لقاء كـ،ـ،ـارثي
في منزل ايمي
رشيد….يا بنتي استني شويه الساعه واحده يمكن مصحيوش
ايمي….هو انت ليه محسسني ان دول عرسان و انا راحه عليهم يوم الصباحيه من بدري
رشيد….بضحك مش كده بس يعني عايز نسيبهم لوحدهم شويه
ايمي….بابتسامه رشيد فوق يا قلبي و خاف علي صاحبك ليله لو صحيت لاقته قدامها هتموتهولك ادعي بس انها متكونش صحيت من بدري و عملت كده و احنا نروح زي البوليس في الاخر
رشيد….بضحك طيب يرضي مين ده اخرج كده من غير فطار يا بت انا جوزك فطريني
ايمي…..بضحك هفطرك و اكلك وهدلعك وهعملك كل اللي انت عايزه بس خلينا نلحق الجريمه قبل ما تحصل
رشيد….خدي بالك انا صابر كل ده واكتر من كده انا اللي هعمل الجريمه دي مش ليله بس هتبقي في الكل واولهم انتي
ايمي…..واهون عليك
رشيد…اه تهوني اشمعني انا هاين عليكي انا عريس ولا افكرك
ابتسمت ايمي وقربت منه لفت ايدها علي رقبته وباسته من خده بهدوء
ايمي… و انا عروسه علي فكره
رشيد….طب ايه العروسه مش ناويه تحن عالغلبان ده موحشتكيش
ايمي…..وحشتني و همووت عليك
رشيد….بابتسامه اووووبا طب ده كلام كبير طب ما نكسب ثواب في بعض و اديني شويه من وقتك عشان بدأت اغير من صحابك
ايمي…ما انا قولتلك هدلعك
رشيد….الوقت
ايمي….بضحك وقت ايه يا مجنون انا لبست و ظبطت نفسي و مستنياك تخلص دلع عشان نمشي
رشيد…..وحياتي
ايمي….بابتسامه جرأه تجنن طيب بليل
رشيد…مش قادر وحياة ايمي
ايمي….بضحكه جميله مش قادر خالص خالص يعني
رشيد….بنظره تجنن خالص ده انا لو حكيتلك متحنل قد ايه هصعب عليكي
ابتسمت ايمي و بصت بحيره لبست و جهزت و ظبطت شعرها و خلاص مستعده للخروج
ايمي….ايوه بس يعني الساعه واحده الضهر مش.حساها
رشيد….ايش فهمك انتي ده الصبح ده بيبقي مود تاني
ايمي….بضحك علي فكره يا رشيد انت محتاج تتربي
رشيد…و انا اهو رافع الرايه و بقولك اطلعي ربيني
ايمي…..بضحك اووووف رشيد متبقاش رخم انا لسه هعمل كل ده تاني مصدقت خلصت
رشيد….وحياتي
ابتسمت ايمي و حدفت الموبايل من ايدها علي الكرسي و سابت شنطتها و بصتلوا بابتسامه جرأه
ايمي….قدامي
رشيد….بضحك ضمها و شالها بحب و طلع بيها علي فوق.
…………….
خرج ميدو من التويلت بعد ما خد شاور لبس التيشرت بره في الاوضه و وقف يظبط شعره كان مبسوط اوي ساب هدومه متعلقه جوه في الحمام و قعد علي السرير لبس الشراب و بعدين خرج و هو حاطت السويت شيرت علي كتفه
بصت نادين علبه و ابتسمت
نادين…..نعيماً
عسال….بحب ده احلي شاور خدته في حياتي
نادين…امممم طبعاً التويلت بتاعي حلو
عسال…..هو احساسه الاحلي
نادين…..شكلك حلو.
عسال…..انتي اللي قمر بقولك ايه محتاجه مساعده بجد
نادين….لا والله خلصت خلاص انا بس مستنيه اشوف اللي جوه دول ايه ظروفهم
عسال….سيبيهم خلينا احنا نفطر مع بعض و نشوف كده لما يصحوا براحتهم
نادين….طيب بقولك ايه مش يمكن عشري صحي و مكسوف يخرج شوفوا كده او اتصل عليه حرام كمان الاوضه اللي هو فيها مش ماستر مش فيها تويلت
عسال…..متقلقيش انا عارف انه لو عايز يخرج هيكلمني واصلا بصيت علي الموبايل مفيش رسايل و حاجه من الاتنين يا اما نايم في سابع نومه يا اما صاحي و قاعد جنبها و لا بيفكر في اكل ولا تويلت فا خليه مبسوط بقي
نادين…..انت عارف انا خايفه من كتر الهدوء ده يكونوا خرجوا و احنا مش حاسين
عسال….لا نومي خفيف متقلقيش محدش خرج
نادين….ماشي يلا اطلع يا حبيبي عشان ناكل تاكل هنا ولا علي السفره
عسال….لا تمام هنا اوي
نادين….ماشي
قربت نادين منه الاكل و لفت وراحت قعدت قدامه و قعدوا يفطروا مع بعض.
………………
اما عند عشري و ليله الوضع كان مختلف تماماً فضل قاعد قدامها علب الكرسي لحد ما بدأ الصبح يطلع و هي نايمه تحت تأثير المهدأ و كانت جعانه نوم من غير مهدا اصلاً لان حتي نومها لما كانت مسافره كان نوم قلق و توتر كوابيس و دموع واصوات كتير عقلها شغال كانت محتاجه تفصل و الانهيار اللي حصلها ريحها و خلي جسمها سلم خالص و نامت .
عشري كان قافل الاوضه علبهم من جوه و المفتاح في جيبه كان خايف انه يغفل و هي تخرج من وراه لو صحيت فضل رايح جاي في الاوضه شويه يقف عند الشباك يشرب سيجاره و شويه و يرجع يقعد قدامها علي الكرسي و يفضل باصصلها و شوبه و يلف ناحية الجنب اللي هي قاعده فيه و يقعد علي ركبه و يمسك ايدها مكانش مصدق انها رجعتلوا و نايمه قدامه كان فرحان فرحة طفل برجوع امه
و موجوع للحاله اللي وصلت ليها بسببه .
اخر ما تعب و لف كتير قعد جنبها علي حرف السرير من الناحيه التانيه سند راسه علي السرير رفع رجل و التانيه كانت علي الارض و مسك كفها بقوه و غصب عنه النوم غلبه او بمعني اصح رجعلوا من تاني .
صحيت ليله بعد نوم عميق اخيراً بس كانت حاسه بصداع هيموتها
فتحت عينها بصعوبه و حست ان كفها متقيد بصت بهدوء لمحت عشري نايم جنبها و راسه نازله قاعد مش فارد جسمه و كانت القاعده متعبه جداً في الاول اتصدمت و بصتلوا بغضب و غصب عنها قلبها أعلن عليها العصيان و مبقاش تحت طوعها اتحولت نظرتها من غضب لهدوء فضلت بصاله كأنها بتحضن ملامحه اللي وحشتها و الحقيقه ان قلبها مش هو بس اللي مبقاش تحت طوعها حتي كفها كمان غصب عنها و من غير ما تحس لقت نفسها بتقفل علي ايده و بتغمض عينها وبتاخد نفس عميق حاولت تمنع نفسها بس تأثير قلبها و رد فعل جسمها تجاهه كانوا اقوي منها
فتحت عينها تاني بهدوء و فضلت بصاله كتير معرفتش قد ايه دقايق ساعات ازاي نايم النوم العميق ده و كفه لسه قابض علي كفها بالقوه دي
ابتسمت بهدوء و هي بتردد من جواها بصوت داخلي
ليله….بحبك يا عشري و عمر يما هحب حد قد ما حبيتك موجوعه منك اوي بس قلبي مش مطاوعني ابعد مش قادره افضل و مش قادره ابعد لاول مره احس باحساس عجز لاول مره افهم معني كلمه روحي متعلقه بين السماء والارض ..
