه اكتشفت ان كلامها مكانش بسبب سكوتها لفتره طويله لا دي عندها صعوبه في النطق مخارج الالفاظ مش واضحه بتقطع في الكلام

البنت…بصتلها بهدوء و ابتسمت طيب لحظه دكتور ممكن احظه من فضلك

قرب الدكتور كان شاب في اواخر الثلاثينات بصلها بهدوء .

البنت…..هي محتاجه علاج للبرد و واضح انها مش عايزه حاجه معينه اديها ايه

الدكتور…..طيب ايه الاعراض اللي عندك بالظبط يعني رشح زكام في كحه في حراره

ليله…معررففش ببس ففي ووججع ففي زوووري وو اااظن حرارره

الدكتور….طيب الاول انتي بتاخدي علاج معين

ليله….ااانا موووش ببباخد حاااجه خالصص

بصلها ثواني باستغراب

الدكتور….طيب انا اسف يعني انتي بتعاني من اي تعب يعني واضح من كلامك انك تعبانه فا انا لازم اعرف انتي عندك ايه لو في علاج بتاخديه لحالتك مثلاً لان في ادويه ممكن تبقي غلط عليكي فهماني

بصتلوا ليله و بسرعه عينها اتملات دموع من غير ما تنزل بصتلوا بحاله توهان و ضعف و هزت راسها وكتفها

ليله…..ااانا ممعرفش صووتي مماله اانا ممكنتش كدده نزلت دموعها تجري بسرعه

بصت البنت للدكتور

الدكتور….طيب اهدي من فضلك انتي كده من امته طيب ؟

ليله….مممعرفش

الدكتور….طيب امته اخر مره اتكلمتي بشكل طبيعي

ليله….مممتكلمتش خاالص امباارح بس ولددد ككان بيبييع حااجه وو انا ردييت علييه ببس مررركزتش اننني تعببانه

الدكتور….طيب مين معاكي انتي عايشه لوحدك

ليله..ااانا مممش مننن هنا ااصصلا وو كننت لووحدي خااالص متكللمتش مع حدد

الدكتور…..يعني انتي متعرفيش من امته بالظبط وانتي في الحاله دي

ليله….بدموع تقتل لللا

الدكتور…..طيب اهدي بصي هو انا حالياً كل اللي اقدر اديهولك حاجه لزورك يعني فوار ڤايتمين سي ممكن كمان بنادول لانه خفيف لس مش هقدر اديكي حاجه للحراره و انتي لازم تطلعي علي أقرب مستشفي انا اسف بس انا كنت فاكر انك عارفه عندك ايه او فاهمه حالتك بس كده ده غلط طيب انتي مضايقه زعلتي في اي صدمه نفسيه مريتي بيها

بصتلوا بدموع زي الطفله مكانتش ليله القويه ابداً وهزت راسها بهدوء

الدكتور…..بأسف انتي لازم تروحي المستشفي لان انا والله مش حابب اخوفك بس ده غلط جداً و بعدين انتي مس عارفه بالظبط من امته وانتي كده واحمدي ربنا ان انتي محصلكيش لاقدر الله جلطه في المخ مثلاً انتي لازم تاخدي الموضوع جد و تروحي حالاً اقرب مستشفي او كلمي حد يبقي معاكي

انتي من القاهره ولا منيني

هزت راسها بهدوء

الدكتور….طيب لازم يبقي معاكي حد

البنت….طيب لو مفيش حد خالص معاكي انا ممكن افضل معاكي لحد ما في اي حد يجيلك

الدكتور….اه عادي خليها معاكي علي الاقل متبقيش لوحدك

ليله….بدموع اااا للللا ششكرراً ببجد اانا هتتتصررف

الدكتور….طيب انتي قاعده قريب من هنا

ليله…ااايوه

الدكتور….طيب ده الكارت بتاع الصيدليه لو حسيتي في اي وقت انك محتاجه مساعده كلميني بس زي ما قولتلك الاعراض اللي عندك مش كويسه و ده مؤشر مش حلو انا مس قاصد اخوفك صدقيني بس لازم تهتمي

هزت راسها و مسحت دموعها

الدكتور…..طيب ارتاحي هجيبلك الدواء حالاً

خرجت البنت من جوه و قربت منها كرسي و قعدتها كانت باصه في الارض بضياع و خوف لاول مره تحس بالضعف ده كله

قرب تاني الدكتور قامت وقفت وقربت منه

الدكتور…..بصي ده فوار عشان الرشح و ده برشام بتمصيه عاديه عسان زورك و ده بنادول بيخفف الام البرد شويه لازم تعملي كمادات حط كفه علي راسها بصي الحمد لله حرارتك مش عاليه اوي بس لو زادت مع الاعراض اللي عندك هيبقي خطر كمان واضح انك مش بتاكلي كويس لازم تاكلي عشان جسمك يقاوم و زي ما قولتلك روحي الوقت اقرب مستشفي و اوعي تتجاهلي الحاله دي .

هزت ليله راسها بهدوء و طلعت من شنطتها الڤيزا

الدكتور….بابتسامه لا خلاص دي حاجه بسيطه

ليله…ااا لللا شكررراً

الدكتور…..خلاص والله وبعدين انتي ضيفيتنا هنا ولا ايه

ليله…مممعلش خخد الحسساب

الدكتور….ياستي يبقالي لما نطمن عليكي ماشي

ابتسمت ليله بضعف ابتسامه معدومه و هزت راسها

ليله…ششكرراً

الدكتور…..الكارت معاكي اي وقت اتصلي انا او شروق معاكي متقلقيش لحد ما حد يجيلك

ليله….ششكراً ببجد

الدكتور….الف سلامه عليكي

خرجت ليله بهدوء.

البنت…..انا مكنتش فهماها بس واضح انها عندها مشكله كبيره

الدكتور…..لازم تروح المستشفي لان صعوبه الكلام المفاجئ بتعمل جلطه او سكته دماغيه و لو ربنا بيحبها اوي هتفضل كده لازم تتلحق و تعمل رنين علي المخ

البنت….بجد زعلت عليها اوي ربنا يشفيها

الدكتور…..يارب.