لقاء كـ،ـ،ـارثي
عسال…..بضحك اكيد مش هندخلهم فطار يا عمري بس كمان يعني مش عارف بصراحه هو انتي متخيله ان لو ليله صحيت هترضي تفطر معاه اصلا و بعدين انا وانتي قاعدبن من الصبح نتوقع مين هيخرج قاتل مين الاول
نادين….بضحك ايوه بس لولي لازم تفطر عشان تاخد الدواء
عسال….طب اسمعي احنا نقوم نحضر الفطار و نجهزه يمكن يصحوا و نشوف بقي رأيهم في قصه الفطار دي
نادين…..بابتيامه طيب ربنا يستر بقولك ايه انت بس خلي عينك علي التربيزه و علي رفع المجات بتاعي اي حاجه تبوظ في الشقه فداهم
عسال….بابتسامه سيبك من كل ده انتي اهم لو حسينا ان في حجات هتبدأ تطير هاخدك من ايدك ادخلك اوضتك واقفلي عليكي انا مش مستغني عنك وانا هحاول احجز بينهم و انا وحظي بقي يلا قومي خلينا نحضر الفطار
نادين….امممم طب انا ليا مزاج انا اللي افطرك انهارده بما انك اول يوم تبات فيه معايا
عسال…امممم دلع وكده يعني ماشي موافق طيب اساعدك حتي
نادين…..لا انت هتدخل ظبط نفسك كده في التويلت جوه قبل ما يصحوا و علي فكره لو حابب تاخد شاور انا عارفه انك بتحب تاخد شاور الصبح
عسال…..ابتسم و بصلها هووو ينفع يعني
نادين….بنظره حب طبعاً ينفع
عسال….طيب ادام كده بقي اديني كام دقيقه هنزل اجيب غيار من العربيه واطلع
مسكته نادين بسرعه من دراعه و هي رافعه حاجبها بغيره
نادين….استني هنا و الغيار بيعمل ايه معاك في العربيه ان شاء الله
عسال….بضحكه جميله ايه ده اوببببببا ده في غيره و كده
نادين…انا مش بهزر بجد معاك غيار في العربيه
عسال….اه عشان لما بروح لمراتي التانيه
بصتلوا نادين بغضب
عسال….بضحك باسها من خدها بهزر والله يا قلبي انا بحطه احتياطي لان في ايام بيبقي عندي شغل كتير من المعرض ده للمعرض ده للكافيه لمقابله عمال و مهندسين لمشاوير ليها علاقه بالبنك فا بتسحل ما بصدق اروح الكافيه اخد شاور
نادين…..ده بجد
عسال…..عبيطه انتي ولا ايه طبعاً بجد
نادين…. ماشي
عسال…..ايه مفيش ثقه عيب
نادين….بابتسامه لا في بس بسأل
عسال….اه صح بتسألي بأماره عينك اللي كلها شرار دي
نادين…طيب بقولك ايه
عسال…..قولي
نادين…اااا يعني الغيار اللي هتقلعوا سيبوا عندي لو عايز يعني
عسال…..بابتسامه تجنن لو عايز ده انا هموت واحط هدومي مع هدومك
نادين….بضحكه تجنن طب يلا انزل بسرعه يا قليل الادب
عسال…ماشي يا ستي هطير احسن يصحوا عابز احضر الحرب من اولها
نادين…اه والنبي بسرعه بدل ما تلاقيني جريت و نزلت وراك و سيبتهم يخلصوا علي بعض براحتهم
عسال….بضحك متقلقيش يلا راجع بسرعه.
نزل عسال بسرعه و راح علي عربيته يجيب الغيار من الشنطه وراء و هي وقفت مبسوطه تفكر تعمل فطار ايه طلعت حجات كتير و بدأت تظبط الدنيا
ثواني و لقت الباب بيتفتح ودخل ميدو ابتسمت بسعاده حست احساس انهم اتجوزوا بجد هي واقفه في المطبخ وهو بيفتح و يدخل عادي .
عسال….بابتسامه كله تحت السيطره
نادين….اه لسه هاديين يلا روح بسرعه
عسال…..طب ادخل فين
نادين…في التويلت اللي في اوضتي اكيد
عسال…..ماشي
نادين….استننننني لحظه
خرجت جري من المبطخ و راحت علي الاوضه و هو وراها طلعتلوا فوطه نضيفه و ادتهاله
ابتسم عسال و باس كفها
نادين….اااااا ممكن لحظه بس
عسال….تمام
دخلت بسرعه علي التويلت قفلت وراها بقت تشيل حجات خاصه بيها وتخبيها وهو ضحك وفهم ان اكيد بتخبي حاجتها الشخصيه ثواني وخرجت بابتسامه عبيطه
نادين….تقدر تدخل الوقت
عسال….بابتسامه غمزلها خبيتي مني ايه هاااا
ابتسمت نادين و ضربتوا في كتفه و خرجت
فضل يضحك عليها و بعدين دخل الحمام ياخد شاور