من اول مره شوفتك فيها و انا ايقنت ان خلاص قلبي مبقاش ملكي
عمري ما تخيلت اني اوصل معاك للحب بالشكل ده انا محبتكش يا عشري ولا عشقتك انا وصلت معاك لمرحله ان روحي متعلقه بوجودك
اااااه لو تعرف ان اللي عمل فيا كده مش كدبك و لا حتي وجعي من الخيانه و الاهانه ولا حتي اني متوقعتش ده منك اللي كان واجعني اوي و وصلني لاحاله دي ان في عز وجعي منك كنت عارفه ان راحتي معاك و دي حاجه وجعتني اوي يا عشري انت عارف يعني ايه اتمني حضن او كلمه من اكتر حد وجعني
انا عمري ما وصلت للمرحله دي طول عمري اللي يوجعني اديلوا ضهري واخرجه بره حياتي بس انا مقدرتش اعمل ده معاك لان انا ضعيفه يا عشري من غيرك سيبك من كل ده انا حاسه اني بقيت شخصيه توكسيك عارف يعني ايه اخاف تكون بعيد عني اكتر ما اخاف علي نفسي منك..
و جعتني و تعبتني و في نفس الوقت مش شايفه حياتي من غيرك
وقفت حياتي عليك يا عشري
رغم كل اللي عملتوا ده الا ان حبي ليك مقلش لحظه قولت بكرهك و مش عيزاك و انا أسبوع واحد بعيد عنك حبي ليك زاد الضعف كنت بتقولي عملتي ايه في قلبي يا ليله عشان احبك كده طلعت انا اللي مكنتش فاهمه انت اللي عملت في قلبي ايه اااااااه اوعي تبعد يا عشري اوعي و لو بعدت متبعدتش قبل ما تكرهني فيك و حياة ليله عندك
حست ان هو بدأ يحرك راسه بهدوء غمضت عينها بسرعه سمعت صوت ااااه خارجه منه
عشري…..اااااه مسك رقبته بوجع و بعدين بصلها وابتسم قرب من بهدوء باس كفها و رفع عليها الغطاء بهدوء
سكت ثواني و حس ان ليله صاحيه مش نايمه صوت نفسها مش طبيعي عينها اللي راحه جايه و هي مغمضه يأكدوا انها صاحيه قبضه ايدها علي كفه اللي نسيت تفكها شويه اكدوا انها صاحيه قرر يلاعبها شويه و يشوف هتصحي و تمنعه لو قرب منها ولا هتسكت لو سكتت يبقي قلبها لسه في حته مش قادره تبعد عنه و لو غضبت يبقي لسه زعلها منه كبير ..
مال بجسمه عليها و باس راسها بهدوء ردات فعل جسمها خلت عشري واثق انها صاحيه ابتسم بهدوء و رفع كفه فضل يمشي ايده علي شعرها بحب و حنان فظيع
و بعدين قرب من خدها باسها بهدوء و فضل يبوسها كتير علي خدها بوسه وراء بوسه بهدوء فظيع قتلها تحت ايده من غير رحمه و من كتر ما هي كانت تحت تأثيره من غير ما تحس ضغطت عليه كفه اكتر
كان مخبي ابتسامته عشان متعرف انه فهم انها صاحيه بس قلبها كان بيضحك و طاير من السعاده
بعد عنها شويه و فضل باصص لملامحها و حاسس بنفسها العالي.
عشري…..بهمس اسف و الله اسف حبي ليكي خلاني مقدرتش افكر صح غلطت بس غلطي خلاني اكتشفت اني ولا حاجه من غيرك كنت هموت عليكي يا بلطجيه قلبي كان هيقف من غيرك الف مره كنت بدور عليكي و بلف في الشوارع زي المجنون تعبت من غيرك اوي انا وجعتك و زعلتك بس انا زعلان منك اوي يا ليله عقابك ليا كان وحش اوي هونت عليكي بجد مصعبتش عليكي تسيبيني كده لوحدي ده انا كل اللي شاف حالي من غيرك اتوجع عشاني فوقي و قومي اقفي علي رجلك من تاني اعملي فيا اللي كل اللي يخلي قلبك يرتاح بس اوعي تبعدي عن قلب حبك و مشافش غيرك و اكتفي بيكي عن العالم كله
نومتك دي مش سهله عليا بس في نفس الوقت مبسوط انك قدامي مش مهم اي حاجه هنعدي كل ده يا بنت قلبي بس وانتي جنبي و اعملي حسابك يا بلطجيه انتي ليا غصب عن عين اهلك و اعملي حسابك كمان هطلع علي عينك كل الوجع اللي اتوجعته عليكي كل ثانيه هطلع علي عينك ضعفي اللي بان قدام الكل هعرفك مين اللي مش راجل
ابتسم بحب و رجع باسها من خدها و لمح دمعه نازله بهدوووووء من عينها ابتسم بوجع و مد طرف صباعه مسحها دموعك غاليه يا ست البنات و تاج راسهم كلهم انا همشي يا ليله همشي عشان تقومي و تفطري و تاخدي علاجك همشي عشان مش عايزك تتعصبي او تتعبي بس هرجعلك تاني يا ست البنات مش هسيبك يا ليله بحبك اوي اوي اوي ولو لسه في غلاوه في قلبك ليا اوعي تهربي يا ليله ليله اللي انا اعرفها تقوم وتكسر و تدغدغ وتطول لسانها اللي عايز قطعه الهروب مش ليكي يا احلي ليله.
قرب باسها من راسها بهدوء وضمها و باسها بوسه طووووويله من رقبتها و بعدين قام وقف بهدوء مسك موبايله وهي لسه بتحاول تعمل نفسها نايمه اتصل علي عسال.
عشري…..ميدووو انا صحيت وعايز اخرج عرف نادين
عسال….طيب يا حبيبي يلا اخرج هي تمام
عشري….اوك باي
قفل عشري و بصلها بحب ثواني و بعدين فتح الباب بهدوء و خرج
فتحت ليله عينه و حطت وشها في المخده و انهارت من العياط و هي حاطه ايدها علي رقبتها مكان بوسته اللي كانت كلها حب .
…………..
عسال وقف بصلوا هو ونادبن بترقب
عشري….صباح الخير
عسال….صباح النور
نادين….صباح النور
عشري….رفع حاجبه مالكم واقفين زي أسدين قصر النيل كده ليه
عسال…..بابتسامه لا هو بصراحه احنا من بدري عمالين نتوقع مين فيكم اللي هيخرج مقتول متعور
نادين….بضحكه جميله انت كويس
عشري….بضحكه جميله اه زي الفل و سليم متخافيش
نادين….طب ايه هي ليله عادي كده هديت
عشري….بهدوء ليله نايمه لسه انا بس صحيت و همشي قبل ما هي تفوق عشان مترجعش تتعصب
محبش يقول قدامهم انها صاحيه و سمعته ..
عسال….طيب اقعد افطر الاول
عشري….مش عايز مليش نفس والله
عسال….انت بقالك كتير لا بتاكل ولا بتشرب كويس و ليله رجعت يا عشري يعني المفروض يبقي ليك نفس
نادين….اقعد افطر يا عشري هي كده كده لسه نايمه و بعدين امشي
عسال….انت اصلاً هتروح فين؟
عشري…..والله لسه مش عارف يا ميدو هخلص بس حجات بسيطه في الشغل كمان لازم اخوات ليله يعرفوا انها وصلت و عايز اتكلم مع وليد
نادين….هي امبارح قالتلي بكره قوليلهم اني جيت عشان يتطمنوا
عشري…طيب تمام
عسال….بقولك ايه مش نستني طيب علي كلامك مع وليد يمكن انهارده تهدأ شويه و تعرفوا تتكلموا
عشري….مش هتهدأ انا عارف
نادين….صراحه انا مع عشري و بعدين انا عايزه اخلص مهمتي اللي قولتلكم عليها قبل ما ليله تفوق و تركز بعد كده ممكن يبقي صعب امضيها علي اي حاجه
عشري…..عشان كده انا عايز ننجز في الموضوع انا بس اللي مخوفني حاجه واحده ان اخواتها لو شافوها في الحاله دي يقلبوا عليا
نادين…لا متقلقش اطمن حتي لو ده حصل انا و البنات هنتكلم معاهم متخافش
عسال….بقولك ايه سيبك من كل ده الوقت احنا اهم حاجه عندنا ان هي رجعت اي حاجه بعد كده محلوله
عشري…..انا خايف عليها و خايف موضوع الكلام ده يطول معاها اكتر طول ماهي كده هتبقي مش طيقاني اكتر
عسال….جايز بعد اللي حصل امبارح ده تفك شويه و ترتاح
نادين….عشري كفايه ان هي طلعت بخير و الدكتور طمنا ان معندهاش حاجه عضويه كل ده نفسي يعني كل ما تهدأ هتتحسن اكتر و انا عارفه ان وجودك جنبها في الفتره دي هيحسن نفسيتها و كمان انا عابزه اعتذرلك بالنيابه عنها يا عشري علي اللي قالته امبارح والله ليله بتحبك و مكانتش في وعيها
عشري…..عارف يا نادين وانا كنت قاصد استفزها و اهليها تقول اللي جواها كنت عايزها تضابقني و توجعني و تخرف في الكلام عشان تحس انها مرتاحه متشغليش بالك كله يهون بس و ديني لا هنفخها بس تفوق
ضحكوا هما الاتنين علي عشري
عشري…..بابتسامه تبقي معايا بس و ان مقطعت لسانها مبقاش انا
عسال….قلبك ابيض بقي و يلا عشان خاطري تعالي افطر كل حاجه بسيطه و اشرب قهوتك و امشي
عشري…..بقولك ايه انت ماشي
عسال….اه عايز حاجه
عشري….صراحه مش عايزك تمشي انا مش واثق في المجنونه دي و نادين مش هتقدر عليها
عسال…..يعني انا اللي هقدر عليها انت كمان
عشري….لا بس عشان علي الاقل تعرفني و تمنعوها شويه لحد ما ارجع.
عسال…..شوف عايز ايه و انا معاك
عشري….خليك و انا هخلص اي شغل عليك متقلقش
الباب خبط في الوقت ده راح ميدو فتح لقي ايمي و رشيد.
ايمي….بصتلهم و ابتسمت ايه في جريمه ولا الدنيا هاديه
نادين….بضحك شوفت محدش مصدق انك خرجت سليم
عشري….لا كله تمام هي لسه نايمه انا بس قومت قبل ما تصحي عشان تفطر و تاخد علاجها و تهدأ شويه
ايمي….مصحيتش خالص من امبارح
نادين….لا
رشيد….احسن سيبوها نايمه هي محتاجه تفصل انت نازل الوقت
عشري….اه
رشيد….طيب يلا خلينا نمشي ايمي كده كده قاعده شويه و علي فكره اخواتها عرفوا و شويه وتلاقيهم هنا
عشري….بجد كلمتيهم
ايمي….اه اميمه و قمر هيتجننوا و مأمنني اعرفهم و ليله اصلا قالت نقولهم بكره
نادين….طيب عرفتيهم اي حاجه
ايمي….اه فهمتهم كل حاجه عشان محدش يجي يتصدم هبتجننوا عشانها طبعاً بس اتبسطوا ان الدكتوى قال انها بخير
نادين….طيب الحمد لله اهدا بقي يا عشري و متحملش همهم
عشري….خير ان شاء الله
عسال….طيب بقول ايه بما ان ايمي جات و اخوات ليله كمان جايين و اكيد شويه و البنات كمان يجوا يطمنوا عليها خليني انزل معاكم انا كمان اخلص كام مشوار و بعدين نشوف هنعمل ايه بليل
رشيد….طيب يلا بينا
عشري…..ماشي ايمي مش هوصيكي انتي و نادين اوعوا تمشي و النبي متسيبوهاش و لو حسيتوا انها عابزه تمشي اقفلوا الباب و عرفوني لو فين هاجي في دقايق
ايمي….متقلقش مش هتمشي احنا معاها خلاص
عشري…..تمام يلا خلونا نمشي
عسال….حبيبي عايزه حاجه؟
نادين….بابتسامه لا سلامتك
عسال….طيب لو احتاجتي حاجه كلميني اوك
نادين….اوك
رشيد…..ايمي انا غالباً مشاويري قريبه منكم اي حاجه كلميني
ايمي….ماشي يا حبيبي
قرب رشيد باس خد ايمي و قرب عسال باس خد نادين بصلهم عشري بغضب
عشري….يلا يا حنين منك ليه ناس ليها بوس و دلع و ناس ليها بهدله وقلة قيمه
ضحكوا كلهم عليهم و رشيد و عسال فطسوا من الضحك
ايمي….بضحك الصبر حلو يا بلطجي
عشري…..خلص خلاص هقتلها قريب عشان نرتاح كلنا
فضلوا يضحكوا لحد ما نزلوا بالاسانسير قفلت نادين الباب وشالت المفتاح خالص.
نادين….بابتسامه فطرتي يا ايمو
ايمي…اه الحمد لله عايزين بس نصحي ليله و نفطرها و نتطمن عليها
نادين……طيب تعالي نشوفها كده
دخلوا الاتنين بهدوء لقوها قاعده علي السرير ضامه رجليها و سرحانه بحزن و كان باين عليها انها معيطه
ايمي…..صباح الفل
نادين…..اخيراً صحيتي
بصتلهم لياه بهدوء و ابتسمت
ليله…لسسسه صصاحيه
غمضت ايمي عينها بحزن كل ما تسمع صوتها كده تموت
قربت نادين باست راسها و قعدت قدامها
ايمي….ايه يا ست لولي مش هنقوم بقي ناخد شاور نفطر نروق علي حالنا شوبه كده يعني
ليله….اااانتي ااايه اللي جااابك
ايمي…نهارك اسود انتي مش عيزاني يا بت
ليله…لللا ااقصد عشااان ججووزك
ايمي….جوزي عنده شغل يا ستي وصلني و لسه نازل هو و ميدو و عشري
بصتلهم وسكتت
ايمي..اممممم اصل انتي تعبتي و جبنالك الدكتور و ادالك مهدئ و فضلتي نايمه و ميدو فضل معاكم بس مش هو بس
ليله..اااانا عمموماً ممموش هتتتكلم مممعاكم الوووقت عليي الللي بتتتعملوا ممعايا
ايمي….بابتسامه يابت بيحبك
نادين….علي فكره فضل قاعد جنبك لحد الصبح و لسه نازل
ليله….ششكلي غلطططت لمما جيييت عننندك ببجد
نادين…..هزعل منك متقوليش كده اي حاجه بنعملها بنعنلها عشانك و اللي عملناه ده اوامر الدكتور هو قال لازم تتكلمي و مكانش حد هيقدر يطلع منك الكلام غيره
ايمي….يا بت ده انتي مرمطيه قدام الكل و منطقش
ليله….يسسستاهل ووووانا قووولت لووو خاااايف علي ككرامته مييقربش ممني و اييياك يجي هننا تتااني و كككل ما يححححاول هقللل منه لحدد ماا يبببعد عننني و ينساااني خااالص لووو خااايف مممن لساااني ممميقربش
ايمي….يبقي عشم ابليس زي ما انتي عنيده هو اعند منك هيسيبك تعملي اللي انتي عيزاه لحد ما تسلمي
ليله….موووش هسسسلم هو الللي هيسسلم لممما كككرامته توجعه من الللي هعملوووا فيه.
ايمي….طيب سيبك من البلطجي الوقت انا كلمت اخواتك و هما جاين علي فكره عيزاكي كده تقومي تاخدي شاور تظبطي نفسك شويه تداري الهالات اللي دمرت عينك دي عشان محدش فيهم يتخض عليكي انا بصراحه مش حامله غير هم اميمه لا تتعب
ليله…..قووولتلهم حاااجه ططيب
ايمي….اه مهدتلهم الموضوع طبعاً عشان مبتفاجئوش بس عرفتهم ان الدكتور قال ان كل تحالبلك و حاجتك زي الفل و ده موضوت هياخد وقت بسيط
ليله….هههي ففين نعيييمه
نادين….كلمتني من شويه و قالتلي جايه هتاخد شاور و تيجي و سالتني لو عايزه حاجه قولتلها انك نايمه
ليله….طططب كلميييها بببسرعه عششان محتتتاجه ششويه حججات
ايمي….لولي انتي مش هترجعي البيت
نادين….و فرقت ايه هنا من هناك يا ايمي ده بيتها و ده بيتها تقعد في المكان اللي هي عيزاه
ايمي….يا بنتي عارفه انا بتكلم عشان نعيمه انتوا عارفين سعات بتستغبي و خايفه تفكر ان ليله زعلانه منها
ليله….لااا انننا هتتتكلم مممعاها ببس مممعلش يااا نادين انا عااايزه اففضل هنننا شووويه
نادين….انتي يا بت عبيطه ده بيتكم كلكم طبعاً خليكي
ليله….وووجودي هننناك هيسهل المووضوع علي عششري لان فضل قررريبه لكن هنا لا موووش هيقددر يطلع غيررر بوججود عسسال
ايمي….بصي اعملي اللي يريحك المهم بس نفهم نوني عشان تبقي معانا علي الخط كملت بضحك مع ان يعني لما اغم عليكي امبارح البلطجي كان هيطرد نادين و قالها تروح مع نعيمه وهر قالتله مش هسيبها يسكت هو راح طالع في عسال قاله انت هتقعد هي مش مراتك
نادين….بضحك كلهم ضحكوا عليه بس هو كان بيتكلم جد
ليله….بببقولكم ااايه اقفلوووا سيرته بقي يلاا كللمي نعييمه.
نادين….حاضر لحظه
خرجت بسرعه جابت الموبايل و اتصلت عليها
نعيمه…..طيب هي عايزه ايه يعني
نادين….مش عارفه استني خليكي معايا لولي انتي عايزه ايه من البيت
ليله……قولللها تجيبلي كااام غيييار للبيت و كاااام طقممم تجيييبلي الحاااجه اللي بسستخدمها عموووما
نادين….سمعتي يا نوني
نعيمه…..انتي فاتحه الاسبيكر
نادين….لا يا قلبي
نعيمه….نودي فهميني قالت ايه انا مش فاهمه
نادين….امممم سكتت ثواني عشان ليله متفهمش و تتوجع اكتر علي نفسها طيب تمام بصي روحي كده علي الدولاب يلا وانا معاكي و هفكرك تاني عشان متنسيش حاجه الاول حطلها كام غيار للبيت ابتسمت لليله و طبطبت علي كفها بس بقولك ايه عيزاكي تدلعيها كده و كمان حطلها كام طقم خروج
نعيمه….بابتسامه بقولك ايه قوليلها عيزاهم مسخره فرصه تطلع عين عشري
نادين…..بضحك بس يا جزمه مش ناقصه تسخين
ليله….بتتتقولك ايييه
نادين…بضحك بتسألك تجيبهملك مسخره عشان تبقب فرصه يعني تضايقي عشري
ابتسمت ليله غصب عنها
ليله…..بضحكه تعب قووووليلها تتربيتي
نادين….الحقي يا نعيمه بتقولك تربيتي
نعيمه….بضحك بس كده هروق عليكي يا موزتي خليهم يتربوا جنس وسخ
نادين….بضحك يابت انتي مش لاقيه حد تنكشي فيه
نعيمه….لا بصي انا هاديه و محترمه وده ضد طبيعتي سبيني
نادين….طيب حاضر هسيبك ربنا يهديكي
نعيمه….اجيبلها برفيوم
نادين….عندي برفيوم كتير بلاش لا
وفي حجات هي بتحبها
نعيمه….طيب ميك اب؟
نادين…..عندي بردوا لولي بلاش ميك اب ماشي
ليله…اااالاا خخليها تتتجيب حاااجتي
نادين….نوني انا هفتح الاسبيكر و قولي بقي اللي عندك هاتيلها حاجتها متنسيش بقي حاجه في رجلها كمان
نعيمه…..قولياها يومك اسود انتي معزله ولا ايه
ايمي…لا مش معزله هترجع يا جزمه بس لما تيجي هنفهمك
نعيمه….انتي جيتي يا ايمي
ايمي….اه يلا اخلصي متتأخريش
نعبمه….طيب انا هخلص و لو عايزين حاجه تاني قدامكم عشر دقايق
نادين…..اوك يلا باي.
ايمي….قومي بقي يلا افطري لحد ما تيجي نوني و بعدين تاخدي شاور و عايزه اشوف فين سلمي عشان المحلول تركبه قبل ما اخواتها يوصلوا
نادين….خلصت خلاص ااااا عشري ركبلها اخر واحد في الكانولا اللي حطتها سلمي
ايمي….بابتسامه اممممم طيب فيه الخير
ليله….غغغغوري من قدددامي انننتي وهي
نادين….بضحك وانا مالي طيب يلا قومي افطري في علاج غير المحاليل
قوموها بهدوء و خرجت بره جهزتلها بسرعه الفطار و فضلت ايمي جنبها تأكلها وكل ما تقول مش قادره تاكلها بالعافيه لحد ما قالت كفايه و شبعت فعلاً.
الباب خبط راحت ايمي فتحت لقت ايه و سلمي و معاهم احمد
ايمي…اهلاااااا تعالوا
سلمي….ايمي بابا جاي يطمن علي ليله
ايمي….طبعاً ادخلي يا حمودي
احمد….طيب عرفي البنات
ايمي….تعالي هما قاعدين نودي ليله حمودي جاي مع سلمي و ايه
نادين….بابتسامه يا خبر واقف ليه كده اتفضل يا انكل احمد
احمد….عامله ايه يا نودي
نادين…الحمد لله بخير
قامت ليله وقفت بهدوء و ابتسمت
احمد….بضحكه جميله طيب ماهي زي الفل اهي و مش تعبانه العيال دي كانت بتشتغلني ولا ايه يا ست ليله عشان يخرجوا مع حسان و سلامه
ضحكت لياه بهدوء.
ايمي….ايوه انا شاهده بيضحكوا عليك يا حمودي ادي اخرة الثقه الزايده.
احمد…..قرب من ليله وخدها في حضنه حمد الله علي سلامتك ياليله و حشتينا و خوفتينا عليكي
ليله….اااالله يسسسلمك يااا حمممودي
بصلها بتأثر وابتسم سلامتك يا حبيبه قلبي الف سلامه عليكي ايه يابت مالك ياما دقت علي الراس طبول مش فاكره حكيتلك انا حجات قد ايه زمان
ليله….بابتسامه لالا فففاكره ططبعاً
نادين…..حمودي تشرب ايه و متقولش مش قادر
احمد….مش هقول مش قادر بس ولا اي حاجه والله انا جاي اطمن علي ليله و امشي انا فطران وشارب قهوتي و الدنيا زي الفل جيت بس اشوفها كانت وحشاني بنت الايه و بعدين اسمعي بقي انا راجل مش بيحب النكد و الاتنين دول عليهم بوز اعوز بالله متكرريهاش تاني بقي عشان كانوا عاملين زي اللي أبوهم زعل امهم و سابت البيت و مشيت
ضحكوا كلهم و ضحكت ليله بهدوء
ليله….كككنت انت بببقي خخلصت ككل ده بككفين علي وووشهم
ضحكوا تاني و ضحك احمد
احمد…ماهو المشكله اني مقدرش
سلمي….بقت كده يا ست ليله بتحرضيه علينا
نادين….حمودي تشرب ايه
احمد….بأبتسامه الله بردو
ايه….قولها تشرب ايه و خلصنا هي نفسها تحس انها ست بيت
نادين….بضحك بس يا رخمه
احمد….طبعاً ست بيت و زي القمر كمان طب بصي خلينا في شاي بس اصغر كوبايه عندك
خبطت نعيمه او بمعني اصح هبدت علي الباب خضت احمد
احمد….بسمممم الله
ايمي….دي اكيد البقره نعيمه
ايه….راحت فتحت وضحكت ايمي بتقول عليكي بقره
نعيمه…..ماهي لو شايله اللي انا شيلاه مش هتنطق حموووودي
احمد….خدي بالك انتي خضتيني
نعيمه….بضحك حقك عليا معرفش انك هنا
ايمي…..بت هو ايه لو شايله اللي انا شيلاه انتي طالعه في الاسانسير نادين بجد هو ليه اللي بيجي عندك بيهنج و يتعب
نادين…بضحك والله ما اعرف
نعيمه…..لسلمي اتحركي هتيلي مايه
سلمي…انا دكتوره
نعيمه…بهمس وانا جنبي شبشب خليني محترمه الراجل
سلمي….بضحك خلاص يا ساتر.
ليله كانت مبتسمه و بصالهم بس مش معاهم
قام احمد وقف و بصلهم.
احمد….بقول ايه انتوا عيال مزعجه و انا جاي أفضفض شويه مع ليله و احكيلها همي مدلها ايده بضحكه جمبله قومي معايا خلينا نبعد عنهم
ابتسمت ليله و مسكت ايده و قامت معاه كانت عارفه انه حابب يتكلم معاها و انه بيهزر .
راحوا قعدوا في اخر ركن في الرسيبشن جنب البلكونه.
قبل ما يقعد لف ضهره لقي نادين.
احمد….وبعدين بقي مش هعرف اخلص منكم
نادين…..بضحك في ايه يا حمودي بجيبلك الشاي
احمد….بابتسامه طب خلاص ياستي سماح المرادي.
حطت نادين الشاي و بعدت وراحوا البنات قعدوا مع بعض..
احمد…..بهدوء ابتسم طمنيني عليكي يا حبيبتي
ليله…..بتنهيده طويله عععايشه
احمد…طب الحمد لله ربنا يطول في عمرك و يخليكي لينا بس انا عايز اطمن علي اللي جوه ليله
ليله…..بصتلوا شويه و بعدين هزت كتفها مممموش عارفه حاااسه انني مخبووطه ععلي راااسي حااااسه انني سسامعه وووش
احمد….و ايه كمان؟
ليله…اممما ماتت امممي بعدد الصددمه اللي خددتها من مووتها في حضضني و ببعد الزززحمه اللي حصصلت ففي بيتنا و ببعد الغغسل و الصلاااه عععليها طووول الوووقت دده ككنت بببعيط ببصرخ موووجوعه ممموش مممصدقه بس بعد ممما صليننا ععليها ووخدنااها عششان تتدفن ففي الللحظه ددي ككان عندي ففقداان ذذاكره مؤؤقت
ككنت مماشيه ممع اخواتي ووانا تاايهه ششايفه ززحمه و ناااس بتتتقول كلاام كتتتير ششدي حييلك الله يرررحمها البققاء لله بببس ممووش فاااكره ففي اللحظه دي الوشووش و لاااا ميين اللي قااال ككنت شااايفه ككل حاجه سسايحه علي ببعضها الاصووات كلها شبه ببعض ففي جوووايا وووش ووتوهان اامميمه اختي ككانت مسسكاني من اايدي ززي العييله الصغغيره ههي اللي بتمششيني ..
ككنت فاااكره ااني مموش هججرب الشعوور ده تتاني بس انا بععيشه لتاااني ممره بششكل أبششع.
احمد….ليه عامله كده في نفسك يا ليله؟ ليه مصعباها علي نفسك و جايه عليكي بزياده.
ليله….تتقصد الززعل ييعني؟
احمد….اه يا ليله و اللي وصلك للزعل انا هنا مقصدش عشري انا اقصد الموقف اللي بينك وبينه ليه محصلش زعل بسيط عتاب ابسط ليه مدتيش فرصه كافيه للشرح ليه مصعبه الموضوع بالشكل ده شوفي يا ليله انا مش لسه بتعرف عليكي الوقت انا عارفك كويس انتي و البنات و عارفكم اكتر من سلمي و ايه لان طول الوقت سيرتهم عنكم فا انا عارف ان الكدب عندك و الخيانه خط احمر بس كمان لازم منصعبش الدنيا بالشكل ده
ليله…..اننت اللي بتتقول ككده هيي الصصراحه و الووضوح بقوا مباالغ فيهم مططلوب ممني اساممح في الغغلط او كده ابقي انا بأڤووور هوو ببجد انا غلطط يعنني في الززمن ده الصحح ببقي غلط و الغلطط بقي صح
احمد….طبعاً لا انتي صح و بحترم فيكي المبدأ ده و عمر الصح ما هيبقي غلط بس يا ليله اللي حابب افهمهولك انك عايشه في مجتمع مش كامل مش مثالي كلنا بنغلط و كلنا عندنا اخطاء
ليله….وانننا كمان مموش مثاااليه و عندددي مصصايب مش بس اخطااء
بس اننا لمما احبك و اكوون واضحه معاااك من البدايه واقوولك اككتر صفاتت بكررها و ممكن تخخليني اخسررك و تعملللها يبقي حققي
ااانت عااارف ايه الللي واجعنني اووي و مووش قادرره استوعببه لحد الوووقت
احمد….ايه يا ليله؟
ليله….انني لما قوولت الصصفات اللي بكرررها ككان هو وقتتتها بيعمملها مفكككرش وقتها يتتكلم لا ده كممل في كدبه ياااريته كاان عرف اني بككره الصفااات دي و ممع الوقت غغغلط ككنت سامحت انمما تتكمل ففي الغلطط و انااا بقوولك الللي ممكن يكسررني ازززاي
احمد….بس اللي فهمتوا انه بيحبك و اللي شوفته بعيني انه بيحبك جايز يا ستي غلط بس ده ميمنعش انه بيحبك و مكنش قاصد و جعك جايز لما كنتي بتقولي الصفات دي بقي يفكر طب ازاي هقولها الوقت خاف يخسرك
ليله…ايه ففايدة الحبب وانت بتتوجعني ددده مش حبب
احمد….لو الوجع مقصود هقولك ماشي انتي صح بس لو مش مقصود يبقي لازم ندي فرص التخلي يا ليله شعور وحش اوي اني اتخلي بسهوله عن شخص بحبه وبيحبني لمجرد انه غلط ده كمان مش حب.
ليله….و ميين قالك ان ده سسهل عليا اددديك ششايفني قدامك بقييت عاامله ازززاي التخلي شعوور ووحش ببس الأبششع منه اني اكمممل مع ششخص كدددب خاان قبل الاهااانه وجعنني
احمد….بصي ياليله الجرح لما بيبقي لسه في الاول بيتعب انتي الوقت جواكي نار و غضب بس صدقيني الغضب ده لما بيهدأ بيبقي عندك عين ثالثه بيسموها الادراك انتي محتاجه تهدي تفصلي و بعدين تبدأي تفكري صدقيني يا ليله في حجات كتير اوي في حياتنا بتحتاج فرص و في حجات من بدايتها بتبقي عامله زي جرس الانذار مينفعش نفضل فيها ثانيه حطي الحلو بتاع عشري في كفه كله من اول لحظه عرفتيه فيها و حطي الوحش في كفه تانيه بردوا من اول لحظه عرفتيه فيها و شوفي كده انهي كفه هتطب حتي لو الحلو اترفع حاجه بسيطه لا تذكر اتأكدي ان لازم يكون في فرصه.
بصتلوا ليله و سكتت
ابتسم احمد و قام وقف بهدوء و طبطب علي راسها
احمد… انا واثق انك مش هتاخدي غير القرار الصح يلا انا هسيبك بقي مع البنات
هزت ليله راسها بهدوء و ابتسمت
راحوا علي البنات و قف هزر معاهم شويه و بعدين سابهم و نزل
ايه….قربت منها باستها من خدها وحشتيني اوي
ضمتها ليله بهدوء
نعيمه….ليله انا حطتلك حاجتك في الاوضه
ليله…ممماشي يا نونني
سلمي…..روحي يلا خدي شاور
ايمي….بابتسامه غمزتلها بقول ايه اجي معاكي
ليله….بضحكه هاديه لااا شكراً خلييكي
ايمي….مش هبص اسمعي مني انتي مش عارفه مصلحتك
نادين…..بضحك لا يا لولي البت دي مش متربيه هاجي انا
ليله….لااا انننتي ولا ههي ووسعوا ككده.
نادين…طب استني احنا حطينا حاجتك في الاوضه التانيه عشان اللي كنتي فيها دي مفيهاش تويلت اوك
ليله…مماشي
دخلت ليله و دخلت معاها نادين طلعتلها الهدوم من الشنطه و اختارت معاها تلبس ايه و ظبطتلها الحاجه و دخلت ايه كمان ظبطت مع نادين و بعدين دخلت هي تاخد شاور و سابوها وخرجوا.
ايمي….انا بحاول اضحك واهزر و احسسها ان الموضوع بسيط بس لما بسمعها بتتكلم بموت بجد
سلمي….انا كمان و الله يا ايمي كنت لسه بقول لبابا و ايه لولا اننا لازم نبقي جنبها في الوقت ده مكنتش شوفتها خالص الفتره دي لاني بجد مش قادره اشوفها كده
نعيمه….خدي هنا صحيح يا نودي هي مخدتش بالها اني مفهمتهاش صح
نادين….لا عشان كده انا كملت كلام عادي عشان متضايقش اكتر
ايه….بلاش حد يحسسها انه مش فاهم وحتي لو في كلمه وقعت منكم محدش يبين ده هي هتبقي حساسه جداً الفتره دي
ايمي….بس انا من رأيي نروح لدكتور افضل بدل ما الحاله دي تطول معاها
نادين….و انا كمان علي الاقل يقولنا نعمل ايه اكيد في حل علي فكره بعيداً عن كل اللي واجعها ده فكره ان لسانها تقيل وكلامها مش واضح كده اكيد تبعاها اكتر
نعيمه….اكيد طبعاً بس نرجع و نقول الحمد لله انها جات علي قد كده و ان محصلهاش حاجه و هي لوحدها
الجميع…الحمد لله.
الوقت كان بيمر الساعه كانت اربعه ونص ليله كانت خلصت شاور لبست بنطلون چينز مقطع لحد رجلها من فوق و لبس تيشرت بكم لونه ابيض ماسك علي جسمهاو في فتحات علي الدراعات كلها و ليه رقبه و من عند الصدر في فتحه علي شكل قلب صغير و كان فوق الكمر بتاع البنطلون يعني اي حركه اي رفعة ايد بطنها و ظهرها بيبانوا
لبست حزام و لبست كوتش ابيض في ازرق كانت عارفه ان عشري مش هيسيبها و هيرجع و كانت مقرره تطلع عينه و اول حاجه تعملها لبسها اللي كان بيضايقه كانت مستنياه يعترض عشان كل ما يقول كلمه تعرفوا انه مبقاش ليه صفه يتحكم في حياتها
ظبطت شعرها و عملت ميك اب هااااادي خالص يادوب دارت ملامحها شويه من التعب عشان لما اخواتها يوصلوا يبقي كفايه عليهم صدمه كلامها.
حطت برفيوم عشري بيحبه و خرجت بره البنات فضلوا يعاكسوا فيها و يرفعوا شويه من روحها المعنويه و كانوا مبسوطين انها رجعت ولو جزء بسيط من ليله اللي يعرفوها لكن بما انهم عارفينها فكانوا عارفين ان هي عايزه تضايق عشري.
وصل اخواتها قمر و اميمه و معاهم ولادهم في الاول كان في عياط و حزن و لما سمعوا صوتها صدمتهم كانت اكبر شويه و وصل وليد علي سبعه و هو كمان اتصدم و حزن عليها بجد.
و بعد محاولات من ايمي و البنات مع اخواتها هدوهم و طلبوا منهم يتعاملوا عادي قدامها عشان متضايقش فكوا شويه و هزار البنات خفف التوتر و بدأت اميمه تهدأ وحمدت ربنا انها جات علي قد كده
علي الساعه ثمانيه جالهم سامح و احمد كمان بعد ما خلصوا شغلهم عشان يتطمنوا عليها و علي قد ما القاعده دي فرقت معاها و غيرت مودها شويه علي قد ما بدأت تتوتر و تتتعب من كلام وليد و بدأت تكتم في نفسها و تضغط علي نفسها تاني
القاعده بدأت تتحول شويه شويه من اطمئنان عليها وحزن علي حالاتها لحب واضح من اخواتها و خاصتا البنات اللي كل شويه يحضنوها ويبوسوها.
و بعد كده بدأت تبقي عباره عن عتاب بسيط من اخواتها و عبارات كتير زي كده تعملي فيا كده يا ليله كده تخوفيني طب ليه مكلمتنيش طب ليه مجتيش عندي .
و معاتبه بسيطه من احمد جوز اميمه باعتباره اخ كبير ليهم كلهم و قريب من ليله بيحبها جداً و هي كمان بتحبه و بتحترمه.
و بدأ العتاب يتحول من وليد للوم ليه سافرتي لوحدك؟ ليه متصلتيش تطمنينا حتي؟ ليه ليه ليه؟
و هي كل ده تمام و بتحاول تطمنهم و تهديهم و تضحك و تبتسم و تحسسهم انها بخير ..
نعيمه كانت في اوضه من الاوض هي و ايه و سلمي قاعدين جوه مع بعض و سايبين اخواتها بيتكلموا براحتهم معاها الباب كان مفتوح عادي و معاهم ولاد قمر الصغيرين
نادين رايحه جايه شويه تدخل معاهم الاوضه و شويه تروح بره تشوف لو محتاجين حاجه شوبه ترد علي حنان كانت بتطمن علي ليله شوبه ميدو يكلمها..
ايمي كمان شويه قاعده مع اخوات ليله و تتكلم بهدوؤ و همس مع اميمه عشان تهديها شويه بتتكلم في الموبايل و تخلص شغل في المطعم او تشوف رشيد فين.
الوضع كان ماشي هادي خالص من ناحبه ليله لحد ما بدأ وليد ياخد معاها منعطف تاني خالص و بعد الاطمئنان و العتبا البسيط و اللوم دخل في المناقشه في رد فعلها من ناحية الكدب و الخيانه و مشكلتها مع عشري كل ده كان عادي جداً و كانت في البدايه بتحاول تقفل الموضوع و تعرف الكل ان خلاص كل حاجه خلصت و مش عايزه حد يفتح الموضوع تاني الكلام كان رايح جاي من الكل وليد و احمد و سامح اخواتها بيحاولوا يهدوها يقنعوها يبرروا موقف عشري كانت ساكته شويه تغمض عينها شويه تعض علي شفايفها بغضب و توتر تقبض علي كفها عشان تداري رعشتها تهز رجلها.
و السبب في الغضب ده ان وليد حول المناقشه لدفاع عن عشري و هجوم عليها وعلي رد فعلها وانها لازم تسامح و ان هو عمل وبيعمل اللي عليه و انه اعتذر و عايزه ايه تاني و الحقيقه ان ليله في التوقيت ده بالذات زي اي ست في الدنيا في عز وجعها بتحتاج بس حد يطبطب و يهدي حد ميضغطش عليها و يقلل من وجعها او رد فعلها خصوصاً لو رد الفعل ده جايز اوي ميبقاش هو السبب في الحاله دي و اللي جواها اصلاً كان تراكمات و ضغوطات كتير و وليد مكانس ملاحظ ان ليله بتحاول تتمالك اعصابها و تبقي هاديه مكانش ملاحظ ان طريقته مش وقتها و جايز لو ضغط اكتر علي زرار اللغم اللي جواها هو اول واحد هينفجر فيه…
وليد…..بصي يا ليله من غير زعل انتي مكبره الموضوع اوي.
بصتلوا ليله بصدمه و سكتت
وليد….متبصليش كده انا عشان بحبك بقولك الصح انا اخوكي يا ليله و بتمنالك كل حاجه حلوه عشري غلط و اعترف بغلطه بس كمان غلطته متقلبش الدنيا يعني هو اصلاً كان خاطب من قبلك و كل اللي عملوا ده عشان حبك يعني ساب خطيبته و بوظ علاقته و قرر يختارك انتي فين الغلط المفروض اللي يزعل خطيبته مش انتي.
ايمي…..بصت لوليد و برقتلوا ده لو كان اصلاً يا وليد في علاقه بينه وبين خطيبته او حب ما انت عرفت اللي فيها يعني مريم دي مش من حقها تزعل هي اصلا سبب المصايب دي كلها .
وليد….ماشي مختلفناش اديكي بتقولي هي سبب المصايب هو ماله بقي الراجل كدب كدبه بسيطه عشان خاف يخسرك يعني دي في حد ذاتها كبيره كدبه بسيطه قصاد انه يحافظ عليكي.
احمد…..هو بيحبك يا ليله بجد ندمان و زعلان و كان هيتجنن عليكي اه الكدب مش حاجه حلوه بس كمان لازم نسامح يا ليله و نقدم فرصه من حقك تاخدي قرار نهائي في علاقتكم زي ما تحبي لو الغلط بيتكرر او لو طبعه الكدب بس لو غلطه و كان شايف ان كدبته دي فيها محافظه عليكي يبقي معلش نعدي و بعدين انتي عرفتي هو كان معاها ليه اصلاً ربنا يستر علي ولايانا وبصراحه هو طلع راجل
سامح….صح يا ليله يعني مش حب فيها هو لو بيحبها كان كمل معاها
وليد….بالظظظظبط و بعدين المفروض كان هيتجوز بعد كام اسبوع ظهورك في حياته اللي شقلب الدنيا عنده و دي حاجه كبيره مش سهله لو محبكيش مش هيعمل كده
ليله….ااانت ببجد ممقتنع باللي بتقوولوا اننا اللي ششقلبت حيااتته
وليد….وليه لا يا ليله الراجل بيحبك و شاريكي مستعد يعمل عشانك اي حاجه عايزه ايه تاني لحد امته يا ليله هتفضلي كده تبوظي حياتك بأيدك عشان مش عايزه تتنازلي عن اي حاجه مفيش كرامه في الحب يا ليله و ده لو اعتبرنا كمان انه جرح كرامتك لازم تتنازلي لازم تعدي مش لازم تتمسكي برأيك مش ديماً انتي اللي صح كلنا بنغلط انا بغلط انتي بتغلطي مفيش حد قاعد الوقت مش بيغلط بس اللي بيحب حد بيعديلوا بيسامح بيمشي المركب
ليله….ااانت تتعمل كده يا ووليد وغيررك لو حاابب هوو حر لكنن انننا ممووش بمشيي الممركب اننا بغغغرقها لووو مشي الممركب هييجي علي كررامتي تتغرق بيا و ببالكل عاااارف ليييه لاني محلتتيش غيرها كرااامتي هي الللي أملللكها
وليد….و فين كرامتك اللي جه عليها الراجل سايب شغله و حاله و بيته و قاعد في الشارع ثلاث ايام يدور عليكي من كتر ما صعب علينا حاله بقينا احنا اللي نكلموا و نقولوا ارجع و روح و ارتاح قلب علييكي الدنيا
وحتي لما اقتنع وروح ده كان عشان يسكتنا شويه و يخلص من زننا ما تقولي حاجه يا اميمه كنتي هتتجنني عليها بس بذمتك عشري مصعبش عليكي ؟
اميمه….كان مرعوب عليكي يا ليله فعلاً انا حاسه بيكي والله العظيم بس عشان بحبك و عارفه انتي حبيتي عشري قد ايه بقولك اديلوا فرصه.
قمر….بصي يا ليله اقعدي معاه و بهدوء اتفاهموا بما ان الحاجه الوحيده اللي كان مخبيها عنك اتكشفت خلاص اقعدي تاني و حطي شروط انها تبقي اول واخر كدبه اتأكدي منه ان مفيش حاجه تاني مخبيها لو تمام خلاص نبدأ صفحه جديده و كل واحد يلتزم بالحاجه اللي التاني مش بيحبها و ننسي اللي فات
سامح….قمر معاها حق يا ليله لازم تقعدي و تتفاهمي و خدي بالك رد فعلك القوي ده هيجبر عشري انه يخاف يزعلك تاني مع اني شايف ان مش من طبعه اصلاً الكدب و اللي حصل ده كان غصب عنه
ايمي….لولي قمر و سامح بيتكلموا صح عشري مستحيل يفكر يزعلك تاني بعد رد فعلك و زي ما قمر قالت الكدبه دي خلاص اتعرفت مع اني مش حابه اسميها كدبه اوي يعني لان من وجهة نظري مفيش حد فينا مش بيضطر يكدب يا ليله و بيتهيألي انتي والبنات عارفين كويس اني كدبت عليكم في حاجه وانتي زعلتي شويه و سامحتيني بسرعه
فهمت ليله انها بتتكلم عن موضوع تجميد البويضات
ليله…لللا يا ايمممي في ففرق كبيير انتي خببيتي حااجه خااصه بيكي مأذتنيش شخصياً زعللي مننك كاان خووف ععليكي زععلت عششان ككان لااازم اببقي جنبك لكن ععشري ككدب كااان معاايا ومعع غيري في الووقت اللي كننت بقولوا انني بكرهه الكدب و الخخيانه كااان هو بيعمملهم و مكممل من ورررايا هوو أذاااني نفسياً و جسدياً كدددب وأدددي فرصه لخخطيبته تدووور ورايا و تيييجي تووجعنني وتكسررني
وليد….طب وهو ايه ذنبه هي عملت كده عشان توقعكم في بعض عشان تبعدك عنه و يرجعلها تاني اكيد يعني مكانش يعرف ان هي هتعمل كده و بعدين ماهو راح جاب حقك عايزه ايه تاني ..
في اللحظه دي وصل عشري و معاه رشيد و عسال كانت الساعه داخله علي عشره…
فتحت نادين الباب و دخلوا علي صوت عالي من وليد.
رشيد….بابتسامه سلام عليكم جميعاً
وقفوا الرجاله وسلموا علي بعض
عشري…بهمس في ايه يا نادين
نادين….وليد بيشد مع ليله
عشري….مش طايقني طبعاً صح ؟
نادين…بالعكس ده واخد صفك و ليله علي اخرها و هو بصراحه كالعاده ضاغط عليها.
قرب عشري سلم عليه هو واحمد و سامح و علي اخواتها من بعيد و بعد سلامات كتير بصلها عشري بهدوء لمحته بنظره كلها غضب فا قعد بهدوء و سكت بص علي لبسها بس مكانس عنده الجرأه انه يعلق لانه عارف انها بتستفزه و كملت استفزاها ليه اكتر اول ما قعد و ولعت سيجاره قدامه و بصتلوا بغضب و بصت لوليد بغضب و مكانتش طايقه حد في الوقت ده.
استمر بين الرجاله كلام رايح جاي ايه الاخبار ايه الدنيا
سامح….اخبارك يا عريس
رشيد….بخير الحمد لله
سلامات و ابتسامات و ليله غضبها كان زايد من وليد و نظراتها ليه هو وعشري هتولع فيهم قطع حديثهم ده وبصت لوليد بنظره حاده.
ليله…..خدت نفس من السيجاره هااا يا وليييد يلاااا كككمل سسكت ليه يلاااا اهووو جااالك اللي بتتدافع عننه.
احمد….ليله خلاص اهدوا وقفلوا الموضوع و حصل خير
اميمه….بعدين يا ليله.
وليد…..واسكت ليه يا احمد انا مش بتكلم غلط و هي عارفه اني مش بتكلم غلط
ليله….ااانت كككلك علي بببعضك غغلط يا ووليد.
بصلها وليد بغضب
احمد…..ليله خلاص عشان خاطري انا.
اميمه….ايمي بقولك ايه تعالي ندخل جوه للبنات يلا يا ليله.
ليله….لاااا
وليد…..غلط عشان مش واقف في صفك صح؟ ولا غلط عشان بواجهك باللي انتي مش عايزه تواجههي بيه نفسك ؟قوليلي يا ليله انتي عايزه ايه بالظبط عشان انا مش فاهمك؟
ليله…..انننت عممرك ماا هتففهم انااا ععايزه ايه ياااوليد عششان عممرك ما جرربت تتقف ممعايا ككل مووقف يحصصل لااازم تششوفني غللطانه
وليد….عشان انتي بتبقي غلطانه يا ليله و عشان الواحد لو موقفش معاكي في الغلط يبقي كده وحش
و مش بيحس بيكي و عشان اللي بيقولك انك غلط بتعاديه و ديماً انتي علي خلاف معايا مش عشان
انا وحش يا ليله لا عشان انا بقف قدامك و بقولك انك غلط تقدري تقوليلي اشمعني قمر و اميمه مش بيشوفوني زي ما انتي بتشوفيني؟
عشري….وليد بعيداً عن دفاعك عني بس هي معاها حق اه انا غلطان وانا السبب في تعبها ده ليله معاها حق وانا معترف
بصتلوا ليله و حست ان قلبها فرح شويه و اخيراً حد واقف جنبها بس نظرة غضبها كانت مسيطره عليها
وليد…..عايزه ايه تاني بعد كلامه ده عرفتي اني معايا حق.
ايمي….بهمس لولي تعالي ندخل جوه شويه
اميمه….وليد مش وقته اختك تعبانه
قمر…..احنا جايين نطمن عليها يا وليد كفايه بقي مش وقته
وليد…..لا وقته استني يا اميمه انتي وقمر ماهو دلعك فيها يا اميمه و طبطبتك عليها اللي خلوها تشوف نفسها كده ردي يا ليله ليه محدش فيهم شايف اني وحش معاه ليه ولا مره حصلت بيني و بينهم اي مشكله ليه محدش فيهم بيشتكي من اللي انتي بتشتكي منه؟
